عمليات ضبط المغذى (الكربوراتير )

[samirayad]

هو اني بعد ماعملت اكس وباب لاحظت ان فتحه الشكمان من ورا مهببة اسود

زى ماحضرتك شفت الشرح كده ....وضع الباب عليه عامل كبير فى بنزين السلانسيه ....فلو باب الكربوراتير كان مش مظبوط وموارب زياده عن الازم .....حيعمل أيه ....طبعا حيخللى الهواء اللى داخل من الزور كتير وقت السلانسيه .....وبالتالى سحب بنزين زياده من غرفة العوامه ....مما يعنى خليط غنى وقت السلانسيه فقط.....وده يعمل الهباب اللى فى الشكمان ....بس بعد كده كله حينظبط مع شغلك على الأكسراتير ....لأن مواربة الباب بتاعة السلانسيه حتكون خلاص طلعت بره الموضوع ...............

- يبقى المشكله فى أيه ....فى الشغل اللى أتعمل ........

- وحقولك على فكره بسيطه ....حاول تلين أنت الباب من عند البكره ....وحط شوية زيت بمزيته من عند الأطراف (نهاية الأكس من داخل الكربوراتير ) أحتمال ده يديك وضع أفضل ...........

[mohamed777]

طيب الجهاز ده زى الجهاز اللي فى الفحص البيئى اللي موجود فى المرور ولا لأ؟؟؟؟؟؟؟؟؟

ده لو هو وانا بجدد الرخصة هشوف اية اخبار الموتور

[samirayad]

طيب الجهاز ده زى الجهاز اللي فى الفحص البيئى اللي موجود فى المرور ولا لأ؟؟؟؟؟؟؟؟؟

أعتقد بتاع الفحص البيئى ده حاجه تانيه ....لأن فى المحركات الحديثه بيتم أدخال نظام علب البيئه catalytic converter .....بعد مشترك الشكمان بهدف التخلص من نواتج الحريق السامه والضاره ( زى الهيروكربونات - أول أكسيد الكربون - أكاسيد النيتروجين ) .....بيتم تحويل المركبات دى فى العلبه نفسها بمساعدة ماده منشطه (نوع من انواع الفحم النباتى ) الى مواد غير ضاره زى النيتروجين وثانى أكيد الكربون ......المهم بتاع المرور مش كده ......أحتمال بيشوف الموتور بيفوت ولا لا ....من خلال قياس كثافة العادم اللى خارج من الشكمان .....والواحد بيروح المرور .....ولا فيه فحص بيئى ولا غيره .....ما أنت عارف يا متر بريال بتخلص كل حاجه

ده لو هو وانا بجدد الرخصة هشوف اية اخبار الموتور

لو عملولك الأختبار بناع كثافة العادم ده ماشى الحال ....بس مش حيكون بتاع بيئه ولا غيره ....لأن 90% من عربياتنا (مفيهاش علب بيئه ).....يبقى مش حنرخصها ......أذا بيتم اللجوء الى المفتاح السحرى ( شخشخة الجيب ) هههههههههههههه

[mohamed777]

انا السنة اللي فاتت الموتور قبل العمرة كان مفوت لما قال الحقونى وعديت من الفحص البيئى كوسة...هههههههه
السنادى بعد العمرة للأسف الفحص ده كل 3 سنين بس عاوز اعملة على شان يقولى حالة الموتور بعد العمرة اية

الحمد لله انا بعد ما ظبطت تكيهات مهما قرصت فى الموتور مافيش اى دخان نهائى.....بس جيت اجرب اخر العربية على الطريق هتجيب كام اقصى حاجه جابتها 100 مش عارف ازاى مع انى كنت متوقع على الاقل مثلاً 140 ..ههههههه

زعلت اوى ساعتها ..... بس مشعارف اعمل اية تانى
ده انا غيرت حاجات كتير فى العمرة بجد تقريباً رجعت الموتور زيرو
ماعادا دسك الاسطوانة وسير الكاتينة وناوى اعملهم على شان مايكونش للموتور حجة تانى......

وفية حاجة تانى بلاحظها وهى انى وانا مثلا ماشى على التانى وجانبى عربية برضة بنفس السرعة بلاحظ انه لما بيسحب على شان يعدى منى من اقل صوت للموتور بتاعة العربية بتاعتة بتجرى عكس ما عندى صوت الموتور بيعلى بس مش بلاقى السحب مناسب لصوت الموتور مقارنهاً بصوت وسحب العربيات التانية وبتكون قديمة برضة زى حلاتى

غالباً الدسك خصوصاً ان الاسطاونة جديده وفى وقت قصير الدبرياج بيرجع ناشف تانى بالرغم من ان الاسطاونة لما بتكون جديده الدبيرايج بيكون طرى جداً

بس مش عارف لية الميكانيكى قالى ان كويس وممكن يشتغل بالرغم انه شاطر جداً

[samirayad]

بص يامحمد باشا .....لو حبيت عربيتك تيقى تمام ونحافظ على العمره ......يجب أنك تغير الديسك بتاع الدبرياش ......والواحد الصراحه ....مش عارف أمتى حنرتاح من الميكانيكيه المنخلفين دول ....المفروض كان نصحك بتغيير الديسك أيضا .....

- التلت حاجات دول (بليه وديسك وأسطوانه ) ماينفعوش يتفرقوا عن بعض .....

- زى المثل اللى بيقول ( يانعيش سواء ....يانموت سواء ).....من الآخر كده ....بدون دخول فى تفاصيل هندسيه ملهاش لازمه .....وحتعمل تشتيت فى الموضوع ....

[mohamed777]

لا تؤاخذنى على الاطالة
بأذن الله هغيرة وهقول لحضرتك على النتيجة

[samirayad]

ربنا يقويك يا محمد باشا .....وأرجو سماع أخبار كويسه أن شاء الله

[the-hero]

ايه ياعم الجمال ده الف شكر والى الامام دائما

[samirayad]

الله يخليك يا أخى ..........وأشكرك على زوقك

[zyadahmed]

شكرا لحضرتك على المجهود الوافر وليا سؤال بسيط الميكانيكى بتاعى مرة قالى ان الكربارتير مش بيحس الهوا ؟؟؟؟؟؟؟؟ ما فهمتش هو كان بيحاول يلعب فى درجة مؤشر ( rbm ) هل فعلا ده كلام علمى خصوصا انى ظابط الكربتير عند اخصائى فيه وبقاله شهور مريحنى لكن بيكل شوية بنزين

[abdouz]

سمير باشا شكرا على الموضوع الرائع دة وانا من زمان عايز اعرف القصة

[agwaa]

هندسة ...
إزاي حضرتك ..
والله الواحد خسارة يفوت على نفسه أي موضوع لحضرتك ..لوموش عارف نشكرك على ذوقك ولا على موضوعاتك القيمة ...؟
ثانياً :
لي إستفسارين ..
1- ما هي وظيفة بلية الدبرياج
2- هل الضغط على الدبرياج في حالة عدم التحميل ( وضع الم ور ) يؤثر على أحد من الثلاثي ( البلية - الإسطوانة - الديسك )
وشكرأً

[samirayad]

وليا سؤال بسيط الميكانيكى بتاعى مرة قالى ان الكربارتير مش بيحس الهوا ؟؟؟؟؟؟؟؟

هو يقصد أنك الكربوراتير فيه خلل فى مسار هواء السلانسيه .....اللى رايح لمسار الهواء .......وحلها أيه .....يفتح مسمار الهواء شويه علشان يزود هواء السلانسيه مثلا .....ومع رباطه برضه شويه على مسمار البنزين لتزويد مواربة البوابه (باب الكربوراتير ) أيه اللى حيحصل ....ال rpm بتاع السلانسيه حيزيد والمكنه تشد حيلها ومترعش وتثبت

هل فعلا ده كلام علمى خصوصا انى ظابط الكربتير عند اخصائى فيه وبقاله شهور مريحنى

هو تنفيذ عملى ....ولكن تفسيره العلمى زى ما بينت لحضرتك .....ونظرا لأنها عملية موائمه وتقريبيه ....العربيه ممكن تاكل بنزين شويه أثناء فترة التسخين .....وأعتقد الكربوراتير عندك حيكون فيه أنسداد خفيف مثلا فى خط هواء السلانيه ......بس طبعا ده لا يمثل موضوع كبير طالما ماشى الحال ...ولآداء المكنه كويس

[samirayad]

وليا سؤال بسيط الميكانيكى بتاعى مرة قالى ان الكربارتير مش بيحس الهوا ؟؟؟؟؟؟؟؟

هو يقصد أن الكربوراتير فيه خلل فى مسار هواء السلانسيه .....اللى رايح لمسار الهواء .......وحلها أيه .....يفتح مسمار الهواء شويه علشان يزود هواء السلانسيه مثلا .....ومع رباطه برضه شويه على مسمار البنزين لتزويد مواربة البوابه (باب الكربوراتير ) أيه اللى حيحصل ....ال rpm بتاع السلانسيه حيزيد والمكنه تشد حيلها ومترعش وتثبت

هل فعلا ده كلام علمى خصوصا انى ظابط الكربتير عند اخصائى فيه وبقاله شهور مريحنى

هو تنفيذ عملى ....ولكن تفسيره العلمى زى ما بينت لحضرتك .....ونظرا لأنها عملية موائمه وتقريبيه ....العربيه ممكن تاكل بنزين شويه أثناء فترة التسخين .....وأعتقد الكربوراتير عندك حيكون فيه أنسداد خفيف مثلا فى خط هواء السلانيه ......بس طبعا ده لا يمثل موضوع كبير طالما ماشى الحال ...وآداء المكنه كويس

[samirayad]

سمير باشا شكرا على الموضوع الرائع دة وانا من زمان عايز اعرف القصة

ياباشا الله يخليك ....وأحنا أخوات وبنفكر مع بعض مش أكتر .........وأشكرك لزوقك