عمليات ضبط المغذى (الكربوراتير )

[samirayad]

1- ما هي وظيفة بلية الدبرياج

- الدبرياش ده أيه يابشمهندس أحمد ....كلاتش ميكانيكى عادى ....يتم تعشيقه وفصله بواسطة قوة القدم اليسرى .....

- الهدف من فصل ووصل الدبرياش ....هو نقل حركه من المكنه للفتيس فى حالة وصل الدبرياش .....وفصل المكنه عن الفتيس فى حالة فصل الدبرياش .....

- عملية نقل القدره من المكنه للفتيس بتعتمد على القوه الأحتكاكيه بين وجهى الأسطوانه ووجه الفلام من جهه ووجه الديسك من الجهه الأخرى للأسطوانه ( زوجين من الأوجه الأحتكاكيه )..........

-فى حالة التعشيق لاتعمل بلية الدبرياش ....لأنى مش عاوزها ....والدبرياش بقه حته واحده ....زى كبلنج ......

- طيب لما أفصل الدبرياش ....أيه اللى بيحصل ......

- الأسطوانه بتكون راكبه على مشرشرنهاية عمود الدريك بتاع الفتيس ....وخلاص التعشيق أتلغى ....

- هنا بقه الديسك بقه سايب الأسطوانه ولكنه أى الديسك راكب على الحدافه (الفلام )..... ...والأسطوانه لسه بتلف مع عمود الدريك بتاع الفتيس بين وجه الديسك ووجه الفلام ....بس كل أثنين فى حالهم ......

- هنا بقه يجىء دور بلية الدبرياش بتبقى زى كرسى تحميل لدوران نهاية عمود الدريك بالأسطوانه لأنها مثبته من خارجها على شوكة سحب البليه ( الشوكه دى بتفيد فى سحب البليه ....والبليه أسمها بلية تحرير لفصل الدبرياش release bearing - الديسك مربوط على الفلام وبيلفوا مع بعض ......ولكن عمود الدريك بيلف هو والأسطوانه مع بعض على البليه اللى قاعده على الشوكه ........كل مجموعه فى حالها

- يعنى البليه مبتشتغلش ألا والدبرياش مفصول ......

- وكقاعده عامه .....بلية أى كلاتش ميكانيكى زى الدبرياش مبتشتغلش الا والدبرياش أو الكلاتش مفصول ( متحرر يعنى ) .....

- هل الضغط على الدبرياج في حالة عدم التحميل ( وضع الم ور ) يؤثر على أحد من الثلاثي ( البلية - الإسطوانة - الديسك )

....لو تقصد ترييح القدم الشمال على الدواسه ....فده غلط طبعا سواء أنت فى وضع المور أو وضع التحميل بالمكنه والحركه .....لأن الدبرياش ممكن يحصل عليه تفويت .....الزوجين الأحتكاكين اللى قولنا عليهم بيفركوا فى بعض ....ومش مكلبشين على بعض .....وده بيسمى أنزلاق القابض (الدبرياش )...والنتيجه مع التكرار تلف الأوجه وتقصير عمر البليه ....أصل العمليه دى يا أبيض يا أسود .....مفيش فيها وسط .....

[samirayad]

-فى حالة التعشيق لاتعمل بلية الدبرياش ....لأنى مش عاوزها ....والدبرياش بقه حته واحده ....زى كبلنج ......

سيبلى دى شويه يابشمهندس : أحمد .....لأن فيه تداخل شويه حصل معايا .....لأن البليه راكبه على الشوكه فى كل الأوضاع ....ونهاية العمود بتاع الدريك بيبقى كده كده جوه البليه ..........ففيه شوية لبس شويه ..........علشان يبقى الكلام سليم

[Mostafa Hessen]

ألف شكر

تقبل مرورى

[samirayad]

ياباشا الله يخليك .....وأشكرك ....وأرجومنك أنت تقبل هذا الموضوع المتواضع

[ziours]

[

3mr=backgrounds/16.gif][gdwl]زى ماحضرتك شفت الشرح كده ....وضع الباب عليه عامل كبير فى بنزين السلانسيه ....فلو باب الكربوراتير كان مش مظبوط وموارب زياده عن الازم .....حيعمل أيه ....طبعا حيخللى الهواء اللى داخل من الزور كتير وقت السلانسيه .....وبالتالى سحب بنزين زياده من غرفة العوامه ....مما يعنى خليط غنى وقت السلانسيه فقط.....وده يعمل الهباب اللى فى الشكمان ....بس بعد كده كله حينظبط مع شغلك على الأكسراتير ....لأن مواربة الباب بتاعة السلانسيه حتكون خلاص طلعت بره الموضوع ...............- يبقى المشكله فى أيه ....فى الشغل اللى أتعمل ........- وحقولك على فكره بسيطه ....حاول تلين أنت الباب من عند البكره ....وحط شوية زيت بمزيته من عند الأطراف (نهاية الأكس من داخل الكربوراتير ) أحتمال ده يديك وضع أفضل

يعني افهم من كده ان الكرابراتير معمول صح و ان دي مسأله وقت عقبال مالباب يطبع مع الكربرتير
شكرا

[samirayad]

[
يعني افهم من كده ان الكرابراتير معمول صح و ان دي مسأله وقت عقبال مالباب يطبع مع الكربرتير
شكرا

ياسلام .....هو ده الكلام .....فعلا قد تكون مسألة وقت وتتلين الأمور .....مع كثرة حركة بكرة الأكسراتير ......سيحدث تليين لأكس الباب .....مش كل حاجه فى أولها بتبقى معصلجه شويه ....وبعد كده بتلين ...........طيب ماهو كان مبوش بسبب الشغل الكتيروصلحته .... ....ربنا يكرمه ويلين شويه ....وده المطلوب فعلا

[agwaa]

سمير بك عياد
أنا بشكرك جداً جداً علي الإفادة الهايلة والرائعة في موضوع الدبرياج
وإن كنت بأعتذر لإخراجي لحضرتك من الموضوع الهائل الآخر والخاص بضبط الكاربوراتير

[samirayad]

أنا بشكرك جداً جداً علي الإفادة الهايلة والرائعة في موضوع الدبرياج

أوعدك بعمل موضوع بصوره أدق عن الدبرياج .....بعد أستقرار الوضع العام للمنتدى ودعواتنا جميعا لفريق الدعم الفنى بالتوفيق من عند الله بالتغلب على جميع المشاكل الفنيه التى تواجههم ..........وبعد مشيئة الله طبعا

[ziours]

الف شكر يابشمهندس سمير على ردك السريع واتمنى ان العمليه تظبط شويه لان استهلاك البنزين عالي فوق ماتتصور 320 كم في 48 لتر والماتور 1600

[Matrix_Reloaded]

انا نضفت خرطوم الفاكيوم اللى حضرتك قلتلى عليه وبطلت الفرامل تحجر

[samirayad]

انا نضفت خرطوم الفاكيوم اللى حضرتك قلتلى عليه وبطلت الفرامل تحجر

ألف مبروك يا أبو حنفى ..........

[MoMohsen]

موضوع تحفه يا سمير باشا زى ما عودتنا دايما ....كدة هطبع ورقة الخطوات و تنزل اظبط الكربرادتير وزى ما تيجى تيجى طالما انت معانا
بس انا كان لسا استفسار:
انا عندى خرطوم الفاكيوم بتاع التكييف اللى واصل على الكربرادتير كان مش راكب المهم ركبته بس لقيت سلانسيه العربيه عالى اوى و مش عاوز يوطى من السلانسيه العادى قمت وطيته من سلانسيه التكييف بس لما و طيته مبقاش فيه فرق لما اشغل التكييف او افصله اكنه مش حاسس بخرطوم الفكيوم اصلا مع العلم انى لما فكيت الخرطوم لقيته بيطلع هواء.

[samirayad]

انا عندى خرطوم الفاكيوم بتاع التكييف اللى واصل على الكربرادتير كان مش راكب المهم ركبته بس لقيت سلانسيه العربيه عالى اوى و مش عاوز يوطى من السلانسيه العادى

هو موضوع فاكيوم التكييف ده بينى وبينك معقد شويه .....وكنا لسه بنتكلم فيه فى قسم الدايو ......وكل اللى وصلناله لحد دلوقتى .....أنه بيفيد فى التحكم فى أبواب هواء التوجيه لهواء التكييف .....وتقريبا كده والله أعلم .....خط الفاكيوم بيروح لفاكيوم سويتش .....مفتاح المود مثلا (اللى فى لوحة التحكم فى التكييف ) .....ومع حركة مفتاح المود بيتم توجيه الفاكيوم .....جهة باب توزيع الهواء .....علشان نخللى الهواء يروح على وجه أو صدر أو قدم السواق من خلال تحديد مسار الهواء .....وواضح من كلامك ....أن خط الفاكيوم اللى رايح للفاكيوم سويتش بيهرب الهواء من وراء اللوحه بتاعة التكييف ......وبكده دورة هواء السلانسيه بتبقى مش محكمه .....وعلى هذا الأساس بيحصل خلل فى خليط السلانسيه ( لأن الهواء بيهرب من عند الفاكيوم سويتش ) وبكده نسبة بنزين السلانسيه بتزيد .....ويعلى السلانسيه

قمت وطيته من سلانسيه التكييف

دى عملتها أزاى ....هو كربوراتير عادى ولا العربيه هاف

لما فكيت الخرطوم لقيته بيطلع هواء

دى أن مقتنع بيها .....وعندك تهريب للفاكيوم من جوه التابلوه (من عند المفتاح أو الباب )

[MoMohsen]

هو موضوع فاكيوم التكييف ده بينى وبينك معقد شويه .....وكنا لسه بنتكلم فيه فى قسم الدايو ......وكل اللى وصلناله لحد دلوقتى .....أنه بيفيد فى التحكم فى أبواب هواء التوجيه لهواء التكييف .....وتقريبا كده والله أعلم .....خط الفاكيوم بيروح لفاكيوم سويتش .....مفتاح المود مثلا (اللى فى لوحة التحكم فى التكييف ) .....ومع حركة مفتاح المود بيتم توجيه الفاكيوم .....جهة باب توزيع الهواء .....علشان نخللى الهواء يروح على وجه أو صدر أو قدم السواق من خلال تحديد مسار الهواء .....وواضح من كلامك ....أن خط الفاكيوم اللى رايح للفاكيوم سويتش بيهرب الهواء من وراء اللوحه بتاعة التكييف ......وبكده دورة هواء السلانسيه بتبقى مش محكمه .....وعلى هذا الأساس بيحصل خلل فى خليط السلانسيه ( لأن الهواء بيهرب من عند الفاكيوم سويتش ) وبكده نسبة بنزين السلانسيه بتزيد .....ويعلى السلانسيه دى عملتها أزاى ....هو كربوراتير عادى ولا العربيه هاف دى أن مقتنع بيها .....وعندك تهريب للفاكيوم من جوه التابلوه (من عند المفتاح أو الباب )

انا عندى كربرادتير عادى مش هاف انجكشن و العربيه كيا برايد سيدان و لقيت مسمار تانى زى مسمار السلانسيه العادى بس للتكييف بس قمت وطيت السلانسيه منه.

[mohamed777]

انا لسة ماجربتش انى اظبط الكربيراتير....بس كده بقى هتوكل على اللة وهجرب

طيب هو خليط الوقود والهواء لما بيكون مش مظبوط سواء كان خليط غنى او فقير اية العيوب اللي تبان سواء فى الحالتين؟