زق العربية الأوتوماتيك

[ahmedfd]

هل يمكن في حالات الطوارئ قوي لو البطارية باظت في العربية الأوتوملتيك يتم زقها و نطرها و هي على ال Low مثلاً و لا دة مش ممكن أصلاً و لا ممكن بس مضر؟؟؟؟
و شكراً

[fahd_628]

لا يا باشا مينفعش

[إسلام شاهين]

ده اوحش عيب في الأتوماتيك وهو استحاله زقها نهائي ، عارف أنا كنت بعمل إيه في عربيتي الأولانية ؟ كنت ماشي ببطارية احتياطي في الشنطة .

[ahmedfd]

ألف شكر على الردود السريعة

[hazem_khidr]

ده اوحش عيب في الأتوماتيك وهو استحاله زقها نهائي ، عارف أنا كنت بعمل إيه في عربيتي الأولانية ؟ كنت ماشي ببطارية احتياطي في الشنطة .

امال لو المارش عطل بقي يا اسلام باشا كنت حتعمل ايه.
فعلا مشكله الاتوماتيك انك استحالخ تزقه علشان يدور ابدا بعكس المانيوال

[kareem_Ashmawy]

طيب ينفع أزقها و هى على الـN
عشلن اوديها لميكانيكى قريب أو ما شابه....؟؟

[إسلام شاهين]

على الإن طبعا ينفع تتزق لغاية الميكانيكي ديه مش مشكلة ربنا يكون في عونك .

[eng_mkhalaf]

النيسان الجديدة فيها زرار لفك التعشيقة - الكلام دة من لسان واحد صاحبى معاة العربية أرجو التأكيد من ملاك السيارة

[maged george]

فعلا انا معايا صني 2007 وفيها الزرار ده .

[أبو_حمزة]

فى راديو شاك بطارية تحفة بفكر اجيبها عشان الغرض ده
صغيرة فى الحجم و الوزن
طبعا هى مش بتركب مكان البطارية (يعنى ما ينفعش العربية تمشى بيها)
هى بس تدور العربية وبعد كده الدينامو يقوم بالواجب ويشحن البطارية لو فاضية
حد جربها؟

[limo]

فى راديو شاك بطارية تحفة بفكر اجيبها عشان الغرض ده
صغيرة فى الحجم و الوزن
طبعا هى مش بتركب مكان البطارية (يعنى ما ينفعش العربية تمشى بيها)
هى بس تدور العربية وبعد كده الدينامو يقوم بالواجب ويشحن البطارية لو فاضية
حد جربها؟

متعرفشى تعمل كام ده ؟

[eng_mkhalaf]

[quote="limo"]

فى راديو شاك بطارية تحفة بفكر اجيبها عشان الغرض ده
صغيرة فى الحجم و الوزن
طبعا هى مش بتركب مكان البطارية (يعنى ما ينفعش العربية تمشى بيها)
هى بس تدور العربية وبعد كده الدينامو يقوم بالواجب ويشحن البطارية لو فاضية
حد جربها؟

متعرفشى تعمل كام ده ؟

[Adham]

على الإن طبعا ينفع تتزق لغاية الميكانيكي ديه مش مشكلة ربنا يكون في عونك .

إسلام باشا كل سنة و انت طيب الاول ياباشا و لو انها متأخرة شوية, معلش والله مالقيتش نمرة حضرتك اعيد عليك

بالنسبة لموضوع زق او قطر العربية الاوتومايك حتى لو كان عال N ماينفعش, او بالاصح هو ينفع بس الفتيس حايبوظ

لية بقى, لأن فية مجموعه حركة "باند" بيبقى بيلف في الفتيس (معشق) حتى و هي عال N و طبعا طلبة زيت ال ATF مش شغالة علشان العربية مش دايرة او بالاصح عالشان القربة مش بتلف مع الموتور

و دة فية ضرر كبير جداً على مجموعه الحركة دي بالتالي

و الحل في هذة الحالة هو انة قبل ما تقطر او تزق العربية الاوتوماتيك لو مسافة طويلة مش عشرين متر مثلا انك تفصل الحركة عن الفتيس, يعني يا تفك الكردان او الكبالن وبالتالي الفتيس ما تتحركش فية مجاميع مع مشيان العربية

[Adham]

زرار فك التعشيقة متهيالي ان قصدكم الزرار اللي بيخللي العصاية تتحرك من الباركنج للمارشدير الخ

ودة موجود في كل العربيات الاوتوماتيك

بس انا عمري ما سمعت عن زرار للعربية الاوتوماتيك يخليها تتزق

[limo]

على الإن طبعا ينفع تتزق لغاية الميكانيكي ديه مش مشكلة ربنا يكون في عونك .

إسلام باشا كل سنة و انت طيب الاول ياباشا و لو انها متأخرة شوية, معلش والله مالقيتش نمرة حضرتك اعيد عليك

بالنسبة لموضوع زق او قطر العربية الاوتومايك حتى لو كان عال N ماينفعش, او بالاصح هو ينفع بس الفتيس حايبوظ

لية بقى, لأن فية مجموعه حركة "باند" بيبقى بيلف في الفتيس (معشق) حتى و هي عال N و طبعا طلبة زيت ال ATF مش شغالة علشان العربية مش دايرة او بالاصح عالشان القربة مش بتلف مع الموتور

و دة فية ضرر كبير جداً على مجموعه الحركة دي بالتالي

و الحل في هذة الحالة هو انة قبل ما تقطر او تزق العربية الاوتوماتيك لو مسافة طويلة مش عشرين متر مثلا انك تفصل الحركة عن الفتيس, يعني يا تفك الكردان او الكبالن وبالتالي الفتيس ما تتحركش فية مجاميع مع مشيان العربية

ادهم باشا
انا مره الكاتيره الفتيس الاتوماتيك اتخرمت وكانت الزيت بينقط من الكاريره
خليت واحد صحبى يقطرنى بعربيه
بس اثناء القطر كنت مدور العربيه علشان الفرامل وجايب الفتيس على n

فهل الى انا عملته ده غلط ؟