البوجيهات فى كلمات

[samirayad]

الله يخليك ....وكل عام وأنتم بخير
ورمضان كريم

[فادى محمد]

موضوع هايل يا ا سمير .. تسلم ايدك وكل سنه وانت طيب

[samirayad]

الله يخليك يافادى باشا
وكل عام وأنتم بخير
ورمضان كريم

[megaman]

سؤال مهم امتى نغير البوجيهات هل على 20000ك ام 30000 ام اكثر ام اقل وايه رايك او ما معنى حرق البوجيهات القديمه زى ما بيعملوا بتوع الفزبا وايهما افضل لما الواحد يغير البوجيهات هل نجيب الاصلى بتاع الفابريكا ولا نجيب الngk اليابانى وما هى الاضرار اذا وضعنا 3شمعة لسيارة الاصلى ا شمعة وهل ده يعنى استهلاك اكثر للموتور والوقود

[abo_lamar]

والله يا باشمهندس سمير مش عارفين نشكرك ازاي ... ربنا يخليك لينا

[samirayad]

والله يا باشمهندس سمير مش عارفين نشكرك ازاي ... ربنا يخليك لينا

الله يبارك فيك يا أستاذ : محمد

والصراحه أنا اللى مش عارف أشكرك أزاى على زوقك

ربنا يسهل ويرجعولنا زرار الشكر تانى

[samirayad]

سؤال مهم امتى نغير البوجيهات هل على 20000ك ام 30000 ام اكثر ام اقل

- دى بترجع لتوصيات صانع المحرك
على أساس أن المحرك بيعمل بحاله جيده وكامل بمحتوياته
مش أجىء أخللى صنايعى يشيل الثرموثتات وأنا حلتزم بأه بتوصيات صانع المحرك ....أو أستعمل ماء غير مخصص لدورة التبريد مثلا (زى الماء العادى )
فيه متغيرات كتير بتحكم وقت تغيير البوجيهات
زى كفاءة البوبينا برضه
ولو حضرتك راجعت التحليل الفنى المذكور فى البدايه
حتلاقى فيه عوامل كتير بتأثر فى عمر البوجيه
طبعا عندنا للأسف بنلجأ لتغيير البوجيهات لما نلاحظ آداء غير جيد على دورة الأشعال أو دورة البنزين مثلا

وايه رايك او ما معنى حرق البوجيهات القديمه زى ما بيعملوا بتوع الفزبا

أنا مش عارف بتوع الفزبا دول ....بس عارف مغزى سؤالك
وطبعا أنا مش مع موضوع حرق البوجيهات عامة بغرض نزع الرطوبه والتحميص ............طيب ليه
لما بيتم تحميص البوجيهات بيتم تعريض كل مكونات البوجيه لحراره عاليه جدا .....
وطبعا ده مابيتمش على تشغيل البوجيه
البوجيه بيتعرض لحراره عند منطقة الشمعه / الشموع عاليه
وبتقل الحراره الى حد ما وأنت رايح جهة كابل البوجيه
وبالتالى ده( عملية التحميص ) ممكن يؤثر على العازل الصينى ويتلفه
لأن بلاشك أى حاجه غير طبيعيه بيبقى لها مردود غير مدروس ( سيىء )
مما يعنى نقص فى كفاءة البوجيه من ناحية جودة توليد الشراره

وايهما افضل لما الواحد يغير البوجيهات هل نجيب الاصلى بتاع الفابريكا ولا نجيب الngk اليابانى

مفيش شك الأصلى طبعا
بيقولك على الأصل / الأصلى دور
أنما لوملقيتش الأصلى بأعمل أيه
طبعا بيتم اللجوء لأستعمال نوع موثوق فيه زى الدنسو اوال ngk
أو البوش الألمانى مثلا
مع الألتزام بالثغره المقننه من قبل صانع المحرك
لأن فيه أرتباط بين أتساع الثغره وقدرة ملف الأشعال ( وبتختلف من محرك الى محرك )

وما هى الاضرار اذا وضعنا 3شمعة لسيارة الاصلى ا شمعة

برضه النقطه دى منوه أليها من قبل
واللى بيحكمك فى تقبل نوع معين هو التجربه والأرتياح مع هذا النوع

وهل ده يعنى استهلاك اكثر للموتور والوقود

طبعا لو مش مقنن ليك أستخدام 3 شمعه ومقنن مثلا 1 شمعه
فده بيعنى أضطراب فى موجات وبؤر الأشتعال الناتجه وقت توليد الشراره
زى مابتستعمل بنزين بأوكتان غير مناسب
وده بيعمل خلل فى آداء الحريق
وحدوث عدم أتزان ديناميكى على عمود الكرنك dynamic balance
وبالتالى حدوث أنحراف لأستقامة عمود الكرنك مع الأستمرار فى التشغيل ...مما يعنى التأثير على كفاء وآداء المحرك
بالنسبه للبنزين ....على ما أعتقد مفيش تأثير
وأن كان هناك تأثير ...عند محاولة تعويض الحمل المطلوب من المحرك عند أستخدام شمعه أشتعال غير مناسبه
فقد يكون تأثير أستهلاك البنزين ...لا يذكر نسبيا

[sayedafandy]

ربنا يخليك لينا يا باشمهندس سمير كل يوم بنتعلم منك والله وخيركم من تعلم العلم وعلمه
انا بس ليه سؤال بسيط وهو حسب ما فهمت من كلام حضرتك ان البوجيه بياخد طرف من الاسبراتير او موزع الشرر والطرف الثانى ارضى بياخده من جسم الموتور عند ربط البوجيه فيه صح كده
لو كان ده صح فهل علشان نرفع كفاءة الاشتعال نوصل سلك من جسم الموتور الى ارضى البطارية مباشرة فهل هذا يزيد من كفاءة الاشتعال ام لا ولا انا شطحت شوية
وكل عام وانت وجميع الاخوة بالمنتدى الرائع بخير وصحة وسعادة بمناسبة شهر رمضان المعظم
اعاده الله علينا وعليكم وعلى الامة الاسلامية باليمن والبركات

[samirayad]

ربنا يخليك لينا يا باشمهندس سمير كل يوم بنتعلم منك والله وخيركم من تعلم العلم وعلمه

الله يخليك
وكل عام وأنتم بخير

انا بس ليه سؤال بسيط وهو حسب ما فهمت من كلام حضرتك ان البوجيه بياخد طرف من الاسبراتير او موزع الشرر والطرف الثانى ارضى بياخده من جسم الموتور عند ربط البوجيه فيه صح كده

كده تمام ....وهى دى دايرة تفعيل الشراره فعلا

لو كان ده صح فهل علشان نرفع كفاءة الاشتعال نوصل سلك من جسم الموتور الى ارضى البطارية مباشرة فهل هذا يزيد من كفاءة الاشتعال ام لا ولا انا شطحت شوية

طيب ماهو أرضى البطاريه واصل بالشاسيه
وموضوع أن أخد سلك من جسم الموتور لأرضى البطاريه غريب شويه الصراحه
أصل كده أن بأحول الموتور لأرضى للبطاريه فعلا
بمعنى أصح بأعمل أثنين سالب (شاسيه وموتور )
لأن متنساش أن المفروض الموتور معزول عن الشاسيه بالقواعد اللى جواها كاوتش ( يعنى ماده عازله )
وأعتقد ده مش حيفيد فى حاجه
لأن خط سير الطبيعى للكهرباء بدايته من الموجب - الكونتاكت - البوبينا والأسبراتير - البوجيهات
ووقت عبور التيار للثغره ومقابلته للسالب بتاع البوجيه هو اللى حيولد الشرر الكهربى
يبقى أيه فايدة أنى أوصل الموتور بسالب البطاريه
على فكره أنا مهندس ميكانيكا باور مش كهرباء
بس ممكن أفكر مع سعاتك بغض النظر عن التخصص
ولو عندك تفسير لقصدك ....قول عليه بتسلسله الطبيعى
وأيه مردوده الأيجابى على دايرة الأشعال

وكل عام وانت وجميع الاخوة بالمنتدى الرائع بخير وصحة وسعادة بمناسبة شهر رمضان المعظم
اعاده الله علينا وعليكم وعلى الامة الاسلامية باليمن والبركات

الله يخليك ورمضان كريم

[sayedafandy]

اولا شكرا على ردك السريع
ثانيا انا قصدى ان الطرف السالب لما ياخده الموتور مباشرة من البطارية ممكن يكون اشد واقوى لعملية الاشتعال من لما ياخده من قواعد الموتور ثم من الشاسيه ثم من البطارية وبالتالى تكون عملية الشرر افضل ، انا بس بحاول افكر مع سيادتك بصوت عالى علشان نفهم ونتعلم اكتر وقد يكون ذلك خطأ 100 / 100 وعلى فكرة انا غير متخصص فى السيارات تماما وتخصصى فى حسابات تذاكر الطيران بس بحب الميكانيكا والحاجات الفنيه دى اوى

[samirayad]

وعلى فكرة انا غير متخصص فى السيارات تماما وتخصصى فى حسابات تذاكر الطيران بس بحب الميكانيكا والحاجات الفنيه دى اوى

نفس الوضع ....فأنا متخصص أيضا فى المجال البحرى
ومحركات الديزل وليس محركات الأشعال بالشراره
بس بأحب فعلا التحاور فى أى نقاط فنيه
وأرجو أن يرزقنا الله بزميل متخصص فى هندسة الكهرباء
لعل وعسى يكون لديه مبررات علميه أفضل لتساؤلك
وأنا متابع لهذا الموضوع .....وأن وجد لدى جديد ومقنع فنيا فسأواليك به

[samirayad]

أضافه بسيطه تم الأطلاع عليها اليوم
أنواع شمعات الأشتعال ......البوجيهات
يوجد أنواع مختلفه فى المقاس من شمعات الأشتعال ولذلك عند تغيير الشمعات يجب أختيار النوع المناسب لظروف تشغيل المحرك
1- الشمعه الساخنه ............ذات السن الطويل
2- الشمعه المتوسطه.........ذات سن وسط
3- الشمعه البارده ...........ذات السن القصير


- الشمعه الساخنه .....أنف ذو لون أحمر كما بالشكل
وفيها يكون الأنف الخزفى الداخلى للشمعه طويل نسبيا ( بيكون داخل غرفة الحريق )
حيث يعمل ذلك الأنف الخزفى الطويل المعرض لغازات الأحتراق فى غرف الحريق
على الأحتفاظ بالحراره وعدم تسريبها أو تهريبها لرأس السلندر كما سبق أن بينا
والسن الطويل هو الخط المتقطع فى الشكل القادم شمالا
يستخدم هذا النوع من الشموع مع المحركات البطيئه أو التى تعمل عند أحمال جزئيه
وتتميز هذه الشمعه بخاصية التنظيف الذاتى نتيجه لتوهجها المستمر داخل غرف الحريق
(لأنها بتحتفظ بالحراره ) ولا تسربها للمحرك من خلال رأس السلندر
وذلك بسبب توهجها وبروزها جهة جبهة اللهب أثناء أشتعال مخلوط الهواء والبنزين

- الشمعه المتوسطه ....ذات الأنف الأخضر
هذا النوع من الشموع يستخدم مع المحركات التى تعمل فى ظروف تشغيل عاديه
وفيها يكون طول الأنف الخزفى للشمعه أقصر من الشمعه الساخنه وبالتالى يكون مسار التعرض للهب الناتج عن أشتعال مخلوط الهواء والبنزين أقصر من النوع الساخن

- الشمعه البارده .....أنف ذو لون أزرق
تستعمل مع المحركات ذات السرعات العاليه وذات الأحمال الكبيره للحصول على آداء متميز .......وبالذات فى البلاد الحاره نسبيا
ويكون طول الأنف الخزفى للشمعه أقصر من النوعين السابقين .....حيث لا تحتفظ بالحراره بل يحدث تسريب سريع للحراره الى المحرك
لذا يطلق عليها الشمعات البارده
أنظر الشكل التالى


- التنظيف الذاتى للشموع
بيعتمد التنظيف الذاتى للشموع وعدم حدوث تلوث لأنف الشمعه من الخارج وبالتالى الـتاثير على آداء دورة الأشتعال على حرارة الشمعه وظروف عمل المحرك
حيث يجب أن تحتفظ الشمعه ( الأنف خصوصا ) بجزء من الحراره المعرض لها الأنف خلال تواجده بغرف الحريق
يجب أن تظل حرارة أنف الشمعه فى حدود درجة حراره تتراوح من 600 - 800 درجه مئويه أثناء عمل المحرك وذلك لعدم تكون رواسب كربونيه على أنف الشمعه
ومن أجل الحصول على كفاءة تنظيف ذاتى تساعد فى رفع كفاءة دورة الأشتعال وبالتالى الحصول على آداء جيد من المحرك من ناحية السحب والنسارع
وأيضا ينعكس ذلك على أستهلاك البنزين ...................
من أجل هذا فأن الشمعه أم سن طويل بيفضل أستخدامها فى المناطق البارده
والعكس صحيح بالنسبه للشمعه ذات السن القصير ( تستخدم فى البلاد الحاره )

يلاحظ أنه يمكن أستبدال نوع شمعه بنوع آخر ( حسب ظروفك مع المكنه والعربيه )
من الآخر ........
لو بتحرق على الغيارات يمكنك أستخدام شمعه ذات سن قصير
ولو بتلتزم بعدم التحريق على الغيارات فيمكنك أستخدام الشمعات ذات السن القصير

طيب نفترض واحد مننا أستخدم شمعات ذات سن طويل وكان أستعماله للعربيه معتدل
مبيحرقش على الغيارات يعنى ......أيه اللى حيحصل معاه
المكنه حتبرجل منه ....وآداء دورة الحريق حيبقى أى كلام
لأن سخونة الشمعه مثل مابينا .....حتعمل مايسمى فى هندسة الأحتراق الداخلى
بظاهرة الأشتعال المسبق .....دون أن يدرى
يعنى الحريق حيبقى آخر لخبطه !!!!!!!!!!!!!!!!!

[maka]

موضوع ممتاز جدا

وباسلوب سهل وميسر

بس حضرتك بجد مفروض تاخد لقب ( عميد القسم التعليمى )

[samirayad]

الله يخليك يا أبو حميد
وأشكرك على زوقك وروحك الطيبه

[eslamrace]

شكرا استاذ سمير على المعلومات المفيده