البوجيهات فى كلمات

[samirayad]

الله يخليك
وأشكرك على المرور الطيب بهذا الموضوع المتواضع

[wardet]

انا عندى لما العربية بتبقى درجة الحرارة عالية 90 مثلاًَ واجى اقف وابدأ امشي على الاول العربية بتترعش كدا ولازم اديها دوسة بنزين زيادة شوية عشان مش تبطل
ودى مش بلاحظها لو العربية باردة يعنى درجة الحرارة اقل بكتير من 90

دا غير انى مثلاًَ الصبح اول ما ادور العربية بتدور على طول يعنى بتاخد ثانيتين تقريباًَ
لكن لو راجع من مشوار وبطلت العربية وجيت ادور بعد دقيقة مثلاًَ تدور برضه بسرعة مجرد ما احرك المفتاح لكن بعد ربع ساعة مثلاًَ لازم اقرص عليها شوية عشان تدور وادوسلها شوية بنزين

[samirayad]

لو مش عاملالك مشاكل والسحب كويس
سيبها ماشيه
لأن كده ممكن تكون مشكلة دبرياج برضه
الديسك سوسته بتضعف شويه مع السخونه ومرونة السوست بتاعة الديسك بتزداد

عموما ممكن تكشف على البوجيهات والفلاتر
أحتمال برضه تكون البوجيهات عاوزه تتغير
أو أنت مستعمل بوجيهات مش مناسبه لدورة الحريق عندك

وياترى بتزود زيت للمكنه كل فتره
ولا المقاس بتاع الزيت ثابت معاك

[wardet]

انا فعلاًَ البوجيهات عندى بقالها كتير
وعاوز اغيرها
تنصحنى بأى نوع
عربيتى شاهين 1996 بس حالتها كويسة
==================
الزيت بغيره كل 3 الاف والفلتر كل مرتين
لكن فلتر الهوا والبنزين بقالهم فترة كبيرة

[samirayad]

نوع البوجيهات بيتوقف على حسب أنسجام المكنه عندك فى الحريق
مع نوع معين

عموما لو كانت أمورك تمام من قبل كده من نوع معين ( اللى راكب عندك دلوقتى )
حاول تستعمل نفس النوع ....طالما كان شغال معاك كويس
لأن كل حاجه وليها عمر أفتراضى
المهم كانت عامله أيه الحاجه دى وهى شباب

عن نفسى بأحب البوجيه الواحد شمعه دائما
مثل ال ngk اليابانى .....
وأكيد أنت قريت الموضوع
وشوفت مدى تأثير نوع البوجيه على آداء دورة حريق المكنه

[wardet]

هو الاداء كويس
بس بلاحظ ان اول ما بطلع بالعربية اول مرة فى اليوم الاداء بيكون اقل
لكن لو عملت كذا مشوار العربية ادائها بيعلى مع الوقت
هل دا طبيعى؟؟

[samirayad]

تغييرك للبوجيهات مش حيكلفك كتير

وكده كده ....حتشوف التطورات

لعله خير ...........!!!!!!!!!!!!!!

[ziours]

موضوع اكتر من رائع يابشمهندس سمير انا ليا سؤال بخصوص الديسك هل من الممكن الدسك يسخن العربية؟
اصل انا عندي نفس الموضوع زي wardet
شكرا

[samirayad]

هل من الممكن الدسك يسخن العربية؟

من وجهة نظرى
نعم من الممكن الديسك المعيب بؤثر على سخونة المحرك
طيب أزاى .....................؟
كون أن الديسك سوسته ضعيفه أو سطح التعشيق مع الأسطوانه تعبان
يعنى نقص فى كفاءة نقل القدره من المكنه للفتيس
وأنت عاوز تشد بالعربيه علشان عاوز سحب وتسارع معين
بناء عن ظروف ومواقف القياده (فى أى وقت أضطرارى معين )
يعنى حدوس على الأكسراتير بزياده عن المقرر
علشان تعوض فرق الحمل المطلوب للسحب من المكنه

----------------------------------------
تعالى بأه ....وأنت واقف بالعربيه ....وزود بنزين
أيه اللى بيحصل
المكنه بتسخن ...............!!!!!!!!!!!!
شبه بأه بين الحالتين
حتلاقى وجهة نظرى بالنسبه للديسك مقبوله فنيا

[ziours]

شكرا يابشمهندس سمير على الشرح الوافي

[ahit]

موضوع أكثر من رائع
ربنا يزيدك من علمه و يبارك فيه

[samirayad]

شكرا يابشمهندس سمير على الشرح الوافي

الله يخليك

موضوع أكثر من رائع
ربنا يزيدك من علمه و يبارك فيه

الله يخليك يا أستاذ : أحمد

[samirayad]

ده كوبى من أحد الردود على زميل فى الدايو
عن عملية تشتيت الشراره الى ثلاثة أجزاء
فى حالة التلاته شمعه
قلت أضيفها للموضوع ده
بدل ماتروح فى مهب الريح

هى بتوزع شراره أكتر
بس أيه اللى بيحصل
ولسه الفكره دى جايه فى ذهنى دلوقتى
الفولت اللى رايح وحيكسر العزل الكهربى بتاع الهواء الموجود خلال ثغرات البوجيه ( لأنهم تلاته )
حيتوزع على تلت أقطاب سالبه مثلا ( فى حالة التلاته شمعه )
يعنى كل مركز شراره من التلاته حيبقى ضعيف فى القوه بما يعادل تلت قوة الشمعه الواحده
يعنى حنقسمه على تلاته
أذا هناك 3 بؤر حريق واخده تلت قوة الشراره اللى كان عاملاها شمعه واحده (قسمة العدل ) طبعا

تخيل بأه
واحد من التلاته عطل أو أتنين
حيبقى فيه تضارب فى نغمة الحريق فى أتجاهات مختلفه

[Eng_Mostafa_89]

بارك الله فيك يا بشمهندس

[samirayad]

الله يخليك
أخى الفاضل
المهندس : مصطفى