هو ايه النيتروجين ده ؟؟

[Marwanelbendary]

Exactly

لأ .. دي للي حيتحطله نيتروجين .. انا صايم عن الحاجات دي الحمد لله

حلو أوي طالما صايم
يبقى متجوعش نفسك وتخش في أماكن فيها أكل كويس وكتير
وربنا يتقبل

[Hegazio]

وحاول تتقبل المعلومة من حد غيرك وما تعملش زي المصريين

طب عشان الكلمة دي ... .. حــ .. حــ.. حــ ..
حاتقبل المعلومة منك
عشان انا مش من الناس دول اطلاقا
و يومك زي الفل

[Marwanelbendary]

حلو أوي طالما صايم
يبقى متجوعش نفسك وتخش في أماكن فيها أكل كويس وكتير
وربنا يتقبل

صباحك زي الفل وأهلا بيك على المائدة
وما انكرش انك برضه أفدتنا بمعلومات
بس كل واحد بيتكلم صح
بس هو الختلاف على فعالية تطبيق الموضوع
وشكرا لروحك الرياضية:b4_611:

[ahmed1981]

لماذا لا توجد شركة إطارات مشهورة معتمدة تنصح بإستخدام النيتروجين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
للعلم فإن مكنة النيتروجين بالمحطات يوجد بها فلاتر لابد من تغييرها دورياً حتى تعطي نتيجة جيدة
ومفيش حد بيغير لا فلاتر ولا يحزنون

المهم حيث أن أهل مكة أدرى بشعابها
وأهل مكة هنا هم الصناع المتخصصين في صناعة الإطارات
يبقى نسألهم أحسن

بعد مراسلاتي لشركات الإطارات
لم يرد إلا شركة بردجستون
والرد أنا أوردته في وسط الموضوع الذي أشرت له سابقاً
وهو يتحدث في خلاصته أنهم بعيداً عن كل شيء فإنهم يصممون الإطارات لديهم لكي تملأ بالهواء العادي
(سلام كبير قوي للهواء العادي برطوبته ببابا غنوجه)
وسأقتبسه في التالي:

بعد مراسة عدة شركات عالمية لصناعة الإطارات حول مسألة النيتروجين

كان أولهم رداً على بريدي الإلكتروني هو شركة بريدجيستون
وقمت بترجمة الرد
وبالتالي الرد مع الرجمة:

Ahmed,

أحمد

Thank you for visiting our ...site. You were inquiring the use of nitrogen (N2) versus air on your tires.

شكراً على زيارة موقعنا
لقد كنت تتساءل عن استخدام النيتروجين بدلاً من الهواء في الإطارات

Some tire shops and filling stations have been offering nitrogen as an inflation gas for passenger and light truck tires. Nitrogen is acceptable as an inflation gas for use in Bridgestone/Firestone passenger, light truck and truck tires.

بعض محلات الإطارات أو محطات نفخ الإطارات تعرض النيتروجين كغاز بديل لنفخ الإطارات في سيارات الركاب والنقل الخفيف
والنيتروجين يعتبر غاز مقبول للاستخدام في نفخ الإطارات من نوع بريدجستون/فايرستون في كل من سيارات الركاب والنقل الخفيف والشاحنات

According to www.tiresavernitrogen.com, it is believed nitrogen-filled tire lasts longer by an estimated 25% and offer better fuel efficiency by 3.3% miles per gallon. However, what you will have to consider is the cost: $10 - $20 extra per tire to inflate the tire. If the tire has to be repaired, nitrogen has to be deflated and you could be charged again for the replacement of nitrogen. Make sure you ask your tire facility on these costs before your tires are filled in by nitrogen.

طبقاً للموقع التالي: www.tiresavernitrogen.com الذي يدعي أن الإطارات المملوءة بالنيتروجين تدوم أكثر بحوالي 25% وتعطي كفاءة أفضل في استهلاك الوقود 3.3% ميل لكل جالون (بمعنى أن استهلاك الوقود يقل بنسبة 3.3%)
ومع ذلك لابد أن تأخذ في اعتبارك تكلفة ملئ الإطارات بالنيتروجين (10 أو 20 دولار للعجلة الواحدة) وفي حال أن النيتروجين تسرب أثناء إصلاح العجل فلابد من ملئها مرة أخرى بالنيتروجين
لابد أن تسأل عن تلك التكاليف قبل أن تملأ الإطارات بالنيتروجين

Bridgestone/Firestone passes no judgment on the claims stated by various nitrogen suppliers. What we can tell you is that our tires have inner liners designed to act as pressure retention devices specifically with the use of air, restricting air loss due to permeability. Nitrogen will not cause any detrimental reaction to innerliners.

شركة بريدجستون فايرستون ليس لها أن تحكم على إدعاءات شركات توريد النيتروجين
ولكن ما نستطيع قوله لك أن التصميمات الداخلية لإطاراتنا مصممة لعملية الاحتفاظ بالضغط الداخلي في حال استعمال الهواء والحد من الفقد في الهواء بسبب النفاذية.
والنيتروجين لن يكون له تأثير ضار على التصميم الداخلي للإطار

If you have further questions, please feel free to email us back.
Thank you and have a nice day.

إذا كانت لديك أسئلة أخرى ، فلا تتردد في الكتابة إلينا
أشكرك وعمت صباحاً (أشكرك وأتمنى لك نهارا سعيدا)

Rod Manibo
Merchandising & Inventory Management
Bridgestone Retail Operations, LLC

إنتهت الرسالة
ــــــــــــــــــــــــــــــــــــــــــــــــــ ـــــ
وتعليقي عليها:
يقولون أنهم يصممون الإطارات على أساس إستخدام الهواء في نفخها
وأعطوني موقع على الإنترنت لشركة تبيع وسائل تعبئة النيتروجين وتتحدث عن مزاياه من وجهة نظرها
ويقول أنهم ليس لهم أي حكم على تلك الإدعاءات في مسألة النيتروجين التي يروج لها موردو النيتروجين
لكن كل ما يستطيعيون قوله أن النيتروجين ليس ضار

http://www.nilemotors.net/Nile/708832-post95.html

[ahmed1981]

كلامك مظبوط ألف في الميه
مع تصحيح بسيط في المعادلة PV=mrt
بحيث أن الP هو الضغط
و V هو الحجم
و m هو الوزن الجزيئي
و r ثابت
و t درجة الحرارة

ممكن نكتبها
PV=mrt
أو
pv=rt

[ahmed1981]

والنيتروجين ضغطه بيتغير فعلا بس بنسبة بسيطة جدا تكاد تكون غير ملحوظة بالنسبة لحساسية sensitivity جهاز القياس التقليدي المتعارف عليه وهو الموجود عند أي واحد بتاع كاوتش

بمعنى أن النيتروجين ضغطه سيزيد مع الحرارة ولكن بنسبة أقل من الأكسوجين
لكن الفرق مش كبير
أو كبير

المهم
لو قلنا إن مخلوط به 78% نيتروجين
ومخلوط آخر به 90% أو 95% نيتروجين في أفضل الحالات
ماذا تعتقدون أن يكون الفرق في معامل التمدد الحراري بينهما ؟؟؟
أنا أرى أنه يؤول إلى الصفر

وتحياتي للجميع وبخاصة لكل من المهندس مروان والدكتور الصيدلي حجازي على نقاشهم العلمي الجذاب الذي إفتقدته كثيراً مؤخراً

[Hegazio]

أنا أرى أنه يؤول إلى الصفر

وتحياتي للجميع وبخاصة لكل من المهندس مروان والدكتور الصيدلي حجازي على نقاشهم العلمي الجذاب الذي إفتقدته كثيراً مؤخراً

يا جميل و تحياتي لك كذلك
فكرتنا بيؤول و نهــا و الحاجات بتاعة ثانوي

[Amr Mohamed]

هاهاهاها يعنى خلاص ان شاء الله النيتروجين ملوش طلب اوى بما انه يؤل للصفر تقريبا وحاجات عبيطه كده وبصراحه الواحد استفاد كتير من المناقشات والحاجات الجامده دى بس صراحه انا قلت اسأل عشان السؤال ده كان واكللى مخى طيب فى سؤال لو كان فى غاز تانى غير النيتروجين ويكون احسن ليه معملهوش اكيد يعنى فى ميت مليون غاز احسن من النيتروجين من حيث الخفه ومعامل التمدد .؟ وبجد حاسس انى زهقتكم sorry

[ahmed_h_g]

بصراحه ردود الأعضاء دايما" بتجيب المفيد
الله ينور عليكوا

[Hegazio]

هاهاهاها يعنى خلاص ان شاء الله النيتروجين ملوش طلب اوى بما انه يؤل للصفر تقريبا وحاجات عبيطه كده وبصراحه الواحد استفاد كتير من المناقشات والحاجات الجامده دى بس صراحه انا قلت اسأل عشان السؤال ده كان واكللى مخى طيب فى سؤال لو كان فى غاز تانى غير النيتروجين ويكون احسن ليه معملهوش اكيد يعنى فى ميت مليون غاز احسن من النيتروجين من حيث الخفه ومعامل التمدد .؟ وبجد حاسس انى زهقتكم sorry

عشان موضوع النيتروجين ما يكلفش 3 شلن
زي ما قلنا هو لا خارج من مصنع و لا نقي و لا يحزنون
هو الهواء اصلا زي ما قلنا برضه 80 % نيتروجين
بيدخل في الجهاز و يلف بسرعة في ملفات تعمل بفكرة الطرد و الفلترة .. فيخرج انقي شوييية 90 - 95 %
لكن لو غاز الارجون احسن مثلا حيجيبوه منين ؟؟
الوحيد اللي ممكن ينفع عمليا هم النيتروجين .. غير بقي ان النتيجة ذات فرق عملي ام لا !!!

[Amr Mohamed]

بصراحه تقريبا كل الكلام خلص وبجد شكرا يا دكتور على المعلومات الحلوه دى تعبتك معايا والله

[frhateg]

لو سمحتوا انا ليا سؤال الا وهو ايه الغاز اللي بيملوا بيه البالونات اللي بيجيبوها قبل المباريات و اول لما بيسبوها تلاقي البالونات طارت في السما ؟

[Amr Mohamed]

بصراحه مش عارف بس والله اعلم ممكن يكون هيليوم عشان هو من الغازات الاقل كثافه من الهوا وبفرق جامد

[mohamedhamam]

أنا معاك وتمام الله ينور
بس الفايدة من النيتروجين يا جماعة مش أي حاجة غير انه هواء نقي لا يحتوي على غازات وأبخرة وأحيانا قطرات مياه صغيرة جدا

مما يؤدي الى زيادة الضغط في الاطار عند تعرضه للحرارة العالية عند القيادة وخصوصا لمسافات طويلة, سرعات عالية وأجواء حارة

زيادة الضغط تكون بشكل عشوائي في كل اطار على حده على حسب كم الأبخرة الموجودة في الهواء بداخل كل اطار مما يؤدي الى الاحساس بتفاصيل الطريق نتيجة زيادة الضغط في الاطار...

وأيضا يؤدي الى الاحساس بعدم الثبات في السرعات العالية وقلة القدرة على التحكم في السيارة لاختلاف gyroscopic motion parameters
ودي بصراحة مش عارف هاشرحلكوا ازاي؟؟؟

وتتكون الأبخرة condensate الموجودة في الهواء
نتيجة ان كباس الهواء(الي هو ال compressor) بيسحب هواء عادي من الجو (ألا وهو به نسبة لا بأس بها من الرطوبة high humidity percentage level) ويتم ضغطه بواسطة كباس الهواء.

يدخل الهواء الى الكباس اللي فكرته عامله زي موتور العربية ويكتسب حرارة عالية ناتجة من الكباس ومن ثم يتم طرد الهواء المضغوط الساخن الى الهواء الخارجي ليبرد فجأة فتتكثف الأبخرة و يكون الناتج هواء مضغوط محمل بأبخرة وقطرات مائية صغيرة جدا.

ولعلاج هذه الظاهرة في المصانع
يتم تركب strainer ليترسب فيه قطرات الماء هذه ويكون الناتج هواء شبه جاف أكثر

ولاثبات كلامي لحضرتك جرب حط هواء من عند أي واحد بتاع كاوتش و تعالى بعد 250 كيلومتر قيس عند نفس الراجل
لو كنت نافخ الكاوتش كله على 30 psi
هاتلاقي بعد كده كل واحدة عايشة في وادي
يعني واحدة 33 وواحدة 36 وهكذا

وعلشان تتأكد ان لما الضغط بيكون موحد في الأربعة اطارات بيأثر في ثبات السيارة
برجاء الاتجاه الى محطة امارات مصر اللي على الصحراوي عند البوابة لأني ماعرفش غيرها في القاهرة لأن عندهم self adjusting system بالهواء برضه و هايديلك الأربعة زي بعض بالظبط و جرب العربية هاتلاقيها حاجة تانية من حيث الثبات

وبعد كده جرب اطلع اسكندرية أو الساحل مثلا وقيسه عند أي حد هاتلاقيه متغير برضه

أما بالنسبة للنيتروجين لو حاضرتك حاطيته هاتشوف بنفسك الضغط في الاطارات لم يتغير ولا بعد ألف كيلو حتى....!!
وده ينفع الناس اللي بتسافر كتير زي حالاتي...
مما يضمن عدم تغير أداء السيارة بناءا على استخدامها

وعلى فكرة واظب علي العلاج 3 مرات بعد الأكل :b4_033:

وشكرا...
مهندس/ مروان البنداري

كلام مهندس مروان كلام علمى و هندسى 100 % و أنا كنت حأرد نفس الرد و بنفس التسلسل المنطقى و لكنه سبقنى و له منى تحية و أنا متفق مع كليكما بأننا لابد من أن نواظب على العلاج 3 مرات بعد الأكل

[Hegazio]

sorry no arabic k.board
but i hope u understand .. AGAIN that nitrogen from tire shops is not that pure..itn's not laboratory pure j&has humidity to9