مشكلة كرهتنى فى السواقة تمامااااااااااااااا

[bahaaeldeen]

يا جماعة انا بتعلم السواقة
واخدت 6 ساعات وعرفت كل حاجة فى السواقة والراجل محترم جدا جدا جدا علمنى فى وقت قليل اوى وكان صبور عليا اوى الحمد لله وتعب معايا
ومعروف اوى فى المنطقة وعلم ناس كتير اوى فى حدايق القبة من ضمنهم اخويا فى تلات ايام لاقيناه بيسوق لوحده :d
اللى عكنن عليا وكرهنى فى السواقة وخلانى مش عايز اركب عربيات
لما خلانى امشي فى الزحمة للمرة التانية والاخر لاقيت كل واحد عامل فيها انه مولود سايق من بطن امه وعمال يدى فى كلاكسات واللى يشتم واللى يهزأ الراجل ويقوله ((انت رايح تعلمه فى الزحمة!!!)) واللى يقول (يلا يا حمار) دة غير بقة طايفة سواقين المكروباض والتكاتك (احقر خلق الله الا من رحم ربى)
واخر قلة ادب ومسخرة
وفيه قلة قليلة من الناس محترمين قليلين اوى خلونى اتشجع واستنونى اعدى وكانوا ناس محترمين وسقفولى كمان :d
المصيبة بقة انى ف الزحمة اتوترت والعربية بطلت منى كل شوية مع انى فاهم وكنت كويس. والمدرب قام قافل الازاز وقالى ولا يهمك وسيبك منهم ومتخافش
انا بسال بقة هتفضل قلة الادب دى موجودة لحد امتى انا نفسي اتسدت من السواقة وكل ما اقف ف زحمة الاقى الكل بيدى فى كلاكسات وزعيق وهمجية اقوم انا اتوتر ومعرفش اتعلم حاجة
ياريت تنصحونى بايه وازاى اتغلب على الرعب والقفل دة
وشكراااااااااا

[hesham fawzy h]

يا باشا فكك منهم .. يعنى هم اتعلمو ازاى

[J A G U A R]

المفروض متطلعش فى زحمه غير لما تكون متمكن بالطلوع بالعربيه ومن غير ما تبطل منك

الاول روح مكان فاضى ولما تتمكن فى الطلعه ادخل فى الزحمه وواحده واحده

[bahaaeldeen]

المفروض متطلعش فى زحمه غير لما تكون متمكن بالطلوع بالعربيه ومن غير ما تبطل منك

الاول روح مكان فاضى ولما تتمكن فى الطلعه ادخل فى الزحمه وواحده واحده

ماهو مدخلنيش الا لما اتمكنت لمدة يومين فى مكان فاضى ومروحتش فى الزحمة الا فى اخر ساعتين وكنت كويس يا بشمهندس والله
بس اللى خلانى ابطل العربية التوتر واللى حصل دة وكل واحد بكلمة دة غير الكلاكسات
مش عارف اعمل ايه انا والله اتقفلت من العربيات كلها
والمدرب بصراحة مقصرش معايا :(

[bahaaeldeen]

يا باشا فكك منهم .. يعنى هم اتعلمو ازاى

والله ما عارف يا بشمهندس هشام :(
ادعيلى لانى اتقفلت قفلة جامدة والعربية مركونة تحت ومتربة من كتر الركنة :(

[رامي مصطفى]

مادام اتعلمت المبادئ والطلعات توكل على الله وسيبك منهم اقفل الزجاج وشغل الكاسيت وعليه كمان
ولو حد رخم اعمل نفسك بتزعأ وعلي صوتك والله هيخاف ويمشي
شعب مابيجيش غير بالعين الحمرا والله
وربنا يوفقك وتجيد السواقه

[J A G U A R]

ماهو مدخلنيش الا لما اتمكنت لمدة يومين فى مكان فاضى ومروحتش فى الزحمة الا فى اخر ساعتين وكنت كويس يا بشمهندس والله
بس اللى خلانى ابطل العربية التوتر واللى حصل دة وكل واحد بكلمة دة غير الكلاكسات
مش عارف اعمل ايه انا والله اتقفلت من العربيات كلها
والمدرب بصراحة مقصرش معايا :(

لا جمد قلبك وميهمكش حد وبلاش توتر خالص وصدقنى هاتبقى تمام

[bahaaeldeen]

مادام اتعلمت المبادئ والطلعات توكل على الله وسيبك منهم اقفل الزجاج وشغل الكاسيت وعليه كمان
ولو حد رخم اعمل نفسك بتزعأ وعلي صوتك والله هيخاف ويمشي
شعب مابيجيش غير بالعين الحمرا والله
وربنا يوفقك وتجيد السواقه

عندك حق يا بشمهندس دة الحل الوحيد ربنا يسترها معانا والله ما عارف بيعملوا كدة ليه, اشكرك جدااااااااااااااااااااااااااا

لا جمد قلبك وميهمكش حد وبلاش توتر خالص وصدقنى هاتبقى تمام

ربنا يخليك يا بشمهندس والله كلامك ادانى دفعة جدا :)

[fire horse]

يا استاذ احمد ربنا ان ربنا بعت لك مدرب كدا انا الراجل اللى كان بيعلمنى فى اخر حصة حطمنى وقال لى حرام عليا اقول لك روح سوق!
اوعى تركن عربيتك وتكش.
خد واحد صاحبك بيسوق كويس واتمشى معاه كل يوم ساعة وحاول تفتكر كلام المدرب وتطبقها.
الاول بالليل فى الروقان وبعدين فى الزحمة وتاكد مهما كان المدرب كويس دوره لا يزيد عن 10% والباقى عليك.
صدقنى انا كان ريقى بينشف من التوتر وما كنتش باطيق حد يتكلم جنبى وكنت با اخاف امشى لوحدى.
اوعى تستسلم لقلة الثقة انا عربيتى فولكس اكتر عربية صعبة للمبتدئ وبعض الفدامى بيهربوا منها ومع ذلك الحمد لله بقيت احسن كتير. وربنا يجازى خير كل اللى ساعدونى ولحد دلوقت بيساعدونى فى زنقات كتير زى الركن والطلوع.
افتكر الحكمة دى: المعلم يفتح لك الباب ولكنك انت من عليه الدخول.
شد حيلك يا بطل.

[adelghanem]

ولا يهمك
يعنى اللى بيشتموا دول عاتقين
الى بيعرفوا يسوقوا ومتبعين
ارشادات المرور!!!
دول حاسين انهم بس اللى بيعرفوا
يسوقوا
بكره حتعرف انهم فاهمين السواقه
غلط

[almohaor]

ههههههههههه

لاتراجع ولا استسلام
معظمنا مر بنفس ظروفك
ولايهمك خالص من الكلاكسات والتريقة
صدقنى انا مريت بنفس ظروفك فى اول السواقة وكنت باسوق لوحدى
وعلمت نفسى ينفسى بفضل الله بعد قراءة كتالوج السيارة اكتر من مرة
وتركت اكياس الكراسى النايلون لمساند الراس عشان الكل يفهم انى جديد فى السواقة
واحيانا كنت اشغل الانتظار وانا ماشى
خللى عندك ثقة فى النفس وسيبك من ازعاج الكلاكسات او تعليقات الاخرين
لان اللى كان بيعمل معايا كده هم سواقين الاجرة والميكروباص بالذات
ودى بتبقى مقصودة منهم لارباكك واشاعة جو من الرهبة لافزاعك واحيانا كتهريج
انا بقى كنت باتجاهلهم تماما ولو طفت العربية منى ولا اكن حصل حاجة ولا انظر لاى احد منهم
رغم طابور العربيات اللى ور ايا- امور وبعدين اشغل المحرك بمنتهى الهدوء وعلى راحتى كمان
وكنت باقابل كل ده بابتسامة عريضة منى لاغاظتهم
بس قعلا فيهم ناس محترمين والله كنت باخد يوتيرن وكان فيه تاكسى اجرة جاى فى المقابل
وقف عشان اعدى
انا بصراحة خفت اعدى لان كنت فاكر ان مساحة الطريق موش كافى
لانى كنت لسه موش عارف ابعاد العربية
قعد يشاور لى ان اعدى وان المساحة كافية ولكن لم اسمع كلامه
وفى الاخر فوجئت به رجع هو للوراء وعديت بسلام وانا وهوبنضحك
وشكرته لذوقه وهو اكيد فاهم انى لسه جديد فى السواقة والحمد لله الواحد بقى تمام

[Mr.Lawyer]

بص يا باشا من الاخر ، فكك من كل الاشكال الضاله اللى مفكره نفسها سواقيين دول
اقفل ازازك وشغل الكاسيت وعيش حياتك واستمتع بالسواقه وسيب اللى يكلكس واللى يزعق براحته
ولو لقيت حد ضايقك او ادخل فيه شمال وزعقله وغلطه ( هتستغرب اللى بقلك عليه ) بس دول ناس بتخاف متختشيش
انا اول ما سوقت كان بيحصلى نفس اللى بيحصلك بس كنت بتعامل ببرود وهدوء عشان متلخبطش واتوتر
للأســف اللى بيحصل ف الزحمه مش سواقه دى قله ادب وبتفكرنى بلعبه العربيات فى الملاهى اللى بتخبط ف بعضها ، لحد دلوقتى بكره الزحمه والمشى فيها وتلاقى الكل بيرمى عليك وعامل نفسه من بنها ( احترامى طبعاً لاهل بنها )
واحيانا برضه تلاقى كائن سايق تاكسى او ميكروباص عمال يديك كلاكس عشان تجرى لان البيه عايز يعمل بونديره زياده انشاله يخبط الخلق اللى ماشيه والنوع دا دايما برخم عليه اكتر واكتر :)
فكك من الكلام الكتير دا وبلاش تحبط نفسك وحاول تستمتع بسواقه عربيتك ، واسمع كلامى ، اقفل ازازك ، شغلك تكييفك ، شغل الكاسيت واسمع اللى بتحبه ، وعيش يا معلم وادلع وسيب الباقى يولع

[ahmed Kouta]

ونرجع نزعل ونقول الشوارع زحمة والطريق واقف ، أكيد مش حل عشان قلبك يجمد واحترف السواقة انك تعطل الطريق امشي في اليمين وحاول تتعلم في الأوقات المناسبة في شوارع مش رئيسية

[samihanwar]

السواقه فى الاول والاخر عاوزه جموديت قلب
وحتى لو انت ضعيف فى السواقه

[Abo_Mazen]

ولا يهمك
يعنى اللى بيشتموا دول عاتقين
الى بيعرفوا يسوقوا ومتبعين
ارشادات المرور!!!
دول حاسين انهم بس اللى بيعرفوا
يسوقوا
بكره حتعرف انهم فاهمين السواقه
غلط

والله معاك حق ..ده أنا مره كنت واقف في يوترن ومستني أعدي ..وبعد ما عديت وخدت الملف لقيت عربيه سوزوكي اللي هي سبعه راكب دي ..من الناحيه التانيه من الطريق السواق فيها بيبصلي وبشتم بشتائم مقزعه جدا ..أنا بصراحه وقفت فجأه .حتى اللي كان ماشي ورايه وقف فجأه هو كمان لإني لقاني وقفت وببص على الحمار سواق العربيه السوزوكي اللي أنا معرفش أصلا أنا عملتله إيه عشان يشتم كده ..بصراحه كنت هنزل ..بس جه في دماغي للحظه إنه ممكن يكون ده حوار عشان انا أنزل أعمل مشكله وحد تاني ييجى يدخل العربيه ويقلبها ..حصلت مع واحد صاحبي قبل كده بص من زمان