الأفيو المفترى عليها

[أشرف العدوي]

ما يصعبش عليك غالى .. حضرتك بتحسسنى بكلامك ان الافيو صفيحة زبالة وان اللى اشتراها اشترى الترماى .. عموما هى عاجبانى جدا وعاجبة ناس تانية كتير ..يا ريت مانصعبش عليكوا تانى

ما تقلقش الي بيتكلموا بالاسلوب بتاعك ده مش بيصعبوا عليا
و ليه تظلم صفيحة الزبالة و تشبهها بالأفيو

ربنا يباركلك في عربيتك و يبعد عنها المشاكل

[Dr_Essam]

اللى معاه أفيو و مش عاجباه و بيشتم فيها يبقى أحسن ليه يبعها و يجيب حاجة ألمانى زى الباسات أو الجيتا أو يزود شوية و يجيب مرسيديس و يريح دماغه
و الله العظيم أنتم كرهتوا أصحاب العربية فيها ...
نصيحتكم وصلت لينا و الحمد لله و هى ان العربية (صفيحة زبالة) و (توكتوك) ... متشكرين .. لكن أرحمونا بقى ... مش كل مداخلة من اللى بيكرهوا العربية نلاقى شتائم غربية ..
المنتدى المفروض انه علشان نحاول نفيد بعض مش علشان نشتم و خلاص
ملحوظة: فى قسم اللوجان , فى ناس بتشتكى من حاجات فى العربية و رغم كده متلاقيش حد بيشتم بل بالعكس بيحاولوا يحلوا المشاكل اللى بتقابلهم بهدوء لانهم بيحبوا عربياتهم ...

أتمنى أن يصبح قسم شيفروليه مكانا للأفادة و ليس للشتيمة

[أشرف العدوي]

يا باشا ما الاوبل الي بـ 195000 من عند منصور كانت عندنا و بعناها لعيوب الصناعة عاملة 40000 كم بخسارة 75000 جنيه
ما هي الماني بردو
منصور لما بيمسك عربية بيموتها

على فكرة اعلانها في قسم البيع لو عايز تتأكد

و بعدين انت شايف ان علشان نفيد بعض لازم نهلل و نصقف و نغطي العيوب و تسميها افدة ازاي يعني
ياريت تراجع معنى الافادة في اي قاموس
علشان نفيد بعض نقول الواقع و التجارب الفعلية بكل حيادية ده الي يفيد
لكن مش نهلل على الفاضي و ندبس اعضاء في عربيات ما تستهلش فلوسها و نقول بنفيدهم
طيب ايه وجه الافادة لما انا انكر ان العربية فيها مشاكل عامة و غير فردية ( الي عربيته سليمة هو الي حالة فردية )
يبقى انا فدت الاعضاء بأيه لما اخبي الحقيقة
ياريت نركز في الكلام قبل ما نرد
محدش هيروح يدفع 73000 جنيه او 195000 جنيه في عربية علشان يقعد يشتم فيها معتقدش ان في عقل يقول كدة
بلاش بقى نتهم بعض بأتهامات مالهاش لازمة
و اقتراحك ببيع العربية و اروح اشتري باسات ازاي يعني لو قدامك باسات لـ 73000 انا شاري او ممكن ازود شوية لحد 80000 و اجيب مرسيدس لو قدامك بردو مش عارف انت وجهة نظرك ايه من الاقتراح ده واضح انك مش عارف اسعار الباسات و الجيتا و المرسيدس
و بعدين هو انت بتتكلم عن موبايل دي مهما كانت افيو بيطلق عليها لقب عربية للأسف

[yoko]

اللى معاه أفيو و مش عاجباه و بيشتم فيها يبقى أحسن ليه يبعها و يجيب حاجة ألمانى زى الباسات أو الجيتا أو يزود شوية و يجيب مرسيديس و يريح دماغه
و الله العظيم أنتم كرهتوا أصحاب العربية فيها ...
نصيحتكم وصلت لينا و الحمد لله و هى ان العربية (صفيحة زبالة) و (توكتوك) ... متشكرين .. لكن أرحمونا بقى ... مش كل مداخلة من اللى بيكرهوا العربية نلاقى شتائم غربية ..
المنتدى المفروض انه علشان نحاول نفيد بعض مش علشان نشتم و خلاص
ملحوظة: فى قسم اللوجان , فى ناس بتشتكى من حاجات فى العربية و رغم كده متلاقيش حد بيشتم بل بالعكس بيحاولوا يحلوا المشاكل اللى بتقابلهم بهدوء لانهم بيحبوا عربياتهم ...

أتمنى أن يصبح قسم شيفروليه مكانا للأفادة و ليس للشتيمة

معلش هو ساعة لما الواحد إشتراها لو كان قدر يجيب أحسن منها كان جاب زي ما أنا لما ربنا كرمني بعت الأفيو وجبت حاجة أحسن!!!
ويا ريت بلاش الإسلوب ده عشان منزعلش من بعض وعشان مزعلكش زي ما إنت زعلتني دلوقتي!!!
واللوجان مش كل العربيات فيها مشاكل وكمان مشاكلها مش ممكن تودي صاحبها في داهيه أختر حاجة إن الفتيس بيتهز شويه يعني أخرك إديك تنمل!!! لكن موضوع الrpm ولا عربيتي الي الفرامل فيها كانت بتهرب ولا الطنابير ولا التعويم ولا الحدفة اليمين على طول!!! ديه مصايب مش مشاكل

[mustafaibrahim]

اللى معاه أفيو و مش عاجباه و بيشتم فيها يبقى أحسن ليه يبعها و يجيب حاجة ألمانى زى الباسات أو الجيتا أو يزود شوية و يجيب مرسيديس و يريح دماغه
و الله العظيم أنتم كرهتوا أصحاب العربية فيها ...
نصيحتكم وصلت لينا و الحمد لله و هى ان العربية (صفيحة زبالة) و (توكتوك) ... متشكرين .. لكن أرحمونا بقى ... مش كل مداخلة من اللى بيكرهوا العربية نلاقى شتائم غربية ..
المنتدى المفروض انه علشان نحاول نفيد بعض مش علشان نشتم و خلاص :_alshmokh08[1]:
ملحوظة: فى قسم اللوجان , فى ناس بتشتكى من حاجات فى العربية و رغم كده متلاقيش حد بيشتم بل بالعكس بيحاولوا يحلوا المشاكل اللى بتقابلهم بهدوء لانهم بيحبوا عربياتهم ...:b4_388:

أتمنى أن يصبح قسم شيفروليه مكانا للأفادة و ليس للشتيمة

+11111111111111111111111

فعلا لكل عربية فيه ناس بتدخل المنتدى فقط عشان تشتمها و تطلعها اى كلام

اعتقد ان الموضوع ده داخل فيه حرب التوكيلات

[yoko]

+11111111111111111111111

فعلا لكل عربية فيه ناس بتدخل المنتدى فقط عشان تشتمها و تطلعها اى كلام

اعتقد ان الموضوع ده داخل فيه حرب التوكيلات

معلش بس حضرتك يا إما مجربتش العربيه يا إما من الأقليه الي مظهرتش عندهم عيوب وعيب قوي الي حضرتك كتبه هنا وعشان أريحك أنا لسه طالب مش في أي توكيل والحمد لله كتير من المنتدى هنا يعرفني معرفة شخصيه ومش هقولك إن فيه منهم ساكنين معايا في نفس الشارع!!!!
ولو مش مصدقني ممكن أجيبلك الورق الي يثبت إن كان معايا العربيه وإني بعتها كمان!!! وبكام؟
وفيه موضوع قديم أن عامله في كيا مصور في السول وأنا سايق وباين فيه تابلوه الأفيو ويوميها كنت راجع من الكله
ومفيش ولا واحد من الإشتكى من الأفيو غير معاه العربيه أو مع قريبه

وحكايه إن حد من التوكيل يدخل بصفة تانيه فدول بيخدوا إيقاف في ساعتها وفيه منتديات تانيه بيسبوهم والتوقفوا بسبب إنهم من التوكيل ومتخفيين وإتوقفوا كتير والحمد لله
وعيب قوي تتكلم بالإسلوب ده مع أعضاء أقدم منك في المنتدى!!!! حتى لو أصغر منك في السن

[أشرف العدوي]

+11111111111111111111111

فعلا لكل عربية فيه ناس بتدخل المنتدى فقط عشان تشتمها و تطلعها اى كلام

اعتقد ان الموضوع ده داخل فيه حرب التوكيلات

و لكل عربية ناس بتدخل تشكر و خلاص
و للأسف مايتفعش شكر في الافيو علشان كدة الناس دي بتبان على طول
هههههههههههههههههههههه
يعجبني فيك نظرتك المستقبلية

[basm]

ما تقلقش الي بيتكلموا بالاسلوب بتاعك ده مش بيصعبوا عليا
و ليه تظلم صفيحة الزبالة وتشبهها بالأفيو

ربنا يباركلك في عربيتك و يبعد عنها المشاكل

احسن برضه.. والله الحمد لله ده اسلوبى وعاجبنى.. وياريت تعرفنا نوع صفيحة الزبالة اللى انت راكبها ولما تشتم فى عربية اشتم فى عربيتك .. اشتم فى توكيلها .. بس ابعد عن عربيات الناس

[yoko]

احسن برضه.. والله الحمد لله ده اسلوبى وعاجبنى.. وياريت تعرفنا نوع صفيحة الزبالة اللى انت راكبها ولما تشتم فى عربية اشتم فى عربيتك .. اشتم فى توكيلها .. بس ابعد عن عربيات الناس

مهو راكب أفيو يا باسم!!!

[أشرف العدوي]

احسن برضه.. والله الحمد لله ده اسلوبى وعاجبنى.. وياريت تعرفنا نوع صفيحة الزبالة اللى انت راكبها ولما تشتم فى عربية اشتم فى عربيتك .. اشتم فى توكيلها .. بس ابعد عن عربيات الناس

ابقى شوف بيانات الأعضاء قبل ما ترد علشان ما يتقلش عليك خفيف !!!!!
صفيحة الزبالة الي انا راكبها ما تتخيرش عن صفيحة الزبالة الي انت راكبها

[zeznia]

ياريت ياجمعه الحوار مايخدش المنحي الشخصي ده وانتوا اكبر من كده بكتير ومش هانخسر بعض عشين عربيه
والاساتذه الفاضلين اللي بيقولوا كلام خارج عن اي عربيه خلي بالك ان العربيه دي جماد وهي مش هترد عليك يعني يكفي انك تقول عيوب العربيه وتنصح الناس ويبقي كتر خيرك
انا مثلا لما لقيت الناس شده حلها قوي عالكروز وهي عربيه لسه مابقلهاش سنه في السوق عملت استفتاء والكل عرف النتيجه
احلي حاجه ان المنطقه بتاعت الرد مكتوب فوقيها*=== (( ما يلفظ من قول إلا لديه رقيب عتيد )) ===*
انا كل ماباجي اكتب تعليق لازم اقرا الايه الكريمه ياريت الايه دي ماتبقاش زينه يعني مع الشكر لادارة المنتدي

[mohamedrabia]

انا من وجهة نظري انها تجارب وطالما ناس كتير جربت واكدت انها سيئة يبقي التجربة خير دليل وكمان بيشتكوا من الوكيل وده انا سمعته كتير يبقي الموضوع تقريبا منتهي ومحسوم وعلي حد علمي ان كمان قطع الغيار والبودي الخارجي للسيارة بكماليلاتة اسعارهم غاليه يبقي المنطق يقول ايه اشتري الي يريحني وابعد عن شكوي الناس

[basm]

ابقى شوف بيانات الأعضاء قبل ما ترد علشان ما يتقلش عليك خفيف
صفيحة الزبالة الي انا راكبها ما تتخيرش عن صفيحة الزبالة الي انت راكبها

طيب يا عم خلينالك التقل كله.. بس على فكرة اذا كنت انت راكب صفيحة زبالة فانا لأ.. وعايز اقولك حاجة كمان : انت طريقتك فى الكلام تنرفز اى حد.
حاجة تانية ممكن حضرتك تقولى ازاى عربية بالسوء ده وعاملة معايا 50 الف كيلو وكل اللى غيرته من الزيرو تيل امامى وفلتر بنزين مرتين وهواء مرة.. ومش اول زيرو اركبها لانى كنت راكب قبلها اكسنت 99 ولانوس 2000[/size][/size]

[أشرف العدوي]

طيب يا عم خلينالك التقل كله.. بس على فكرة اذا كنت انت راكب صفيحة زبالة فانا لأ.. وعايز اقولك حاجة كمان : انت طريقتك فى الكلام تنرفز اى حد.
حاجة تانية ممكن حضرتك تقولى ازاى عربية بالسوء ده وعاملة معايا 50 الف كيلو وكل اللى غيرته من الزيرو تيل امامى وفلتر بنزين مرتين وهواء مرة.. ومش اول زيرو اركبها لانى كنت راكب قبلها اكسنت 99 ولانوس 2000[/size][/size]

الجزء الاول مش هرد عليه لانه ما يستهلش اني ارد
الجزء التاني عربيتك تعتبر من الحالات الفردية
شوف اللينك ده

http://www.nilemotors.net/Nile/154755-a.html

اللينك ده انا قصدت اني محطش فيه مشكلة الار بي ام علشان ميبقاش 100%

[mmtronic]

طيب يا عم خلينالك التقل كله.. بس على فكرة اذا كنت انت راكب صفيحة زبالة فانا لأ.. وعايز اقولك حاجة كمان : انت طريقتك فى الكلام تنرفز اى حد.
حاجة تانية ممكن حضرتك تقولى ازاى عربية بالسوء ده وعاملة معايا 50 الف كيلو وكل اللى غيرته من الزيرو تيل امامى وفلتر بنزين مرتين وهواء مرة.. ومش اول زيرو اركبها لانى كنت راكب قبلها اكسنت 99 ولانوس 2000[/size][/size]

بص يا استاذ باسم

مع احترامى ليك و لاسلوبك - بس خلينا نتكلم بالعقل

1- الناس دى كلها مش معقول تكون كلها بتلفق كلام و تتبلى على العربية دى و توكيلها كدة و خلاص و انا منهم و على فكرة اعرف يوكو و اعرف ابو اسر من المنتدى

2- مش عيب ان الواحد ينبة غيرة على مشكلة وقع فيها علشان غيرة ميتخمش و يلبس و يعانى من نفس المشكلة - دا حتى يا اخى علشان ربنا يكرمك و يوقفلك ولاد الحلال دايما فى طريققك - طالما بتراعى اخوانك و تخاف عليهم

3- مش معنى ان سيارتك سليمة - الله يباركلك فيها - انك تكدب كل الناس دى و تفتكر انك الى صح

4- لو راجعت مشاركاتى الاولى حتلاقينى كنت زيك كدة بتدايق كل ما اقراء كلام الناس عن الافيو لانى كنت ليسة جايبها جديد و فرحان بيها و لكن بعد حوالى 10000 ابتدى المستخبى يطلع و مع العلم انى بحسس على عربيتى و بعاملها باحترام زائد كانها فرد من الاسرة كمان

5- حديك مثال صغير - قد اية بيدخنو سجاير - كتير صح ؟
قد اية بيموت منها - كتير صح ؟
قد اية بيعيش سليم لحد ما يموت موتة ربة - عدد لا باس بية
يبقى نقول اهه السجاير مبتقتلش كل الناس - يبقى السجاير حلوة و احنا بنفترى عليها ؟

على فكرة انا مدخن ؟