ما هو تقييمك لوكيل شيفروليه و مراكز الخدمه

[Islam_galal]

أنا تعمدت أقلل درجات التقييم لتقليل الخطأ الناتج من أن بعض الناس تميل لوضع تقييمات متفائلة و العكس

برجاء المشاركة ممن يتعامل بشخصه مع الوكيل لضمان نزاهة الإستطلاع (شكرا)

[mina_ramsis]

للاسف انا قولت سئ

[mohamed10]

للاسف انا قولت سئ
ليه هو سى

[mina_ramsis]

http://www.nilemotors.net/Nile/showthread.php?t=19207

[modey_911]

سئ جدا لان انا لما رحت التوكيل علشان مشكلة المساعد اليمين والتخبيط الي في العفشة وهيا طبعا في فترة الضمان قالي المشكلة دي هاتتحل علي حسابي طبعا لان المساعد لا يشمل الضمان وانا مبلغ التوكيل علي المشكلة دي من يوم ماجتها وفي الاخر عملتة علي حسابي والمساعد الي انا جبتة برضة فية نفس المشكلة والصوت لسة موجود يعني جدمة سيئة قطع غيار سيئة برضة اسف علي الازعاج
بس دي حاجة تحرق الدم

[samehafez]

طب يا جماعة لو فيه مشكلة متكررة عند الناس ليه منرحش جماعة ............... يعني لو واحد رايح يتكلم ممكن يمرهموه لكن لو خمسة ستة ما اظنش !؟!؟! يا ريت نحدد المشاكل الشائعة في الافيو و نحدد يوم نروح لفرع واحد و نتكلم معاهم ...........؟؟؟

[modey_911]

كلام مظبوك جدا يا موحا دا ممكن يكون احد اهم الاهداف الي ممكن نتكلم فيها وناقشها مشاكل الفيو والكترة عزوة معاهم بالذات

[ahmabbas]

انا عضو جديد وياريت اكون معاكوا فرع طريق اسكندرية سيئ سيئ سيئ
والمشكلة اللي مش عارفين يحلوها هي ارتفاع عدد لفات الموتور عند الضغط على الدبرياج او المور

[dinow]

انا رحت اوتوماستر فى الخى السادس ممتاز جدا و رايق

[dwidar]

للاسف مثل اي شيء في مصر مجرد ديكور فاترينه اما من الداخل فحدث ولا حرج .. جفاف في المعامله دائما من اول الباب مرورا بالصيانه مع بعض الاخوه الذين ينتهجون الجليطه كمبدأ عام للتعامل معنا نحن الاوغاد الذين وجدوا 70000 الف جنيه وطالع او سرقوهم واشتروا العربيات الافيو والاوبترا .....شيء سمج و حسبي الله ونعم الوكيل
ناهيك عن قلة الذمه والتماحيك لاجل البقشيش مفيش مانع بس يعني؟......
انا تقييمي للتوكيل عيب عليكم كده دانتو منصور والاجر على الله عيب كده
10 % ضريبة مبيعات ها هأ هأ هأ
5,85 جنيه مستلزمات ورشة ميكانيكا اي والله العظيم (لدي الفاتوره لاني كنت هناك من ساعتين في اسكندريه عالصحراوي بتاريخ 5 يوليو 2008
غير كده الباقي معقول بس مفيش مكان نضيف للجلوس
د محمد

[sat2965]

التوكيل اللى فى طريق اسكندرية الصحراوى أسوأ توكبل وسىء جدا

[Dr_Peps]

بصراحة يا جماعة التوكيل اللي في طريق مصر اسكندرية الصحراوي زي الزفت أولا مافيش مكان محترم وكبير الناس تقعد فيه لحد مايخلصوا العربية وكراسي مقرفة ومافيش كافتيريا ولمبة واحدة المنورة الأودة وتليفزيون من سنة 70 عامل دوشة وخلاص وبعدين ازاي يعني الحتة الصغيرة دي يقعد فيها صحاب الشيفروليه والاوبل والنصف نقل ؟؟؟؟؟؟؟؟؟؟؟؟؟
ده غير ان كل حاجة غالية جدا على ايه مش فاهم ولوعندك حاجة ضروري ورحت من غير ميعاد تبهدل اخر بهدلة ولما تيجي تدفع الفلوس تقف في حتة نصف في نصف متر واقف فيها 40 نفر
وكمان المرة الوحيدة اللي رحت فيها علشان اغير تيل الفرامل وهما بيفكوا مسامير الجنط اللي العربية نزلة بيه (أوبترا 2005 أول دفعة) كسروا المسمار وقالولي خلي العربية لبكرة علشان نجيب خراط يفكها وبعد ما خرجت من مركز الخدمة اللي مافيهوش خدمة اكتشفت انهم مادونيش دفتر الصيانة ومحدش فكر يكلمني يفكرني بيه.
ولذلك هو سئ جدا جدا جداً وانا لو معايا فلوس اوبل فيكترا برضه مش حاشتريها علشان ماروحلهمش

[yasserallam]

حسبى الله ونعم الوكيل
حسبى الله ونعم الوكيل فيمن هو معتمد وليس بمعتمد
امس

[yasserallam]

المركز الرئيسى زى الزفت وطالما الرئيسى زى الزفت اكيد اللى مش رئيسى يكون اسواء من الزفت

امس ذهبت لااصلاح عربيتى صيانه 15000 بالاضافه لاستعدال الدركسيون لانه من المره اللى فاتت فى صيانه 10000 كنت باشتكى من حدفه يمين المهم عملوها وخرجت من المركز الساعه 3 ونصف ولانى كنت ارفان والطريق امام الورشه المعتمده بالهرم لا يمكن انك تحدد العربيه بتحدف ولا لا المهم اكتشفت انه العامل الفز اللى ظبط الحدفه اليمين خلى الدركسيون معووج
المهم فى صيانه 15000 قولت ليهم على المشكلهاول مره زبط الدركسيون وخلى العربيه تحدف يمين رجعت تانى ضبط الحدفه وخلى الدركسيون معووج يمين رجعت تالت المره دى خلى الدركسيون معووج شمال فالمهندس الفز برضه زى الفنى الفز قاللى لى لازم يكون الدركسيون حادف شويه لان الفتيس ومش عارف ايه "كلام فى العبيط" ---- انا من ارفى مشيت من الورشه وانا باغلى

وحسبى الله ونعم الوكيل

[egyptianmafia]

if you will go to the Haram location ask for Eng Sherif or Eng Bassem (he is the Service Manager) they are really good and they will take care of you!