رابـــــطة مالكـــــــــــــى شيفـــــرولـيـــــــة كــــــــــــروز

[ashouhdy]

النهاردة عملت ظبت زواية في موبيل لاني كانت حاسس ان في حدفة يمين بسيطة وتكاد تكون غير ملحوظة لمبتدئي القيادة ... الراجل كان رافض ويقولي دي زيرو ياباشا بس انا اصريت ... المهم لقيتة اختار العربية كورسا من الجهاز ... لحقتة و اخترت انا الكروز والموديل لانة طلع للاسف مش عارف الفرق بين كورسا و كروز بالانجليزي

وطلع فعلا في فرق حوالي 0.18 درجة يعني اقل من ربع درجة وظبتها والحمد لله بقت مسطرة

[ashouhdy]

اة في ملاحظة كمان مضيقاني هي ممكن تكون بسيطة.

هو لية لما اجي ارعش النور بيطول ... يعني النور بيقعد بتاع ثانية ويقفل مش ورا بعض سريع ؟ هو كلة كدة ولا انا بس؟

[mohamed awad]

شكرا ليكم على الترحيب العربيه هاى لاين اشترتها ب 140000 هى غاليه شويه بس علشان كانت نضيفه اوى بصراحه الكروز عربيه حلوه اوى اوى فيها ريحة الامريكانى وكل حاجه فيها المانى ومناسبه لسعرها اوى

[mohamed awad]

ياريت يا جماعه نعمل صفحه على الفيس بوك وتكون اسمها رابطة ملاك الكروز ايه رئيكم

[hossam_elwani]

اة في ملاحظة كمان مضيقاني هي ممكن تكون بسيطة.

هو لية لما اجي ارعش النور بيطول ... يعني النور بيقعد بتاع ثانية ويقفل مش ورا بعض سريع ؟ هو كلة كدة ولا انا بس؟

اعتقد لا حجرب واشوف

[hossam_elwani]

النهاردة عملت ظبت زواية في موبيل لاني كانت حاسس ان في حدفة يمين بسيطة وتكاد تكون غير ملحوظة لمبتدئي القيادة ... الراجل كان رافض ويقولي دي زيرو ياباشا بس انا اصريت ... المهم لقيتة اختار العربية كورسا من الجهاز ... لحقتة و اخترت انا الكروز والموديل لانة طلع للاسف مش عارف الفرق بين كورسا و كروز بالانجليزي

وطلع فعلا في فرق حوالي 0.18 درجة يعني اقل من ربع درجة وظبتها والحمد لله بقت مسطرة

انت متأكد من ده ؟!!!

كنت زابط الهوا فى الكاوتش بمقاس هوا معتبر؟؟


انا جايب مقاس ديجيتال مخصوص عشان الحكايات دى

[hossam_elwani]

شكرا ليكم على الترحيب العربيه هاى لاين اشترتها ب 140000 هى غاليه شويه بس علشان كانت نضيفه اوى بصراحه الكروز عربيه حلوه اوى اوى فيها ريحة الامريكانى وكل حاجه فيها المانى ومناسبه لسعرها اوى :ob_mak1[1]::ob_mak1[1]:

يعنى شاريها كسر زيرو؟؟

[ashouhdy]

اعتقد لا حجرب واشوف

ياريت ... انا مش عارف هل 2014 ولا لأ ... بس اكيد لأّ ّ!

انت متأكد من ده ؟!!!

كنت زابط الهوا فى الكاوتش بمقاس هوا معتبر؟؟


انا جايب مقاس ديجيتال مخصوص عشان الحكايات دى

انا اول ما استلمت ظبطت النيتروجين على 32 على طول ... بس عالجهاز كان مدى قراية فرق 0.18

هو الفرق مجبش ربع درجة ... الراجل بيقولى انت عشان تحس بالفرق دة لازم تبقي من النوع اللي بيحنتف الحاجة


كنت عايز اقولة انا اعرف منتدي كامل بيحنتف مش انا بس :)

[Eng_hatemfathy]

حمد الله على سلامتك الاول

بالنسبه لاستهلاك البنزين كده عشره على عشره هو عمل اى حاجه لضبطه ولا جربتو وبس ؟؟

الكروز فيها ثغره فى استهلاك البنزين هيا فى بدايه تحرك السياره هنا بيتم استهلاك بنزين اكتر من اى عربيه تانيه لكن لو على طريق مثالى ومفتوح حتدهشك من قلة استهلاكها بجد وفعلا الكمبيوتر بيعمل معايا الرقم ده على سرعة 100

اما موضوع الاتزان هو ايه الى بوظ التيش ده من اصله هل اتعوج مثلا ؟؟!!!!!!!

انا عندى مشكلة ان الدركسيون بيبقى خفيف جدا على السرعات ما فوق الميه هل ده ليه حل ؟؟

وربنا يعينك مش عارف حظك وحش ليه كده

وكل الشكر ليك

وعايزك تتابع موضوع اخونا شهدى عن كروز 2014 ممتع ومفاجىء للجميع اضافات لاول مره يعملها منصور فى الكروز

الله يسلمك يا باشا -هو معملش ظبط لاى حاجه وجربنا على طول المشكله ان ظروف الاختبار دى مش بتتحق لا فى سفر ولا جوا البلد لان فى السفر بمشى بسرعه فالاستهلاك بيبقى جامد وجوا البلد بيبقى الطلعات كتير وبيبقى كل طلعه فيها استهلاك عالى فبلاقيها فى الاخر بتعمل من 175 الى 185 فى الصفيحه وده سىء
وبخصوص التيش مكنش معووج ولا حاجه بس البيض كان خفيف شوية وانا حركت التيش امبارح بايدى من ورا العجل لقيته برضه خفيف فشكيت انه متغيرش الا ان المهندس حلف انه اتغير (لاسف الورق اللى معايا مش مكتوب فيه تغيير لانى خدت امر التشغيل الاولى طلعت بيه تضريح الخروج علشان الحق امشى بالعربيه بدل ما تبات وكان المفروض انه يتعدل داخليا انهارده
وبخصوص الاتزان فعلا الدركسيون كان بيبقى خفيف بعد ال 100 وكنت برجع ده انى نازل من باور كهربا لزيت بس انا حسيت ان الامر اتحسن امبارح بعد التغيير لكن للاسف لسه سامع دبدبة
وكلمت المهندس هانى قالى مستحيل يكون فى حاجه تانى انا شاكك فى علبه الدركسيون او البارات الطرفيه
مش عارف قلقان بس معنديش بدائل انا عملت كل اللى فى ايدى ومضطر اتعايش

[ashouhdy]

لو عملت 175 كيلو في الصفيحة جوة البلد يبقي 100 100 لان الكارينز كان يدوبم 150 و الفلوينس مع صحبي برضة 160

[ashouhdy]

حد ركب باركينج سينسورز او زينون يا جماعة ؟ ياريت تفاصيل

[Eng_Moh.Dewair]

حد ركب باركينج سينسورز او زينون يا جماعة ؟ ياريت تفاصيل

انا شوفت الكشاف زى ده متركب على عربيه كروز ماشيه على البحر ما شاء روعه ربنا يبارك لصاحبها :

https://www.youtube.com/watch?v=7KQ1BmMexG0

حاول تسال عند شمس ستايل اللى فى الشاطبى هتلاقى عنده او تصبر عليه يومين يجيبهولك . و لو مش فاضى انا رايح الكليه بكره ابقى اعدى عليه اسالهولك . اللى جميله اوى و ان شاء الله اول ما استلم هركبها الكشافات الليد الخلفيه اللى شبه دول :

https://www.youtube.com/watch?v=T4rw5U8nSoo

ربنا يسهل و الاقيهم ان شاء الله و استلم بقى و يقوينى عليها :)
بالنسبه للحساسات بلاش تخرم الاكصدام و ترش و الكلام ده ركب شاشه بكاميرا خلفيه احسن و انضف و بتركب على مرايه الصالون من غير تعقيد كتير

[ddo]

ياجماعة خالى بالكم بلاش تعملو اضافات على كهربة العربية بتضرب كارتة الكهرباء

[ddo]

حجزت السيارة الخارقة كروز وان شاء الله بعد يومين انضم لمالكى السيارة الانيقة بثوبها الجديد Cruze 2014

[ashouhdy]

ما المشكلة في التوكيل ... انا خايف اركب برة الحاجات دى حاجة تبوظ والعربية دى كلها كمبيوتر وبرمجة وافلام ! الله يرحم الكيا كنت تشيل وتهبد وتقص ولا الهوا ! هههههههههههههههههههه