رابـــــطة مالكـــــــــــــى شيفـــــرولـيـــــــة كــــــــــــروز

[Eng_hatemfathy]

بالنسبه للصور ارفعها من خلال موقع رفع المنتدى

وانسخ رابط المنتديات فى المشاركه لصق

ضبط التكيف تحفظه بأنك يا تقفل العربيه والتكييف شغال على الوضع الى انت عايزه ولما ترجع وتدورها حتلاقيه على نفس الوضع

او انك قبل ما تقفل العربيه اقفل المروحه خالص والتكيف شغال ولما تيجى تشغله حتلاقيه على نفس الضبط

اما بخصوص الكلاكس وعلى الرغم من تفعيله من الضبط اول مره بيدى فلاشر تانى مره تضغط فيها حيضرب بالكلاكس ربما معمول كده عشان الازعاج

اما بخصوص كمية الوقود فى التانك فده غير متاح انت تقدر بس من خلال كمبيوتر الرحلات تعرف الى فاضل فى التانك يمشيك قد ايه

اما بخصوص الستاير فيقال وانا مجربتش ان ستاير الباسات الخلفيه بتركب عليها بالملى والله اعلم جرب ورد عليا


اما بخصوص مراي الصالون التعتيم الذاتى فحتلاقى فيها زراير

تحيتى ليك ومتابع معاك

حسام باشا
مراية الصالون من غير زراير ولقيتها مبتغمقش ولا حاجه -باين عينى انا كانت مضببة او كان كابس عليا النوم
بالنسبة للتكييف مشكلته الكبيرة انى دايما بحب اقفل الهوايات سواء مشغل التكييف او لأ من ايام الشارك ودى كانت نصيحة واحد فى التوكيل علشان جاله زبون دخله فار من الهوايات واكل توصيلات الكاسيت والتابلوه وفعلا لقيت قفلها مريح علشان العوادم اللى قدامك وعلشان حرارة الموتور خاصة الكروز فتحة الهوا تقريبا قريبة من الفرن فبتدخل هوا مولع من اول عشر دقايق مشى فكل ركوبة لازم اقفلها من جديد ياما انساها وافتكرها لما احسن ان رجلى بتشيط
بالنسبة للكلاكس فعلا بيضرب مره واحده مع كل دوسة ابتداء من الدوسة التانية وده كنوع من انواع البحث عن العربية على حد علمى لكن تخيلت انه مفروض مع اختياره فى الضبط مع الاغلاق انه يشتغل عادى مع الفلاشر فى كل قفله
وبالنسبة للصور حاولت امبارح اصور كام صورة مش لاقى ملكة كويسة علشان الصورة تيجى واضحة ومهما نورت الانوار الداخلية الصورة مضلمة لان اى فون ثرى من غير فلاش بس هحاول تانى ان شاء الله
انا كان قصدى عن معلومة تانتك البنزين انى اعرف الاحتياطى بتاعه كام لتر يعنى تلاته ولا خمسه زى الشارك
بالمناسبة امبارح تانى تفويلة للعربية ولقيتها عاملة 163 كيلو فى الصفيحة فكرتنى بالبلونيز

عايز اعرف هل فى زرار بيوقف الاير باج التانية (حماية للتابلوه) ولا مفيش وهل لازم الحزام بتاعها يبقى مربوط علشان تشتغل ولا هيا بتفتح مع بتاعة السواق
وهل اير باج السواق مرتبطة بالحزام ولا بتفتح حتى لو الحزام مش مربوط
للاسف الكتالوج عقيم جدا -الشارك كان معاها مجلدين -يلا الله يرحمها
هشوف كده موضوع الستاير -بس كنت عايز اعرف ازاى هتتركب من غير مخرم فى العربية لانى طبعا مش هوافق يتحط فيها مسمار والا فالكبس افضل
بجد العربية دى لى اتركب ليها فيميه اسود دارك هتبقى جنان بس للاسف قانون مصرى غبلى زى كل حاجه قال ايه لازم يكون نازل فى الافراج علشان يرخصوه
انا كان عندى فى الشغل بليزر سوداء فيميه اسود غامق متشفش منه بالليل وعادى جدا فى المرور لانه على الرخصه اما لو ركبت اول درجه يتعملك حفلة
ربنا يتوب علينا من الغباء الحكومى ويبقى الفيميه برسوم وخلاص

تثبل تحياتى

[hossam_elwani]

كيفية غسيل الموتور

‫غسيل بستم - تنظيف مكينة السيارة شيفروليه كروز (How to clean car engine (Chevrolet cruze 2010‬‎ - YouTube

[Eng_hatemfathy]

كل العربيات الجديدة ينصح فقط بالتنظيف بالهواء وعدم استخدام الماء او الفوم وبالفعل انا قضيت سنة وعشر شهور بالشارك من غير ولا غسلة -مجرد نفخ بالهواء

[Eng_hatemfathy]

يا جماعة حد يجاوبنى على الحاجات دى:
التكييف مشكلته الكبيرة انى دايما بحب اقفل الهوايات سواء مشغل التكييف او لأ من ايام الشارك ودى كانت نصيحة واحد فى التوكيل علشان جاله زبون دخله فار من الهوايات واكل توصيلات الكاسيت والتابلوه وفعلا لقيت قفلها مريح علشان العوادم اللى قدامك وعلشان حرارة الموتور خاصة الكروز فتحة الهوا تقريبا قريبة من الفرن فبتدخل هوا مولع من اول عشر دقايق مشى فكل ركوبة لازم اقفلها من جديد ياما انساها وافتكرها لما احسن ان رجلى بتشيطهل فى طريقة بتخلى البوابات مقفولة على طول من البداية
عايز اعرف تانك البنزين الاحتياطى بتاعه كام لتر يعنى تلاته ولا خمسه زى الشارك

عايز اعرف هل فى زرار بيوقف الاير باج التانية (حماية للتابلوه) ولا مفيش وهل لازم الحزام بتاعها يبقى مربوط علشان تشتغل ولا هيا بتفتح مع بتاعة السواق
وهل اير باج السواق مرتبطة بالحزام ولا بتفتح حتى لو الحزام مش مربوط

ياريت اللى يعرف يقولى ضرورى

[mido]

يا جماعة حد يجاوبنى على الحاجات دى:
التكييف مشكلته الكبيرة انى دايما بحب اقفل الهوايات سواء مشغل التكييف او لأ من ايام الشارك ودى كانت نصيحة واحد فى التوكيل علشان جاله زبون دخله فار من الهوايات واكل توصيلات الكاسيت والتابلوه وفعلا لقيت قفلها مريح علشان العوادم اللى قدامك وعلشان حرارة الموتور خاصة الكروز فتحة الهوا تقريبا قريبة من الفرن فبتدخل هوا مولع من اول عشر دقايق مشى فكل ركوبة لازم اقفلها من جديد ياما انساها وافتكرها لما احسن ان رجلى بتشيط:_alshmokh11:هل فى طريقة بتخلى البوابات مقفولة على طول من البداية
عايز اعرف تانك البنزين الاحتياطى بتاعه كام لتر يعنى تلاته ولا خمسه زى الشارك

عايز اعرف هل فى زرار بيوقف الاير باج التانية (حماية للتابلوه) ولا مفيش وهل لازم الحزام بتاعها يبقى مربوط علشان تشتغل ولا هيا بتفتح مع بتاعة السواق
وهل اير باج السواق مرتبطة بالحزام ولا بتفتح حتى لو الحزام مش مربوط

ياريت اللى يعرف يقولى ضرورى

لازم تقفل كل مرة زى العربيات الالمانى
الاحتياطى غالبا 5
مفيش زرار بيوقف الايرباج
الايرباج غالبا مش مرتبطة بالحزام مشوفتش اى حاجة عليها فى الكتالوج

[Eng_hatemfathy]

لازم تقفل كل مرة زى العربيات الالمانى
الاحتياطى غالبا 5
مفيش زرار بيوقف الايرباج
الايرباج غالبا مش مرتبطة بالحزام مشوفتش اى حاجة عليها فى الكتالوج

متشكر جدا على سرعة الرد
بس كنت عايز اعرف الاحتياطى 5 فوق الستين ولا منهم وهل فى لمبة للبنزين ولا مفيش
وانا فعلا مشفتش فى الكتالوج حاجه عة الاير باج بس الشارك كان لازم الحزام يبقى مربوط علشان تشتغل والفلونس فيها مفتاح بيلغى الاير باج التانية علشان التابلوه ميبوظش فى الى حادثة ومفيش حد راكب جنب السواق
الموضوع ده خطير ومكلف جدا

ربنا يستر

[mido]

متشكر جدا على سرعة الرد
بس كنت عايز اعرف الاحتياطى 5 فوق الستين ولا منهم وهل فى لمبة للبنزين ولا مفيش
وانا فعلا مشفتش فى الكتالوج حاجه عة الاير باج بس الشارك كان لازم الحزام يبقى مربوط علشان تشتغل والفلونس فيها مفتاح بيلغى الاير باج التانية علشان التابلوه ميبوظش فى الى حادثة ومفيش حد راكب جنب السواق
الموضوع ده خطير ومكلف جدا

ربنا يستر

ممكن تسأل في التوكيل
ال٥ لتر بره ال٦٠
فيه لمبة بنزين طبعا دي عربيه بنت ناس برضه :)

[hossam_elwani]

ممكن تسأل في التوكيل
ال٥ لتر بره ال٦٠
فيه لمبة بنزين طبعا دي عربيه بنت ناس برضه :)

فعلا فيه لمبة بنزين وكمان لو وصلت للحد الخطر العربيه خلاص فاضل لها شويه وتبطل بيكتبلك على الشاشه تحذير وكلمة full مرتين

[Meshmemo]

Full Fuel :)

[hossam_elwani]

Full Fuel :)

ايوه تمام



عذرا اصلها محصلتش معايا الا مره واحده بس وكنت عايز اعرف ساعتها هيا حتستهلك قد ايه

[Eng_hatemfathy]

فعلا كانت كاتبه full fuel لما استلمتها بس مخدتش بالى من اللمبه
لو حد يعرف يدلنا على موضوع الاير باج لان مهم جدا بالنسبة لى انى الغيها
وكمان عندى حاجه غريبة غير ان الكلاكس مش بيدى صوت مع الفلاشر عند الاغلاق
وهيا انى ممكن اقفل العربية والشنطة مفتوحة ومفيش انذار بيضرب
وكمان لو فتحت السنتر ومفتحتش الباب مبيقفلش لوحده زى اى انذار
فهل حد خد باله من الحجات دى ولا فى مشكله عندى
ياريت الافادة

[hossam_elwani]

فعلا كانت كاتبه full fuel لما استلمتها بس مخدتش بالى من اللمبه
لو حد يعرف يدلنا على موضوع الاير باج لان مهم جدا بالنسبة لى انى الغيها
وكمان عندى حاجه غريبة غير ان الكلاكس مش بيدى صوت مع الفلاشر عند الاغلاق
وهيا انى ممكن اقفل العربية والشنطة مفتوحة ومفيش انذار بيضرب
وكمان لو فتحت السنتر ومفتحتش الباب مبيقفلش لوحده زى اى انذار
فهل حد خد باله من الحجات دى ولا فى مشكله عندى
ياريت الافادة

ملاحظات قيمه

بس اعتقد ان جزئية لو فتحت السنتر ومفتحتش الباب مبيقفلش لوحده

دى مش صحيحه وحتأكد اكتر وارد عليك

[Hany Saad]

متشكر جدا على سرعة الرد
بس كنت عايز اعرف الاحتياطى 5 فوق الستين ولا منهم وهل فى لمبة للبنزين ولا مفيش
وانا فعلا مشفتش فى الكتالوج حاجه عة الاير باج بس الشارك كان لازم الحزام يبقى مربوط علشان تشتغل والفلونس فيها مفتاح بيلغى الاير باج التانية علشان التابلوه ميبوظش فى الى حادثة ومفيش حد راكب جنب السواق
الموضوع ده خطير ومكلف جدا

ربنا يستر

تصحيح بسيط بالنسبة لموضوع إلغاء الإيرباج الأمامى فى الفلوانس للراكب جانب السواق و ده كمان موجود فى الميجان ii
-الهدف منه هو الأمان للأطفال و ليس علشان التابلوه ميبوظش ، يوجد نوع من الcar seats للأطفال ممكن وضعه فى الأمام مكان الراكب الأمامى بجانب السواق و ده بيبقى rear facing يعنى وجه الطفل للخلف.....تبعا لتوصيات الأتحاد الأوروبي فى هذا الشأن و عند أستخدام هذا النوع من كراسي الأطفال، وجب إلغاء الإيرباج الأمامى للراكب جنب السواق لما فيها من خطر داهم على الطفل فى حاله فتحها عند الحوادث حيث تؤدى للإختناق....يوجد زر جانبى فى السيارات الأوروبي مرسوم عليه كرسى أطفال rear facing و علامة ممنوع للإيرباج الأمامية....هذه هى الحالة الوحيدة فقط المسموح بها لغلق الأيرباج....
هذه الخاصية غير مصممه لتوفير تكلفة الإيرباج و لا علشان التابلوه ميبوظش و لا أنصح ملاك الميجان أو الفلوانس إلغاء الإيرباج إلا للسبب السالف ذكره لأن بمنتهى البساطة مش هتفتكر تعملها activation لما يكون حد راكب جنبك (لاحظ أنه للactivation أو ال deactivation يجب طفى العربية و تدويرها من جديد) و ساعة الحادثة لا قدر الله هيكون حياة الراكب الأمامى أهم من مليون أيرباج أو مليون تابلوه يبوظ.....

[Eng_hatemfathy]

تصحيح بسيط بالنسبة لموضوع إلغاء الإيرباج الأمامى فى الفلوانس للراكب جانب السواق و ده كمان موجود فى الميجان ii
-الهدف منه هو الأمان للأطفال و ليس علشان التابلوه ميبوظش ، يوجد نوع من الcar seats للأطفال ممكن وضعه فى الأمام مكان الراكب الأمامى بجانب السواق و ده بيبقى rear facing يعنى وجه الطفل للخلف.....تبعا لتوصيات الأتحاد الأوروبي فى هذا الشأن و عند أستخدام هذا النوع من كراسي الأطفال، وجب إلغاء الإيرباج الأمامى للراكب جنب السواق لما فيها من خطر داهم على الطفل فى حاله فتحها عند الحوادث حيث تؤدى للإختناق....يوجد زر جانبى فى السيارات الأوروبي مرسوم عليه كرسى أطفال rear facing و علامة ممنوع للإيرباج الأمامية....هذه هى الحالة الوحيدة فقط المسموح بها لغلق الأيرباج....
هذه الخاصية غير مصممه لتوفير تكلفة الإيرباج و لا علشان التابلوه ميبوظش و لا أنصح ملاك الميجان أو الفلوانس إلغاء الإيرباج إلا للسبب السالف ذكره لأن بمنتهى البساطة مش هتفتكر تعملها activation لما يكون حد راكب جنبك (لاحظ أنه للactivation أو ال deactivation يجب طفى العربية و تدويرها من جديد) و ساعة الحادثة لا قدر الله هيكون حياة الراكب الأمامى أهم من مليون أيرباج أو مليون تابلوه يبوظ.....

كلام حضرتك علميا صح وميه فى الميه مطابق لتعليمات الامن والسلامة
ولكن فى مصر يحب ان نضحى بالام والجنين علشان التابلوه يعيش
وبعدين انا بقعدها هيا والولد ورا -طب ليه بعد الشر التابلوه يفتح من غير لازمة-ههههه

[Eng_hatemfathy]

السلام عليكم يا شباب الكروز
مين فيكو صاحى يواسينى
لسه طالع دلوقتى من عند العربية بعد ساعتين كاملين من العمل المتواصل فى تشميع العربية
النتيجة بفضل الله مرضية ولكن لمعة السيارة بعدما انتهت تسببت فى صاعقه اصابتنى حيث رأيت نغزة فى الكبوت من الناحية الشمال فوق العصب وطبعا عامله تجميع للضوء وبصراحة قلبى وجعنى عليها -ده العربيه لسه مكمله اسبوعين -انا لله وانا اليه راجعون -اللهم اجرنى فى مصيبتى واخلف لى خير منها
لاول مرة افتح الكبوت واقعد اتفرج
بصراحة عندى شوية ملاحظات ومحتاج رأيكم
اولا مفبش تصفيح تحت الموتور والفتيس وماسورة الشكمان المدلدلة اللى بتقول يا شكل مع طوب الارض وده خطر جدا -هل حد يعرف حد بيبيع تصفيح الكروز ولا مفيش اصلا ليها تصفيح لان من اول اللادا 2110 والشارك كلهم كانوا مصفحين وده بفضل الله حمى الفتيس والكارتيره من بلاعات كتير عالية -يا ريت الافاده

ثانيا انا ملقتش مقياس لزيت الفتيس فهل ملوش مقياس ولا انا اللى مشفتش علشان الاضاءة ضعيفة

ثالثا قربة المساحات مفيش فيها مقاس ولا فلتر ولا عوامة -فهل ده طبيعى ولا انا عندى حاجه ناقصةلان برده اللادا والشارك كان فيهمفلتر وعوامة ومقاس

رابعا انا شايف 3 سيور واحد للتكييف وواجد للدينامو وواحد للمجموعة فهل كلهم بيتغيروا عند ال 45 الف ولا ترتيب التغيير مختلف

خامسا محدش رد عليا بخصوص الانذار وهل السنتر بيقفل لوحده لو فتحت اللوك ومفتحتش الباب لمده معينه

سادسا انا شايف فيشه جنب البطارية ومش راكب فيها حاجه -حد يعرف بتاعة ايه دى
ارجوا التواصل -انا حاسس ان صفحة الكروز نايمة خشوا كده على اللانسر هتلاقوها فيها كل يوم جديد عايزين همة يا رجالةعلشان الصفحة تنور المنتدى