رابـــــطة مالكـــــــــــــى شيفـــــرولـيـــــــة كــــــــــــروز

[Ahmed_Ezz]

وجبت كمان فرش لارضية العربيه عباره عن فوم مضغوط عالى الكثافه وخفيف وضد الميه طبعا وعلى شكل ارضية شنطة العربيه وعليه من اطرافه برواز خياطه وملمسه خشن ببروز عشان اى حاجه فى الشنطه تكون فيها ما تتزحلقش بسهوله وده فى نظرى احسن من الارضيه الجلد التفصيل وسعرها 95 جنيه

واليكم الصور

منين ده يا باشا انا دوخت عليها

[hossam_elwani]

منين ده يا باشا انا دوخت عليها

من اسكندريه عزبة سعد سموحه

(شارع تجار جملة الاكسسوار وقطع الغيار) اخر محل على ايدك اليمين

[Eng_hatemfathy]

وجبت كمان فرش لارضية العربيه عباره عن فوم مضغوط عالى الكثافه وخفيف وضد الميه طبعا وعلى شكل ارضية شنطة العربيه وعليه من اطرافه برواز خياطه وملمسه خشن ببروز عشان اى حاجه فى الشنطه تكون فيها ما تتزحلقش بسهوله وده فى نظرى احسن من الارضيه الجلد التفصيل وسعرها 95 جنيه

واليكم الصور

ما شاء الله الفرش رائع يا ترى الاقيه فين فى القاهرة وهل كده مش هينفع ارف الحرف احط حاجه حنب الاستبن اصلى عامل حوالين الاستبن مخزن للبولش والقطن والكومبوند والاكياس الفاضية -ههه
بخصوص الكابل -مش ده وصلة استريو عادية ولا حاجه مخصوص وهل هيا سماعات بس ولا فيها مايك كمان-بس متهيألى الكاسيت بتاعنا مفيش فيه مايك فلو وصلت التليفون بس هسمع فى سماعات العربية بس مايك التليفون هو اللى هيشتغل

[hossam_elwani]

ما شاء الله الفرش رائع يا ترى الاقيه فين فى القاهرة وهل كده مش هينفع ارف الحرف احط حاجه حنب الاستبن اصلى عامل حوالين الاستبن مخزن للبولش والقطن والكومبوند والاكياس الفاضية -ههه
بخصوص الكابل -مش ده وصلة استريو عادية ولا حاجه مخصوص وهل هيا سماعات بس ولا فيها مايك كمان-بس متهيألى الكاسيت بتاعنا مفيش فيه مايك فلو وصلت التليفون بس هسمع فى سماعات العربية بس مايك التليفون هو اللى هيشتغل

تسلم

ممكن تلاقيها فى التوفقيه بقول يمكن لان ساعات نلاقى حاجات فى القاهره ومنلقيهاش فى اسكندريه والعكس


ورفع الرف دون ادنى مشكله لانها خفيفه


بخصوص الكابل ده وصله ستيريو aux 3.5 m واى مقاس غيره ممكن تبوظ مدخل الكاسيت ومفيهوش مايك ولو وصلته على اى جهاز عالى جلاكسى الصوت حيبقى نقى من السماعات ومن مايك التليفون حتى لو بعيد عنك شويه

ومتابع معاك

[aymansabry]

السلام عليكم يا احلى رابطة ملاك لعروسة العربيات شفروليه كروز

حبيت اعمل مشاركة معاكم لتجربتى مع الكروز من ساعة ما اشتريتها من سنه و نص تقريبا.... اول ما رجعت مصر لانى كنت بعمل بالخارج...هى موديل 2010 اول فئة اوتوماتيك... كنت اشتريتها و هى عاملة 60 الف اشتريتها على اساس انى انزل مصر و ارجع اتأقلم على السواقة فيها الاول بالعربية دى ...طبعا دا بعد السواقة بالخارج لفترة طويلة و اللى بتنسيك كل القواعد الخاصة بالسواقة هنا..... ربنا يرحمنا و يصلح الحال.... دا كان على اساس انى ممكن بعد كده ان شاء الله اشترى حاجة اكبر.... المهم و كل يوم كان بيعدى و انا بقتنع بالعربيه دى اكتر و اكتر و بحس انها بتريحنى جدا خصوصا فى السفر الطويل و السرعات العالية و الثبات. و الاعتماديه ...الخ

من اسبوع كده فكرت انى ابيعها و اشترى حاجه اكبر ... بس على طول بعد ما قررت القرار دا داخليا الا انى رجعت افكر تانى... ودا بعد ما دخلت كام شارع ضيق و كام تزنبقه من كام ميكروباس على كام مطب عالى و طرق غير مسفلته فى التجمع الخامس ....

المهم رجعت افكر تانى و قلت والله بالكروز بتقضى الغرض و بتعدى كل المصاعب دى فى مصر و الواحد لاقدر الله لو حصل حاجة حيصلحها و مش حيدفع زى ما لو كان راكب بي ام و لا مرسيدس ولا بيجو 508 ولا اوبل انسيجنيا الجديدة دى .... وكمان حاجة مهمه جدا اليومين دول.... مش حيلفت نظر الحرامية ولا قطاع الطرق ربنا يحفظنا و يطهر مصر منهم قريبا ان شاء الله.....المهم بقى انا قلت ازود كام اوبشن فى العربية واحطهم ... هى اصلا ما شاء الله العربية فيها كل حاجة اساسية ممكن تحتاج لها غير انها واسعة الحمد لله....

مش حطول عليكو ... المهم انا ابتديت و ركبت شاشة و كاميرا نازلة جديد فى السوق... تغنى عن الباركنج سينسور و اول ما الفيتيس ييجى مارشرير الشاشة بتنور اوتوماتيك و فيها مسطرة كمان تحددلك المسافة فى الخلف و انت راجع.... الشاشة بتركب على مراية الصالون عادى جدا...لاء و كمان لما الشاشة بتقفل بتكون لونها اسود و مرايا فى نفس الوقت... عاملة زى مرايا التعتيم بالتالى مش بتتضايق من الاضواء المبهرة اللى الشارع عندنا واللى مضروبة عمال على بطال فى قفا اللى قدامه و مش بيخليه عارف يسوق اصلا.!!
السلك ماشي عادى جدا فى اماكن موجودة فى الصالون من غير ما تقطع حاجه....و الكاميرا فى الخلف ركبت على الفيبر اللى عند زر فتح الشنطة... يعنى مش محتاج تخرم الصاج.... المرايا فيها برضه بلوتوث و اس دى كارد ممكن تحط عليه كل اللى انت عايزه و بيشتغل على اى محطة فى الاف ام.... و بصوت نقى ... انا عجبنى جدا الموضوع دا و حسيت انى حطيت اوبشن كان ممكن يكلف مثلا حوالى 20 الف جنيه لو حبيت توفره و تشترى عربيه عالية بفئة متقدمة....
المهم الموضوع دا عجبنى و قلت لنفسي طب ليه مركبش كمان مرايات ضم و اجيبهم من الحرفيين استعمال ولا حاجة؟ وانا مش مقتنع ان الضفيرة ممكن تتأثر اذا ركبوا على نفس مصدر الكهربا بتاع مرايات الباب ...مثلا؟ ولا ايه رايكو؟ المهم و فكرت كمان اجيب الكنبة الخلفية اللى بتتفتح تلت و تلتين على الشنطة...يعنى اشيل اصلا الكنبة الموجودة عندى و اركب دى... تكون استيراد ...واهو اوبشن برضه تمت اضافته....و تكون العربيه كده فيها معظم الحاجات ...العملية اللى الواحد ممكن يحتاجها....

ايه رأيكو يا جماعه فى موضوع مرايات الضم دا... ممكن يأثر على الضفيرة؟

[shiko8882]

الاسم.شريف حمدى
نوع السياره.كروز 2010
انا لسه جايب العربيه مستعمله عامله 56000 كم النهارده الصبح علقت معايا فى الدوران مع ان البطاريه جديده ممكن ده يكون عيب فى الكروز

[Eng_hatemfathy]

اًول سفرية بالكروز
السخنة
اول مره اوصل بيها ل ١٥٠كم/ساعة
للاسف بقارنها بالشارك فمفيش اي ايجابية الا عزل الصوت الجميل والتكييف الرائع
اما عن الاتزان فبصراحة الباور الكهربا حكاية مقاونة بالزيت يعني فوق ال ١١٠ كم/ساعة لقيت العربية جنب الترلات عايزة تحود لوحدها وعدت من يميني شيروكي متخلف كانت لازقة في يميني رغم ان الشمال فاضي وانا مش متعود ابص في المرايا اليمين لو مش هدخل يمين وستر ربنا اني متخضتش ورميت شمال لان الباور خفيف جدا
اما عن الفارق بين التورشن بيم الخلفي في المروز فشتان بينه وبين الملتي لينك في الملفات المايله كنت حاسس ان العربية ممكن ترفع من علي الارض رغم اني ماشي بسرعة الطريق ١٢٠ كيلو/ساعة
الاستهلاك لسه عالي جدا بالرغم من اني مشيت ٢٥٠٠ كيلو يعني المفروض يتحسن
انا لسه مفولتش يعد السفر بس قبليها بيوم كنت رحت اكتوبر ورجعت كله دائري علي سرعة ١٠٠ او ١١٠ فقبل السفر فولت لقيتها عامله ٢٢٠ كيلو في الصفيحة وده من فير تكييف وانا الطبيعي في الفترة اللي فاتت كان من ١٦٠ الي ١٨٠ طبعا فضيحة وبتفكرني بالبولنيز
انا عرفت من زميل معاه ٢٠١٠ انها بتوصل ل ٢٨٠ في الصفيحة فعايز اعرف اخبارها ايه معاكوا وعل محتاج اروح التوكيل ولا هيا هتتظبط
عامة لما ارجع ان شاء
الله هفول واشوف بس متعيألي الاستهلاك هيكون عالي لاني ماشي بسرعة ومشغل التكييف علي ٤

[hossam_elwani]

استحاااااااااااااااااااااااله توصل ل 280 فى الصفيحه فى طرقنا المصريه

العيب مش فى العربيه العيب فى بلدنا

انا كمبيوتر العربيه بيجيب فى الطريق المفتوح وانا محافظ على ضغطة دواسة البنزين ان استهلاكها 6 لتر لكل 100 كيلو بس كل شويه مطب ووقفه عيبها ان بتستهلك بنزين كتير فى الطلعات من الصفر وهو ده مربط الفرس لان العربيه تقيله 1350 كيلو تقريبا

انا بتعمل معايا من 200 الى 220 بالكتير

وفعلا الباور خفيف


نعايش مفيش عربيه كامله

[aymansabry]

مهندس حاتم فتحى بالنسبة لموضوع الباور و استهلاك البنزين....انا بسافر بالكروز كتير و حقولك على حاجة.... انا بسافر بيها شرم الشيخ و عايز اقولك بمشي على 180 / 200 ك فى الساعه...عمرى مالاحظت ان فيه اى مشكلة فى الباور او االاتزان و الثبات...و العزل طبعا مش حتكلم عليه بالعكس بيكون قريب جدا من الالمانى .... بالنسبه لاستهلاك البنزين انا حديلك تجربة عملية ... اثناء ما بسافر شرم و على السرعة دى معظم الطريق (180 / 200) طبعا لازم الموتور بينقل على الخامس عشان يجيب السرعة المطلوبة ...معنى كدة استهلاك اكتر للبنزين...و التكييف بيكون شغال و مع ذلك تفويلة التنك بتوصلنى و بيكون فاضل فيها حواللى 5 او 7 لتر و انا داخل شرم الشيخ.... طبعا التفويلة فى الكروز 60 لتر... و المسافة من التجمع الخامس لشرم بتكون حوالى من 460 الى 500 مش عارف بالدقة.. بس حبيت اوضح انه مع الحرق دا كله و الغربية الحمد لله انا شايف انها موفرة.... يعنى انا لو دايس بنزين على الشعرة و مثبت دوسة البنزين معظم السكة حتعمل اكتر من 600 بالمستريح... انا بعتبر ان كده العربية حتكون موفرة ..انت معاك عربية فعلا جميلة و ربنا يباركلك فيها

[hossam_elwani]

تقريرى عن صيانه 5000 كيلو لكروز 2013

العربيه قبل قرار حجز الصيانه بيومين وعند تشغيلها فجاه لقيتها بتدينى كود 89 ولمبة السيرفيس الى هيا عربيه وجواها مفتاح تنور مع الكود احيانا واحيانا ومروحة العربيه تشتغل على غير العاده لفترات اطول


فحجزت وقتى فى فرع العامريه اسكندريه الى انا شارى منه مباشراً الساعه 9 الصبح اول واحد فى كشف الصيانه والعربيه كانت عامله 4900 كيلو وانا مستلمها من شهر 2013/2

سالت الاول عرفت انهم بيحطو زين موبيل وان فى العربيه وبناء عليها جبت زيت شل الترا من بنزينة شل تاريخ انتاج 2013/8 4 لتر ب 300 جنيه وكيلو كمان لوحده ب 84 جنيه لانى من خلال استفسارى والكتالوج عرفت ان العربيه بتاخد 4.5 بدون فلتر جديد و 5 لتر بفلتر جديد

دخلت فى صف الانتظار وحضر مهندس اخد كل البيانات والملاحظات والشكاوى

وهي :

* طول مشوار بدال الفرامل عن اول العربيه ما جبتها تحس انك بتدوس على اسفنجه لحد ما العربيه تمسك كويس

* ومشكلة الكود الى ظهر

* وقلت للمهندس مش عايز غسيل للعربيه ومش عايز غسيل لحوض الموتور ولاحتى تزويد مياه المساحات كله ده انا بعمله بنفسى ومش محتاج تضخم فى فاتورة الحساب من كلام فارغ

فقط لاغير

طبعا حضر عامل معاه طقم كفرات للدركسيون وكرسى السواق ودواسه ورق عشان حماية العربيه من الشحم والزيوت من عمال الصيانه اثناء الصيانه وده شكله




دخلت العربيه الساعه 10و نص طلعت 11 وده لجزئيه الصيانه فقط تربيط عفشه وتغير زيت وتغيير فلتر الزيت وفلترها حشو وسعره 85 جنيه

وفضل جزئية الكود دخلت العربيه تانى ووصلوها على الكمبيوتر واكتشف المهندس ان العيب فى تورمستات الكوعه الى بيفتح ويقفل دورة الميه جوه الموتور حسب درجة الحراره والكلام ده اخد حوالى من الساعه 11 للساعه 2 عشان يتأكدو من العيب تماما ويتم التغيير على اساسه وعمل امر شغل فى الضمان دخلت انا لحد العربيه فى الورشه وكلمت المهندس واستفسرت منه ونافشته وكانو جابو القطعه البديله للتغير وشفتها قبل التركيب وهيا مش الحساس بس لالا الكوعه كلها بما فيها الحساس وكانت الاصليه طبعا ومحفور عليها بالبارز GM وقالى احنا حنغيرها بالكامل عشان نجيب من الاخر ونعالج العيب من اساسه وجابو كمان جركن مياه حمرا اسيدلكو 4 لتر تركيز 50 فى الميه عشان تعويض الميه الى حتنزل ... طبعا انا استغربت من الاهتمام من منصور عكس ما كان يقال وللامانه المعامله كانت ذوق جدااا رغم الضغط الشديد الى كان عليهم لحد الساعه 4.30 بعد العصر

العربيه احدت من الساعه 2 للساعه 4.30 داخله على خامسه تغيير وده بسبب انهم استنو
لحد ما العربيه بردت تماما وكنت اخر واحد بيدفع فى الخزينه وياخد الايصالات ويختم الضمان بالصيانه والتكلفه كانت بالضريبه 95 جنيه


النتيجه :

* صوت الموتور ارتااااح على الاخر بجد من توهم او ايحاء نفسى وخصوصا فى النقلات الاولى او حتى فى الكيك داون

* الكود اختفى وكله رجع لوضعه الطبيعى

* الفرامل لا جديد وقالى هيا كده واحساسك الاولى عشان التيل كان لسه جديد ومطبعش

( الاول كانت من لمسه)

* استهلاك البنزين اتحسن نسبيا بشكل طفيف

* مية العربيه نقصت شويه وهو قالى انا حتنقص عشان الهوا حيطلع من الدايره وزودها بعد كده والعربيه لسه دايره الصبح فاشتريت لتر موبيل ميه حمرا من بره ب 25 جنيه بس التركيز بتاع الميه كان 30 فى الميه والعربيه اخدت اللتر الا شويه شايلهم عندى

* كل شىء تم بحرفيه فى التعامل فى الفك والتركيب ومفيش اى فرق نهائى او ملحوظه ناتجه عن الفك والتركيب فى حوض الموتور وعلى فكره انا دقيق الملاحظه وبقف على الواحده

الملاحظه ان المعامله جيده جدا غير الانطباع المأخوذ عن منصور وده اكيد بيرجع من فرع لفرع تانى

والملاحظة التانيه ان سعر الكوعه كامل لما سألت عليها 1500 جنيه وجركن مياه حمرا اسيدلكو 4 لتر تركيز 50 بسعر 150 جنيه لوحده تخيلو

ودى شوية صور متفرقه





صور للاستراحه اثناء وقت الصيانه







وده مكان اتتظار السيارات بالدور



ودى شاشة عرض مقسمه اربع اجزاء لمكان ورشة الصيانه وتقدر تتابع عربيتك هيا راحت فين



اليوم راح كله وبتعب وانتظار ومتابعه وقلق من الساعه 7 الصبح لحد 5 قرب المغرب بس النتيجه ممتازه والحمد لله

تحياتى للجميع

[hossam_elwani]

الفانوس الخلفى ده رعه على العربيه ياترى حد شافه عن حد بيبيعه بس يكون نفسه الكشاف بالضبط ده

http://www.alibaba.com/product-gs/559009627/SALE_ALL_NEW_LED_08_12.html

Cruze installed BMW seri 5 Style - YouTube

خلى بالكم فيه فرق بينه وبين ده

Chevrolet Cruze Led Tail Lamp Mercedes Benz Style - Buy Chevrolet Cruze Led Tail Lamp,Tail Lamp Mercedes Benz Type,Cruze Led Tail Lamp Mercedes Benz Type Product on Alibaba.com

[Eng_hatemfathy]

تجربة العودة والاستهلاك
اتحركت فى حدود الساعة واحده الضهر
الجو كان حر وتراب فشغلت التكييف من اول دقيقة على سرعة مروحة 4 والثرموستات على اعلى حاجه وقفلت فتحات التهوية
حاولت مسرعش قوى وكنت بسرعة متوسطة 120 كيلو فى الساعة
العربية اعلى من كده بيتبقى خفيفة جدا وفى اقل ملف بحس انها هتعوم
خلصت الجزء الساحلى وطبعا محاولة التفادى لاى ترله معناها لتر بمزين يتحرق لانى لازم اكبس واسقط نقله ويادوب بعدى قبل المقابل ما ييجى وخصوصا لو مسيت ورا المقطورة فتره على 80 او 60 مثلا
فى الطريق الطوالى لاخظت انى كل مكلع وانا على 120 العربية بتسقط نقله وفجأى الاقيها 4الاف ار بى ام لحد ما اخف رجلى تروح نقله للسادس وخلال 3 او 4 مطالع اتكرر الموقف ده وطبعا كانت عينى على عداد البنزين وملاحظ ازاى البمزين بيتحرق
حولت الفتيس لمانيوال لاخظت انه مبقاش بينزل نقلات بس فى كل مطلع الار بى ام بينزل لحد 2500 والسرعة بتقل ومهما ادوس بمزين مفيش استجابة والسرعة مبتزيدش عن 100 او 120 كيلو ساعة حتى والدواسة فى الارض
بصراحه قلقلت وحاسس ان الفتيس فيه حاجه فى برمجته
رجعت تانى للاوتوماتيك ورجع تانى تسقيط النقلات فى كل مطلع وعدم زيادة السرعة الا بعد ما المطلع يخلص
وصلت ورحت احط بنزين خدت 24 لتر فى 328 كيلو يعنى 190 كيلو فى الصفيحة وطبعا ده استهلاك عالى جدا على السفر لان الشارك كانت بتعمل على سرعات اعلى حوالى 280 كيلو فى الصفيحة واللادا كانت بتعمل 320 كيلو وبرده على سرعات عالية ومبتقلش باى حال عن 280 كيلو
انا قلقان من الفتيس وبصراحة العربية فوق ال 120 خفيفة جدا وبتتهز جامد جنب اى عربية معدية والعربية على 150 كيلو بتبقى مرعبة عكس الشارك كانت على 180 قمه فى الاتزان
انا قريت تعليق اخونا الكريم ومستغرب ازتلا بيمشى على 200 كيلو والعربية وهو مطمن بالرغم من انى بالرغم من تعودى على الجرى بل وعشقى ليه كنت مرعوب امبارح وخاصة فى كل الملفات
مش عارف هل حد فكر يسوق على المانيوال وتابع اداء الفتيس
وهل انا عندى كده مشكله ولا ايه

[hossam_elwani]

تجربة العودة والاستهلاك
اتحركت فى حدود الساعة واحده الضهر
الجو كان حر وتراب فشغلت التكييف من اول دقيقة على سرعة مروحة 4 والثرموستات على اعلى حاجه وقفلت فتحات التهوية
حاولت مسرعش قوى وكنت بسرعة متوسطة 120 كيلو فى الساعة
العربية اعلى من كده بيتبقى خفيفة جدا وفى اقل ملف بحس انها هتعوم
خلصت الجزء الساحلى وطبعا محاولة التفادى لاى ترله معناها لتر بمزين يتحرق لانى لازم اكبس واسقط نقله ويادوب بعدى قبل المقابل ما ييجى وخصوصا لو مسيت ورا المقطورة فتره على 80 او 60 مثلا
فى الطريق الطوالى لاخظت انى كل مكلع وانا على 120 العربية بتسقط نقله وفجأى الاقيها 4الاف ار بى ام لحد ما اخف رجلى تروح نقله للسادس وخلال 3 او 4 مطالع اتكرر الموقف ده وطبعا كانت عينى على عداد البنزين وملاحظ ازاى البمزين بيتحرق
حولت الفتيس لمانيوال لاخظت انه مبقاش بينزل نقلات بس فى كل مطلع الار بى ام بينزل لحد 2500 والسرعة بتقل ومهما ادوس بمزين مفيش استجابة والسرعة مبتزيدش عن 100 او 120 كيلو ساعة حتى والدواسة فى الارض
بصراحه قلقلت وحاسس ان الفتيس فيه حاجه فى برمجته
رجعت تانى للاوتوماتيك ورجع تانى تسقيط النقلات فى كل مطلع وعدم زيادة السرعة الا بعد ما المطلع يخلص
وصلت ورحت احط بنزين خدت 24 لتر فى 328 كيلو يعنى 190 كيلو فى الصفيحة وطبعا ده استهلاك عالى جدا على السفر لان الشارك كانت بتعمل على سرعات اعلى حوالى 280 كيلو فى الصفيحة واللادا كانت بتعمل 320 كيلو وبرده على سرعات عالية ومبتقلش باى حال عن 280 كيلو
انا قلقان من الفتيس وبصراحة العربية فوق ال 120 خفيفة جدا وبتتهز جامد جنب اى عربية معدية والعربية على 150 كيلو بتبقى مرعبة عكس الشارك كانت على 180 قمه فى الاتزان
انا قريت تعليق اخونا الكريم ومستغرب ازتلا بيمشى على 200 كيلو والعربية وهو مطمن بالرغم من انى بالرغم من تعودى على الجرى بل وعشقى ليه كنت مرعوب امبارح وخاصة فى كل الملفات
مش عارف هل حد فكر يسوق على المانيوال وتابع اداء الفتيس
وهل انا عندى كده مشكله ولا ايه

العربيه خفت عن موديل 2012 عشان ارتفعاها زاد بس انا مش شايفها بالصوره الى انت بتقولها دى الثبات معقول واعمل اعتبار للطرق الشيكولاته الى عندنا معايير الثبات معاها بتختلف

دايما الكيك داون وطريق السواقه بتاثر على استهلاك البنزين وعلى فكره حسبتك او القسمه الخاصه باستهلاك البنزين غلط لان لو بتستهلك 24 لتر فى مسافه 328 كيلو ده معناه انها موفره جداااااااااااا لانها حتعمل فى الصفيحه 20 لتر 273 لتر .... اعتقد ان فيه حاجه غلط فى لارقام


انا جبت 150 على الزراعى وكانت استجابتها معقوله فى التسارع وكانت حتجيب معغايا كمان بس انت عارف الزراعى

القياده على المانيوال مامشيتش بيها كتير فامش ححكم بشكل مثالى حجرب تانى وارد عليك

[hossam_elwani]

فى جزئيتين كمان يا استاذ حاتم للحكم الصحيح على اداء العربيه

مقاس ضغط الكاوتش وده انا عامله 35 يعنى لا 32 ولا 39 زى ما القايم بيقول وتزبطه بمقياس ديجيتال انا جبت واحد من استاذ كريم منير كان جاى من بره

البنزين عندنا مش تمام ونسبة انضغاط المحرك فى الكروز للموتور 1600 10.5 يعنى اقرب الى استخدام بنتزين 95 يعنى فرق كبير فى الاداء لو حطينا 95 بس مين يقدر عليه جرب كده تحط محسن اوكتان ورد عليا

[Eng_hatemfathy]

انا اسف ٣٤ لتر مش ٢٤ وانا ظابط العجل علي ٣٢ وده اللي مكتوب علي القايم سواء امامي او خلفي
وبالنسبة لطريق السخنه ده انا دايما بحكم بيه علي اي عربية بجيبها بقالي ١١ سنه تقريبا
جربت عليه اللادا وجربت عليه الشارك ودلوقتي جربت عليه الكروز
للاسف كنت مطمن باللادا والشارك عن الكروز
لدرجة اني في ابريل ٢٠١١ رحت السخنه ولقيت الحجز في رمادا معجبنيش ووقررت العصر اني اطلع علي راس سدر وعملت حجز بالتليفون وطرت علي هناك وطبعا كانت ايام رعب وكنت عايز اوصل قبل المغرب ولاول مره باللادا اوصل ١٨٠ والمطره سيول علي طريق شرم وكانت العربية متزنه عن الكروز
الشارك طبعا كانت علي ١٧٠ وكأنها علي ٨٠ واللي فاضحها صوتها العالي وكأنك علي run way وصوت العجل مع الاسفلت فضيحة
انا فعلا دلوقتي مش شاغلني الاتزان قد ما شاغلني الاستهلاك وشاغلني موضوع الفتيس وهل اللي عمله معايا طبيعي ولا البرمجه عايزة ضبط او تحديث