ملاحظاتي البسيطة عن الكروز 2014

[ahmad--ezzat]

راح فاتح بقة دى فيها ازاز كهربا وسنتر








هههههههههههههههه مسخرة


الف مبرررررووووك

[Omar Mahmoud]

الف مبروك العربية و ربنا يباركلك فيها

[spidars]

الف مبروك يا باشا ويكفيك شرها بس ليا سؤال معلش هو رخم بس انا اسف هو حضرتك بعت الكارينز علي كام

[J A G U A R]

راح فاتح بقة دى فيها ازاز كهربا وسنتر








هههههههههههههههه مسخرة


الف مبرررررووووك

ههههههههههه لسه هايبدأ يرغى

[Hosam_Optrawy]

الف مبروك ربنا يباركلك فيها

تقرير رائع :)

[adel1212]

اولا 1000 مبروك ربنا يعيشك خيرها ويكفيك شرها
انا استقريت على لانسر شارك بعد الصراع المرير مع العربيات فى نفس الفئة وكلام سيادتك فتح عينى على الكروز ورجعتي تاااااااااااااانى للحيرة
ممكن تقولي لماذا لم تدرجها فى بحثك رغم انها مستوفية الشروط
خالص تحياتى

[mohamedadel86]

الف مبروك ياباشا ربنا يباركلك فيها ويديك خيرها يااااارب
انا خلاص بفكر اشتري الكروز بعد الكلام الجامد اللي هنا في المنتدي بس الحاجه اللي مضايقاني انا عربيتي نيو اكسنت بتاخد برضو اتنين بس ورا يبقي كده مافيش جديد غير ثبات العربيه !!!

[hossam_elwani]

الف الف مبروك عليك

وشكرا لذكرى بالثناء


ربنا يجعلها قدم الخير عليك


قولى بقه هيا فيها usb ؟؟ ومكانه فين؟؟


والجنوط ال 16 الى فيها شكلها ايه ؟؟ هل زى ال 2012 ؟؟


حلو جدا انه فيها دركسيون تلسكوب جديده دى من منصور

تحياتى

[regata86]

الف مبروك و ربنا يكفيك شرها و يا ريت تقولنا اخبار السحب ايه

[Eng_Moh.Dewair]

الف مبروك يا دكتور ربنا يديك خيرها و يكفيك شرها و يحفظهالك و يباركلك فيها .... انا كمان حجزت فى منصور سان ستيفانو و باذن الله هستلم اول ما اجرائات البنك تخلص .. بس عندى طلب من حضرتك انا حجزت اللون الفضى و كنت عاوز اشوف اللون الماهوجنى الجديد ده فلو تدلنى معروض فين اروح اشوفه على ارض الواقع او ممكن تبعتلى صوره او اتنين على الخاص اكون شاكر لحضرتك ... و عندى سؤال كمان هو نوع العفشه الخلفيه z-link زى الاسترا و لا نوعها ايه ؟؟و اخبارها فى السحب ايه و العفشه لان الحاجه عندى ضهرها بيتعبها من الاوكتافيا فى السفر و محتاج عربيه تكون ناعمه علشان مطبات الزراعى المتعبه ... معلش طولت عليك و ربنا يجعله فى ميزان حسناتك

[ashouhdy]

الف شكر لردودكم ودعواتكم الطيبة ويارب يرزقكم جميعا ما تحلمون بة.

بالنسبة لل كروز فمازلت اكرر للجميع ان العربية مش جردل كماليات ذي اخواتها التانين لأ العربية فيها الاساسيات فقط لا غير.

وحبدأ ملاحظاتي الجديدة بعد كروز علي كورنيش الاسكندرية بالكروز 2014

هي مفيهاش usb لكن وخدة التحكم فيها cd و aux

لية قلت وحدة التحكم ... عشان من خلالة بتتحكم في حاجات تانية كتير.

انا عايز اقول ان العربية نسخة في النظام من الكرايسلر نيون. كان واحد صاحبي معاة نيون 2008 نفس الطريقة

من خلال الكاسيت او شاشة الكاسيت بتقدر تتحكم في ريموت العربية هل يفتح باب واحد ام الاربعة هل يقفل لوحدة ولا لأ وهل يقفل مع السير ولا لأ

كمان لقيت ان في اوبشن اسمة كومفورت زون بتقدر تتحكم في علو صوت تنبيهات العربية و تقدر تتحكم هل مع الغلق عايز نور بس ولا نور وتكة كلاكس ولا ولا حاجة

انا عملتها نور وكلاكس مع بعض ... وبتقدر تتحكم من خلالة في عايز النور بعد الغلق يفضل قد اية 30 ثانية ولا دقيقة ولا اتنين.

عجبتني الصراحة وفكرتني كتير بالكرايسلر بعدين افتكرت ان الاتنين براند امريكي.

المهم خدت مراتي ووبنتي وركبنا ... كان اول تعليق لمراتي قد اية العربية انعم من الكارينز وقد اية اهدي بكتيييير وقد اية مضايقة انها حاسة اننا قاعدين عالارض ... طبعا قفلتلي الفرحة بالكلمة دي و غلبت افهم فيها الفرق بين ال ground clearence وانة اعلي من الكارينز و الفرق بينة وبين قاعدة الكرسي بس لا حياة فيما من تنادي !!!

المهم قضينا النزولة وشيلت الاكياس لان كانت مزعجة مع الهوا وركبت صدادات كدة فل الزرقا دي عالاكصدام ورحتها ونزلت انا بقي اختبر العربية بجد الساعة 2 باليل والشوارع فاضية عالكورنيش ووقت شد الشباب المعروف

العربية ماشاء الله سحبها رائع .... انا مش عارف اذاي يا حسام بتقول مش قد كدة ... العربية عفرت عالفيرنات و الاوكتافيا واوبل بي و ميجان 2 وكنت في ديل اكصدام فئة خامسة موديل 2007 ...

الثبات بجد حكاية و ذي ماقال حسام قبل كدة المفروض يبقي ال standard اللي يتقاس علية في الفئة دي. لان ماشاء الله في الملفات كنت تاني واحد ورا الفئة الخامسة وبعدينا بفترة بقية العربيات. وللامانة و لفرحتي ال tc و ال esp نوروا مرة واحدة بس علي ملف سيدي جابر و طبيعي البي ام اكيد كمان

المدهش انوعلي طول التيست درايف العربية لم تحتاج ال esp مطلقا ودة ان دل فبيدل علي جودة ثباتها ماشاء الله ربنا يحفظ طريقنا

انا خدت الكورنيش مرتين وعرفت امكانيات العربية ووحدودها كويس واطمنت وهديت بقي ومشيت سلانسية لحد البيت.

الحمد لله فضل ونعمة وربنا يبارك لملاك الكروز علي العربية دي ... By the way عادي جدا عينك تضرب عالعداد بتاع السرعة تلاقية 140 وانت مش حاسس فخدوا بالكم.

عن نفسي حسيت بمدي خطورة العربية دي وشغلت قرأن واستغفرت ربنا وهديت لان العربية مغرية اغراء الموت للجري .

انا بس عملت كدث عشان كات في دماغي كلام البعض ان هي ضعيفة والموتور مش قد كدة وان موتور الاسترا ال115 حصان بمبة والكلام دة.

الحمد لله روحت بسلام والجميل وان وانا ماشي سلانسية واحد بيعدي الكورنيش قام مدلوق قدامي اتكعبل واضطريت اجيب بدال الفرامل في الارض و الحمد لله ان الطريق كان فاضي ومحدش ورايا

سترك يارب .... بفكر جديا اطلع الزكاة بدري بدري ومستناش عليها

[ashouhdy]

دة اللون الماهوجني

20140518_165930 by AShouhdy, on Flickr
<iframe src="https://www.flickr.com/photos/90145910@N07/14030901780/player/8629f2c67b" height="768" width"1024" frameborder="0" allowfullscreen webkitallowfullscreen mozallowfullscreen oallowfullscreen msallowfullscreen></iframe>
وهنا كنت بركب الاوكر نيكل عشان اكسر حدة اللون

وبالنسبة للزميل العزيز اللي سأل لية مختارتش الشارك ... عشان فقط حجم الشنطة الخلفية صغير جداا

[svneleven]

ألف مبروك اختيار موفق و كنت بحسب أنها بطة كسابقتها لكن أنت نفيت الموضوع يبقي فعلا هي أحنسب اختيار خصوصا أن سعرها منافس جدا.

[minicooper20]

حمدلا على السلامه يا دكتور
الف مبروك على العربيه
و ربنا يحفظهالك

[NaderNabil]

ألف ألف مبروك

إختيار موفق و العربية جميلة جدا...ربنا يباركلك فيها و يحفظك من كل سوء