المواصفات والاسعار لأسترا سيدان 2015 بمصر

[Ahmed_Adham]

ضعيفة في الشد بمعنى أن التسارع من 0-100 بطيء شوية.. يعني لو عايز تشد مع حد فالعربية مش هتساعدك..
أنا مسافرتش بالعربية غير مرة واحدة و وصلت فيها لـ210km/h على طريق السخنة و كنت حاطط وقتها كمان بنزين 92 و أنا دلوقتي ماشي بـ95.. الثبات هايل جداً طبعاً على أي سرعة.. و الفرامل كويسة أوي..
بص أنا أوقات بتضايق من موضوع ضعف التسارع من 0-100 ده و أني مش عارف أشد مع عربيات تانية.. بس كـdriving experience حتة الشد دي minor أوي و هتتجاهلها تماماً لأنك still هتفضل مبسوط و مستمتع بسواقة العربية دي..

الكوزمو 0-100 في 13 ثانيه والتربو في 9

كنت عايز أسأل حضرتك هوه الفتيس كام نقله؟ 6 سرعات؟

[dede_dodo88]

الكوزمو 0-100 في 13 ثانيه والتربو في 9

هو ده الكلام اللي على الورق.. بس الأرقام دي بتختلف شوية على الحقيقة.. يعني أعتقد ممكن تكون أكتر بحاجة بسيطة مع الأخذ في الحسبان حالة العربية و تفتيحها..

كنت عايز أسأل حضرتك هوه الفتيس كام نقله؟ 6 سرعات؟

6 سرعات..

[احمد فهمى]

انا بصراحه شايف تسارع الموديلين ممتاز

[hossam_elwani]

ضعيفة في الشد بمعنى أن التسارع من 0-100 بطيء شوية.. يعني لو عايز تشد مع حد فالعربية مش هتساعدك..
أنا مسافرتش بالعربية غير مرة واحدة و وصلت فيها لـ210km/h على طريق السخنة و كنت حاطط وقتها كمان بنزين 92 و أنا دلوقتي ماشي بـ95.. الثبات هايل جداً طبعاً على أي سرعة.. و الفرامل كويسة أوي..
بص أنا أوقات بتضايق من موضوع ضعف التسارع من 0-100 ده و أني مش عارف أشد مع عربيات تانية.. بس كـdriving experience حتة الشد دي minor أوي و هتتجاهلها تماماً لأنك still هتفضل مبسوط و مستمتع بسواقة العربية دي..

طيب لو نقلت على الوضع اليدوى مش المفروض التسارع بيفرق كتير ؟؟

[Ahmed_Adham]

طيب لو نقلت على الوضع اليدوى مش المفروض التسارع بيفرق كتير ؟؟

مش بتكلم عن الاسترا بالتحديد ولكن على العربيات الستبترونيك عموما. لو حولت على اليدوي وحرقت شويه على النقلات هتوفر بتاع ثانيتين ولا حاجه ودول كتير لما يكون تسارع الأوتو 9 ثواني مثلا لكن مش كتير لما يكون الاوتو 13-15 ثانيه. وطبعا ده بيستهلك شويه بنزين زياده مش ببلاش يعني وبناء عليه مش بعمل كده الا في ظروف معينه لما يكون واحد ماشي بطيء قدامي خانقني وعايز أعدي منه.

[dede_dodo88]

طيب لو نقلت على الوضع اليدوى مش المفروض التسارع بيفرق كتير ؟؟

هيفرق شوية أه.. بس أنا مبجربش الموضوع ده كتير.. بفضل أني أريح نفسي و العربية بدل ما أفضل أسقط في نقلات و أحرق بزيادة على الفاضي..

[احمد فهمى]

مش هيفرق حاجه ملحوظه

[ashourashour]

مش هيفرق حاجه ملحوظه

+1

اظن كمان لو دست بنزين كيك دون للكبسوله (مع زرار سبورت -مش عارف فيها زي الاسترا اتش ولا لا - ياريت حد من ملاكها يقولنا ) في الاوتو مش هتفرق خالص اصلا

[tamohsen]

ايه ده هومش الفتيس 6 سرعات اتوماتيك عادي؟!!!! انا مخدتش بالي انه ستبترونيكفالسيدان !!1
انتوا متأكدين؟

[dede_dodo88]

ايه ده هومش الفتيس 6 سرعات اتوماتيك عادي؟!!!! انا مخدتش بالي انه ستبترونيكفالسيدان !!1
انتوا متأكدين؟

A/T 6 speed Steptronic

[digitalboy86]

احب اشكر كل الاعضاء هنا علي المعلومات والاستفادة اللي بيقدموها هنا ........ وانا بس كان عندي سؤال هيا العربيه ديه فيها كيك داود زي اللي موجود في اوكتافيا كده
وازي الاسترا اللي ١١٥ حصان بتجيب ١٠٠ في ١٣-١٥ ثانيه زي الاوكتافيا اللي هيا ١٠٢ حصان بس

وبالنسبة لحجمها هيا مقارنه بالاكوتافيا زيها ولا اصغر ؟؟؟؟؟
وشكراااا

[walid tageldine]

هو لسة محدش استلم و لا إيه يعملنا تقرير حلو ده حتي مشفتش و لا واحدة في الشارع !!!!

[omar-saad]

هو لسة محدش استلم و لا إيه يعملنا تقرير حلو ده حتي مشفتش و لا واحدة في الشارع !!!!

هههه
والله انا شوفت تلاتة

[S O P H O S]

وانا شوفتها علي الطريق الصحراوي بس هتشباك
وبصراحة جميلة ما شاء الله ..

[walid tageldine]

اناشفت الهاش باك كتييير انا عايز السيدان