رابطة مالكى فيكترا سي ★ والصيانات

[embabi]

السلام عليكم ، أنا لسه شارى أوبل فيكترا c من أسبوعين و هى جميلة جداً الحمد الله ، لكن فى مشكلة موجهانى أن العربية ساعات بتقطع و السحب ساعات يبقى كويس و ساعات يبقى تقيل ، كمان الـ rpm بيتهز على خفيف أوى على السلانسيه يا ترى ممكن تكون أيه المشكلة .

لو لمبه تشيك الموتور منورة يبقى احتمال كبير موبينه وبوجيهات
انا لسه مغيرهم من شهر تقريبا
اعراضها
فى الاول عدم انتظام السحب وضعفه
بعدين تبدا تظهر رعشه فى الموتور على السلانسيه وتحسها فى الدريكسيون
بعدين تظهر لمبه تشيك الموتور واستهلاك عالى للبنزين

سعرهم فى التوكيل 2560 جنيه
لكن بره فى اسيوط الموبينه 1150 دلفي
بوجيهات جي ام 180
وتغييرهم 30 جنيه

لكن فى الحرفيين اكيد اقل واعتقد ان الموبينه هناك ب 850 جنيه بس
لكن مش متاكد من ماركتها

ربنا يباركلك فى العربيه ويكفينا ويكفيك شرها

[embabi]

اكون شاكر لو حد يعرف ازاى ابرمج ان المرايات تنزل لتحت اثناء رجوعى للخلف بالسيارة مع العلم ان عربيتى مانوال

انا عربيتي هاي لاين ايزي ترونيك
المفروض يكون زرار ضبط المرايه اليمين مداس عليه
اول ما تنقل على المارشيدير هتنزل لتحت بيحث يظهر معاك العجل اليمين عشان تعرف تكون كويس

[TAMER_ELBADAWY]

معلومتين جداد عرفتهم

1-انك بعد ما تطلع المفتاح من الكونتاك تسحب دراع النور عليك هتلاقى النور الامامى نور والنور الخلفى الابيض بتاع المارشدير وبيقعد منور لغاية ما انت تقفل العربية بالريموت ودة عشان لو انت ركنت فى حتة ضلمة ينورلك المنطقة المحيطة بالعربية لغاية ما تبعد
2-انك بعد ما تطلع المفتاح من الكونتاك تجيب دراع الاشارة شمال هتلاقى فية صفارة حصلت ونور الامامى الصغير نور مع الفانوس الورانى شمال ونفس الحالة بالعكس لو حركت دراع الاشارة يمين ودة معمول عشان لو ركنت فى حتة ضلمة عشان اللى جاى من بعيد ياخد بالة ان فية عربية واقفة والنور دة ما بيستهلكش من البطارية الرئيسية للعربية

[TAMER_ELBADAWY]

انا عربيتي هاي لاين ايزي ترونيك
المفروض يكون زرار ضبط المرايه اليمين مداس عليه
اول ما تنقل على المارشيدير هتنزل لتحت بيحث يظهر معاك العجل اليمين عشان تعرف تكون كويس

سؤالى هل ممكن اعمل الحكاية دى عندى عن طريق برمجة معينة؟

[TAMER_ELBADAWY]

الف مبروك

السلام عليكم ، أنا لسه شارى أوبل فيكترا c من أسبوعين و هى جميلة جداً الحمد الله ، لكن فى مشكلة موجهانى أن العربية ساعات بتقطع و السحب ساعات يبقى كويس و ساعات يبقى تقيل ، كمان الـ rpm بيتهز على خفيف أوى على السلانسيه يا ترى ممكن تكون أيه المشكلة .

الف مبروك العربية انا مالك جديد زيك وبيقولو المشكلة دى جايز تكون من حساس المنفول اللى بيتنظف ويتعملة ايدل ليرن والله اعلم وفى انتظار اراء خبراء المنتدى

[embabi]

والله انا معرفش حكايه البرمجه دي ممكن ولا لا

بس زي ما قولتلك خلى زرار ضبط المرايه اليمين مداس عليه وبعدها خد مرشيدير المفروض وقتها هتنزل لوحدها وترجع للوضع السابق بعد ما تحول على اى غيار تاني

جرب وشوف

[embabi]

معدل استهلاك البنزين

أرجو من اخواني ملاك السياره اوبل فيكترا سي يفيدونا بمعدل استهلاك العربيه للبنزين مع ذكر حاله السياره من حيث سنه الصنع وعدد الكيلو مترات - عشان كل واحد يقدر يعرف هل عربيته متظبطه ولا محتاجه تظبيط
وارجو من اخوانا الخبراء اعطاءنا الاستهلاك الامثل للبنزين

انا عربيتي فيكترا 2008 ايزي ترونيك
114,000 كم
متوسط الاستهلاك 11,4 كم فى اللتر = 228 كم / صفيحه (20 لتر) = 8.8 لتر / 100 كم
بنسبه تشغيل للتكييف 30 فى الميه من الوقت بس
90 فى الميه من الاستهلاك ده طريق سريع به مطبات كل 2 كم على الاقل

الايدل على 0.7 لتر فى الساعه بدون تكييف والعربيه سخنه
الوضع الطبيعي للحراره على 92 لا تزيد ولا تقل الا لو العربيه كانت بارده ولسه بتسخن

[tito32]

شكرا يا باشا

[Abdo Taha]

انا عربيتي هاي لاين ايزي ترونيك
المفروض يكون زرار ضبط المرايه اليمين مداس عليه
اول ما تنقل على المارشيدير هتنزل لتحت بيحث يظهر معاك العجل اليمين عشان تعرف تكون كويس

هى شغالة عندك يا باشا ؟ قلي ازاي عشان مش راضية خالص و انهى زرار يمين ادوس عليه ؟ اللي هو ده
Pic.1



و لا ده

Pic.2

[احمد فهمى]

الاوبشن ده برمجه بالتيك 2 وفى كماليات تانيه كتير ممكن تشغلها زى تكه واحده ريموت تفتح بابك بس الخ عندك ملف اسرار الفيكترا سي جرب البرمجه بنفسك

[embabi]

هى شغالة عندك يا باشا ؟ قلي ازاي عشان مش راضية خالص و انهى زرار يمين ادوس عليه ؟ اللي هو ده
pic.1



و لا ده

pic.2

الزرار اللى فى الصوره التانيه لو مشتغلش معاك يبقى مش هقدر افيدك فى الموضوع ده

[embabi]

الاوبشن ده برمجه بالتيك 2 وفى كماليات تانيه كتير ممكن تشغلها زى تكه واحده ريموت تفتح بابك بس الخ عندك ملف اسرار الفيكترا سي جرب البرمجه بنفسك

فعلا يا استاذ احمد
عشان بتكه وحده فتح فى الريموت تفتح باب السائق بس:
اضغط مفتاح الفتح في الريموت ومعاه مفتاح الفتح فى الباب مع بعض لغايه لما تسمع صوت صفاره
بكده ضغطه فتح قصيره فى الريموت تفتح باب السائق فقط وليس كل الابواب

ده كويس انه يحافظ على السنتر ويقلل معدل استهلاكه

[embabi]

استفسار يا شباب

ايه المشكله لو زيت الموتور زاد عن ال max

انا غيرت الزيت بدون ما اغير الفلتر واخدت 4 لتر بالكامل

لكن دلوقتى منسوب الزيت بقى اعلى من الماكسيمام
العربيه فيكترا سي 2008 ايزي ترونيك عامله 114,000 كم

وشكرا لاهتمامكم

[Abdo Taha]

الزرار اللى فى الصوره التانيه لو مشتغلش معاك يبقى مش هقدر افيدك فى الموضوع ده

طب هو شغال عندك ؟ عشان لو هو شغال عندك يبقى الموضوع كله برمجة مش اكثر

[embabi]

طب هو شغال عندك ؟ عشان لو هو شغال عندك يبقى الموضوع كله برمجة مش اكثر

شغال عندي فعلا بس انا عربيتي ايزي ترونيك هاي لاين
مش عارف فى المانيوال موجود ولا بيحتاج برمجه