سخونة الاوبل

[ahmedmaklad]

كنت مع واحد صاحبي من كام يوم بنشوف عربية ليه و كنت بسال على اخبار الاوبل كل و احد يقوله اوعى تشتري دي بتسخن مش عارف ليه كل الناس واخدة الفكرة دي و انها مش بتستحمل الحرارة ممكن كل واحد يقول
1- عربيته موديل كام
2- كام سي سي
3- اقصى درجة حرارة للعربية وصلت ليها
4- نوع المياة اللي بيستخدمها عشان في انواع كتيرة
5- لو في مشكله في التبريد يقولنا عليها

الموضوع ده مهم بجد يا جماعة

[ahmedmaklad]

1- فكترا B 1996
2- 1600 مانيوال
3-مياه خضراء من كالتكس و حطيت عليها Coolnat
4- ساعات بتوصل 92 او 93 بس ممكن نقول المتوسط 92 جوة البلد
في السفر 80
5- مفيش مشكله حصلت معايا

[SuMo]

vectra b 1997
2000 cc Automatic
fel-3ady 90-92
fel-safr 80
fel-za7ma momkn twsl 95-97

[ahmedmaklad]

vectra b 1997
2000 cc Automatic
fel-3ady 90-92
fel-safr 80
fel-za7ma momkn twsl 95-97

بتحط مياه نوعها ايه و في مشاكل قابلتك قبل كده في التبريد

[Ahmad Allawy]

انا عندي باحط مية حمرا بتاعت كالتكس
و مؤخرا نقصت مني و مزودها مية حنفية.. بس برضه عادي..
لحد ما اغسل دورة التبريد و اغير المية الحمرا تاني..
الحرارة ف العادي علي 92.5 اللي هي اول شركة عندي بعد ال90..
و علي السفر 90 علي طول..
و ممكن مع الحر توصل 95.. عمرها ما زادت عن كده.
مع الاخذ في الاعتبار ان مكتوب في تعليمات و ملاحظات التشغيل في مقار انه جرارة تشغيل
العربةي العادية 97.. يعني الواحد ميتخضش من كده.. عادي جدا يعني..

[ENG\AHMED]

كنت مع واحد صاحبي من كام يوم بنشوف عربية ليه و كنت بسال على اخبار الاوبل كل و احد يقوله اوعى تشتري دي بتسخن مش عارف ليه كل الناس واخدة الفكرة دي و انها مش بتستحمل الحرارة ممكن كل واحد يقول
1- عربيته موديل كام
2- كام سي سي
3- اقصى درجة حرارة للعربية وصلت ليها
4- نوع المياة اللي بيستخدمها عشان في انواع كتيرة
5- لو في مشكله في التبريد يقولنا عليها

الموضوع ده مهم بجد يا جماعة

الموضوع دة اتكلمنا فية قبل كدة كذا مرة وان دى اشاعات وكلام فاضى فى فرق بين عربية بتسخن وبين عربية درجة حرارة التشغيل الطبيعية عالية يعنى ا97 دى عادى فى الاوبل جوة الرينج الطبيعى بتاعها فى عربيات تانية تبقى مولعة وفية حاجة غلط كل عربية وليها نظامها وشرحنا ان لو العربية نضيفة ومتصانة ودورة التبريد سليمة وتمام مش هتوصل 95 اصلا .. مينفعش اجيب عربية مبهدلة واقيس عليها او انا استخدامى زفت وبلصم الحاجة واقول دة العربية اللى تعبانة وفيها مشاكل لأ فى الحالة دى يبقى انا اللى تعبان والمشكلة فيا انا , دورة التبريد بتاعت الفكترا خدمة شاقة وكانت مكتوبة فى المواصفات بتاعتها وهى لسة زيرو

1-فكترا 98
2- 1.6
3- 90 من غير تكييف وممكن لو المية ناقصة زيادة والجو مولع وواقف فى اشارة توصل 92 بس مبتسبتش عليها بتزل على طول , بالتكييف بتوصل 80 مبتزيدش علشان المراوح كلها بتبقى شغالة على طول
4-مية حنفية لحد لما الاقى نوع مية نضيف او اعمل مية خضرا انا بنفسى
5-الحمد للة مفيش مشاكل

[ahmedmaklad]

احمد فعلا احنا اتكلمنا عن الموضوع ده قبل كده بس انا كان قصدي نستفيد بس ممكن من نوع الميه و لو في اعطال في دورة التبريد قبل كده ممكن نقولها لبعض
احنا مثلا ما حدش قال قبل كده عن نوع الميه و لا اعطال دورة التبريد و لا رداياتير الاوبل لو في حاجة تتعمل فية

[ENG\AHMED]

احمد فعلا احنا اتكلمنا عن الموضوع ده قبل كده بس انا كان قصدي نستفيد بس ممكن من نوع الميه و لو في اعطال في دورة التبريد قبل كده ممكن نقولها لبعض
احنا مثلا ما حدش قال قبل كده عن نوع الميه و لا اعطال دورة التبريد و لا رداياتير الاوبل لو في حاجة تتعمل فية

نوع المية عادى كل واحد على حسب اللى يريحة انا كنت بحط مية خضرا وكنت بجيب مستورد مش مصرى بس مش فاكر النوع وطلعت مضروبة وعملتلى مشكلة فى الرادياتير (القايم الرأسى الفيبر كان بيسرب مية ) وغيرتة وصفيت المية اللى فيها وحطيت مية حنفية عبال لما الاقى نوع نضيف او اعمل انا مية خضرا بس مكسل ولسة ماشى بيها ومفيش اى مشاكل

المشاكل اللى قابلتنى كلها هبلة ملهاش لازمة
- مرة جوان الثيرموستات كان بدأ ينفس مية على خفيف اوى "لولا لون المية مكنتش لاحظت التسريب" روحت غيرتة (مكنش عامل اى مشاكل بس هو تلكيك)
-وانا بغير الجوان فى التوكيل بيكبسوا دورة التبريد علشان لو فى اى تسريب كان فية كوعة كاوتش فى ضهر الموتور من تحت فيها خرم زى شكة دبوس ومكنش بيسرب مية الا لما تسخن علشان الضغط والحرارة (مكنش عامل مشاكل) غيرتة بالمرة
-الأفيز السوستة اللى ماسك كوعة المية اللى خارجة من الثرموستات مع الوقت والحرارة والضغط مكنش حاكم الكوعة كويس لما بتسخن العربية فكان بيسرب مية (أفيز ايطالى بمسمار واتحلت)
-القايم الرأسى الفيبر اللى فى الرادياتير اتكسر بسببى وانا بغير الأفيز بتاع الكوعة (اتنرفزت علية علشان الكوعة مكنتش راضية تتفك :) ) فا من الشد جامد حصل شرخ صغير فى القايم من عند مكان تثبيتة من جسم الرادياتير نفسة وغيرتة
-مرة الفيوز (40 A)بتاع المروحة التانية اتحرق الفرق اللى لاحظتة انها مع التكييف مكنتش ببتبرد ممكن لو حر اوى وواقف فى اشارة درجة الحرارة تعلى شوية عن 90 (فيوز اسبير ركبتة واشتغلت)

الحمد للة غير كدة مفيش اى مشاكل مع دورة التبريد ولا سخونية ولا الكلام دة , وكل اللى فات دة حاجات تافهة ملهاش لازمة يعنى لا مشاكل ولا كوارث ولا العربية فيها وفيها زى مالناس بتقول

[HNaga]

الموضوع دة اتكلمنا فية قبل كدة كذا مرة وان دى اشاعات وكلام فاضى فى فرق بين عربية بتسخن وبين عربية درجة حرارة التشغيل الطبيعية عالية يعنى ا97 دى عادى فى الاوبل جوة الرينج الطبيعى بتاعها فى عربيات تانية تبقى مولعة وفية حاجة غلط كل عربية وليها نظامها وشرحنا ان لو العربية نضيفة ومتصانة ودورة التبريد سليمة وتمام مش هتوصل 95 اصلا

كلام سليم 100% انا كنت سألت مهندس فى وقاللى ان مواتير أوبل ليها نظام انها بتأخد العادم تدخله تانى على الموتور
وعلى فكرة درجة الحرارة فى الحقيقة بتكون أعلى من كده وبرضه المهندس قاللى انها بتبقى مشفتة 5-8 درجات عشان الناس ماتتخضش

الكمبيوتر ستسعات بيقرا درجة الحرارة فوق ال 100 لكن العداى بتاعها تسعينات

وعلى فكرة الحاجة الوحيدة اللى الناس أجمعت عليها هو ان التكييف -التكييف الألمانى فعلا بياخد وقت على مايسقع
الحاجة التانية ودى أجمعوا عليها برة مش فى مصر غن الأوبل عزلها مش حلو طبعا بالمقارنة بالعربيات الأعلى

لكن من ناحية سخونة الموتور ماعملتش مشكلة قبل كده والحمد لله

[ENG\AHMED]

كلام سليم 100% انا كنت سألت مهندس فى وقاللى ان مواتير أوبل ليها نظام انها بتأخد العادم تدخله تانى على الموتور
وعلى فكرة درجة الحرارة فى الحقيقة بتكون أعلى من كده وبرضه المهندس قاللى انها بتبقى مشفتة 5-8 درجات عشان الناس ماتتخضش

الكمبيوتر ستسعات بيقرا درجة الحرارة فوق ال 100 لكن العداى بتاعها تسعينات

وعلى فكرة الحاجة الوحيدة اللى الناس أجمعت عليها هو ان التكييف -التكييف الألمانى فعلا بياخد وقت على مايسقع
الحاجة التانية ودى أجمعوا عليها برة مش فى مصر غن الأوبل عزلها مش حلو طبعا بالمقارنة بالعربيات الأعلى

لكن من ناحية سخونة الموتور ماعملتش مشكلة قبل كده والحمد لله

فى الفكترا ال 1.6 العادى مفصول ال EGR معرفش الباقى بس النظام دة فى عربيات كتير ملوش دعوة باوبل دة علشان تقليل انبعاثات العادم

بالنسبة للتكييف ...و لما بيسقع بيبقى عامل ازاى !!!! مشكلة الاوبل لو ركنتها فى الشمس بتلم حرارة بهبل ودة اللى بيدى ايحاء انها بتاخد وقت طويل لأن الناس بتستعجل وتشغل التكييف وتقفل العربية والصح انك تخرج الحرارة دى الاول

عزلها مش حلو من ناحية؟؟ يعنى صوت ولا حرارة ولا اية؟؟

[Hesham256]

أسترا 2004
2-1600سي سي
3-فوق ال100 لما التوكيل ركب سير الكاتينة غلط و مكنتش بتستجيب خالص) أنما العادي بيبقي من 85 و طالع.
4-مياة خضراء أسباني تركيزه مش عالي لو العربية قديمة لو جديدة تبقي عالي.
5- مفيش مشاكل خالص.

[M.Mokhtar]

1- فيكترا موديل 2000
2- 2000 ايكوتك 2 كامه

درجه الحراره العاديه 90 - 92
3- اقصى درجة حرارة للعربية وصلت ليها: 95
ومره وصلت ل 98 والعربيه فصلت لوحدها ولما جيت ادور تانى لاحظت درجه الحراره العاليه فسبتها فاصله
كان بسبب ان القايم الرأسى الفيبر اللى فى الرادياتير كان فيه شرخ وسرب معظم ماية الريداتير بسرعه ومأخدتش بالى ان الكمبيوتر كاتب ان المايه ناقصه

بس هو الموتور الايكوتك بيفصل من نفسه عشان يحمى الموتور ولا ايه؟
عجبتنى اوى الحركه دى :)

4- مياه خضراء
5- بلاحظ ان مع التكييف الحراره مش بتنزل اوى مع ان المرواح عندى شغاله وكمان السرعه بتزيد لو الحراره وصلت ل 95 فتنزل تانى
لكن 80 دى ماوصلتلهاش قبل كده

[SuMo]

[quote=mimysheckles;408098]1-


بس هو الموتور الايكوتك بيفصل من نفسه عشان يحمى الموتور ولا ايه؟
عجبتنى اوى الحركه دى :)
mesh el-ecko-tech bs ana kman 3andy lma el-amora s7'nt awy mra bsbb en fe ko3t myah et2tmt w srbt el-myah w rf3t el-7rarah l3'ayt 120
wlahy 120
ra7t fasla lwa7dha

[rabbat5]

سخونة الفكترا مش فى مصر بس دي فى الفلبين و نيوزيلندة و البرتغال و غيرهم
اقروا الصفحة دي : http://www.carsurvey.org/viewcomments_review_14628.html

[ENG\AHMED]

سخونة الفكترا مش فى مصر بس دي فى الفلبين و نيوزيلندة و البرتغال و غيرهم
اقروا الصفحة دي : http://www.carsurvey.org/viewcomments_review_14628.html

لو قريت التعليقات كلها هتلاقى فى اختلاف فى الاراء , وفى منهم كاتب ان كان عندة مشاكل فى دورة التبريد (مروحة مش شغالة , .... ) فى منهم كاتب ان العربية بتسخن مع التكييف مع ان انا شايف العكس هو اللى بيحصل وحتى لو واقف فى اشارة والجو مولع
فى فرق بين انها تبقى ظاهرة او مشكلة فى العربية او عيب ظهر نتيجة اهمال فى الصيانة او حادثة او ايا كان السبب
زى ما فى ناس هنا مهملة فى عربياتها وناس محافظة عليها فى برة كدة بردو برة مش ملايكة يعنى !!

فى فرق بين عربية بتسخن وبين عربية متصممة على كدة درجة حرارة التشغيل الطبيعية بتاعتها كدة (الفكترا لحد درجة حرارة 98 عادى ) - هل عربيتك وصلت للدرجة دى قبل كدة؟؟ هل قبلتك مشاكل لدرجة الحرارة العالية يعنى حصل عيب او عطل فى العربية نتيجة لدرجو الحرارة دى؟؟؟
امتى اخر مرة غيرت طلمبة المية؟؟ ونوعها اية؟؟ امتى اخر مية غيرت مية الرادياتير؟؟ امتى اخر مرة كشفت على المراوح والثيرموستات ؟؟؟ هل عندك مشاكل فى موتور عربيتك ؟؟ (ممكن السخونة ناتجة من عيب فى جوان وش السلندر) , ماهو مادام السخونية زادت عن الحد بتاعها يبقى فى عيب احاول اشوف العيب دة فين واصلحة انما مينفعش اقول دة عيب فى العربية والعربية فيها مشاكل

انا معايا العربية مش بتكلم نظرى ولا بتكلم عن تجربة حد تانى ومليش مصلحة انى ادارى حاجة او اضحك على حد -العربية معايا ومريحانى ولا التوكيل بتاعى ولا حاجة- انا معاك انها لما بتقف فى الشمس بيبقى الصالون ساونا بتبقى عاملة زى السخان اول لما بتفتح العربية ممكن يكون من نوع الفرش او من الزجاج -متنساش د/جريش- او علشان انا حاطط فامية !!بس قصاد كدة اهوى العربية علشان الحرارة اللى فيها واشغل التكييف بيبقى العكس تماما تلاجة

انا معاك انك لو جاى من مشوار محدش هيعرف يقرب من كابوت العربية ولا يقعد عليها "هتحصل حاجات مش كويس " بس خلى بالك دى ميزة بردو , بس هل درجة حرارة الموتور مظبوطة ولا لأ (انا بتكلم هنا على العربية دى على تصميمها لأن كل عربية ليها نظامها وليها تصميمها احنا منعرفش اية اللى فى دماغ المصمم ساعتها ممكن يكون عامل حاجة فى التصميم لحسايات معينة او تصميم معين فى دماغة محدش عارف عربيتة وهو اللى عاملها وهو ادرا بيها وهو اللى بيحدد مواصفاتها وظروف تشغيلها-لما يحصل عندى مشكلة او عطل او عيب بسبب المواصفات او ظروف التشغيل اللى قاللى عليها يبقى ساعتها من حقى اعترض واقول العربية فيها عيب انما ماشى زى مالراجل بيقولى ومواعيد الصيانة اللى محددها والعربية شغالة تمام يبقى اعترض اقول اية!! )
وعلى فكرة نفس مشكلة حرارة الصاج من برة وقف العرببية فى الشمس وتعالى حط ايدك عليها مش هتعرف تلمسها (انا عربيتى كحلى غامقة يعنى) اهو احنا بعيد عن الموتور والسخونية والكلام دة!! , انا عن نفسى مبحبش اوقف عربيتى فى الشمس اللا للضرورة القصوى غير كدة تحت مظلة او شجرة او اى حتى ظل ودة ميمنعش الفامية والشماسات والغطا

الحمد للة معنديش مشاكل سخونة و كل المشاكل اللى ظهرت عندى قولتها فى المشاركة اللى فاتت وحاجات كلها تافهة ممكن تحصل فى اى عربية لا عيب فى العربية ولا مشاكل عويصة متتحلش