رابطة مالكي أوبل كورسا

[tamer_amen]

محدش عنده حل لمشكلتى :(

[bibo141]

انا قصدي البلف ال في الكمبروسر لكن الورا المتور ليه أسم تاني و ده اللي بيركب قبل الثلاجة تقريبا لظبط ضغط الغاز الداخل للثلاجة
وهتلاقيه راكب في صدر العربية قدام المبخر او الثلاجة وخارج منه .

[tamer_amen]

يا جماعه ارجوكم ساعدونى التكييف عندى هيجننى كورسا 2005

روحت لاتنين فنيين مختلفين يكبسوا مفيش حاجه وبعملوا شفط وبعدين يشحنه يشتغل كويس و بعدين يضعف

لحد امبارح عملت نفس القصه و انا ماشى انهارده على الدائرى مشوار طويل فى نص الطريق التكيف ضعف والهواء ضعف بعد ما نزلت من عليه قولت اجرب افصل التكييف واشغله الهواء رجع كويس تانى وبدا يبرد حاسس انه هيعمل نفس القصه انا هتجنن

حد يقلى اعمل ايه

على العموم دى بيناتى

الاسم: تامر أمين
تليفون:01065528002
السيارة: كورسا سيدان 2005
العنوان : الحرفيين

[Tamert]

مطلوب نصيحة

مبروك علي التثبيت كنت عايز خدمة من الشباب
نا عايز اشتري عربية يكون فيها كماليات معقوله و تكون 1600 لقيت اللا نوس ولقيت الاوبل كورسا ببصراحة الكورسا عربية شكلها حلو و سعرها قريب من 2002 لغاية 2005 بس عايز نصحية اشتريها و لا مشاكلها كتير يعني انا مشواري 35 كيلو رايح وزيهم راجع كل يوم فبرجاء النصيحة و شوية معلومات كده عن:
1- ثبات العربية علي الطريق لغاية سرعة كام مثلا
2- قطع الغيار اسعارها ايه ( مساعدين - كبالن - علبة دركسيون - كده يعني)
3- اعادة البيع ( يعني العربية مرغوبة و لا لا)
4- ايه حكاية انها مصري مش مستوردة
5- سعر متورها استيراد كام
6- و الي حابب يزود حاجة يقول و شكرا للجميع

[mrgadmail]

انا كمان من مالكي الساحرة كورسا ٢٠١٤ عربية مش سهلة، وسريعة واحساس القيادة رائع، علي فكرة كان معايا قبلها نيسان التيما ٢٠١٠ وفورد منديو ٢٠٠٧ وهي بتعطي نفس الاحساس والامكانيات مع اختلاف الفئة.

[ahmedanwar]

انا معايا كوسا 2005 و ياريت فعلا نتبادل الخبرات

[ahmedanwar]

يا جماعه عايز خرطوم ضغط بتاع باور الدريكسيون .. كورسا 2005
انا من اسيوط لو حد يعرف مكان و ياريت تليفون عشان اشتريه يبقى كتر الف خيره

احمد احمد انور
01200641111

[mrgadmail]

كورسا ٢٠١٤

أنا معايا كورسا ٢٠١٤ وهي عربية ممتازة
ياريت نعمل ربطه للكورسا وأول سؤال ماهر الزيت المناسب وكام لتر الكورسا بتاخد؟

[mkb1312]

السلام عليكم
احب اعرف نفسي
محمد
كورسا 2005
الهرم

[mkb1312]

تجربت كل صيف مع التكيف..شغلت التكيف من شهرين اشتغل زي الفل بس مكنش ساقع قوي قولت مش مهم مع العلم ان الكمبروسور غيرته الصيف اللفات بعد اربع ايام مشغل التكيف و كله تمام هب راحت العربية بطلت و طلعت صوت غريب دورت العربية و جيت اشغل التكيف راحت مبطله تاني و قولت بلاش اشغله تاني و روحت عند كذا حد والكل بيقول الكمبروسور قفش و لازم يتغير المهم قولت هجيب جديد ب ٢٤٠٠ و ضمان سنة من غير التركيب المهم كنت بجيب قطعة غيار للعربية من محل في المعادي فقولت اسأل الراجل راح قال لي انا اعرف واحد مية مية في صقر قريش و أنا اضمنهولك بكام يا عم ب ١٠٠٠ و٢٠٠ مصنعية قولت أوفر علشان عايز اظبط حجات تاني في العفشه المهم و احنا هناك الراجل قال لي سربنتينة التكيف بيظه و لازم تتغير و حظك عندي واحده استيراد ب ٩٥٠ قولتلو ماشي المهم كل حاجه اتفكت و تركبت وشحنت في ساعه وجت ساعة الحساب الراجل العنده محل في المعادي قالي أنا هحسبه علشان اظبطلك السعر شويه و حسب الله و نعم الوكيل اخذ مني ٢٢٠٠ ومشينا و التكيف زي الفل اسبوعين اثنين فقط و التكيف مطلع هواء سخن روحت للراجل في صقر قريش لوحدي غير البلف ال في الكمبروسور و اشتغل يومين و هواء سخن روحت لحد تاني قالي الكمبروسور بيسرب روحت لواحد تاني قالي نفس الكلام و الديره كمان متوسخه كمان روحت رجعت صقرقريش و قولت للراجل حرام عليك الوقت ال انت ضيعتهولي و ال٢٢٠٠ ال اترمو علي الأرض المفجاءه الراجل بيقولي ٢٢٠٠ بتوع ايه انا اخذت ١٣٠٠ بس ٥٠٠ كمبروسر و ٦٠٠ سربنتينه و ٢٠٠ مصنعيه حسبي الله و نعم الوكيل تاني،فضل كل يوم يقولي بكره بكره لمدة ١٠ ايام روحت الورشه قولتلو شكراً انا مش عايز حاجه و عوضي علي الله سعتين زمن و جبلي كمبروسر مشاءالله عليه شكله جديد و ركب فيلتر في السربنتينه جديد بعد زن مني و شحنا بنشغل المسوره سقعا و الهواء من جوه سخن غير حاجه ورا المتور كدا فيها فتحتين و انا كنت جايب بلف من عند طناني باشا ركبنا بدل الصيني الكان راكب و الحمدلله و مشاءالله التكيف بشغله علي ٢ و بليل علي ١..اسف للأطاله بس بجد محدش بيتعلم ببلاش..حسبي الله و نعم الوكيل في الراجل العنده محل في المعادي مش في صاحب الورشه

طيب الورشه دي كويسه و الكومبروسر شغال كويس و لما غيره اللي جابه بكام و اجمالي التكلفه كام
معلش طولت عليك بس بجد التكييف زهقني

[bibo141]

هو قال لي انا هتحمل معاك التكلفه فدفعت حوالي ٦٠٠ بس انا مش عايز اتعامل معاه تاني في التكيف..بيقولو في واحد في المعادي في شارع ٧٧..و من رأي لو العربيه هتقعد معاك شوية فكك من الاستيراد و هات جديد و ركب عند حد محترم

[ahmedoasis]

السلام عليكم

يا جماعة حد يعرف اركب مرايات اية قابلة للطى بدل الثابتة بتاعت اوبل كورسا 98 هاتشباك 1000 سى سى

بدون مبالغة كل شهرين مرايا دة غير ان اليمين مبقتش اغيرها..رجاء المساعدة

[meko0o]

حد يعرف سعر الطنابير للكورسا2004

[bibo141]

كنت جايبهم من شهر ب ٦٠٠ بارزيلي

[meko0o]

كنت جايبهم من شهر ب ٦٠٠ بارزيلي

شكرا علي الرد بس انا عندي فرامل العربيه مش عجباني بتزحف غيرت تيل ولسه بتزحف ففكرت اغير طنابير هل لو غيرتها حتفرق في الافرمله ولا ده عموما في كل العربيات