حصريا مضاعفة مدى ريموت اى سيارة

[ashourashour]

فى الصورة طريقة توصيل البطاريات على التوالى

الجهد الكلي = جهد البطارية 1 + جهد البطارية 2 + جهد البطارية 3 + جهد البطارية 4
التيار الكلي = تيار أحدى البطاريات

ده اقصى تيار ممكن يخرج من البطاريات عند عمل شورت سيركت او قفله

اقصى تيار هيمر هوا تيار اي بطاريه في حاله تساوي البطاريات طبعا

قيمه التيار المار في بورده الريموت تساوي الفولت اللي هوا 6 فولت على المقاومه للدائره الكهربيه الموجوده على بورده الريموت

و التصميم لازم يتم الاخذ في الاعتبار ان اقصي قيمه ممكن تخرج من البطاريات تكون اكبر بكتير من القيمه الفعليه المسحوبه من البطاريات بناءا على مقاومه الدائره

[ashourashour]

الله ينور يا باشمهندس طبعا منكم نتعلم
كلامك مضبوط
1- انا قصدى شدة التيار او القدرة اللى فى حالتنا هذه سواء بلامبير او بالوات
2- كلام مضبوط بس الكلام دة فى حالة التوصيل على التوازى مش على التوالى زى حالتنا هذه شدة التيار هتزيد زيادة بسيطة
3- كلام مظبوط ولكن متنساش ان فيه مقامة البطاريات نفسها وذلك لانها متصلة مع بعض على التوالى فى الدائرة
4-انا لم اقل ان مقاومة الدائرة الكهربائية على البوردة اتغيرت ان بتكلم على مقاومة البطاريات نفسها عند توصلها مع بعض على التوالى فينتج نوع من المقاومة تؤثر على شدة التيار المار فى الدائرة
5- تمام
6- ان بنقل تجربة شخصية وليست عامة اللى عايز يجرب مفيش مانع انا شخصيا شوفتها بعينى لسنوات ولم اكن اعرف ايه السبب فى ان الريموت قوى جدا كدة فسالت احد الاصدقاء من مالكى هذا الريموت وهذه السيارات فقال لى على الموضوع دة وهوماشى به لسنوات طويلة وبدون اى مشاكل
7-للعم يا جماعة مش متخصص كهربا ودة مش جدال دا نقاش مطروح للجميع علشان الكل يستفاد وانا اولكم
واى حد عنده معلومة يتفضل بالتوضيح

تحياتى

2-التوصيل عالتوازي مش هيزود التيار المسحوب من الدائره الكهربيه ولا هيزود فرق الجهد

التوصيل عالتوازي هيزود قيمه اقصى تيار ممكن سحبه من البطاريات

في حالتنا التيار المسحوب يعتمد فقط على الفولت والمقاومه والمقاومه المقصوده هيا مقاومه الدائره الكهربيه وليس مقاومه البطاريات


3- مقاومه البطاريات الداخليه لا تؤخذ في الاعتبار و يتم اختزالها او اهمالها من جميع المعادلات الرياضيه


انا مش هقدر اقولك حاجه تاني غير انك تجيب افوميتر و تشوف القراءات بنفسك

[عبدالله برعى]

بحكم انى متخصص الكترونيات وبوصل بطاريات على المنصات البترولية سواء توالى او توازى او تضاعف



الكـــــــــــــــلام غلط

اللى وصلتة حضرتك دا توالى ::::: اذن كدا اصبح الفولت اللى داخل على الدايرة 6 بدل 3 ودا لو مفيش منظم جهد الدايرة حيصل مقاومة عالية ( الدايرة حتتحرق) وثانيا التيار ثابت يعنى لو كل حجر بيطلع 300 مللى امبير لو وصلت الحجرين بردو الحجرين حيطلعو نفس القيمة اذن مش تغيير

ايه الصح
توصل الحجرين توازى (فى التوازى الجهد ثابت والتيار متغير ) الموجب بالموجن والسالب بالسالب
وبكدا حتزود القدرة اللى هى الجهد فـــــى التيار
باعتبار تيار كل بطارية 300 مللى امبير فكدا البطارية بدل ما حتطلع 300مللى فى الساعه حتطله 600 مللى وهو المطلوب !!

توضيح بمثال عملى

بطارية الموبايل 3.5 فولت 1700 مللى امبير لو وصلنا زى ما حضرتك عملت الجهد حيكون 7 فولت وبكدا الموبايل حيجيب دايرة شحن


100%

[Ahmed_Ramadan]

أنا عامل كده من سنتين فى ريموت إنذار وولف و إكتشفتها عن طريق الصدفة ابحتة و فعلا بقفل و بفتح من بعيد

[ayman hamdy]

الله ينور يا باشمهندس احمد
متغير ما جرب بالأفو الله ينور يا باشا
بس لي سؤال فى مراوح الفيكترا بى لو ممكن التوضيح :
ليه مروحة الرايدتير والتكييف متوصلين على التوالى وعلشان كدة شغالين سرعة أولى (البطيئة )عند غلق دائرة ارضى المراوح عن طريق
الترموستات الرصاصى
وليه عند غلق دائرة ارضى الترموستات الرصاصى السرعة الثانية بتكون المروحتين متصلين على التوازى عن طريق مقوماتهم وعلشان كدة سرعتهم زادت شوية
وعند غلق دائرة ارضى الترموستات الأزرق عند ١٠٠ درجة بتشتغل اعلى سرعة للمراوح وبتكون متصلة على التوازى مباشرا من مواتيرها على البطارية مباشر
أرجو التوضيح لإفادة الجميع وشكرا مقدما ليك يا باشمهندس وآسف للإطالة
تحياتى

[Huntsman]

طب وأصلا إيه فائدة إن مدي الريموت يبقى 50 متر..!!

[ashourashour]

بحكم انى متخصص الكترونيات وبوصل بطاريات على المنصات البترولية سواء توالى او توازى او تضاعف



الكـــــــــــــــلام غلط

اللى وصلتة حضرتك دا توالى ::::: اذن كدا اصبح الفولت اللى داخل على الدايرة 6 بدل 3 ودا لو مفيش منظم جهد الدايرة حيصل مقاومة عالية ( الدايرة حتتحرق) وثانيا التيار ثابت يعنى لو كل حجر بيطلع 300 مللى امبير لو وصلت الحجرين بردو الحجرين حيطلعو نفس القيمة اذن مش تغيير

ايه الصح
توصل الحجرين توازى (فى التوازى الجهد ثابت والتيار متغير ) الموجب بالموجن والسالب بالسالب
وبكدا حتزود القدرة اللى هى الجهد فـــــى التيار
باعتبار تيار كل بطارية 300 مللى امبير فكدا البطارية بدل ما حتطلع 300مللى فى الساعه حتطله 600 مللى وهو المطلوب !!

توضيح بمثال عملى

بطارية الموبايل 3.5 فولت 1700 مللى امبير لو وصلنا زى ما حضرتك عملت الجهد حيكون 7 فولت وبكدا الموبايل حيجيب دايرة شحن


100%

لو وصل بطاريتين توازي لن يحصل على اي فرق غير عمر اطول لاستخدام الريموت بهذه البطاريات التيار سيظل تماما كما في حاله بطاريه واحده

مهم جدا : التيار الفعلي المار بالدائره الكهربيه ليس المكتوب على البطاريه (سعه البطاريه ) وانما يكون فرق الجهد مقسوما عالمقومه

لو عندنا مقاومه 10 اوم

وصلنا بطاريه 10 فولت سعه 10 امبير ساعه التيار المار في المقاومه هيكون 1 امبير
لو جيبنا بطاريه 10 فولت 100000000000000000000000 امبير ساعه التيار المار في المقاومه هيكون 1 امبير بردوا

الراجل زود الفولت فمر تيار اكتر زود القدره الارساليه للترانسميتر

بغض النظر البورده تستحمل ولا لا

[mrghost]

لو الجهد زاد التيار بيقل ياجماعه العلاقة عكسيه
ولو خامات مكونات الريوت مش كويسه هيتحرق

[ashourashour]

الله ينور يا باشمهندس احمد
متغير ما جرب بالأفو الله ينور يا باشا
بس لي سؤال فى مراوح الفيكترا بى لو ممكن التوضيح :
ليه مروحة الرايدتير والتكييف متوصلين على التوالى وعلشان كدة شغالين سرعة أولى (البطيئة )عند غلق دائرة ارضى المراوح عن طريق
الترموستات الرصاصى
وليه عند غلق دائرة ارضى الترموستات الرصاصى السرعة الثانية بتكون المروحتين متصلين على التوازى عن طريق مقوماتهم وعلشان كدة سرعتهم زادت شوية
وعند غلق دائرة ارضى الترموستات الأزرق عند ١٠٠ درجة بتشتغل اعلى سرعة للمراوح وبتكون متصلة على التوازى مباشرا من مواتيرها على البطارية مباشر
أرجو التوضيح لإفادة الجميع وشكرا مقدما ليك يا باشمهندس وآسف للإطالة
تحياتى

ببساطه هعتبر ان مقاومه كل مروحه 10 اوم مثلا يعني

لما بتوصلهم عالتوالي المقاومه الكليه بتكون 20 اوم و البطاريه 12 فولت هتكون النتيجه ان تيار قيمته 12\20=0.6 امبير


التيار ده مارر في المروحتين

لو حبينا نحسب الفولت عالمروحه الواحده هيكون التيار xالمقاومه = 0.6 *10=6 فولت


كدا المروحه الواحده بيمر فيها 0.6 امبير و عليها 6 فولت يعني قدره 0.6*6= 3.6 وات


البطاريه ال 66 امبير مثلا هيكون مسحوب منها 0.6 امبير يعني قدره 0.6*12=7.2 وات



في حاله المروحتين توازي

المروحتين هيكون عليهم 12 فولت

المقاومه الكليه 5 اوم

التيار الخارج من البطاريه للمروحتين 12\5 = 2.4 امبير

التيار المارر في المروحه الواحده 1.2 امبير والقدره للمروحه الواحده 12*1.2=14.4 وات

القدره المسحوبه من البطاريه 12*2.4=28.8 وات

[ashourashour]

لو الجهد زاد التيار بيقل ياجماعه العلاقة عكسيه
ولو خامات مكونات الريوت مش كويسه هيتحرق

لا كدا كتير يا جماعه


استودعكم الله يا شعب مصر العظيم

هاخد اجازه من المنتدى شويه

[عبدالله برعى]

لو وصل بطاريتين توازي لن يحصل على اي فرق غير عمر اطول لاستخدام الريموت بهذه البطاريات التيار سيظل تماما كما في حاله بطاريه واحده
عمر اطول للبطارية يعنى ايه يعنى التيار مضروب *2يعنى بردو بدل ما البطارية حطلع 300مللى فى الساعة لاء حطلع 600 مللى امبير فى الساعة يعنى كدا فى فرق طبعا

مهم جدا : التيار الفعلي المار بالدائره الكهربيه ليس المكتوب على البطاريه (سعه البطاريه ) وانما يكون فرق الجهد مقسوما عالمقومه
طبعا ودا قانون اوم v=i *r
وهكذا ال i=v\r

لو عندنا مقاومه 10 اوم

وصلنا بطاريه 10 فولت سعه 10 امبير ساعه التيار المار في المقاومه هيكون 1 امبير
لو جيبنا بطاريه 10 فولت 100000000000000000000000 امبير ساعه التيار المار في المقاومه هيكون 1 امبير بردوا
ايه علاقة المقاومة بالموضوع ريموت صغير مش حيكون فية مقاومة حمل

الراجل زود الفولت فمر تيار اكتر زود القدره الارساليه للترانسميتر

بغض النظر البورده تستحمل ولا لا

ايه علاقة فولت الريموت بالارسالية او الترددحسب علمى ملوش علاقة ولو ليه ياريت توضح بصورة علمية
وياريت تفسر كلامك بعلم الهندسة الكهربية والصيغ والمعادلات

وسوال لو تسمح هل حضرتك مهندس كهرباء
وشكرا للنقاش

[haisam ali]

الله ينور ياريس والله .... ده انا جيت الموضوع ده من على الفيس بوك بجد الله ينور شغل عالى جدا

[ayman hamdy]

ببساطه هعتبر ان مقاومه كل مروحه 10 اوم مثلا يعني

لما بتوصلهم عالتوالي المقاومه الكليه بتكون 20 اوم و البطاريه 12 فولت هتكون النتيجه ان تيار قيمته 12\20=0.6 امبير


التيار ده مارر في المروحتين

لو حبينا نحسب الفولت عالمروحه الواحده هيكون التيار xالمقاومه = 0.6 *10=6 فولت


كدا المروحه الواحده بيمر فيها 0.6 امبير و عليها 6 فولت يعني قدره 0.6*6= 3.6 وات


البطاريه ال 66 امبير مثلا هيكون مسحوب منها 0.6 امبير يعني قدره 0.6*12=7.2 وات



في حاله المروحتين توازي

المروحتين هيكون عليهم 12 فولت

المقاومه الكليه 5 اوم

التيار الخارج من البطاريه للمروحتين 12\5 = 2.4 امبير

التيار المارر في المروحه الواحده 1.2 امبير والقدره للمروحه الواحده 12*1.2=14.4 وات

القدره المسحوبه من البطاريه 12*2.4=28.8 وات

الله ينور بجد يا باشمهندس احمد شرح وافى وكافى و كلام علمى ومنطقى لاغبار عليه وربنا يجعله فى ميزان حسناتك
تقبل خالص تحياتى

[myma7up]

الكلام دا مش صح عن تجربه هو اه صحيح هيزود مدى الريموت بس مش كويس ع الريموت
انا مش مهندس لكن زمان من حوالي ١٨ سنه مثلا او اكتر كان عندي لعبه بتاخد ٣ بطاريات قلم ٣ فولت
حبيت اعمل ناصح وكان عندي محول الي فيه بكره بتقدر تغير منها الفولت ( اعتقد اسمه ترانس )
عملته على ١٢ فولت ووصلت الموجب والسالب مكان البطاريات وشغلت اللعبه وعلى العلم مكانش فيها اي مقاومات او ترانزيستورات كلها كان عبارة عن ماتور
والعربية كانت بتشب من قوة التيار
لكن مكملتش يومين والماتور دا اتحرق طبعا دا لاني خليت ال ٩ فولت ١٢ ف حالة الريموت الوضع مشابه لكنه اقل انك بتخلي ال ٣ تبقى ٦ مش بتزودها اوي يعني بس دا زي ما قالوا الاخوة الافاضل على المدى البعيد او الله اعلم القريب لانه وضع مش مستقر هيبوظ حاجه ف الريموت ومعتقدش انك علشان تزود ٣٠ متر تضحي بدائرة تمنها ٨٠٠ ج او اكتر عموما لو حد عايز يعمل كده شغال ف الدواير الصيني لانها هتبوظ اخرك ١٠٠ ج وهتجيب ريموت تاني

[ayman hamdy]

عفوا يا استاذى ... انا مهندس كهرباء و كلام حضرتك ببساطه غلط

فى بعض الدواير عليها مثبتات فولت ممكن يعدى منها الكلام ده او ممكن تعيش بمدى جهد اعلى من الطبيعى

لكن فيه دواير تنيه مفهاش ... و الاولانيه عمرها الافتراضى يقل مع الظروف الاستثنائيه ديه

اذا كان تكبير الجهد ببساطه يعلى المدى لاى حاجه كنا ركبنا بطريات مزدوجه للتلفونات عشان صوتها يعلى او تلقط احسن و مكنش حد غلب ...

مع كل احترامى لكلام حضرتك انا مش محتاج فى الدائرة دى منظم جهد او مثبت فولت علشان الدائرة متتحرقش لانها دائرة صغيرة ومتصلة على التوالى انا ببساطة محتاج ازود الجهد فى دائرة الريموت لتكبير مساحة انتشار الذبذبات الكهرومغناتيسية المنبعثة من الريموت فكلما زادت قوة الذبذبات كلما زاد مدى التحكم عن بعد
اما بالنسبة لمقولة حضرتك ( اذا كان تكبير الجهد ببساطه يعلى المدى لاى حاجه )انا لم اقل لاى حاجة انا بقول لدائرة الريموت كنترول ليس الا
اما عن ( كنا ركبنا بطريات مزدوجه للتلفونات عشان صوتها يعلى او تلقط احسن و مكنش حد غلب ...[/quote] ) انا اسف انى اقول لحضرتك ايه علاقة الصوت ووحدة استقبال الشبكات الموجودة داخل الموبايل بزيادة بطارية اضافية للموبايل انا بتكلم على تكبير رقعة انتشار الذبذبات الكهرومغناطيسية للريموت كنترول
سوف اضرب لحضرتك مثلا كلنا طبعا عندنا اجهزة كهرائية فى البيت وكلها او معظمها بيعمل بالريموت كنترول لو الريموت بطاريته ضعفت هتقل مسافة التحكم فى الجهاز لحد ما تقرب منه علشان يلقط الاشارة
والعكس لو البطارية جديدة تبقى جالس فى اخر البيت وتتحكم فى جهاز موجود فى اول البيت
اذن قوة البطارية بتاثر على مساحة الانتشار
نفس الشيئ فى ريموت السيارة يتم زيادة الجهد لتحسين وتوسيع مساحة الانتشار
تحياتى