حصريا مضاعفة مدى ريموت اى سيارة

[ayman hamdy]

والله يا استاذ هيثم انا اعتبركم اسرتي
ويعلم الله كم حزنت عندما فكرت ان تبيع سيارتك وتغادرنا
والحمد لله انك تراجعت
اعلم انني اكبركم سنا ، ولكنني تلميذ امام كل منكم
تحياتي لسيادتك وشكرا على رقة مشاعرك

ربنا يبارك فيك يا دكتور
دا بس من كرم أخلاقك يا دكتور
والتواضع صفة جميلة فى الانسان ياريت كل الناس تتحلى بالصفة الجميلة دى
ومن تواضع لله رفعه
وطبعا زميلنا العزيز البشمهندس/ احمد عاشور وهقوله على طول باشمهندس لانه فعلا دارس ومثقف علميا ومهنيا ولا يقل فى خبرته وعلمه عن أحسن مهندس بل اكثر بكتير من خريجى الهندسة وربنا يزيده علما لانه إنسان محترم وخبرة لا يستهان بها ولازم كل الناس تقدرها وتعطيها قدرها الحقيقى الذى تستحقه يا ما فى خبرات ممتازة تتفوق على اعلى الشهادات ولكن بلدنا الحبيبة لم تعطيهم فرصتهم ويطفشوا برة البلد ويلاقوا اللى يقدرهم ويعطيهم حقهم ووضعهم اللى يستحقوه
شكرى وتقديرى لك يا باشمهندس/ احمد عاشور وربنا يجعله فى ميزان حسناتك
ونحن فعلا فى هذا المنتدى أسرة واحدة ونتمنى تماسكها وترابطها اكثر وأكثر وإفادة بعضنا البعض فى كل مناحى الحياة
وربنا يصلح حالنا جميعا وحال بلدنا وتكون من أحسن البلدان
تقبلوا جميعا خالص تحياتى

[mfs3570]

والله يا باشا كان نفسي اجرب بس للاسف لسه شايف حالا مسرحيه الجوكر ومحمد صبحي كان حاظظ الماكينه علي 440 علشان تشتغل اسرع

[MaaM]

أرجو من أستاذنا العزيز احمد عاشور أن يتحمل قليلا ويصبر
احنا مش عاوزين نفقدك تاني
انت عارف مقدارك في قسم أوبل وفي المنتدى كله

وأنت لا تحتاج أن تذكر بجوار اسمك أنك مهندس
وأنا لم أذكر أمام إسمي انني دكتور ، لأنني دخلت قسم أوبل كطالب علم ، لأتعلم من الجميع ،
ولكنني فوجئت بالاستاذ فادي يلقبني بهذا اللقب ولا أدري كيف عرف ذلك ،
وتبعه باقي الزملاء

والشاعر القديم يقول:
ملأى السنابل ينحنين تواضعا ..... والفارغات رؤوسهن شوامخ

تحياتي وكل عام وانت بخير

عشان انت دكتور محترم يا دكتور هلال
وفادي دايما كدا بيعرف حاجات غريبة
ربنا يحببكم في بعض كمان وكمان يا رجالة قسم أوبل

شكرا جزيلا لكم جميعا على مجاملتم

بس تصدق الصورة ديه أحسن من اللي قبلها بكتير :)

[hilal]

عشان انت دكتور محترم يا دكتور هلال
وفادي دايما كدا بيعرف حاجات غريبة
ربنا يحببكم في بعض كمان وكمان يا رجالة قسم أوبل

أستاذ محمود المحترم
أخجلتني كلماتك الرقيقة ولا أعرف ماذا أقول
كل عام وأنت بخير

[ashourashour]

عشان انت دكتور محترم يا دكتور هلال
وفادي دايما كدا بيعرف حاجات غريبة
ربنا يحببكم في بعض كمان وكمان يا رجالة قسم أوبل


بس تصدق الصورة ديه أحسن من اللي قبلها بكتير :)

محمود ... انت فين ياريس ؟؟ كنت هعمل موضوع عشانك

الصوره !!! الصراحه المصوراتي تعب معايا قوي

[MaaM]

هههههههه مانا قولت باردوا أكيد الصورة ديه أخدت مجهود كبير عشان تطلع كدا

انا ياباشا مشيت لما انت مشيت ، ورجعت لما انت رجعت :)
عشان تعرف بس معزتك عندنا

لو قصدك على الكنترول ، انا بعته في انجلترا وسبته على كدا هناك

[ashourashour]

هههههههه مانا قولت باردوا أكيد الصورة ديه أخدت مجهود كبير عشان تطلع كدا

انا ياباشا مشيت لما انت مشيت ، ورجعت لما انت رجعت :)
عشان تعرف بس معزتك عندنا

لو قصدك على الكنترول ، انا بعته في انجلترا وسبته على كدا هناك

دا كتير عليا يا ريس

انا بسال عليك مش عالكنترول


ان شاء الله بحضر موضوع حلو بس عايز وقت عشان يطلع كويس ان شاء الله يعجبكم

[MaaM]

اااه انت تقصد موضوع تسأل عني ؟!
لا بجد دا ده اللي كتير عليا جدا
انا روحت ولا جيت هاجي جنبك ايه ، المنتدى من غيرك انت وفادي وعمرو السيسي مالوش طعم
وطبعا ماننساش بقية الناس المعروفة عشان محدش يزعل

[mishmishy]

اعتقد انه ممكن يكون صحيح هيزيد مدى الريموت لكن اعتقد ان هيكون ليه تأثير سلبى على البوردة على المدى الطويل . اكيد اللى بيصنع الحاجات دى عارف هو عامل ايه وتتحمل ايه والمناسب ليها ايه

[amr elsisi]

كان نفسي اجامل والله يا ايمن
بس انت عارف في عقدة بيني وبين الكهربا
طول عمري والله يا ايمن حتي في ايام الدراسة هيا شمال وانا يمين
بس احب اقول لك كلامك علي راسي من فوق
تحياتي لمجهودك ولا احمد عاشور

[ayman hamdy]

الريموت بيتكون من جزئن اساسيين

1- IC المسؤل عن تكوين ال coding او الشفره لارسالها عبر الموجه الحامله (encoder)

المدخلات لل IC او ال inputs:

a-مفاتيح التحكم الموجوده بالريموت
b-تيار مستمر لتغذيه ال IC


الناتج عن ال IC بيكون الكود المراد ارساله ليتم فكه وتحويله الى outputs للتحكم في دوائر اخرى
والناتج ده بيكون اشاره كهربيه وليست radio frequency waves


2-الجزء الثاني بيكون ال RF transmitter module او وحده ارسال الراديو فريكونسي
والوحده دي بتحتاج مصدر تغذيه في الغالب بيكون نفس مصدر تغذيه ال modulator IC السابق ذكرها
وبتاخد الاشاره الناتجه عن ال IC السابق لتبثها في الاثير في صوره radio frequency ليتم التقاطها عن طريق RF receiver


الencoder IC وال RF modulator transmitter الاتنين ليهم فولتيه موصى بها للعمل بشكل مثالي و توجد نسبه سماحيه بالزياده او النقصان للفولتيه موجوده في ال DATA sheet الخاصه بالمكونات

اذا زاد الفولت على ال IC لن يحدث اي استفاده في تقويه اي مدى ولا اي شئ ولكن يجب ان يكون في ايطار الفولت المسموح به والا يتلف ال IC

اذا زاد فرق الجهد او الفولتيه المغذيه لل RF modulator طبعا لازم لا تتعدي المسموح في هذه الحاله الموديول هيسحب تيار اكتر و هينتج عنه ارسال اقوى و هيستهلك باور اعلى وهذا ما فعله الزميل العزيز

دي صوره لوحده ريموت




بالنسبه للتردد بيتم الحفاظ عليه بالكريستال اوسيلاتور للحفاظ عليه ثابت بغض النظر عن قيمه فرق الجهد


بالنسبه للتوصيل عالتوازي مش هتستفيد منه اي زياده في المدى لانك فقط زودت سعه البطاريه ولكنك مزودتش التيار الفعلي المارر في دائره الريموت فالفرق هيكون في عمر اطول بدون تغيير بطاريه ولن يكون هناك اي فرق في الاداء !!!!!


يعني اه ريموت صغير مفيهوش مقاومه حمل !!!!!! اي دايره كهربيه خلقها ربنا ليها مقاومه و بناءا على فرق الجهد عليها بيمر تيار كهربي فيها !!! حمل ولا مش حمل اهي مقاومه

والريموت مقاومته مازالت ثابته متغيرتش لو ثبت فرق الجهد 3 فولت ووصلت بطاريه سعتها 1 امبير هيمر تيار مساوي لبطاريه سعتها 500 امبير


وحضرتي مهندس ولا لا ! انا لازم اكون مهندس عشان اكلم حضرتك ؟ وياما مهندسين لامواخذه

وانا بشوف اللي بيقعد يقول انا مهندس و يحط "م" قبل اسمه عنده مشكله بصراحه !!

ميشكرش في نفسه الا الشطان

الواحد شاف فنيين برا مصر ب 10 مهندسين في مصر

انا خريج اتصالات واليكترونيات القاهره

ودواير الريموت دي كنت بعملها على ايدي ايام الشباب

وبما انك شكلك في جابكو او الشركه العامه او اي موقع بترول في خليج السويس او شقير اكيد تعرف YOKOGAWA

احنا اللي بنعملكم نظام التحكم والحمايه للمنصات


اتمنى اني اكون على مستوى الحوار مع حضرتك

اضافة بسيطة للاطمئنان
كنت عايز اطمن كل مشاهدى الموضوع من خوفهم من زيادة الجهد فى دائرة الريموت وخوفهم من اتلاف ال IC او مكونات دائرة الريموت
احب اقول لكم ان معظم دوائر الريموت كنترول او معظم الدوائر الكهربائية عموما وليس كلها بل 90 % منها محمية من زيادة الجهد او الجهد العالى بصمامات ثنائية او [ diodes ] هى المسئولة عن تنظيم الجهد داخل الدائرة فى حدود المسموح وفى منها انواع كثيرة جدا حسب احتياجات الدائرة المثبت فيها
رجاء قراءة هذا الموضوع بعناية
تعرف على الديود Diode و انواعه
تحياتى

[ayman hamdy]

مثال دايود الاشارة رقم 1n4148 اللى فى الصور السابقة بتاعت الريموت اللى رفعها زميلنا م/ احمد عاشور
تحياتى

[احمد فهمى]

Triese2 وعشور باشوات والله والموضوع دراسه يا جماعه مش محتاج يعنى كما وضح عشور ال ic او ال integrated circuit او الدائره المتكامله اللى هي عقل الريموت على البورده فى الغالب هيتحرق ﻷنو بياخد ضعف الفولت وزى ما معروف مفيش كهرباء ممكن تعدى زياده يعنى من وحدة الباور بس العادى انها تتحرق وكما وضح triese2 الامبير يعبر عن السعه
اما شده التيار مرتبطه بحاجتين فقط…المقاومه وفرق الجهد اللي حضرتك هتغيره
طبعا احتمل تفضل شغاله والاحتمال الاكبر تتحرق ومش هضيف حاجه على الاساتذه الكبار طبعآ

[ayman hamdy]

كل الاحترام لجميع الاراء سواء بالسلب او الايجاب
اولا الدائرة عمرها ما هتتحرق ودة عن تجربة واكثر من ريموت وعلى فترات طويلة
ثانيا انا وضحت سابقا ليه مش هتتحرق ودى وجهة نظر
ثالثا دى تجربة شخصية وانا نقلتها للافادة العامة
رابعا اللى عايز يجرب يجرب واللى مقلق بلاش يعمل
خامسا اتمنى للجميع التوفيق وشكرا جزيلا لكل من تفضل بالمشاركة باضافة معلومة لاثراء الموضوع وافادة الجميع

[a7mad_mo7amad6]

كل الاحترام لجميع الاراء سواء بالسلب او الايجاب
اولا الدائرة عمرها ما هتتحرق ودة عن تجربة واكثر من ريموت وعلى فترات طويلة
ثانيا انا وضحت سابقا ليه مش هتتحرق ودى وجهة نظر
ثالثا دى تجربة شخصية وانا نقلتها للافادة العامة
رابعا اللى عايز يجرب يجرب واللى مقلق بلاش يعمل
خامسا اتمنى للجميع التوفيق وشكرا جزيلا لكل من تفضل بالمشاركة باضافة معلومة لاثراء الموضوع وافادة الجميع

احب اوضح لحضرتك ان العامل الزمني ليه دوره..
بمعنى ان ال trigger الي حضرتك عملته علشان تفتح او تقفل بياخد لحظات فده هيساعد انك متخسرش الريموت..
بس كعلم الكلام ده مش صح طبعا..
اعتقد لو حضرتك فضلت دايس على الزرار شويه الريموت هيودع..

وشكرا على نقل التجربه