عندك عربية قديمة وناوي تبيعها ... طب الحق بيعها قبل يناير 2015

[mazen21]

عندك عربية قديمة وناوي تبيعها ... طب الحق بيعها قبل يناير 2015

لان اتفاقية الشراكة الاوروبية سيتم استئناف تنفيذها
والعربيات الاوروبي سيصل تخفيض الجمارك عليها الى 60% اول يناير 2015
وطبعا ده سيؤثر كمان على باقي الماركات غير الاوروبية لانهم هيضطروا غصب عنهم يخفضوا الاسعار

وهتلاحظ ان الفترة الحالية معظم الماركات بتعمل تخفيضات لتقليل المخزون لدى الشركة لانها لو فضلت عنده سعرها هينزل غصب عنه وبالتالي ممكن تقف عليه بخسارة

وبالتالي اللي عنده عربية قديمة وناوي يبيعها يلحق يبيعها لان نزول اسعار الجديد هينزل كمان سعر المستعمل

والتخفيض الحالي على الجمارك على السيارات القادمة من اوروبا هو 50% وكان المفروض ان مصر توصل لنسبة 60% في اول 2014 لكن مصر طلبت التاجيل عام بسبب ظروف الثورات وليس لمصر الحق في التاجيل سوى مرة واحدة وقد استخدمتها ومن ثم لن تستطيع التاجيل مرة اخرى يعني

في اول 2015 تخفيض الجمارك الى 60%

في اول 2016 تخفيض الجمارك الى 70%

في اول 2017 تخفيض الجمارك الى 80%

في اول 2018 تخفيض الجمارك الى 90%

في اول 2019 تخفيض الجمارك الى 100% (صفر جمارك)

للاطلاع على الاتفاقية اضغط على الرابط التالي

الاتفاقية

[Mostafa Bedo]

طيب كويس ما هي كدة العربيات هترخص

[M.Elwan]

لازم ناخد بالاعتبار ان فى ضريبة يتم فرضها على السيارات وقيمتها 15% ويضاف ايضا رسم تنمية وقيمته 3% مش عارفين تنمية ايه بالظبط بس كده معاك 18% ده غير حساب الشحن والنولون

اهم حاجة تاخد بالك منها ان سعر السيارة اللى بيتحسب عليه الجمارك بيكون اسمة القيمة سيف

ساب القیمة للسیارة :
القیمة سیف للسیارة = القیمة فوب + مصاريف النولون من میناء الإنتاج + مصاريف التأمین + مصاريف التفريغ

القیمة فوب للسیارة (بالجنیة المصري) = قیمة (cif) سیف سعر صرف ( للعملة الخاصة ببلد إنتاج السیارة ) * × السیارة بسعر المصنع


طبعا لو حسبنا نولون الشحن ده بيكون بالمتر وتقريبا المتر بيعمل 100 دولار ده غير الشحن والتفريغ

انا مش بحبطك بس العربيات مش حترخص فى مصر

[mazen21]

قالوا الجمل طلع النخلة
طب ادي الجمل وادي النخلة

نتقابل في اول يناير ٢٠١٥ ونشوف انا اللي صح ولا انت

مع خالص تحياتي

والاختلاف في الراي لا يفسد للود قضية وشاكر لمرورك على الموضوع

[eng.m7md.ali]

مش هيحصل صدقني .. لو العربية رخصت هتلاقي الدولار رفع وسعرها زاد اكتر من الاول

[Ahmedvero]

طب بالنسبه للوجان هل فعلا بتدخل بدون جمرك؟
وهل اتفاقيه اغادير اللي بين مصر والمغرب بتطبق بجد؟

[Ahmedvero]

انتو قلقتوني دا انا هدفع 92 الف كمان كام شهر

[hesham fawzy h]

حضرتك متاكد ؟؟

اييية سبب تاكيدك؟

[kempel]

ياسيدى الفاضل التجار هيحطوا الفرق فى جيبهم يا يثبتلك سعر العربية سنتين ولا حاجه أو مثلاً لو الحاجة بترخص 10000 يخفضهالك 2000 ويحط ال8000 فى جيبه وما حدش ليه عنده حاجه ومبروك عليك ال2000 جنيه ياللا عن ماحد حوش

[تامر.محمد]

هو انا طبعا اتمنى

لكن في مصر ؟ ما حصلتش قبل كده عشان اتفائل انها هاتحصل دلوقت الصراحة

[Zing0]

بوجه عام و بعيداً عن ثقتنا الغالية فى قرارات حكومتنا الرشيدة

الكلام ده زى الكهربا اللى قالوا مش هتغلى و غليت
و الوقود اللى قالوا إعمل الكارت الذكى و مش هنغير سعره و زاد سعره و إشرب إنت الكارت الذكى
و زى ما العيش بقى عالتموين, و التموين بقى بدل نقدى, و مفيش يا جماعه و إحنا مش هناكل مصر, دى أم الدنيا و هتفضل أد الدنيا بإذن الله - بس من غير القرارات الخادعة دى.
هل تعتقد إن الحكومة - بقرارتها دى - عاوزه تخلى الشعب البسيط مستريح, يأكل و يسكن و يركب أوروبى كمان !!!

الكلام ده كله منطق مش سياسه, مسألة ثقة فى التعامل بين إعلام و مسئولين كاذبين و بين شعب مطحون بيحاسب على الحاجه اللى مشفهاش.

[Eslam.Elrefaey]

مش هيحصل لكذا سبب اولهم انك قارن كده بين سعر اى عربية اوروبى زيرو موديل 2007 وموديل 2010 وموديل 2013 والمفروض ان السعر كل مرة بينزل وانت هتعرف
وهديك مثال الفولكس فاجن جيتا 2007 اظن كانت ب 115 مش متأكد من الرقم ممكن حد يصححهولى
فى 2010 كانت ب 155 تقريبا برضه
فى 2013 كانت كاسره ال200
الاسعار بامانه مش متاكد منها بس هى تقريبية بنسبة كبيرة

[mazen21]

لا حول ولا قوة الا بالله العلي العظيم

لا حول ولا قوة الا بالله العلي العظيم

انا عارف اللي بيعارض هما فريقين الاول حسن النية والثاني مش كده
والفريق الثاني بيبقى مزقوق من التجار وشركات السيارات كل منتدى فيه ناس تابعه ليهم

ليه بقى بيعارضوا ومش عاوزين الناس تعرف ان الموضوع ده حقيقي
هيحصل

لان انت لو ناوي تشتري دلوقتي هتاخر قرارك لاول يناير ٢٠١٥

والمخزون اللي بالسعر القديم هيلبسه هو

ومن مصلحته ان يبيعه على السعر القديم

طبعا انا هابعد عن الظن لان بعض الظن اثم وهاكون حسن الظن واكيد كل اللي بيعارض من الفريق الاول

واخيرا انا متاكد من كلامي ١٠٠٪ واللي مش مصدق يروح يسال الجمارك او وزارة التجارة والصناعة

[aly_hosny]

محدش حس بال50 % ال اتحفضو عشان ال10% يعملو حاجة

ده غير ان ال10% دول مش من الجمرك لا دول من ال40%
يعني 4%

[mody112]

لو فعلا فى تخفيض حقيقي كانت العربيات ال 5 سنين اللى فاتوا رخصوا او على الاقل فضلت ثابتة على اسعارها باعتبار ان ارتفاع سعر الدولار هياكل ال 10% التخفيض لكن مفيش الكلام ده