عندك عربية قديمة وناوي تبيعها ... طب الحق بيعها قبل يناير 2015

[mazen21]

http://www.nilemotors.net/Nile/452079-a.htmlراجع الموضوع ده للاطلاع على حقائق هامة

[BANNAZ11]

يعنى حضرتك بتتكلم وترد على نفسك ..يتقول الاسعار هتقل ..مع ان الاتفاقيه متطبقه من 2010 ومافيش حاجه نزلت ... واول مرة اعرف ان الخليجى ارخص من التوكيل ....من امتى ....وعلى فكرة 2015 مش بعيدة .....

[MACATHIUS]

عندك عربية قديمة وناوي تبيعها ... طب الحق بيعها قبل يناير 2015

لان اتفاقية الشراكة الاوروبية سيتم استئناف تنفيذها
والعربيات الاوروبي سيصل تخفيض الجمارك عليها الى 60% اول يناير 2015
وطبعا ده سيؤثر كمان على باقي الماركات غير الاوروبية لانهم هيضطروا غصب عنهم يخفضوا الاسعار

وهتلاحظ ان الفترة الحالية معظم الماركات بتعمل تخفيضات لتقليل المخزون لدى الشركة لانها لو فضلت عنده سعرها هينزل غصب عنه وبالتالي ممكن تقف عليه بخسارة

وبالتالي اللي عنده عربية قديمة وناوي يبيعها يلحق يبيعها لان نزول اسعار الجديد هينزل كمان سعر المستعمل

والتخفيض الحالي على الجمارك على السيارات القادمة من اوروبا هو 50% وكان المفروض ان مصر توصل لنسبة 60% في اول 2014 لكن مصر طلبت التاجيل عام بسبب ظروف الثورات وليس لمصر الحق في التاجيل سوى مرة واحدة وقد استخدمتها ومن ثم لن تستطيع التاجيل مرة اخرى يعني

في اول 2015 تخفيض الجمارك الى 60%

في اول 2016 تخفيض الجمارك الى 70%

في اول 2017 تخفيض الجمارك الى 80%

في اول 2018 تخفيض الجمارك الى 90%

في اول 2019 تخفيض الجمارك الى 100% (صفر جمارك)

للاطلاع على الاتفاقية اضغط على الرابط التالي

الاتفاقية

طب ليه ما رخصتش فى السنين اللى فاتت رغم انها بدون 50 % جمارك هذا حتى 2014
هما بيلاقوا طرق كتير عشان مايخلوهاش ترخص... فين فرق السعر بتاع السنين اللى فاتت ... المفروض انها بيدفع عليها نص الجمارك طب فين الفرق دا بالعكس العربيات بتغلى

[MACATHIUS]

الحل ان احنا نعمل مظاهرة ضد الفساد فى سوق السيارات...

[fepsceasar]

احنا بنسمع الكلام ده من 2009 وقالك فى 2010 الدنيا هتبقى موز اللوز ..
اوكدلك انه كلام فاضى يا باشا

[mazen21]

الاخ اللي بيتعجب اني قلت ان العربيات اللي بتيجي من الخليج ارخص من اللي بتتباع في التوكيل مش هارد وياريت حد من الاعضاء يرد عليك لان واضح انك مش مستوعب ايه اللي بيحصل حواليك

ولباقي الاعضاء ارجو مراجعة ما قاله رئيس شعبة المستوردين في الرابط بتاع الموضوع احنا بيتنصب علينا ... الخ هتلاقيه فوق هنا

قال ان شركات تجميع العربيات في مصر بتدخل العربيات على شكل قطع غيار ونظير ذلك لا تدفع جمارك
وكمان الحكومة بتدعمهم بحاجة اسمها ١٥٪ اضافية

يعني منظومة فساد كبرى

وبعد كده تلاقي عربية واقفة عليه بخمسين الف يسعرها ب ١٠٠ الف واكثر واحنا اللي مشجعنهم للاسف


محدش يشتري الا بعد تطبيق التخفيض في يناير وقيام مصنع التجميع او التوكيل بتخفيض السعر الرسمي

[elenawy]

يا جماعه اللى عايز يشترى عربيه يستنى لحد اول يناير
علشان لو الكلام ده حصل الكورى و اليابانى مش هيبقو فى مصر اصلا

[alamo180]

«غبور» و«EIT» تستوردان « هيونداى IX35 » و«سبورتاج» من التشيك بدلاً من كوريا


ديسمبر 14, 2014 - 03:36 م


قال مصدر مقرب من الشركة العالمية للسيارات «EIT» وكيل كيا الكورية فى مصر إن الشركة بدأت فى استيراد السيارة «كيا سبورتاج» من التشيك بدلاً من كوريا، مشيراً إلى أن شركة جى بى غبور أوتو، وكيل هيونداى محلياً بدأت هى الأخرى فى استيراد طراز «IX 35» من التشيك.
وتتبع العلامتان التجاريتان الكوريتان كيا وهيونداى مجموعة «هيونداى كيا للمركبات» أكبر مصنع للسيارات فى كوريا الجنوبية وثانى أكبر مصنع فى آسيا بعد تويوتا، حيث تأسست المجموعة بعد شراء شركة هيونداى موتور %51 من أسهم شركة كيا موتورز عام 1998.
وأضاف المصدر – الذى رفض الكشف عن اسمه – لـ «البورصة» أن اتخاذ «جى بى أوتو» و«EIT» تلك الخطوة للاستفادة من اتفاقية الشراكة الأوروبية والتخفيض الجمركى على السيارات المستوردة من أوروبا، والذى سيصل بحلول عام 2019 إلى %0، وسيكون له بالغ الأثر السلبى على كل السيارات المستوردة من أى دولة أخرى غير الدول الأوروبية.
على جانب آخر، علمت «البورصة» أن «جى بى غبور أوتو» وكيل العلامة الصينية جيلى والسيارة اليابانية مازدا إلى جانب هيونداى، تعمل على تجميع طراز جديد من طرازات هيونداى سيصل سعره عند طرحه فى الأسواق إلى حوالى 100 ألف جنيه.
يذكر أن «جى بى غبور أوتو» تجمع فى مصانعها سيارتين فقط هما هيونداى فيرنا والتى تستحوذ على مبيعات سوق الـ 1600 سى سى، بجانب جيلى إمجراند 7 الصينية، وتعمل على استيراد باقى الموديلات من الخارج.


«غبور» و«EIT» تستوردان « هيونداى IX35 » و«سبورتاج» من التشيك بدلاً من كوريا - جريدة البورصة

[BANNAZ11]

الغريب جدا ان الخليجى ارخص ..مع انى كان معايا خليجى وسعرها اغلى من التوكيل ...لان بيبقى فيها حاجات اكتر من اللى موجودة فى التوكيل ( مصر ) ... ودى معلومه للاسف يعرفها اى طفل صغير فى مصر ...ومش عارف حضرتك بتتكلم على ايه ..ولو مش عارف روح اسأل ....اسال ايه الفرق بين عربيه جايه خليجى وعربيه فى مصر ..هتلاقى حاجات متغيرة ..اسال قبل ما تفتى

[Eng. Kamel]

لا أعتقد بأن 10% تخفيض في الجمارك هيفرق أساساً في أى سعر سواء جديد أو مستعمل
البلد دي ما بيرخصش فيها غير البني أدم

[Ahmed Tarek 00]

يارب الأسعار تقل فعلاً

[mfraig]

الاخ اللي بيتعجب اني قلت ان العربيات اللي بتيجي من الخليج ارخص من اللي بتتباع في التوكيل مش هارد وياريت حد من الاعضاء يرد عليك لان واضح انك مش مستوعب ايه اللي بيحصل حواليك

ولباقي الاعضاء ارجو مراجعة ما قاله رئيس شعبة المستوردين في الرابط بتاع الموضوع احنا بيتنصب علينا ... الخ هتلاقيه فوق هنا

قال ان شركات تجميع العربيات في مصر بتدخل العربيات على شكل قطع غيار ونظير ذلك لا تدفع جمارك
وكمان الحكومة بتدعمهم بحاجة اسمها ١٥٪ اضافية

يعني منظومة فساد كبرى

وبعد كده تلاقي عربية واقفة عليه بخمسين الف يسعرها ب ١٠٠ الف واكثر واحنا اللي مشجعنهم للاسف


محدش يشتري الا بعد تطبيق التخفيض في يناير وقيام مصنع التجميع او التوكيل بتخفيض السعر الرسمي

سبحان الله في كلامك انت بتناقد نفسك
يعني العربيات عليها 50% حاليا والاسعار زي مانت شايف
وفي اول 2015 هتبقى 60% يعني تخفيض بزياده 10% والاسعار هترخص جدااااااا
وعجبي

[mazen21]

لازم نطلع رجالة ونقف وقفة رجالة

لازم نطلع رجالة ونقف وقفة رجالة

محدش يشتري بعد الا بعد مرور 60 يوم من بداية السنة الجديدة
علشان الشحنات الجديدة تكون المعارض لحقوا اتفقوا عليها بعد ما يعرفوا راسهم من رجليهم رسمي

وكمان سمعت ان بعضهم كان طالب شحنات وجاية في الطريق وهيسيبها على المركب ومش هيدخلها الا بعد صدور قرار التخفيض رسمي في اول يناير علشان يستفيد بالتخفيض
وعقبال ما تدخل وبتدي هو يعلن عن الجديد مش هيبقى اقل من شهرين تقريبا

محدش بقى يسمح للمستغلين والجشعين
بنهبنا
ويقعد يقول مفيش تخفيض مفيش تخفيض
ما هو انت بتروح له تشتري يقولك دي بقرشين
تقوله انت طب خد مع انك عارف انها بقرش
طول ما انت ساكت وبتدفع اللي بيقولوا عليه
طول ما هما هيفضلوا مستمرين في جشعهم
وكل سنة هيضربوا التخفيض في كرشهم
وهنفضل احنا نقول مفيش تخفيض مفيش تخفيض





[flash=https://freesecure.timeanddate.com/countdown/i4eng0i1/n53/cf101/cm0/cu4/ct0/cs0/ca0/cr0/ss0/cac000/cpc000/pcd8873c/tc66c/fs275/szw576/szh243/tatالوقت%20المتبقي%20على %20الحدث%20في القاهرة/tac000/tptTime%20since%20Event%20started%20in/tpc000/mac000/mpc000/iso2015-01-01T00:00:00]width=600 height=300[/flash]

[AHMADKAMAL1]

خدوا الخبر دة المنشور في الاهرام 19-12-2014 في ملحق السيارات بالنص التجار يدرسون زيادة الاسعار للسيارات الاوربية نظرا لارتفاع سعر الدولار واليورو وفرق العملة يبلع فرق التعديل الجمركي ولا تعليق وهي دى مصر ماسر يا حبيبتي يا مصر[/QUOTE]

[mazen21]

سيطرة اصحاب رؤوس المال

وجود الخبر ده في الصفحة الاولى بالبنط العريض للملحق معناه حاجتين

الاولى
سيطرة اصحاب رؤوس المال على ما ينشر في الملحق وكلنا عارفين ان
اساس تمويل الملحق بيبقى من الاعلانات المباشرة وغير المباشرة
للتوكيلات والمعارض داخل الملحق

الثانية
ان الناس فاقت ومش بتشتري وده قلل المبيعات خلال الفترة اللي فاتت
ولم يصبح امامهم سوى اللعب القذر على المكشوف فيزق واحد يكتب خبر زي ده في الصفحة الاولى

وهو هنا بالخبر ده عاوز يضرب عصفورين بحجر واحد
اولا يبرمج لك دماغك من دلوقتي انك تنسى ان في تخفيض
ثانيا يبرمج لك دماغك من دلوقتي انك كمان تتوقع زيادة في الاسعار
ثالثا اول ما انت تسمع اللي فات هتنزل جري على المعرض تشتري العربية
على اساس انت كده ناصح وسمعت الكلام بتاع الراجل اللي هما جايبينه علشان ينصح المشتري
مش علشان بيقول كده لا سمح الله علشان يحقق اي مصلحة لشركات السيارات
وبكده يكون سرب المخزون الراكد اللي عنده قبل السنة الجديدة وجاب الجديد بالسعر المخفض وكامن هيبيعهولك بعد كده بنفس السعر القديم لو كان رحيم معاك شوية اما لو وراك العين الحمرا هيبعهالك بازيد من السعر القديم كمان

واخيرا اكرر مرة اخرى التخفيض بيحصل لا شك في ذلك
انما لا مؤاخذة تروح انت تعري افاك وتيجي تشتكي وتقول لي انا سقعان
دي مش مشكلتي دي مشكلتك انت

يعني بالبلدي يا محدش يشتري لحد ما الناس تلم نفسها وتبطل جشع
يا انتم حرين خليهم يعملوا ما بدالهم فيكم

واختم بجزء من مقولة الراجل اللي كاتب المقالة النهاردة في ملحق الاهران 19ديسمبر
تفضحه هو والجشعين اللي بيكتب لهم
((( ان تخفيض ال 10% من الجمارك على سيارة سعرها 100 الف سيكون في حدود 4 الاف جنيه)))
هو فاكر كده ان الناس هتهبط وان الناس هتقول 4 الاف جنيه كلام فارغ اقولك 4 الاف جنيه مش كلام فارغ
اولا ممكن بالمبلغ ده تشتري العربية اول فئة وتركب لها الاكسسورات اللي انت عاوزها مثلا
ثانيا ممكن يفيدك في الترخيص والتامين
ثاالثا اهم حاجة ان كشف انهم بينهبونا كل سنة اقولك ازاي
هو قال ان ال 10 % بتترجم لخصم 4 الاف جنيه
طيب ما دي سادس مرة تتخصم ال 10% راحو فين الخمس سنين اللي فاتوا
(ستة سنوات والسنة ب 4 الاف خصم يعني 4 في 6 ب 24 الف يعني العربية اللي كانت
ب 100 من 6 سنوات المفروض تتباع يناير 2015 ب 76 الف)

كمان قعد يقول ان العربيات اللي بتتصنع في اوروبا وهى تتبع دولة اوروبية من الاساس(زي بيجو مثلا) العربيات اللي بتتصنع في اوروبا وهى مش اوروبية الاساس (زي شيفروليه مثلا والياباني كله... الخ) (( وده صحيح طبعا ) لكن هو قال كام موديل اللي اسعارهم عالية اصلا ولم يذكر اي من العربيات المتوسطة اللي عليها طلب واللي مش اوروبية ولكن تصنع في اوروبا

زي كل موديلات الشفروليه كروز - سونيك (نيو افيو) - ... الخ
كذلك جميع موديلات ميتسوبيشي فلها مصانع في اوروبا في عدة دول حوالي 40 دولة اوروبية
راجع الموقع ده بتاع ميتسوبيشي فرع اوروبا

Mitsubishi Motors Europe


وابشركم زي ما الشارك الخليجي دلوقتي مغرقة السوق على السنة الجديدة ان شاء الشارك الاوربي هتغرق السوق وهتبقى افضل كمان من الخليجي ان شاء الله
شوف الشارك على موقع شيفروليه تركيا

Mitsubishi Motors

محدش يشتري غير لما السعر الرسمي يتخفض
واللي هيشتري هيتحمل ذنبه وذنب الناس كلها
لانه هيشجعهم على الاستمرار في جشعهم
وهيضربوا التخفيض في كرشهم زي السنوات اللي فاتت