عندك عربية قديمة وناوي تبيعها ... طب الحق بيعها قبل يناير 2015

[mazen21]

هو الناس مبتعرفش تقرا جرايد

هو الناس مبتعرفش تقرا جرايد وعايشين معانا في مصر ولا ايه ولا يمكن يكونوا من جاردن سيتي؟! يمكن!!!!




[flash=https://freesecure.timeanddate.com/countdown/i4eng0i1/n53/cf101/cm0/cu4/ct0/cs0/ca0/cr0/ss0/cac000/cpc000/pcd8873c/tc66c/fs275/szw576/szh243/tatالوقت%20المتبقي%20على %20الحدث%20في القاهرة/tac000/tptTime%20since%20Event%20started%20in/tpc000/mac000/mpc000/iso2015-01-01T00:00:00]width=600 height=300[/flash]

[mazen21]

كلام مصلحة الجمارك نفسها

اولا
رئيس مصلحة الجمارك

قال مجدى عبد العزيز سيف النصر رئيس مصلحة الجمارك أن الرسوم الجمركية للسيارات فى مصر من أعلى ثلاث دول فى العالم ، موضحاً أن مصر انضمت إلى العديد من الاتفاقيات الدولية التى قامت بخفض الجمارك أو الغاءها من بعض الدول
واضاف عبد العزيز فى حواره ببرنامج “بصراحه” على قناة التحرير ، أن مصر خفضت بعض الجمارك عن اللجان مع تعدد الاتفاقيات التى وقعتها مصر ،مؤكداً أن السيارات ستصل مصر فى عام 2019 بدون جمارك .
وأشار رئيس مصلحة الجمارك أن الإيرادات الاساسية لمصلحة الجمارك هى حصيلة الرسوم من المنافذ ، مؤكداً أن حركة التجارة مع مصر مؤشرها جيد جدا وتسير فى اتجاه ايجابى مؤخرا .

المصدر

الحوار التلفزيوني في برنامج بصراحة (قناة التحرير)

رابط اللقاء في برنامج بصراحة (قناة التحرير)

ثانيا
مدير عام المكتب الفنى لرئيس مصلحة الجمارك


قال أحمد حسنين، مدير عام المكتب الفنى لرئيس مصلحة الجمارك إنه سيتم استئناف تطبيق الشراكة المصرية الأوروبية على السيارات فى عام 2015 بعد أن تم إيقافها عام 2014 لمدة عام بناء على الطلب المصرى للجنة المشاركة.
وأشار حسنين إلى أن الاتفاقية أعطت الحق للدولة التى تواجه مشكلات فى صناعتها المحلية أن تطلب التأجيل أو التخفيض للمنتجات وبالتالى تم تعليق الجدول الزمنى للاتفاقية لمدة عام.
وأضاف مدير عام المكتب الفنى أن الشريحة التى ستتطبق فى عام 2015 نسبتها %60 ما يعنى أن السيارات فئة 1600 سى سى وفئتها الجمركية %40 سيبلغ حد إعفائها %24 وستسدد %16 رسوماً جمركية. بينما فى السيارات فئة 2000 سى سى أو ما فوقها والتى تبلغ فئتها %135 ستعفى بنحو %81 وستسدد %54 رسوما.
وقال حسنين «إن كل ما يستورد من دولة الاتحاد الأوروبى سواء شخصياً أو تجارياً يتمتع بالإعفاء الجمركى شريطة استيفائه لقواعد المنشأ يورو 1 أو يورو mid أو مستند الإثبات»

المصدر


طبعا عترجعوا تقولولي الاسعار مش هتنزل
هي مش بتنزل مش لان الاتفاقية مش بتتنفذ
ولكن الاتفاقية بتتنفذ والتخفيض بيحصل
لكن التوكيل الجشع بيعميه وبدل ما يخفض سعر العربية
بيضرب التخفيض في جيبه كل سنة ... وهكذا

اللي هيحصل ان شاء الله زي ما قلت قبل كده وزي ما الراجل بتاع جرنال الاهرام قال
ان في ناس هتستورد العربيات من طرفها بعيد عن التوكيل وتبيعها بسعر اقل
زي ما بيحصل مع العربيات الخليجي وده هيكشف التوكيلات الجشعة امام الناس
وساعتها غصب عنه هيضطر ينزل السعر
وعلى فكرة الراجل بتاع الاهرام ده بيكتب كل اسبوع مش مرة وخلاص
يعني راجل له ثقله في الموضوع علشان كده بيكتب عمود اسبوعي

محدش يرغي تاني لاحسن مرارتي اتفقعت منكم



[flash=https://freesecure.timeanddate.com/countdown/i4eng0i1/n53/cf101/cm0/cu4/ct0/cs0/ca0/cr0/ss0/cac000/cpc000/pcd8873c/tc66c/fs275/szw576/szh243/tatالوقت%20المتبقي%20على %20الحدث%20في القاهرة/tac000/tptTime%20since%20Event%20started%20in/tpc000/mac000/mpc000/iso2015-01-01T00:00:00]width=600 height=300[/flash]

[mazen21]

السيارات ذات المنشأ الاوروبي

مفترض ان الاتفاقية تعني ان السيارات اللي بتتصنع في اي دولة اوروبية تاخذ سمة
سيارة ذات منشأ اوروبي بغض النظر العربية اصلها كوري ولا امريكي ولا صيني ... الخ

يعني لو في هيونداي النترا بتتصنع في دولة اوروبية
تبقى سيارة ذات منشا اوروبي
وده اللي الناس مش واخده بالها منه

لان السنة اللي جايه كل التوكيلات اللي في مصر ان شاء الله هتتكشف
والسرقة اللي بتتم في تسعير العربيات هتبقى على المكشوف امام كل الناس

لان زي ما قلت اذا كان هبور بيبيع الالنترا مثلا 150000 هتلاقي مستورد راح جايبها
من اوروبا وعلى الرغم من انها جاية وعليها مصارف شحن وكمان الجمارك (المخفضة)
وهبيبعها رغم كده ارخص منه هبوووووور

نفس الكلام مع الشيفروليه بتتصنع في اوروبا وهيتعمل معاها نفس الموضوع
وباقي التوكيلات نفس الشئ ....الخ

موقع شيفروليه اوروبا

اقرب بلد يعتبر اوروبي وفقا للموقع الرسمي لشيفروليه اوروبا هى تركيا

وممكن تتفقع وتشوف ان احنا بيتضحك علينا في الموديلات مش بس الاسعار

موقع شيفروليه تركيا

الافيو اللي عندنا على سبيل المثال دى بالنسبة ليهم الافيو كلاسيك
ونزلوا ليهم بعد كدة الافيو الجديدة (اللي هى السونيك اللي نزلت عندنا وبعدين وقفوها)
ودي افضل من الافيو طبعا بس الجشع تقول ايه

كمان عندهم كروز هتشباك وكروز ستيشن بالاضافة الى الكروز السيدان

[mazen21]

مثال للتسعير مع الجمارك المحتملة ان شاء الله

راجع الموضوع ده علشان تعرف تسعير الكروز كمثال

رابط الموضوع

[mfraig]

من بقك لباب السما ياخويا
حد يكره

[wagih dot waga]

بدأ القلق يسيطر على شركات السيارات ، مع اقتراب موعد تطبيق الشريحة الجديدة من الخفض الجمركى على السيارات الأوروبية والمقرر لها يناير 2015.
وسيكون من الصعب التهرب من تطبيق الشريحة الجديدة التى قد تصل نسبتها إلى %12، إذ كانت مصر قد بدأت منذ عام 2009 تطبيق الخفض الجمركى على السيارات الأوروبية بمعدل %10 سنوياً، ولكنها توقفت عن ذلك خلال عام 2014 لأسباب متعلقة بالضغط الكبير الذى مارسه رجال الأعمال القائمون على صناعة تجميع السيارات، وأبرزهم قادة شركتى «مرسيدس» و«بى إم دبليو» اللتين تقومان بتجميع عدد من الطرازات الأوروبية داخل مصر.
قال السفير جمال بيومى، أمين عام اتفاقية المشاركة المصرية الأوروبية، إن الجانب المصرى نفذ التزاماته حتى قيام ثورة 2011، ثم أوقف التخفيض عام 2014، وذلك طبقاً لما يسمح به الاتفاق من «أحقية أحد الأطراف فى طلب التوقف عن تطبيق الشريحة التخفيضية على جمارك السيارات.
وكشف اعتراضه شخصياً على إيقاف التخفيض يناير 2014، حيث رأى أنه لم يجد أى مبرر لهذا التوقف سوى لمصلحة أحد رجال الأعمال الذى يصنع سيارة أوروبية فى مصر، ورغم اعتراضه على هذا الإجراء، إلا أن المشاورات بين الجانبين شهدت اعتراض الجانب الأوروبى على هذا الإجراء، فقام بالدفاع عن الجانب المصرى، لأن له الحق فى التوقف عامين طبقاً للاتفاقية.
ويصبح على الجانب المصرى تعويض هذا التوقف، ويزيد من نسب الخفض بحيث يحقق هدف الاتفاق والوصول بالجمارك إلى صفر عام 2019.
وأوضح بيومي، أن اتفاقية المشاركة المصرية الأوروبية تسمح للشركات والمصنعين المصريين، بالدخول فى تحالف مع شركة أوروبية تزودهم بالمحرك، ونقل التكنولوجيا لصناعة أهم مكونات السيارة مثل المحرك والشاسية و مجموعة التروس «الجير بوكس».
وأضاف أن السنوات 2010 و2011 و2012 و2013 شهدت تخفيضات بإجمالى %40 من رسوم الجمارك على السيارات، والحكومة توقفت عن التطبيق فى 2014، مبيناً أن مصلحة الجمارك يجب أن توزع نسبة %60 الباقية على السنوات الخمس المقبلة حتى عام 2019.
من جانبه، توقع علاء السبع، رئيس مجلس إدارة شركة «السبع أوتوموتيف»، أن تصل نسبة تطبيق الشريحة الجديدة إلى %12، مشيراً إلى أن تطبيق الشريحة سيؤثر على أسعار السيارات ويخفضها بنسبة تتراوح بين 2 و%2.5.
وأرجع ضآلة التراجع فى أسعار السيارات الأوروبية بعد الخفض المرتقب، إلى تقلب أسعار العملات واتجاه الشركات العالمية لزيادة الأسعار سنويا، مبيناً أن %90 من شركات السيارات العالمية ترفع أسعارها بشكل سنوى بنسبة تقترب من %2.
وأضاف السبع أن شريحة التخفيض الجمركى التى تبلغ %10 لا تنعكس سوى بنسبة %4 انخفاضاً فى سعر السيارة، بالنظر إلى أن الرسوم الجمركية على السيارات فئة 1600 سى سى تصل إلى %40 من سعر السيارة.
وكشف أن السيارات الفارهة ذات الأسعار العالية هى أكثر السيارات المتأثرة بالتخفيض الجمركى، حيث إن أسعارها ستشهد انخفاضاً واضحاً خلال مدة تطبيق الشريحة، مما يؤثر على معدلات النمو فى مبيعاتها خلال 2015.
وحول انخفاض أسعار السيارات الأوروبية، أشار السبع إلى أن الاتفاقية أثرت على مبيعات السيارات الأوروبية فى مصر بشكل إيجابى، مضيفا أن تقلب أسعار العملات المتسارع تسبب فى زيادة أسعار السيارات العالمية.. لكن الاتفاقية تحصن السيارات الأوروبية من الزيادة وذلك عبر الخفض الجمركي.
وحول تأثير الاتفاقية على أسواق السيارات الأخرى، مثل السيارات الكورية واليابانية، قال إن تلك الصناعات تتأثر باتفاقية المشاركة المصرية الأوروبية. وأنهم بدأوا يلجأون إلى استيراد سياراتهم من مصانعهم فى الدول الأوروبية للاستفادة من الاتفاقية، موضحا أن كلا من «كيا» و«هيونداي» و «نيسان» و«سوزوكى» و«تويوتا» بدأت تصدير سياراتها من مصانعها فى الدول الأوروبية إلى مصر.
وقال اللواء حسين مصطفى، المدير التنفيذى لرابطة مصنعى السيارات، المتحدث الرسمى، إن تطبيق شريحة التخفيض الجمركى لن يكون له تأثير حاد على سوق السيارات، مبينا أن أسعار العملات تدفع الأسعار إلى الارتفاع.
وأوضح أن قرار شراء السيارة، تحكمه ضوابط منها نوع وتاريخ موديل السيارة، ومعدل استهلاك الوقود «السعة اللترية»… ثم يأتى السعر بعد ذلك، مضيفا أنه إذا حدث انخفاضاً فى أسعار السيارات فسيكون طفيفا.
وكشف أن المستهلك لم يشعر حتى الآن بآثار تطبيق شرائح الخفض الجمركى للواردات الأوروبية، إذ لا يوجد أى إلزام على شركات السيارات والموزعين بضرورة خفض أسعار السيارات بنسب الخفض الجمركى ذاتها.
يذكر أن مصر وقعت مع الاتحـاد الأوروبى «15 دولة» فى 25 يونيو 2001 اتفاقية المشاركة المصرية الأوروبية، التى تستهدف إقامة منطقة تجارة حرة بين الطرفين فى مدة أقصاها 12 عاما من دخول الاتفاقية حيز التنفيذ، على أن يكون تحرير التجارة بشكل تدريجى، بينما يمتد تحرير الواردات المصرية من السلع الصناعية ذات المنشأ الأوروبى إلى 16 عاماً.
وبموجب هذه الاتفاقية تخفض مصر تدريجيا التعريفة الجمركية على جميع السلع الصناعية إلى أن تصل «صفر»، من خلال عدة مجموعات تشمل السلع الأولية والسلع الوسيطة والسلع النهائية، حيث تتم إزالة التعريفة الجمركية على السلع الأولية خلال السنوات الأربع الأولى بمعدل %25 من قيمة التعريفة المطبقة سنويا. وبانتهائها خلال 4 سنوات تبدأ المرحلة الثانية المتعلقة بالسلع الوسيطة لمدة 6 سنوات، ثم تبدأ المرحلة الثالثة الخاصة بالسلع النهائية خلال 6 سنوات.[/b][/size]

[drmagieed]

في المشمش

[mazen21]

التخفيض قادم ..... خبر من اليوم السابع

التخفيض قادم لا محالة ومحاولات مستميتة من الشركات المحلية لايقافها
اللي لو احنا ايام مبارك كانت العملية اتحسمت من زمان ومش كانوا اجلوا الاتفاقية
دول كانوا لاغوها خالص علشان اصحاب شركات التجميع المحلية عايمين على وش الفتة وبيغرفوا
من جيوبنا بالاسعار المبالغ فيها


اللي هتتكشف زي ما قلت قبل كده لما المستهلك يلاقي العربية جايلة مستوردو ارخص من المحلي وزي ما الخبر في اليوم السابع بيشير الى ذلك

ولو الايام اللي جاية عرفت ان الاتفاقية اتاجلت اعرف ان نظام مبارك لا يزال موجودا


معا ضد جشع

التوكيلات

[mazen21]

انخفاض أسعار السيارات 10% بدءًا من يناير المقبل مع تخفيض الجمارك اليوم السابع

[mazen21]

هيقعدوا يقولوا لك ان الدولار هيزيد والهجايس بتاعتهم ومش عارف ضريبة مبيعات ايه طب ما هو الكلام ده على المحلي والمستورد في نفس الوقت وحتى لو الدولار زاد ما هيزيد على المحلي والمستورد
غي ان المستورد الاوروبي هيكون له افضليه ان جماركه اقل من جمارك العربيات الاخرى

اخيرا لا ينبغي السكوت على ضرب الشركات لفروق التخفيضات تاني في جيبهم

[ahmedfor3]

التخفيض قادم لا محالة ومحاولات مستميتة من الشركات المحلية لايقافها
اللي لو احنا ايام مبارك كانت العملية اتحسمت من زمان ومش كانوا اجلوا الاتفاقية
دول كانوا لاغوها خالص علشان اصحاب شركات التجميع المحلية عايمين على وش الفتة وبيغرفوا
من جيوبنا بالاسعار المبالغ فيها


اللي هتتكشف زي ما قلت قبل كده لما المستهلك يلاقي العربية جايلة مستوردو ارخص من المحلي وزي ما الخبر في اليوم السابع بيشير الى ذلك

ولو الايام اللي جاية عرفت ان الاتفاقية اتاجلت اعرف ان نظام مبارك لا يزال موجودا


معا ضد جشع

التوكيلات

انا شاء الله يكون كلام حضرتك صحيح وفعلا نلاحظ الانخفاض هو ممكن الواحد لو ليه حد فى اروبا يجبها معها

[potter2006]

بتتحاسب علي سعر تاريخ الاستلام
يعني لو وانت بتحجز كانت العربيه ب 100
ولما جيت تسلم نزلت 10 او غليت 10 علي سبيل المثال بتدفع السعر الحالي اللي هو 90 او 110

يا جماعة انا في عقد حجز العربية مكتوب في حالة الزيادة هتحمل الفرق طب لو نقصت ايه ؟

[mazen21]

الشعب الطيب

العضو الفاضل اللي بيسال اذا كان من الممكن حد يجيب العربية بنفسه او عن طريق حد من قرايبه

طبعا ممكن لو ليك واحد قريبك بره هيشتريها ويخلص لك ورقها من هناك ويشحنها لك
وانت هيبقى عليك الدور انك تستلمها هنا وتخلص ورقها ولازم تكون عندك خلفية بالاوراق ودورة اللف عليها وبيبقى في الميناء ناس وظيفتهم التخليص الجمركي ده هياخد اتعابه الا اذا اردت انت تمشي ورا الورق وتخلصه انت

طبعا لما انت هتشتري العربية مش هتاخد عليها خصم تجاري من هناك لانك شاري قطعة واحدة
طبعا هتكون ارخص لمعرض بياخد شغل تجاري 100 عربية مثلا فيدلوله خصم على تمنهم
هو انت لما هتحسبها هتلاقي العربية وصلالك برضة ارخص من المصري + تقفيل اوروبي + جميع كمالياتها موجودة مش هتلاقي شركة نصابة تقولك الفئة الاولى بكذا والتانية بكذا وشغل التلات ورقات ده

بس لما شركات الاستيراد وكتير من المعارض اللي بتستورد الخليجي (بدون ذكر اسماء انتم عارفنهم معظمهم في مدينة نصر ممكن تسالوهم هيبتدوا يعملوا الموضوع امتى) تعمل المشوار اللي بتعمله مع العربيات الخليجي يعني يجيب شحنة لحسابة بعيد عن التوكيل، ممكن سعر العربية يوصل الى اقل من ما انت تشتريها لوحدك وكل اللي عليك انك تروح المعرض معزز مكرم تشتريها من غير ما تدخل نفسك في شحن وانتظار ... الخ لان العبئ ده هيبقى مرمي على رجالة المعرض

وارجع اؤكد ان حكاية عربية اوروبي لا تعني فقط العربيات الفرنسي والايطالي ... الخ فقط ولكن كل عربية صنعت على ارض دولة اوروبية حتى لو كان اصلها امريكي - صيني - كوري - ياباني ... الخ

فممكن تلاقي اول السنة اللي جاية بدل ما الشارك الخليجي مغرقة السوق ممكن تلاقي الشارك الاوربي مغرقة السوق وبسعر اقل من الخليجي وقيس على ذلك بقية الماركات

المشكلة مش في التخفيض
التخفيض هيحصل ان شاء الله هيحصل
الخوف من شعب مصر الطيب
اللي تقوله دي بقرشين يقولك طيب خد
تيجي بكرة تقوله دي باربعة قروش يقول طيب خد
وهكذا

وده اللي مخلي التوكيلات الحالية وشركات الاستيراد المحلية
تضرب اسعار وهامش ربح بالعبيييييييييط
وكل سنة يضربوا فرق التخفيض في كروشهم التي لا تشبع

ومن الامثلة على قلة الادب اللي بتحصل معانا فقط في مصر

راجع الموضوع ده

[M.Elwan]

ده خبر من اليوم السابع
ذكر تقرير الجمارك الصادر عن وزارة المالية المصرية أن "هيواندى" قامت باستيراد حوالى 1081 سيارة ماركة "هيوانداى– إلنترا" بقيمة 88 مليون و748 ألف و525 جنيهًا، فى الفترة من مايو وحتى يونيو الماضى.

وقدرت المصلحة الرسوم الجمركية على السيارات بقيمة 116 مليون و134 الف و745 جنيها، بالإضافة إلى ضريبة مبيعات قدرت بنحو 60 مليون و970 الف و728 جنيها.

اليوم السابع
انا بحاول احسب العربية الواحدة تقف علي غبور بكام وهو بيبيع بكام عشان نعرف مكسبه بس مش عارف
ازاي ١٠٨١ عربية النترا ب٨٨ مليون جماركهم ١١٦ مليون وضريبة ٦٠ مليون !!!!!??????

[Ahmedvero]

ده خبر من اليوم السابع
ذكر تقرير الجمارك الصادر عن وزارة المالية المصرية أن "هيواندى" قامت باستيراد حوالى 1081 سيارة ماركة "هيوانداى– إلنترا" بقيمة 88 مليون و748 ألف و525 جنيهًا، فى الفترة من مايو وحتى يونيو الماضى.

وقدرت المصلحة الرسوم الجمركية على السيارات بقيمة 116 مليون و134 الف و745 جنيها، بالإضافة إلى ضريبة مبيعات قدرت بنحو 60 مليون و970 الف و728 جنيها.

اليوم السابع
انا بحاول احسب العربية الواحدة تقف علي غبور بكام وهو بيبيع بكام عشان نعرف مكسبه بس مش عارف
ازاي ١٠٨١ عربية النترا ب٨٨ مليون جماركهم ١١٦ مليون وضريبة ٦٠ مليون !!!!!������

معتقدش ان صحيح او صحيح وربحه بيكون عن طريق الفئات العاليه لان كده العربيه بالظبط
245 الف و 933 جنيه و 3932 قرش
مش معقوله دا تمنها