عايز فتيس و كرونة e 90 اشترى منين و هيكونو فى حدود كام ؟

[farahat]

ايوة الله عليك انا عندى واحد ممكن يصلح الفتيس بس قالى هاتلى الكلاتشات ما فيش حد ابن حلال يقولى اجيبها منين

للأسف الكلاتشات مش هتلاقيها لوحدها ، ممكن تجبها من علبة فتيس قديم يكون حد أخد منه سولنويد أو حاجة و باقي الفتيس سليم ، ولو اني أعتقد دة هيكون صعب قوي تلاقيه ، ولو لقيته هيبعهولك بتمن فتيس كامل

[ahmedsadek82]

جميل جداً الحوار دة ، بس برضه نحاول نبسط عشان باقي الناس تستفيد :)


دلوقتي الفتيس فيه 6-8 سولينويد حسب تصميمه ونوعه ، واغلبهم بيكون on-off سولنويد ، حلو الكلام ؟ ..
دلوقتي عشان الفتيس يكون على الغيار التالت مثلاً يبقى سولنويد رقم 1 و-3 و-4 مثلاً مفتوحين والباقي مقفول ، وتيجي تنقل على الرابع يفتح 1 و-2 و-5 ، وتنقل على الخامس يقفل دول ويفتح 2 و-4 و-6 ، لو جيت نزلت تاني على التالت هيرجع على الرابع وبعدين التالت يعني هيعمل عملية الفتح والتغيير دة سريع جداً .مع تكرار التغيير كل السولينويد دول بيسخنو ، لو التكرار دة سريع السخونة هتكون عالية زيادة على السولينويد مش هيلحق يبرد قبل النقلة إلي بعديها ، لكن الزيت عممم عشان كمية كبيرة مش هيلحق يسخن بالكامل ، وبالتالي مش هيطلع over heat .


نيجي بقى للحالة العادية ، حضرتك ماشي على سرعة التالت مثلاً بتستمر عليها فترة ، وبعدين تنقل الرابع وتستمر عليه فترة (يعني كل غيار بياخد وقته عشان تكون السولنويد هديت شوية ، لو كرست على الفتيس ومشيت بسرعة عالية على النقلة أو جبت rpm عالي لفترة ، الزيت هيسخن عشان بيمشي بسرعة في الفتيس ( high flow) وهنا هيطلع Transmission over heat .


الفرق إن الحالة الأولى مش هتطلع رسالة لكن مع الوقت السولينويد هتتغير مواصفاته مع السخونة المتكررة ، وهيبقى مش بيفتح ويقفل كويس وهي دي المشكلة ، هيبتدي يحصل ترزيع في النقلات أو لخبطة عموماً في نقلات الفتيس .

تمام فهمت قصدك , بس عشان يخرب الvalve body في فتيس زي الzf 6h26 لازم يكون صاحب العربية فحتها قرص و عمره ما ساقها علا الd عدل ....

[BMW5260]

تمام فهمت قصدك , بس عشان يخرب الvalve body في فتيس زي الzf 6h26 لازم يكون صاحب العربية فحتها قرص و عمره ما ساقها علا الd عدل ....

+ +++++ 11111111111

[farahat]

تمام فهمت قصدك , بس عشان يخرب الvalve body في فتيس زي الzf 6h26 لازم يكون صاحب العربية فحتها قرص و عمره ما ساقها علا الd عدل ....

للأسف يا باشا ، في ناس كتير بتعامل الستيبترونك على إنه مانوال بجد ، مش في ال-bmw بس لأ دة في عربيات كتير تانية من إلي فيها ستيبترونك ، والمشكلة إن العربيات دي تقيلة جداً والناس فاكرة انها طالما bmw لازم تطير فبيضطر يستعمل الستيبترونك عشان تدي أداء مقبول ،أول م أيركب يجيب د وبعدين ينقل شمال ويستعمل المنوال طول ما هو ماشي ، والنتيجة مع الوقت يا إما تلف الفتيس يا إما بهدلة في الآت الجر .
ربنا يهدي :)

[maskeen]

الاعزاء
BMW5260
farahat
ahmedsadek82

انتوا بجد حاجه تفرح ربنا يبارك لكم....وياريت لو حد منكم يحب يجرب عربيتى ويقوللى انطباعه عنها انا تحت امره...انا ساكن ف الشروق وشغلى ف مصر الجديده
وكل عام وانتم بخير

[BMW5260]

كل سنة وحضرتك بكل بخير وربنا يباركلك في عربيتك ويعطيك خيرها ويكفيك شرها

[farahat]

الاعزاء
bmw5260
farahat
ahmedsadek82

انتوا بجد حاجه تفرح ربنا يبارك لكم....وياريت لو حد منكم يحب يجرب عربيتى ويقوللى انطباعه عنها انا تحت امره...انا ساكن ف الشروق وشغلى ف مصر الجديده
وكل عام وانتم بخير

ربنا يكرمك ويباركلك في عربيتك إن شاء الله

[mohamedelmahdy]

فى كذا واحد قالى الى فى عربيتك بلية عجل مش كرونة

[ahmedsadek82]

فى كذا واحد قالى الى فى عربيتك بلية عجل مش كرونة

هو اللي قالك كرونة كان الوكيل البافارية ولا مين ؟

[mohamedelmahdy]

هو واحد شغال فى التوكيل و عندة ورشة برة لما روحت عندة الورشة قاللى كرونة و بعد كدة حصل موضوع الفتيس فقالى تعالى عندى التوكيل نكشف جوة و فعلا رحت و هو الى تابع العربية هناك