اشكال المرايات ل504

[darsh_darsh]

معلش عندى سؤال تانى انا عداد الكيلوات مش شغال هل ده بيتصلح
وكمان انا عندى مفتاح اضاءة التابلوه اللى بيزود ويقلل النور مش شغال ينفع الغيه واوصل الاسلاك مباشره بحيث يبقى ثابت على الاضاءه العاليه

[amrelsaqqa]

معلش عندى سؤال تانى انا عداد الكيلوات مش شغال هل ده بيتصلح
وكمان انا عندى مفتاح اضاءة التابلوه اللى بيزود ويقلل النور مش شغال ينفع الغيه واوصل الاسلاك مباشره بحيث يبقى ثابت على الاضاءه العاليه

بالنسبة لعداد السرعة غالبا الواير اللى بيربط العداد بالفتيس بيبقى هو اللى بايظ
وده سعره حوالى 25 جنيه بيركب ناحية في العداد من ورا والناحية التانية في الفتيس من تحت

روح لواحد بتاع عدادات يعمللك الليلة دى كلها ومش هياخد منك كتير

بالنسبة لموضوع انك تثبت اضاءة العداد على اعلى حاجة وتلغى الريوستات اه ينفع ودى ممكن كهربائى او بتاع عدادات برضه يعملها

[darsh_darsh]

النقطه التانيه ياريت لو عندك صوره توضح الاسلاك اللى الحمها مع بعضها عشان تعلى الاضاءه او لو الجهاز ده بيتباع جديد
وثانيا ان عداد السرعه شغال والسلك سليم انا قصدى على عداد اللى بيحسب عدد الكيلوات اللى مشيتها

[darsh_darsh]

منتظر الرد عشان بكره انشاء الله احتمال اروح لبتاع عدادات يصلحه

[amrelsaqqa]

منتظر الرد عشان بكره انشاء الله احتمال اروح لبتاع عدادات يصلحه

ممكن لو رشيت شوية سبرتو على الريوستات من جوة تتظبط
ولو عايز تلغيها وصل السلكين الواصلين ليها ببعض

[darsh_darsh]

روحت النهارده لبتاع العدادات وصلحه خلاص بس المشكله ان مؤشر السرعه بيرعش ومش مظبوط وقالى السلك مش حلو على الرغم انى لسه شاريه من 9 شهور بس مش الاصلى كان صناعه تونسى
متعرفش احل مشكله السلك ازاى

[amrelsaqqa]

روحت النهارده لبتاع العدادات وصلحه خلاص بس المشكله ان مؤشر السرعه بيرعش ومش مظبوط وقالى السلك مش حلو على الرغم انى لسه شاريه من 9 شهور بس مش الاصلى كان صناعه تونسى
متعرفش احل مشكله السلك ازاى

اناا السلك اللى عندى برضه تونسى وشغال كويس جدا وبقاله برضه حوالى 10 شهور

مش مشكلة حتى لو غيرته تانى ، تمنه مش هيعدى 25 جنيه وممكن يكون باظ او انتنى لما ماكنش راكب كويس

[darsh_darsh]

انا حاسس ان السلك اللى جواه قصير ومش واصل كويس

[amrelsaqqa]

انا حاسس ان السلك اللى جواه قصير ومش واصل كويس

لو متأكد ان الجراب سليم ممكن تغير السلك الداخلى بس وده هيبقى رخيص جدا

[darsh_darsh]

انا لما بصيت على طرف السلم من ناحيه العداد حسيت انه مبرى او متاكل شويه لانه رفيع من الطرف هو مفروض يبقى سمكه اتخن صح

[amrelsaqqa]

انا لما بصيت على طرف السلم من ناحيه العداد حسيت انه مبرى او متاكل شويه لانه رفيع من الطرف هو مفروض يبقى سمكه اتخن صح

مش مشكلة يكون مبرى من الاطراف المهم يبقى بارز بمقدار حوالى 1 سم على الاقل بحيث يخلى العداد يلف من جوة لفات منتظمة ويكون حر الحركة جوة الجراب بتاعه ومايكونش متنى او بيلف بحركة لولبية او سايب من مكانه داخل العداد وتكون الصامولة محكمة الربط

[darsh_darsh]

انا عندى المسافه الظاهر اقل من اسم يقليل وانا ساعات يظبط لما افك السلك واعيد تركيبه كذا مره

[darsh_darsh]

انا السلك مزنوق بين السيرفو والصاج هل ده ياثر بس هو كده من فتره كبيره

[amrelsaqqa]

انا السلك مزنوق بين السيرفو والصاج هل ده ياثر بس هو كده من فتره كبيره

انا مرة كنت زنقته كدة برضه والعداد تقريبا ما اشتغلش خالص

جرب كدة وخليه في حتة سايبة وشوف

[darsh_darsh]

هاجرب بعد بكره انشاء الله واشوف وانت متنسنيش فى دائره ار بى ام