اشكال المرايات ل504

[amrelsaqqa]

بتاع الزوايا انا مسالتوش على الصوت بس هو بيقولى لما جه يظبط الزوايا ان البارات الاماميه تعبانه وانا روحت للمكانيكى اللى بتعامل معاه وهو معرفه جامده وثقه وبيشتغل فى العفشه كمان لانه مكانيكى شامل وخاص بالبيجو
بس
قالى البارات كويسه وشغاله والصوت موجود مع الملفات اليمين بس
تفتكر يكون ايه
وهل البطاحات ديه سعرها كام
ومردتش بخصوص دائره ار بى ام هل تقدر تعملهالى ولا ايه

طيب الصوت ده بييجى وانت بتلف وانت واقف ولا وانت ماشى بس ؟

وهل هو طقطقة زي صوت الكبالن كدة ؟؟ ولا صوت زي صفارة او احتكاك ؟
ومعنديش فكرة عن الاسعار والله

ودايرة الار بي ام والله انا كنت هعملها بس حاليا مشغول عشان امتحاانات الميدترم وبعدها امتحانات الفاينال ، ان شاء الله لو عملتها هبقى اقولك

[darsh_darsh]

صوت الطقطه انا بلاحظه وانا ماشى وبلف ملفات على كوبرى مثلا ملف يمين بس
وبكون صوت مستمر طق طقط طق طق
كده وبيروح او لما اعدل الدركسيون
هى البيجو فيها كبالن قدام

[amrelsaqqa]

صوت الطقطه انا بلاحظه وانا ماشى وبلف ملفات على كوبرى مثلا ملف يمين بس
وبكون صوت مستمر طق طقط طق طق
كده وبيروح او لما اعدل الدركسيون
هى البيجو فيها كبالن قدام

لا انا قصدى نوعية الصوت هل هو زي صوت الكبالن في العربيات اللى على كبالن ولالا ، مش قصدى ان مصدر الصوت كبالن
والبيجو طبعا مش على كبالن قدام

[darsh_darsh]

انا معرفش صوت الكبالن بصراحه والصوت بيكون صوت حاجه بتطقطق طق طق طق طق
وبيروح لما اعدل الطاره
انا احترت فيه وهل عدم تشحيم البار اليمين ممكن يكون هو السبب
والمشحمه بتاعته تتصلح ازاى

[amrelsaqqa]

روح لواحد بتاع عفشة بس يكون بيفهم وهو هيجيبلك من الاخر

[darsh_darsh]

شكرا ليك وانا عموما لما افضى هبقى اروح تانى للمكانيكى واخليه يجرب تانى ونشوف
وهل فى حاجه انت شاكك فيها تكون سبب الصوت اللى بيجى فى الملف اليمين بس
عشان اقوله يكشف عليه
وسؤال تانى انا عايز اعرف سعر مقياس ضغط الكاوتش بكام
وايه انواعه

[darsh_darsh]

شكرا ليك وانا عموما لما افضى هبقى اروح تانى للمكانيكى واخليه يجرب تانى ونشوف
وهل فى حاجه انت شاكك فيها تكون سبب الصوت اللى بيجى فى الملف اليمين بس
عشان اقوله يكشف عليه
وسؤال تانى انا عايز اعرف سعر مقياس ضغط الكاوتش بكام
وايه انواعه

منتظر ردك

[amrelsaqqa]

بالنسبة للصوت اللى انا اعرفه انه ممكن يكون بطاحات ودى قلتلك عليها مش عارف ايه تانى يعمل نفس الصوت

بالنسبة لمقياس ضغط الكاوتش معرفش والله بكام

[darsh_darsh]

اشكرك اخى عمرو
انا تعبتك معايا فى الاسئله الكتير انا كنت عايز اعرف المقياس يسوى كام تقريبا
وانت بتظبط الكاوتش على مقاس كام

[darsh_darsh]

ازيك اخى عمرو انا كنت عايز اشترى الباغه البلاستيك اللى بتركب فوق فتحه السقف عشان الشمس بيبقى لونها عسلى كده تفتكر بكام والاقيها فين
والمقياس بتاع ضغط الكاوتس ايهما افضل العادى ولا الدجيتال واسعارهم ايه

[amrelsaqqa]

ايه الاحراج ده بقى :d معنديش معلومات اوى عن التفاصيل دى الصراحة

الباغة مش عارف فين دور في التوفيقية او في شارع مجلس الامة مثلا

وتمنها اكيد بسيط 10 20 جنيه بالكتير

مقياس الكاوتش انا اول مرة اعرف ان فيه منه ديجيتال
هو الديجيتال بكام ؟
ورأيي مبدأيا ان غالبا الديجيتال هيبقى حساس زيادة عن اللزوم وممكن ما يعيشش كتير فخليك في العادى
ده رأيي ويمكن لما اشوف الديجيتال اغير رأيي بس ده احساسى مبدأيا

[darsh_darsh]

انا بفكر اجيب الديجيتال
ب70 جنيه الاصلى من راديو شاك
وفى التقليد ب35 او 40

[amrelsaqqa]

ع البركة ان شاء الله
سألتلى على المرايات ولا نفضتلى ؟ :d

[darsh_darsh]

هسالك انشاء الله بكره هى المرايات ديه بتاعه عربيه موديل كام اساسا

[amrelsaqqa]

هسالك ان شاء الله بكره هى المرايات ديه بتاعه عربيه موديل كام اساسا

تقريبا الشكل اللى قبل الجديد خالص
شيفروليه سبارك او دايو ماتيز
قول مثلا موديلات الفينات كدة
ااهم حاجة اللى هى بتركب في الباب من تحت الازاز