محتار بين البيجو 508 والمرسيدس c180 ,, ال 2013

[asadx100]

أنا من كام يوم دخلت اتفرجت على العربية المرسيدس c180

1600 cc ..
156 hp ..

عايز رأيكم فيها بالمقارنة بالبيجو 508 الجديدة

1600 cc ..
156 hp ..

أنا اللي محيارني :

1- هل جودة البيجو ,, وعمر قطع غيارها زي المرسيدس ؟

2- هل البيجو ,,, هتقدم نفس التسارع الغير عادي اللي بتقدمه المرسيدس ؟


3- هل البيجو الكاملة ,,,لحد فتحة السقف و زراراسنارت انجن ,, مع السنسور أمامي وخلفي ,, و الزينون

هتبقى صفقة مع سعرها القليل بالنسبة

للمرسيدس اليجانس c180 ,, من عير سينسور ولا فتحة سقف و لا ستارت انجن ولا زينون " الزينون حسب الطلب " .... مع سعرها العالي قيمة و تاريخا ؟

4- سعر قطع الغيار وتوفرها ؟

5- سعر اعادة البيع ؟

6- مين اللي يباسب شوارعنا في مصر ومطباتها الجبلية الطبع ؟

=0=0=0=0=0=0=0=0=0=0=0=0=0=0=0=0=0=0=0=0=0



أنا احترت لان البيجو قلقان منها شوية في الأداء ونسبة الهدوء داخل الكبينة ,,, وهل التسارع قوي فعلا ؟


في حين المرسيدس ,, فوجئت بقوة الموتور الهائلة فيها مع عدم احساسك بالسرعة أو القلق نهائيا حتى لو ماشي على سرعة 210 ,, ودة عن تجربة

كمان المرسيدس بتدي اللي الراكب معاك احساس بالراحة وعدم شعور بالقلق مهما كانت سرعتك ,, بالغكس هوة بيفاجا بالسرعة العالية لما يشوفها بس


كماليات البيجو مغرية تماما ,,, واسعة خالص من جوة ,,, شنطتها بحر ,,, تحس العربية من برة فخمة وضخمة ,,, مع راحة داخلية واضحة جدا

المرسيدس فقيرة شوية في كماليتها بالنسبة ل c180 ,, ضيقة نسبيا من جوة ,,, مش مدياني احساس المرسيدس من برة خالص من جهة الفخامة ولا الضخامة ,,, لولا علامنها


=00=0=0=0=0=0=0000=0=0=0=0=0=0000=0=0=0=0=


محتاج رأيكم ,,, يمكن أقدر اوصل لقرار

[yoko]

البيجو هتديك أداء لكن فخامة أقل من مرسيدس
وقطع غيار الإتنين نار نار نار والبيجو مش موجود حد بيبيعلها مسمار بره المرسيدس أعتقد ليها (مجرد أعتقاد مش أكيد)

[benmatar]

مرسيدس c180 أفضل
احسبها من كل الزوايا كإعادة بيع، انتشار قطع غيار، متانة وقوة المرسيدس هتخليك تفضلها عن البيجو 508

[شاهين - بنز]

المرسيدس عملية وأكتر واقعية
الفرنسي معروف بإعتماديته السيئة جدا جدا وده شفناه في الميجان وال 307 وكمان حتجيب العربية حتبيعها بعد سنة واحدة بنص السعر
طب مفكرتش في الفولفو s80 أو ال s60

[falcon77]

طبعا مفيش وحه للمقارنة. انا راي بيجو تكيب علشان حاجتين اولا السعر 240 ومرسيدس 320 يعنى 80 الف فرق ودا مش شوية ثانيا الاوبشن اللى فى بيجو لو عايزها فى مرسيدس يبقى هتجيب الافانجارد اللى 420 يعنى بتتكلم فى 180 الف. ثالثا بريستسج ال508 اعلى حبيتين من السي كلاس. رابعا انا شايف ان ال508 غير كل بلاوى بيجو اللى فاتت العربية دى فيها تغيير جزري فى كل حاجة فااتوقع الاعتمادية تكون اكبر بكتير من موديلات بيجو السابقة.
الميزة الكبيرة فى مرسيدس سعر اعادة البيع لكن ماتنساش انك جايبها اصلا اعلى من بيجو ب 80 الف.
يعنى ياريت الاخوة يدلوا برأيهم عشان نساعد الاخ الكريم

[asadx100]

طبعا مفيش وحه للمقارنة. انا راي بيجو تكيب علشان حاجتين اولا السعر 240 ومرسيدس 320 يعنى 80 الف فرق ودا مش شوية ثانيا الاوبشن اللى فى بيجو لو عايزها فى مرسيدس يبقى هتجيب الافانجارد اللى 420 يعنى بتتكلم فى 180 الف. ثالثا بريستسج ال508 اعلى حبيتين من السي كلاس. رابعا انا شايف ان ال508 غير كل بلاوى بيجو اللى فاتت العربية دى فيها تغيير جزري فى كل حاجة فااتوقع الاعتمادية تكون اكبر بكتير من موديلات بيجو السابقة.
الميزة الكبيرة فى مرسيدس سعر اعادة البيع لكن ماتنساش انك جايبها اصلا اعلى من بيجو ب 80 الف.
يعنى ياريت الاخوة يدلوا برأيهم عشان نساعد الاخ الكريم

أولا

أنا شاكر لصدق نصائحكم ,,, وقوتها ,,,, وشكلها العملي جدا

ثانيا

أنا محتاج عربية ما تخزلنيش في الجودة والعمر ,,,, وفي نفس الوقت أحس انها فيها نوع من المتعة والرفاهية المستمرة ,,, مش بينتهي الاستمتاع بيها بمجرد ما مشيت في الشارع وبقت بتتهان من مواصفات الشارع الصعبة




يعني مطلوب عربية ماسكة نفسها ,,, قوية في اداءها ,,,, في كماليات ممتعة



فعلا البيجو كانت قاعدتها من جوة رائعة مريحة ,,, وكماليتها فوق ما انا عايز


المرسيدس ,,أنا سوقتها ,, متماسكة لحد اخر سرعة جبتها 210 ,,, باور سلس جدا ,, كل حاجة فيها تحسسك أنهم بيفكروا لراحتك ,, قاعدتك ,, ايدك ,, رجلك ,,, بس مش فخمة ,,, مش واسعة ,, مش عارف هل اعتبرها عائلية ولا يبقى كتير عليها

[asadx100]

[frame="1 70"]أنا محتاج منكم ,,, لو حد ساق البيجو أو المرسيدس c 180 ,,, واستخدمها بشكل عملي

يعني جوة البلد ,, وعلى الطرق السريعة

برده لو حد مر بصيانتها ,,,,, أو بالاحتكاك بمعاملات خاصة في العربية ,,,

يديني انطباعه عن متعة القيادة ,, ونعومة العفشة و مدى عملانية السيارة [/frame]

[dede_dodo88]

لو دخلت قطع الغيار و التوكيلين في المقارنة المرسيدس هتتفوق بأكتساح تاااام..

[damasry]

فكر فى الفولفو الS60 الr-design ب308 ودى اصدار رياضي من الS60

الS60 اعلى فئة ب289 على ما اعتقد

عربية فيها كماليات اعلى من كل اللى فات وموتور 1600 سى سى 180 حصان

ولو عايز فخامة ممكن الS80

[asadx100]

لو دخلت قطع الغيار و التوكيلين في المقارنة المرسيدس هتتفوق بأكتساح تاااام..

أنا فعلا حاسيت من كلامكم وأسئلتي ان

قطع الغيار وتوفرها ,, والصيانة وتوكيلها ,,,


ما شيين مع المرسيدس


وقع تحت ايدي التقرير دة ,,,, عاجبني بردة ,,, في رد على حاجات بتشديني في قوة العربية

http://www.nilemotors.net/Nile/299961-a.html

ياريت حد يقولي المرسيدس برده أشد ,,, ولا بكدة اللي اتنين متساويين في المكن ؟

[olver]

انا رائى ولا ده ولا ده فولفو s60 تحفه و اجدع من الاتنين مجرد رائى مش اكتر
مع العلم انك واضح مايل للمرسيدس و بصراحه عندك حق ماهى اسمها بردو طول عمرو مرتبط بالفخامه

[Astra200]

عيب المرسيدس انها ضيقة من ورا -- متحسش اساسا انك قاعد في مرسيدس -- وشنطتها صغيرة ما تشلش حاجة

طبعا سعر اعادة بيع جيد وطبعا أكيد جودة واعتمادية ( عن أعتقاد)

البيجو 508 سحبتها قوية -- ثباتها علي الطريق ممتاز ما اتحسش بالسرعة -- واسعة -- فخمة -- وألأهم سعرها كويس بالنسبة لحجم امكانيتها

قطع غيارها -- ماحدش يعرف لأنها لسة جديدة -- بس المفروض ان البيجو والستروين حطين رهانهم علي ال 508 و ال سي 5 --- خللي بالك ال 508 أعلي حاجة في البيجو

[asadx100]

عيب المرسيدس انها ضيقة من ورا -- متحسش اساسا انك قاعد في مرسيدس -- وشنطتها صغيرة ما تشلش حاجة

طبعا سعر اعادة بيع جيد وطبعا أكيد جودة واعتمادية ( عن أعتقاد)

البيجو 508 سحبتها قوية -- ثباتها علي الطريق ممتاز ما اتحسش بالسرعة -- واسعة -- فخمة -- وألأهم سعرها كويس بالنسبة لحجم امكانيتها

قطع غيارها -- ماحدش يعرف لأنها لسة جديدة -- بس المفروض ان البيجو والستروين حطين رهانهم علي ال 508 و ال سي 5 --- خللي بالك ال 508 أعلي حاجة في البيجو

يعني نقدر نقول ان المرسيدس مش عائلية بالحجم دة ؟

وفي نفس الوقت شايف مخاطرة في شراء البيجو ,,, وخصوصا انها لسة جديدة في السوق

طيب سؤال

هوة في قرق بين c180 في حجمها بين الموديل 2012 وموديل 2013 ؟

لأن انا شوفت 2013 ,,, هية كحجم خارجي صغيرة

ولكن تاخد ثلاتة على الكنبة اللي ورى مرتاح ,,, حاسس بردة انها ما بتوطاش لما تكون بكامل حمولنها

على فكرة أنا طويل 185 سم ,,,و معرفش السيارتين ركبت فيهم بسهولة
مع ارتفاع مقاعد البيجو وعرضها ,,, في نفس الوقت كانت كراسي المرسيدس نازلة لتحت وصغيرة نسبيا

بس حسيت برياضية الوضع في المرسيدس ,,,

[samoreception]

بصراحة المرسيدس مفيش عليها اى كلام اسمها لوحده بفلوس
بس من رائى الشخصى انى بيجو 508 عربية ملهاااااااااااااااااااااااش حل جميلة جدا جدا جدا حاسس انها هتمسح كل عيوب شركة بيجو وترجع تحبب الناس فيها تانى
لو مكانك هشترى البيجو 508 وهحط ال80 الف وديعة فى البنك يصرفوا على صيانة العربية

[asadx100]

بصراحة المرسيدس مفيش عليها اى كلام اسمها لوحده بفلوس
بس من رائى الشخصى انى بيجو 508 عربية ملهاااااااااااااااااااااااش حل جميلة جدا جدا جدا حاسس انها هتمسح كل عيوب شركة بيجو وترجع تحبب الناس فيها تانى
لو مكانك هشترى البيجو 508 وهحط ال80 الف وديعة فى البنك يصرفوا على صيانة العربية

حلوة الحسبة دي بجد ,,, تتاخد في الاعتبار برده


على فكرة من الكماليات اللي في البجو 508

شاشة النفيجشن " الملاحة " ,,,, جنوط 18 ,,,, فرش جلد كامل

ودي كانت مفاجاة ,,, لأنها كماليات مش موجودة في المواصفات المصرية


وفعلا بالمقارنة بالمرسيدس ازدادت حيرتي فعلا