شويه استفسارات لتحسين اداء 504

[khaled sabry]

عندى بيجو 504 gr
و راكب عليها كربرايتر سوليكس
استهلاكها فى البنزين 140 كم فى الصفيحه (جوه البلد) - هل كده استهلاك عالى ؟؟
ولو غيرت الكربراتير ب Weber 34ADF حيتحسن الاستهلاك و السحب؟؟
وهل اصلا ينفع اركب الكربراتير ده على مكنتى gr ؟؟؟

برضه العربيه اول لما اخدتها كانت باسبراتير عادى و انا غيرته باسبراتير اليكترونى بتاع 505
و انا بغير الاسبراتر لاحظت ان خرطوم الهواء اللى بين الكربراتير و الاسبراتير مسدود بورقه و لما شيلت الورقه دى بقيت العربيه بتنتش لما بقرص على الموتور رغم انى غيرت الاسبراتير
فهل معنى كده ان النفخ من الكربراتير مش مظبوط ؟؟

و العربيه جبت بيها 110 و كان الموتور عالى و بيجعر - هل السرعه ده عادى و لا ده اخر الكربراتير السوليكس و لا ده بسبب عدم تركيب خرطوم الهواء اللى بين الكربراتير ؟؟؟
لأنى بسمع من الاعضاء اللى بيجيب 160 و 170 - بالمنظر اللى شوفته ده انا بعيد عنهم خالص

[darsh_darsh]

اخبار طقم الدبرياج ايه لانه بيفرق فى السرعه بيعلى لفات الموتور فى مقابل ضعف فى السحب
وممكن تكون البكات اللى راكبه مسدوده او ضيقه هو الكربراتير اللى عندك باب واحد ولا اتنين

[khaled sabry]

الكربراتير باب واحد
طقم الدبرايج شغال معايا كويس ... بس لما العربيه بتسخن الدبرايج بيوطى شويه لما سألت قالولى يبقى الديسك وحش و بيتمدد مع الحراره بس مش حاسس باى تأثير على السحب
هو بالنسبه للكربراتير الويبر قالولى انه اللى بيركب على 132 ال 2000 هو اللى بيركب عندى
بس لما سألت عليه فى محل قطع غيار فيات قالى انه ب 600 اليوغسلافى ؟؟ فهل ده اللى بيركب عندى ولا غيره و هل السعر ده مظبوط لأن بعض الاعضاء كانو بيقولو ان سعره 2000 جنيه
و هل اليوغسلافى ده كويس و لا اى كلام زى الكربراتير الصيني كده ؟؟

[darsh_darsh]

هاتلك كربراتير 2 باب كهربا استيراد احسن او هاتلك كربراتير الفيات 132 كويس وبيركب على البيجو وبيقولو استهلاكه كويس

[amer hassan]

خالد.... اعمل صيانة كاملة للكاربراتير... نضافة و ضبط للعوامة و تنضيف او تغيير البكات..... و اعمل شيك على طرمبة البنزين و على التانك و المواسير احسن تكون بتنقط ولا حاجة...

[amrelsaqqa]

هى المشكلة ان عربيتك جي ار فمش هتبقى في نفس قوة او ثبات الجي ال

واستهلاك البنزين ممتاز جدا على فكرة

[khaled sabry]

هى المشكلة ان عربيتك جي ار فمش هتبقى في نفس قوة او ثبات الجي ال

واستهلاك البنزين ممتاز جدا على فكرة

انا حاسس ان فيه حاجه غلط بالنسبه للسرعه على الاقل
لان والدى الله يرحمه من 10 سنين كان بيجيب بيها 140 على سكة السفر و ده قدامى
و كذا مره خد مخالفه سرعه (يعنى اكتر من 120) على الطريق الصحراوى
فبالتالى العربيه مش اخرها 110 و ده انا اكيد منه

على العموم الناهرده انا غيرت طقم الدبرياج بس طبعا مالحقتش اجربها على السرعات العاليه
بس مبدئيا كده الدبرياج على اوى (بقى بيفصل فى اول الدواسه بدل ماكان فى الاخر خالص)
و بقي البدال خفيف اوى معايا بدل ماكان ناشف فى الاول

[amrelsaqqa]

انا ماخدتش بالى انك بتقول اخرها 110
لا طبعا العربية مش اخرها 110 حتى لو جي ار يعنى :d

هو طبيعى صوت الموتور يكون عالى يعنى في رينج ال4000 ار بي ام وشوية على 110 على الرابع
يعنى تقريبا نفس صوت الموتور على التانى على 60 - 65 لو مش عندك ار بي ام

بس مش طبيعى يكون اخرها خالص

اكشف على المكنة عندك واعرف حالتها الاول ايه ولو خفيفة او بتاكل زيت يبقى بلاش تقرص عليها يا اما تعمر بقى
بس ان شاء الله كل حاجة هتبقى تمام
انا في مرة ركبت الكربراتير السولكس الصغير اوى ده ، كان بيخنق العربية في كل السرعات القليلة بس كنت اجى ادوس بنزين الاقى العربية فاقت بعد ال70 وبتجمع بسرعة جدا !

وطبعا الكربراتير ال2 باب مالوش حل بجد وخصوصا في الطلعة بتاعته وبعد ال100 وبعد ال5000 ار بي ام ،

ايااااااااام والله الواحد مش هينساها ، طلعة الـ 2000 سي سي المانيوال رهيبة ما تعرفش تركب عربيات بعدها

[khaled sabry]

انا ماخدتش بالى انك بتقول اخرها 110
لا طبعا العربية مش اخرها 110 حتى لو جي ار يعنى :d

هو طبيعى صوت الموتور يكون عالى يعنى في رينج ال4000 ار بي ام وشوية على 110 على الرابع
يعنى تقريبا نفس صوت الموتور على التانى على 60 - 65 لو مش عندك ار بي ام

بس مش طبيعى يكون اخرها خالص

اكشف على المكنة عندك واعرف حالتها الاول ايه ولو خفيفة او بتاكل زيت يبقى بلاش تقرص عليها يا اما تعمر بقى
بس ان شاء الله كل حاجة هتبقى تمام
انا في مرة ركبت الكربراتير السولكس الصغير اوى ده ، كان بيخنق العربية في كل السرعات القليلة بس كنت اجى ادوس بنزين الاقى العربية فاقت بعد ال70 وبتجمع بسرعة جدا !

وطبعا الكربراتير ال2 باب مالوش حل بجد وخصوصا في الطلعة بتاعته وبعد ال100 وبعد ال5000 ار بي ام ،

ايااااااااام والله الواحد مش هينساها ، طلعة الـ 2000 سي سي المانيوال رهيبة ما تعرفش تركب عربيات بعدها

هو بصراحه انا معنديش rpm فمعرفشى انكانت فى حدود 4000 و لا لاء
لكن صوت المكنه بيبقى عالى اوى (اعلى من صوتها عند 60 و هى على التانى ) و بصراحه بخاف ازود عن كده لحسن تفرقع فى وشى
و انا على فكره راكب عندى السوليكس الصغير باب واحد اللى بتقول عليه ده - و بفكر اشترى ويبر بابين (بتاع 132) بس خايف من استهلاك البنزين و اللى لاقيته يوغسلافى ب600 جنيه
الناهرده دفعت 750 مصنعيه و قطع غيار فى موضوع طقم الدبرياج ده فحشوف النتيجه
هو الميكانيكي ماقلشى مشكله محدده فى الطقم القديم بس قالى كان بيفوت و بيهرب زيت و متاكل
رغم ان بعيني مالحظتش فرق
ان شاء الله بكره حروح من الدائرى مخصوص (رغم انى مبحبوش -احبوش) علشان اشوف نظامها بقى ايه
بالمناسبه هو طقم الدبرياج بيطبع و لا حاجه ؟؟ يعنى لما اجرب بكره حيبقى هو ده مستواها على طول ولا حيتحسن عن كده ؟؟

[amrelsaqqa]

هيتحسن بس بدرجة بسيطة غير ملحوظة
بس طالما قاللك كان مفوت يبقى هو اللى كان عامل المشكلة
وايه اللى بيهرب زيت ؟ الماستر ؟
يعنى انت غيرت ماستر ودسك واسطوانة وبلية وفورش ولا غيرت ايه بالظبط ؟

انا اقصى سرعة جبتها كانت 145 على طريق الاوتوستراد بعد المطار الساعة 7 الصبح والطريق فاضى خالص، والعربية كان فيها لسة ، بس خفت لفردة كاوتش تضرب ولا يحصل اي حاجة و اروح في ابو نكلة :d

[khaled sabry]

هيتحسن بس بدرجة بسيطة غير ملحوظة
بس طالما قاللك كان مفوت يبقى هو اللى كان عامل المشكلة
وايه اللى بيهرب زيت ؟ الماستر ؟
يعنى انت غيرت ماستر ودسك واسطوانة وبلية وفورش ولا غيرت ايه بالظبط ؟

انا اقصى سرعة جبتها كانت 145 على طريق الاوتوستراد بعد المطار الساعة 7 الصبح والطريق فاضى خالص، والعربية كان فيها لسة ، بس خفت لفردة كاوتش تضرب ولا يحصل اي حاجة و اروح في ابو نكلة :d

هو الموتور مش مفوت ولا بياكل زيت - ده حتى مش معرق زيت بره
و الميكانيكي اكدلى على جوده الموتور و كان باين لما غيرت البوجيهات كانت طالعه ناشفه تماما
هو الموضوع فى الظبط بس ... اللى انا شاكك فيه هو الكربرايتر و الدبرياج او حاجه تانيه عبيطه
الدبرياج لأنه فى الاول كان تقيل جدا لدرجة ان رجلى كانت بتوجعنى و كمان كان لما يسخن كان بيوطى جداا لدرجة انى ماكنتش بعرف اخد مارشدير
طبعا لما غيرت الطقم خلاص بقى خفيف ميه و الفصل بقى فى الربع الاول من الدواسه

بالنسبه للكبراتير هو ده دلوقتى اللى شاكك فيه لأنها بترعش على السلانسيه و استهلاكها حاسس انه عالى شويه
انا عاوز اتقل عليه شويه و حظبطه مره و لا مرتين عند الميكانيكي لكن لو لاقيت العمليه لسه مش مظبوطه حتشرى كربراتير جديد و امرى لله - فى الحاله دى انهو افضل اجيب سوليكس باب واحد زى اللى راكب عندى و لا اكيب ويبر بابين بتاع 132 (اللى موجود يوغسلافى بس ب 600) ؟؟

بالمناسبه فيه مشكله صغيره افتكرتها دلوقتى : خرطوم الهواء اللى كان متوصل بين الكربراتير و الاسبراتير القديم كان مسدود بحته بليه صغيره (مسدود بالقصد يعنى ) - طبعا انا ماخدتش بالى من الموضوع ده الا لما غيرت و ركبت اسبراتير الاليكترونى
المهم جبت خرطوم جديد و ركبته مكان القديم
لاحظت انتى كل لما اقرص على الموتور الاقيها بتنتش .. و كل لما اطول كل لما معدل التنتيش يزيد
قومت نزلت و شيلت الخرطوم الجديد و ركبت المسدود تانى زى ماكانت اشتغلت زى الفل
فتفتكر ان المشكله فى الكربراتير انه بينفخ هواء زياده ؟؟ و لا المشكله فى الاسبراتير (بس معقوله انها حتبقى فى الاتنين ااسبراتير العادى القديم و الاليكترونى اللى شاريه استيراد)
و هل عدم وجود الخرطوم ده يخليها تعمل كده ؟؟

[amer hassan]

بترعش في السلانسيه اول ما تدور و لا حتى و هي سخنة؟؟؟؟
ممكن طبعا الكاربراتير يكون السبب .... انما لو ارعشة و هي سخنة ممكن تكون التاكيهات مش مزبوطة,,,,, لو واحد منهم محمل.... هتاكل بنزين و هتغيب في الدوارة و مش هتجري كويس.. و ممكن تسخن كمان النص او فوق النص شوية... اخر حاجة... بص على قواعد الموتور لو في مشكلة في قاعدة منهم ممكن يعمل كده... بس مش هيقلل السرعة القصوى

[darsh_darsh]

اولا استهلاك البنزين كده كويس قوى
ثانيا نضف الكربراتير الاول كويس وشوف البك بتاع السرعه لو صغير غيره بواحد اوسع شويه هيزود السرعه معاك والسحب لكن هيستهلك بنزين ازيد شويه
ولو فكرت تغير الكربراتير بواحد 2باب خد فى بالك ان استهلاك البنزين بعد فتح الباب التانى على السرعه هيكون عالى لانى مجرب ده وشوف لو تقدر تنزل الجيزه اوديك لمكانيكى بتعامل معاه متخصص بيجو بس هو ممتاز هيظبتلك الدنيا على الاخر شوف ورد عليا على الخاص

[khaled sabry]

بترعش في السلانسيه اول ما تدور و لا حتى و هي سخنة؟؟؟؟
ممكن طبعا الكاربراتير يكون السبب .... انما لو ارعشة و هي سخنة ممكن تكون التاكيهات مش مزبوطة,,,,, لو واحد منهم محمل.... هتاكل بنزين و هتغيب في الدوارة و مش هتجري كويس.. و ممكن تسخن كمان النص او فوق النص شوية... اخر حاجة... بص على قواعد الموتور لو في مشكلة في قاعدة منهم ممكن يعمل كده... بس مش هيقلل السرعة القصوى

هى بترعش على السلانسيه حتى و هى سخنه - بس غالبا دى مشكلة كربراتير
بسبب انها كانت مظبوطه و 100 100 قبل ما الميكاانيكي يشيل الموتور و بعد ماشاله و ركبه تانى جينا ندور لاقينا العربيه ملخبطه شويه
فهو تفضل مشكورا و قعد يظبط فى الكربراتير وسط ماهو بيظبط فيه انا اكتشفت ان خرطوم فاكيوم التكييف بتاع الهوا اللى طالع من قاعدة الكربراتير ماكنشى متركب (وهو ده كان سبب لخبطه العربيه مش ظبطة الكربراتير اللى ماحدش جهه عنده
طبعا الناهرده حاسس بالرعشه دى على السلاسنيه و لما بكبس بنزين برضه بحس بيها
و هى مش بتغيب فى الدواره و بتمشى كويس بس تحس كده انها مش مستريحه فى الحرق بتاعها

اولا استهلاك البنزين كده كويس قوى
ثانيا نضف الكربراتير الاول كويس وشوف البك بتاع السرعه لو صغير غيره بواحد اوسع شويه هيزود السرعه معاك والسحب لكن هيستهلك بنزين ازيد شويه
ولو فكرت تغير الكربراتير بواحد 2باب خد فى بالك ان استهلاك البنزين بعد فتح الباب التانى على السرعه هيكون عالى لانى مجرب ده وشوف لو تقدر تنزل الجيزه اوديك لمكانيكى بتعامل معاه متخصص بيجو بس هو ممتاز هيظبتلك الدنيا على الاخر شوف ورد عليا على الخاص

الله يخليك ياباشا لدعوتك الكريمه
صعب بصراحه انى انزل الجيزه لأنى ساكن فى الطرف الاخر من الكره الارضيه (عين شمس ارض النعام) و المشكله مافيش وقت عندى انى اروح و اجى علشان العربيه
انا اللى فى دماغى كالاتى ... حروح للميكانيكي اخيله يظبطلى الكربراتير زى ماكان
لو مافيش نتيجه حشترى كربراتير ويبر 2 باب بتاع ال 2000 سى سى 132 ... و يتهيألى هو بيجي بظبطه المصنع و بتبقى هى دى الظبطه الصح و لا ححتاج اظبطه عن حد على اساس ان ظبطه البيجو ممكن تكون مختلفه عن ظبطة 132 ؟؟
و برضه ياريت حد يفيدينى و يقولى هو خرطوم الافندس بتاع السبراتير اللى مسدود عندى ده ليه تأثير جامد فى السرعات العاليه ؟؟



بالمناسبه الناهرده فى البريك طلعت بيها على طريق ال na و جبت بيها 110 بسهوله بس ماحبتشى ازود عن كده لأنى كنت حاسس العربيه مش منتظمه فى الحرق بتاعها زى الاول

[darsh_darsh]

ممكن لو غيرت الكربراتير ركبه على نفس الظبط بتاعه وجرب لو لاقيتها مكتومه عيد على الظبط ولو انت بقالك فتره مش بتزود فى السرعه ممكن يكون الموتور مخنوق شويه فحاول انك تحرق شويه بشويه على الغيارات واطلع على طريق سريع وحاول تسرع عن 110 بس واحده واحده مش كبس جامد وشوف ايه النتيجه