شويه استفسارات لتحسين اداء 504

[amer hassan]

رعشة على السلانسيه و العربية سخنة يبقى الترتيب كالتالي
تاكيهات
ضبط كهرباء .... راجع التوصيلات احسن يكون موصل حاجات غلط... بوجيه مكان بوجيه.. جل من لا يسهو
كاربراتير
قواعد موتور

[khaled sabry]

خلاص عرفت المشكله الجديده سببها ايه
البيه الميكانيكي لما نزل الموتور امبارح نسى يوصل سلك الشفاط و الشداد بتاع الشفاط كان مفتوح شويه و هو ظبطلى مسامير الهواء و الشفاط مفتوح كل ده
علشان كده الناهرده انا حاسس ان العربيه ملخبطه و فيها حاجه غلط
طبعا لما رجعت الشفاط مكانه العربيه ماتحسنتشى اوى بسبب ان الباشا لخبط الهوا امبارح

[khaled sabry]

سؤال اخير معلشى
انا راجعت اكتر من موضوع على النت ولاقيت كل اللى كاتبين عن كربراتير 504 بيتكلمو على كربراتيرات ببابين سواء كان سوليكس و لا زينتس و لا ويبر
انا الكربراتير اللى راكب عندى سوليكس باب واحد !!!!!!
فهل كده انا ممكن اركب كربراتير اتنين باب زى الويبر ولا ممكن يكون عندى حاجه مختلفه تجبرنى على الباب الواحد؟؟
وهل الموضوع حيستدعى انى اروح لواحد بتاع كربراتير و لا انا ممكن اخلص فيها بايدي ؟؟
انا مكنتى gr
معلشى انا بتأكد علشان مش عاوز يروحح عليا ال 600 جنيه لإنى حشتريه جديد و مافيش رجوع

[amer hassan]

يا خالد... ال الموديل ال و جي ار كانة بينزلوا بكاربراتير باب واحد سوليكس.... الجي ال اتنين باب و ال اس ار اتنين بابو الموضوع سهل خالص لو حبيت تغير غير الي انت عايزه و ظبط الاداء.... و تحياتي و مبروك مقدما :)

[amrelsaqqa]

سؤال اخير معلشى
انا راجعت اكتر من موضوع على النت ولاقيت كل اللى كاتبين عن كربراتير 504 بيتكلمو على كربراتيرات ببابين سواء كان سوليكس و لا زينتس و لا ويبر
انا الكربراتير اللى راكب عندى سوليكس باب واحد !!!!!!
فهل كده انا ممكن اركب كربراتير اتنين باب زى الويبر ولا ممكن يكون عندى حاجه مختلفه تجبرنى على الباب الواحد؟؟
وهل الموضوع حيستدعى انى اروح لواحد بتاع كربراتير و لا انا ممكن اخلص فيها بايدي ؟؟
انا مكنتى gr
معلشى انا بتأكد علشان مش عاوز يروحح عليا ال 600 جنيه لإنى حشتريه جديد و مافيش رجوع

حسب المانفولد اللى عندك

صورلى شكل المانفولد وانا اقولك ينفع تركب كربراتير اتنين باب ولا لا

وتقريبا ممكن تغير المانفولد مع الكربراتير وتركب الكبيرة

[amer hassan]

و ابقى قولي ايه الاخبار .... عشان عايز اعمل كده برضه... و الحاجة التانية..... عايز اقلبها اليكتروني.... و مش عارف موضوع المشط و الكلام ده و قريت الموضوع في اللينك... مفهمتش بالضبط الدنيا ماشية ازاي

[mfs3570]

انا حاسس ان المشكلة دي في الكربراتير

[khaled sabry]

و ابقى قولي ايه الاخبار .... عشان عايز اعمل كده برضه... و الحاجة التانية..... عايز اقلبها اليكتروني.... و مش عارف موضوع المشط و الكلام ده و قريت الموضوع في اللينك... مفهمتش بالضبط الدنيا ماشية ازاي

طيب ياريت تحط استفساراتك فى الموضوع التانى و انا حصور كل حاجه من تانى و هى راكبه

حسب المانفولد اللى عندك

صورلى شكل المانفولد وانا اقولك ينفع تركب كربراتير اتنين باب ولا لا

وتقريبا ممكن تغير المانفولد مع الكربراتير وتركب الكبيرة

معلشى هو ايه بالظبط المانفولد ؟؟؟
لو حضرتك تقصد القاعده بتاعت الكربراتير فهى باتنين مسمار و بتركب فى جسم الموتور ب 4 مسمار
و سمعت انى ممكن اعمل فلانشه عند الخراط اركب بيها الكربراتير ابو بابين (4 مسمار) على ال 2 مسمار
و سعر المانفولد ده غالى علشان لو اشتريته ؟؟

انا حاسس ان المشكلة دي في الكربراتير

ما انا حاسس بكدده برضه ان الكربراتير قديم و جايب اخره و حاسس ان حصل فيه لعب كتير قبل كده - علشان كده بفكر اغيره و اعلى الاداء بالمره

[amrelsaqqa]

ايوة المانفولد هى القاعدة بتاعت الكربراتير ( اللى بتوصل الكربراتير بوش السلندر وبتجمع الـ 4 صبابات في مدخل واحد ، زي فرن الشكمان بالظبط )

لو هتغير الكربراتير لازم تغير المانفولد وفكك من اللى يقولك فلانشة
لان لازم حجم الهوا اللى داخل والشفط اللى جاى من الموتور يكون متناسب مع الكربراتير ( والا ماكنوش عملوا اكتر من شكل للمانفولد ، لان التغيير مش في مجرد عدد المساميرو فلانشة وخلاص ، المانفولد الكبيرة شكلها مختلف وحجمها اكبر)

اللى انا مش متأكد منه هل ينفع تركب المانفولد بتاع الجي ال على نفس وش السلندر بتاعك ولا لا

دى تسأل فيها بقى ولو مش هينفع او محتاجة تعديلات زيادة او فلانشات والكلام ده يبقى رأيي تخليك في كربراتير باب واحد زي ما انت ويا اما تصلح الكربراتير اللى موجود او تغيره ، لان كربراتير 2 باب على نفس المانفولد بالوضع الحالى مش هتحس انك ركبت كربراتير 2 باب بمعنى الكلمة ويمكن الفرق يبقى في زيادة استهلاك البنزين بس ..

ملحوظة اخيرة / طبعا انت عندك كربراتير باب واحد والمانفولد الصغير يبقى ما تقارنش عربيتك بالعربيات اللى بتجيب 170 و 180

[khaled sabry]

ايوة المانفولد هى القاعدة بتاعت الكربراتير ( اللى بتوصل الكربراتير بوش السلندر وبتجمع الـ 4 صبابات في مدخل واحد ، زي فرن الشكمان بالظبط )

لو هتغير الكربراتير لازم تغير المانفولد وفكك من اللى يقولك فلانشة
لان لازم حجم الهوا اللى داخل والشفط اللى جاى من الموتور يكون متناسب مع الكربراتير ( والا ماكنوش عملوا اكتر من شكل للمانفولد ، لان التغيير مش في مجرد عدد المساميرو فلانشة وخلاص ، المانفولد الكبيرة شكلها مختلف وحجمها اكبر)

اللى انا مش متأكد منه هل ينفع تركب المانفولد بتاع الجي ال على نفس وش السلندر بتاعك ولا لا

دى تسأل فيها بقى ولو مش هينفع او محتاجة تعديلات زيادة او فلانشات والكلام ده يبقى رأيي تخليك في كربراتير باب واحد زي ما انت ويا اما تصلح الكربراتير اللى موجود او تغيره ، لان كربراتير 2 باب على نفس المانفولد بالوضع الحالى مش هتحس انك ركبت كربراتير 2 باب بمعنى الكلمة ويمكن الفرق يبقى في زيادة استهلاك البنزين بس ..

ملحوظة اخيرة / طبعا انت عندك كربراتير باب واحد والمانفولد الصغير يبقى ما تقارنش عربيتك بالعربيات اللى بتجيب 170 و 180

الف شكر ياباشا
و انا حسأل الناهرده لأنى كده كده رايح للميكانيكي علشان اكتشفت مأساه حصلت عندى
اصل الميكانيكي بعد ماركبنا طقم الدبرياج ماقرطشى على افيز الريداتير كويس
فامبارح و انا رايح الشغل العربيه سخنت منى (المؤشر مره واحده نط للنص وكنت فى زحمه ) ووقفت و لاقيت الدنيا غرقانه ميه
طبعا عملت اللازم و استنيت لما هديت و دورت و زودت ميه بالراحه .. الخ
لكن الناهرده الصبح لاقيتها ناقصه ميه برضه .. ماخدتش فى بالى لكن فى البريك خطر فى بالى ابص على مقياس الزيت لاقيت الزيت واخد لون طحينه بس خفيف اوى
فواضح كده ان الجوان ضرب و انا الناهرده حوديها لمحمد ندا فى شارع الاربعين
ياريت لو حد يعرف عنوانه تفصيليا يقولى - او لو حد يعرف اى ميكانيكي بيجو بيفهم يكون قريب منى (انا ساكن فى الناعم عين شمس قريب من الف مسكن جسر السويس )
و كل الصداع ده علشان الامور ماقرطشى على الكوليه كويس - ربنا يرحمنا من الميكانيكيه اللى يصلحلك عيب و يتسبب فى عيب اكبر

[khaled sabry]

الناهرده و انا راجع من الشغل عديت على محمد ندا اللى فى شارع الاربعين
الصراحه راجل محترم و شكله فاهم ..بس الغريب انه مش بيشتغل فى كل البيجوهات
لأنه لما سألنى على عربيتي قولتله 504 هو سمعها غلط 305 فقالى لا مابشتغلشى فيها

المهم روحت هناك و اكتشفنا ان فيه تسريب خفيف من الجوان على مية الريداتير و احتمال يكون فيه خلط خفيف بين الميه و الزيت
هو ماكنشى فاضى يعملها و كمان علشان لو احتجنا خراطه حيبقى الخراط قافل فلازم اجيله بيها الصبح
و طبعا انا بروح شغلى الصبح فقالى تعالى يوم الجمعه و امشى بيها عادى بس خد بالك من الميه لأن الميه بتنقص عندى بسبب التنفيس ده
و بالفعل انا من اول ماخدت العربيه و الريداتير بينقص فى حدود لتر او لتر و نصف (يعنى بيوصل لصفايات الحديد ) بس بيثبت على كده و انا كنت افتكر الحكايه دى عادى و كنت بقول لو فيها مشكله كان النقصان استمر لغايه ماتخلص الميه خالص
لكن هو فهمنى ان اللى عندى تسريب كبس و بالتالى هواء السلندر بيدخل على ميه الريداتير و بيزود ضغط الريداتير من جوه و بالتالى الميه بتنقص بمقدار و تقف لكن كانت تستمر فى النقصان لو التسريب ده كان اكتر من كده و الميه بقيت تدخل على السلندر

ماعلينا انا اقصى سرعه جبتها بعد ماعملت طقم الدبرياج كانت 120 - 130 .. و بصراحه انا خفت ازود عن كده و ماعرفشى لو كان ده اخر الموتور و لا لاء لأن صوت الهواء كان شديد و انا ماطولتش لأنى مش متعود على السرعه دى و برضه مش متعود اضغط على الموتور (فى عربيتي القديمه كان اخرى اجيب 4000 على rpm )
و مع وجود التسريب يتهيألى كده معدل معقول - و بصراحه انا مش عاوز اكتر من كده
بالمناسبه سألته ان كان ينفع اركب الكربراتير 2 باب و مانفولد بتاع gl قالى ينفع بس لازم تغير وش السلندر ببتاع gl
فكده يبقى الموضوع بقى مكلف بالنسبالى خاصه انه قالى مادمت حتظبط الكربراتير كويس مش حتفرق معاك الفرق الشاسع اللى يستاهل المصاريف دى خاصه انه قالى ماتحاولشى تجرى بالبيجو اكتر من 140 لأنها حتبقى خطر - و بالتالى انا صرفت نظر و يارب بس مارجعشى فى كلامى :))

[amrelsaqqa]

شكله راجل فاهم فعلا ، وكلامه تمام جدا
خير ان شاء الله
وفعلا ما تجريش بالعربية دى لان عوامل الامان فيها شبه منعدمة ، وربنا يكفينا شر الطريق

[khaled sabry]

وفعلا ما تجريش بالعربية دى لان عوامل الامان فيها شبه منعدمة ، وربنا يكفينا شر الطريق

هو حضرتك بتقول ماجريش بالعربيه دى المقصود على 504 كلها
ولا على gr فقط
ولا على عربيتي تحديدا علشان موضوع التنفيس ؟؟

انا كده كده زى ماقولت لحضرتك بخاف ازود عن 4000 ~ 4500 RPM و بتبقى غالبا فى السفر
طبعا المعدل ده فى عربيتي القديمه كنت ببقى جايب اخر دواسة البنزين
لكن فى 504 دى بيبقى لسه بدرى على اخر الدواسه و ده بيغريني انى اقرص شويه بصراحه
بس فيه حته فى كاوتش الزجاج مقطوعه و مع السرعه العاليه بتصفر جامد و بتحسسنى بانى ماشى على 250 كم
بالمناسبه هو الكاوتش بتاع الزجاج و الابواب بيتغير عند سروجى عادى و لا فين - معلشى اسألتى كتيره بس انا عمرى ماغيرتهم قبل كده

[amrelsaqqa]

هو حضرتك بتقول ماجريش بالعربيه دى المقصود على 504 كلها
ولا على gr فقط
ولا على عربيتي تحديدا علشان موضوع التنفيس ؟؟

انا كده كده زى ماقولت لحضرتك بخاف ازود عن 4000 ~ 4500 rpm و بتبقى غالبا فى السفر
طبعا المعدل ده فى عربيتي القديمه كنت ببقى جايب اخر دواسة البنزين
لكن فى 504 دى بيبقى لسه بدرى على اخر الدواسه و ده بيغريني انى اقرص شويه بصراحه
بس فيه حته فى كاوتش الزجاج مقطوعه و مع السرعه العاليه بتصفر جامد و بتحسسنى بانى ماشى على 250 كم
بالمناسبه هو الكاوتش بتاع الزجاج و الابواب بيتغير عند سروجى عادى و لا فين - معلشى اسألتى كتيره بس انا عمرى ماغيرتهم قبل كده

انا قصدى بعوامل الامان يعنى ثبات العربية ، يارب تكون بتجيب 200 بس هى ( زيها زي كل القديم ) عربية غير ثابتة على السرعات بعد الـ 80 ويمكن اقل في الملفات ، ووبتبقى خايف بعد ال120 حتى لو الطريق مستقيم

العربية الجي ال على كبالن ورا + كرونة ، ( عفشة منفصلة )
الجي ار والـ l على كرونة واكس ثابت


العفشة المنفصلة افضل في الثبات وفي نعومة العفشة ، لذلك فثبات الجي ال افضل من الجي ار نظريا وعمليا ..

العربية اللى كانت معايا كنت بخاف ازود عن 120 لانى كنت بحس فعلا ان العربية خفيفة وخصوصا انها عالية عن الارض ، بس العربية دى اصيلة فعلا ، عمرها ما تخدعك ، ممكن تخوفك عشان تهدى بس عمرها ما تخذلك وتغدر بيك

كنت ماشى بالعربية والعفشة الامامية عايزة شغل في الاسكاترا وجلب المقصات والمساعدين قدام وورا بايظين ورغم كدة في بعض المواقف والمفاجآت عمرى ما حسيت انى فقدت السيطرة على العربية او انها عرضت منى او او او ، وخلى بالك العفشة كانت بايظة ومكنتش لسة غيرت المساعدين اللى ورا ، عكس بعض الجديد ، تبقى قاعد في العربية متطمن وفجأة تلاقى نفسك اتقلبت :d بعد الشر علينا جميعا طبعا


كمان اقصد بانعدام الامان ان العربية مش مراعى في تصميمها سلامة الركاب اصلا ...
يعنى في التصادمات الجامدة بتبقى حوادث رهيبة ، مش زي الجديد بيراعوا ان العربية تتدمر من برة بس تبقى الكابينة سليمة ، لا البيجو عادى ممكن تلاقى المكنة دخلت عليك وانت قاعد او ممكن تخبط من قدام تلاقى الخبطة سابت الحوض والكبوت وسمعت في القوايم والسقف والكابينة !


فاللى عايز اقوله احترم العربية تحترمك وراعى سنها 30 سنة ، كتر خير الدنيا اوى اوى انها لسة ماشية


بالنسبة لكاوتش الباب والازاز بيتباعوا عند محلات معينة متخصصة في الموضوع ده وبيبقى عندهم لأغلب العربيات بس مش في دماغى حد في القاهرة دلوقتى ، ممكن تسأل في الشارع اللى انت عارفه بتاع البيجو ، او في التوفيقية وبيتركبوا عند السروجى او حتى ممكن تركبهم بنفسك

[khaled sabry]

العفشة المنفصلة افضل في الثبات وفي نعومة العفشة ، لذلك فثبات الجي ال افضل من الجي ار نظريا وعمليا ..

العربية اللى كانت معايا كنت بخاف ازود عن 120 لانى كنت بحس فعلا ان العربية خفيفة وخصوصا انها عالية عن الارض ، بس العربية دى اصيلة فعلا ، عمرها ما تخدعك ، ممكن تخوفك عشان تهدى بس عمرها ما تخذلك وتغدر بيك

فعلا كلامك مظبوط 1000 فى الميه
و بالفعل انا ركبت قبل كده GL و حسيت بفرق الراحه و الثبات اللى بتقول عليه
اذكر والدى عليه رحمة الله من 15 سنه كان مسافر بيها على طريق القاهره اسيوط (نفس العربيه دى - هو كان شاريها على الزيرو ) على 140 - 150 و الكاوتش القدمانى فرقع
العربيه فضلت تلف حولين نفسها 6 او 7 مرات و ستر ربنا انها ما انقلبتشى او ماشلتهاش عربيه تانيه جايه فى الاتجاه المقابل او ماطلعتشى بره الطريق
من ساعتها ووالدى مابقاش يعدى ال 100 فى سفره لغايه وفاته

المعلم عتريس ده اصيل و احنا متربيين مع بعض لأنها موديل 1983 و انا موديل 1982 و غالبا كنا بنرضع بنزين مع بعض و احنا صغيرين
بس على فكره من خلال البحث لاقيت ناس جايبين 160 و 170 بال GR

http://www.nilemotors.net/Nile/580824-post14.html

http://www.nilemotors.net/Nile/909629-post44.html

طبعا انا عمرى ماحعمل كده (غالبا) - بس بحب اكون مظبط يعنى