تقييم كامل بيجو 301

[الطبيب الحائر]

الف مبروك

[Mohammed.S]

كان عندى استفسار بخصوص العربية
أنا شايف ان العربية فيها عيب تصميم عند الكابوت مع الرفرف الأمامى
لو العربية لقدر الله اتخبطت من الأمام لو خبطة مش قوية حتى هيتطبق او هيتأذى باى شكل لأن الكابوت محطوط بحذى الرفرف الأمامى ما فيش مسافة للرفرف انه يمتص الصدمة
يعنى لازم تغير الكبوت كله و ماينفعلوش استعدال
و أنا شفت الموضوع ده فى اكتر من عربية 301 مخبوطة من قدام الكابوت ما بينفعلوش استعدال

انتو ايه رأيكو

[mohamed_ramzy]

ﺍﻟﻒ ﻣﺒﺮﻭﻙ ﻭﺭﺑﻨﺎ ﻳﻋﻂﻴﻚ ﺧﻴﺮﻫﺎ ﻭﻳﻜﻔﻴﻚ ﺷﺮﻫﺎ

انا بسمع انها فيها مشكلة فى تيل الفرامل .. ﻣﻤﻜﻦ ﺣﻀﺮﺗﻚ ﺗﻘﻮﻟﻲ اذا كان ده حقيقى ولا لأ وهل واجهتك اى مشكلة فى الفرامل
وايه ﺭﺍﻳﻚ ﻓﻴﻬﺎ عموما وفى اسعار قطع الغيار والتوكيل ﻋﻠﺸﺎﻥ ﻋﺎﻳﺰ ﺍﺷﺘﺮﻳﻬﺎ .. مع العلم انها اول عربية ليا و هجييها تقسيط ان شاء الله

معلش طولت عليك ..

[Ma_eldeeb]

ربنا يبارك لك فيها لكن لي سؤال هل يوجد في الطابلوة مكان لعداد الحرارة ( بمعنى أخر هل يوجد ضمن العدادات مكان لتوضيح مستوى الحرارة ) لان في ناس تقول أنه لا يوجد بها مؤشر للحرارة

[عمرو الجمل]

انا جبت العربيه من 7 شهور دلوقتي و عملت بيها 15 الف كيلو

التيل بتاع الفرامل لازم يتغير .. الكلام ده و انا عامل بيها 13 الف تقريبا .. و دي حاجه مش كويسه ابدا

حصل معايه مشكله اني مره قفلت العربيه .. بس المروحه فضلت شغاله .. رحت غمره و قالوا لي في حساس لازم يتغير و غيروه على حسابهم
بعد كده العربيه بقت كويسه .. لكن رجعت المشكله دي بعد شهرين و رحت ابو رواش .. قال البجوهات لازم تتغير و طبعا اتغيرت على حسابي .. و كان بيبقى في رعشه في العربيه اول ما اشغلها الصبح

المهم الكلام ده بعد ما غيرت البجوهات اختفى .. اسبوعين و رجعت الرعشه بتاعة العربيه و المروحه مش بتفصل بعد ما اطفي العربيه ... مش عارف اعمل ايه بصراحه لان بجد حاجه تقرف

[Ashraf Fawzy]

من وجهة نظرى الشخصية و من واقع التجارب, تقييم العربية مش بيكون من ناحية الأوبشن اللى فيها بس, لكن بيكون من خلال مدى إعتماديتها على المدى البعيد, و عشان ده يحصل لازم يكون فيه تقييم لمستوى التوكيل بتاعها. و إسمحلى أضيف تجربتى مع توكيل بيجو و إهماله و تقصيره فى إصلاح فرامل عربيتى و تعريضى لحادثة كادت تودى بحياتى و رفضه لتحمل المسؤلية:

تقييمى لتوكيل بيجو؟

رحتلهم عدة مرات باشتكى من وجود مشكلة فى فرامل عربيتى البيجو 301 و قالولى كل شئ تمام التمام, و لما سألت الناس هنا على نايل موتورز بتاريخ 9/1/2015 قالولى معندهمش المشكلة دى فى فرامل عربيتهم


http://www.nilemotors.net/Nile/454918-301.html

و كانت النتيجة إنى عملت حادثة كادت تودى بحياتى لإن حصل خلل فى أداء الفرامل مما أدى لإنحراف العربية و عدم عمل الفرامل بعد كدا لما نجحت فى لم العربية, و ده بتاريخ 10/2/2015 و التوكيل رافض يتحمل مسؤلية خطأه, و فوق كدا المهندسين بيغيروا فى شهادتهم بخصوص بيانات كمبيوتر العربية (زى إن جهاز الإيه بى إس سجل سرعة العربية 45 كيلو قبل التوقف عن العمل) وصولاً لكلام منهم إن بيانات كمبيوتر العربية ممكن تكون إتمسحت, و دلوقتى أنا فى إنتظار لجنة حماية المستهلك و تحديد ميعاد لعرض العربية على لجنة فنية:

http://www.nilemotors.net/Nile/459295-301.html

[abdallasoliman]

المفروض تبعت الشكوى للشركة الام بفرنسا لانهم بيحافظوا على سمعة الشركة وهيهتموا بالموضوع لان عندهم العميل على حق،

[nabil saleh]

بعد مراجعة شكاوى ملاك 301
من خلال المنتدى و خارج المنتدى
العربيه فاشله بكل المقاييس و سيبك من حته الاوبشن والكماليات لكن السبارة غير اعتمادية بالمرة
و الشكاوى من الفرامل و رجرجة الفتيس و السوفت وير اهم المشاكل
و سؤء خدمة ما بعد البيع و مراكز الخدمه التى ستجد شكاوى كتير منها بمجرد بحث على النت
تجعل السيارة فاشله بكل المقاييس مع احترامى لكل الاراء الايجابيه عن السيارة و الغير حياديه
واسف لكل محبى البيجو لكنها الحقيقة

[ابو هنا]

بعد مراجعة شكاوى ملاك 301
من خلال المنتدى و خارج المنتدى
العربيه فاشله بكل المقاييس و سيبك من حته الاوبشن والكماليات لكن السبارة غير اعتمادية بالمرة
و الشكاوى من الفرامل و رجرجة الفتيس و السوفت وير اهم المشاكل
و سؤء خدمة ما بعد البيع و مراكز الخدمه التى ستجد شكاوى كتير منها بمجرد بحث على النت
تجعل السيارة فاشله بكل المقاييس مع احترامى لكل الاراء الايجابيه عن السيارة و الغير حياديه
واسف لكل محبى البيجو لكنها الحقيقة

اكن الي راي حضرتك في السيارة كل الاحترام .
بس الحقيقة مش فاهم ازاي حضرتك مساوي بين الاراء الايجابية عن السيارة بالغير حيادية .
يعني لما انا يكون راي فيها ايجابي اكون في هذه الحاله غير حيادي !

[ابو هنا]

بعد مراجعة شكاوى ملاك 301
من خلال المنتدى و خارج المنتدى
العربيه فاشله بكل المقاييس و سيبك من حته الاوبشن والكماليات لكن السبارة غير اعتمادية بالمرة
و الشكاوى من الفرامل و رجرجة الفتيس و السوفت وير اهم المشاكل
و سؤء خدمة ما بعد البيع و مراكز الخدمه التى ستجد شكاوى كتير منها بمجرد بحث على النت
تجعل السيارة فاشله بكل المقاييس مع احترامى لكل الاراء الايجابيه عن السيارة و الغير حياديه
واسف لكل محبى البيجو لكنها الحقيقة

اكن الي راي حضرتك في السيارة كل الاحترام .
بس الحقيقة مش فاهم ازاي حضرتك مساوي بين الاراء الايجابية عن السيارة بالغير حيادية .
يعني لما انا يكون راي فيها ايجابي اكون في هذه الحاله غير حيادي !

[sayd ali]

يارت اعرف هو رأى حضرتك بشكل ادإيه من الاستطلاع وهل حضرتك من ملاك السيارة ولا بس سمعت

[Ashraf Fawzy]

عشان الناس اللى ناوية تشترى, البيجو 301 فيها نظام فرامل الـ ebd و لا لأ؟

لإن كل ما حد يسأل التوكيل السؤال ده التوكيل بيمتنع عن الرد, و إمتناعه عن الرد مالهوش غير معنى واحد و هوا إن العربية مافيهاش نظام ebd و إحنا هنا مش بنتكلم عن نوع السماعات يابانى و لا ماليزى, إحنا بنتكلم فى نظام توزيع الفرامل على العجلات, يعنى أمن و سلامة قائد السيارة و تحديد القرار اللى هايتخذه قائد السيارة عند التعرض لمواقف مفاجئة بناءً على وجود هذا النظام من عدمه فى السيارة, فمن حق اللى عايز يشترى أو ناوى على الشراء إنه يبقى عارف إذا كان النظام ده موجود و لا لأ.

[محمودمحمددرويش]

ربنا يباركلك فيها
هي ماشاء الله سياة رووووعة جدا
بس كان ليا استفسار هل بيجو 301 2016 بها gps
ارجو ان ترد على سؤالي

[tarek zedan]

التقيييييم من فضلكم لسنه ٢٠١٥ لانى ناوى اجيب واحدة

[cupid]

متابع