تقييم كامل بيجو 301

[Akram.Gamal]

من فضلكم بعد اقتناعى بكلامكم المحترم عاوز اسأل عن الوانها المتاحة وانا شايف ان لون الفرش الداخلى فى اسود وفى بيج هل ده متاح فى الهاى لاين ؟ولا ده حسب طلبى؟

الوانها ابيض و اسود دول بويه عاديه
موكا و شمبانيا و رمادى و بترولى و فضى دووول ميتاليك
الفرش لون واحد اسود فقط و التابلوه اسود فقط برضو و فجميع الفئات
الفرق ان الهايلاين مطعمه بكروم داخلى و خارجى و ع التابلوه فى بلاستيك اسود بيلمع و بيدى شكل حلو

[smsm2004w]

البيزلاين كمان فيها البلاستيك الأسود

[amrelsaqqa]

البيزلاين كمان فيها البلاستيك الأسود

ما عدا فتحات التكييف ، ولكن شكلها جميل برضه

[Akram.Gamal]

ما عدا فتحات التكييف ، ولكن شكلها جميل برضه

ولا الطاره حتى

[uoko000]

ازاى بيتم نظافة التبلوه والابواب من الداخل انا حاسس انه بيلم تراب بسرعة اوى استخدم اى نوع من المواد

[amrelsaqqa]

ولا الطاره حتى

اه دى اهم حاجة صحيح :d

[Akram.Gamal]

ازاى بيتم نظافة التبلوه والابواب من الداخل انا حاسس انه بيلم تراب بسرعة اوى استخدم اى نوع من المواد

انا اخويا جابلى فوطه كده عامله زي القطيفه ماشاء الله بتمص التراب
جربتها ع البلاستيك و التابلوه و الابواب ميه ميه
حاول تجيب فوطه ناعمه
و ممكن تبص ع الميكروفيبر دى
Car Washing Gloves with Super Meitt Microfiber for all cars,motorcycles and households في مصر, الإسكندرية, القاهرة | سوق

[uoko000]

انا اخويا جابلى فوطه كده عامله زي القطيفه ماشاء الله بتمص التراب
جربتها ع البلاستيك و التابلوه و الابواب ميه ميه
حاول تجيب فوطه ناعمه
و ممكن تبص ع الميكروفيبر دى
Car Washing Gloves with Super Meitt Microfiber for all cars,motorcycles and households في مصر, الإسكندرية, القاهرة | سوق

شكراااا على اهتمامك

[ابو هنا]

الففففففف مبرووك يا باشا
وشكرا جدا على المجهود الرائع دة انا لسة انهارده ان شاء الله قررت هروح ادفع مقدم بكره ان شاء الله الهاى لاين بس مش عارف اختار لوون اية حضرتك شوفت اللون الموكا شكلوا حلو؟؟؟

الف مبروك يا باشا معلش هي جت متاخرة ، بس انا لسه جديد في المنتدى ، و ياريت حضرتك تقولي اه رايك في السيارة من خلال تجربتك لها خلال هذه المدة ، بس ياريت سرعة الرد علشان انا محتار جداً جداً بينها وبين تويوتا ياريس سيدان 2014

[ابو هنا]

بسم الله الرحمن الرحيم

الحمد لله اشتريت عربيه بيجو 301 هاى لاين - لون بترولى


أولا تقرير الشراء :


اشترتها من سمير ريان من عشره ايام وكان قبل ماشتريها بيوم واحد قالى سعرها 136 الف ويوم مارحت ادفع الفلوس قال لى المورد رفع السعر وهى بقت ب 138 الف علشان الشحنه الجديده لسه حاتيجى في يونيو ، فتوكلت على الله واخدتها لانى سالت برضه في اباظه التجمع وكان قايل نفس السعر بس مكنش عنده حاجه في المعرض. ( بعد كده فيه ناس قالولى كنت سالت عليها عند ياسين بس بصراحه انا مكنتش اعرفه )


المهم انا استلمت ورقها بعد أسبوع كامل ( المبايعات والافراج الجمركي و شهاده البيانات)


انت بتاخد مع العربيه :


- غطا علبه الفيوزات


- 4 سره للجنوط حولى 16 غطا حليه للمسامير بتاعه العجل


- استبن


- عده ( كوريك + مفتاح عجله + مفتاح اصفر للمسامير الحليه)


- 2 كتالوج للعربيه عربى وانجليزى


- عدد 2 مفتاح واحد بريموت للسنتر وواحد عادى


- ايريال كاسيت


وده لينك لموضوع واحد من الاعضاء كان كاتبه عن كيفيه استلام العربيه وكيفيه القياده في فتره التليين وفادنى جامد بصراحه

http://www.nilemotors.net/nile/212403-a.html

ثانيا شكل العربيه :


انا عاجبنى شكلها ولونها بصراحه جميله ودول صور العربيه من بره




















دول صور العربيه من جوه وفيها صور الكاسيت والتابلوه و صوره الشاشه لما بتكون العربيه راجعه للخلف
























وده صوره ذراع التحكم في الصوت والاتصال بالموبايل وشاشه الكاسيت







وده صوره الشنطه هي وسعه جدا بصراحه













وده صوره العجله على فكره الأربع عجلات جنوط 16 ميشلان 195/55/ 16 ولكن الاستبن طاسه ومقاسه 15 جود يير 185/65/15



وفيه شنطه العده كوريك ومفتاح عجله و مفتاح اصفر علشان تربط وتفك رؤوس المسامير الحليه للعجل










ودول صور للموتور




















وده صوره القايم مش مكتوب عليه ضغط العجل يبقى كام ؟؟ في ناس قالتلى 30 وناس قالت 32 انا ضبطه النهارده 30 لحد ما اشوف (طبعا كان 50 من المعرض )







ثالثا تقييمى للعربيه :


احب أوضح الأول ان تقييمى مش حيبقى دقيق لانى كنت راكب لادا وطبعا الوضع اختلف و حاحس كل حاجه انها حلوه اووى وكمان انا مشيت بيها مرتين بس


عموما تقييمى


التكيف جميل جدااا


الفرامل ممتازه


صوت الموتور هادى هو طبعا في صوت بس مش مزعج و ساعات كتيره مش بتحسه هو بيبان وانت بتدور المفتاح في الأول لمده ثوانى ويهدا و لما تيجى تضغط جامد على الدواسه


السحب ممتاز انا كنت طالع مطلع كوبرى وماشى ببطئ وضغطت على الدواسه طلعت الكوبرى بسرعه كأنى كنت ماشى بسرعه وبطلع الكوبرى.


الثبات بصراحه مقدرش أقول حاجه لانى مفتحتش بيها لسه اخر حاجه كانت 90


العفشه كنت بحس بخبطات بسيطه في الحفر بس ده كان لما ضغط العجل 50 بس لما ضبطته 30 لسه مجربتش اوى وان كنت حسيت ان الخبط قل



رابعا ايه مش موجود في العربيه :


طبعا العربيه هي هاى لاين المفروض يكون فيها كل حاجه بس لما قرأت الكتالوج الخاص بيها شوفت فيه الحاجات ده ( اكيد طبعا ده اللى بينزل في أوروبا ) مش في مصر


1- esp


2- زرار لتدفئه كرسى السائق


3- لمبه في السقف في الجزء الخلفى


4- كمبروسور هواء لنفخ العجل و كمان كبسوله ممكن تصلح العجل المخروم


5- ذراع تحكم كروز في تثبيت السرعه او زيادتها و تقليلها


6- جهاز انذار للسرقه


مش عارف بقى الحاجات ده حتبقى متوفره في التوكيل ولا لا ؟ وياترى أسعارها حتبقى ايه ؟





خامسا الصيانه وقطع الغيار :


انا طلبت كذا فرع بس اتضح ليا ان فرع غمره هو اللى جامد وفيه الصيانه وقطع الغيار وكلمت مهندس هناك وقالى ان اول صيانه مجانيه (مجرد كشف عام على العربيه من غير تغيير اى زيوت او اى حاجه) هي صيانه 2500 كم وأول صيانه فعليه هي 10000 كم وده اللى بيتغير فيها الزيت وفيه صوره لاقيتها في موضوع اخر لشكل الصيانات








اما بخصوص أسعار قطع الغيار


1- أسعار جريده الاهرام


فلتر زيت 49


فلتر بنزين 40


فلتر هواء 50


فلتر تكييف 134


طقم بوجيهات 134


طقم تيل فرامل امامى 430


سير مجموعه 172


طقم كاتينه 482 (كاتينه + 2 بليه )


مرايه جانبيه 624



2- لما اتصلت بفرع غمره عرفت الأسعار التاليه طبعا تزود عليها 10% ضريبه


طقم طنابير خلفى 731


طقم تيل خلفى 551


اكصدام امامى 2231


اكصدام خلفى 1845


كشاف امامى 1274


فانوس خلفى 591


برابريز امامى 998


مساعدين خلفى 241


بوجيه واحد 33



3- كان في موضوع واحد من الاعضاء كان كاتبه فيه بعض الأسعار برضه ممكن يفيدنا

http://www.nilemotors.net/nile/358950-peugeot-301-a.html

سادسا مميزات العربيه :


انا شايف ان العربيه كلها مميزات


1- سعرها وده اهم حاجه


2- انها تقفيل اسبانى


3- موتورها قوى


4- خاماتها جيده جدا


5- الشاشه والتحكم فيها من كمبيوتر الرحلات و ال usb- aux – cd والبلوتوث والاتصال بالموبايل


6- قطع غيارها مش غاليه اووى ومعقوله


7- التكيف ممتاز


8- الفرامل ممتازه


9- الشنطه واسعه جدا


10- درج العربيه واسع


11- مرايات كهربا


12- باركنج سينسور للركن من الخلف


13- زرار للتحكم في منع فتح او غلق الزجاج الخلفى من الأطفال للحمايه


14- أخيرا لشكل الانيق ليها



انا لسه مجربتش الثبات ولا استهلاك البنزين



سابعا عيوب العربيه :


انا لسه مقدرش أقول اى عيوب بس فيه نقط ومش عارف اذا كانت عيوب ولا لا


1- المساحات فى اى عربيه لما السايس يمسحها بيرفع المساحات ويمسح الزجاج لكن العربيه ديه المساحات متترفعش لانها بتخبط في غطا الكبوت يدوب ترفعها عشره سم وتنزلها تانى والحل ليها انك بعد لما تبطل العربيه اضغط زرار المساحه تقوم الريش تقف عموديه وتثبت على كده.


2- الجزء الخلفى للعربيه مفيهوش اى طفايه سجاير و لا جراب في الباب احط فيه ورق او حاجه.


3- مفيش مكان مناسب احط فيه الموبايلات في التابلوه


4- مفتاح واحد بس بريموت للسنتر لازم يكونوا اتنين




ثامنا اسئله : للخبراء ولمالكى السياره


1- هو ضغط العجل مفروض كام 30 ولا 32 ؟؟؟


2- لما بتمشى بالعربيه منغير ماتربط الحزام بتفضل تعطى انذار بصوت عالى لحد ما تربط الحزام فهل فيه حل انى أوقف صوت الإنذار ده من غير ما اربط الحزام ؟؟





واخيرا أتمنى من الجميع ان يستفاد من الموضوع واطلب منكم الدعاء لى ان يبارك لى في العربيه و يرزقنى خيرها ويكفينى شرها ان شاء الله



ولو حده عنده سؤال يتفضل يسأل وانا أحاول اجاوبه ان شاء الله

الف مبروك يا باشا معلش هي جت متاخرة ، بس انا لسه جديد في المنتدى ، و ياريت حضرتك تقولي اه رايك في السيارة من خلال تجربتك لها خلال هذه المدة ، بس ياريت سرعة الرد علشان انا محتار جداً جداً بينها وبين تويوتا ياريس سيدان 2014

[Akram.Gamal]

شكراااا على اهتمامك

العفو ,, اي خدمه

الف مبروك يا باشا معلش هي جت متاخرة ، بس انا لسه جديد في المنتدى ، و ياريت حضرتك تقولي اه رايك في السيارة من خلال تجربتك لها خلال هذه المدة ، بس ياريت سرعة الرد علشان انا محتار جداً جداً بينها وبين تويوتا ياريس سيدان 2014

يابو هنا اهلا بيك
استاذ حاتم صاحب الموضوع مدخلش بقاله زمان جدا

هى العربيه الحمدلله تمام مع الناس و محدش اشتكى من اعطال تعيب العربيه يعنى
و هي بدات تنتشر جامد فى الشارع و ان شاء الله ربنا يهديك للاحسن
و انزل اتفرج على العربيه افضل

او تابع مواضيع المنتدى انا عملتلك بحث
حاول تقرا على قد ماتقدر و قرر بقا

http://www.google.com.eg/cse?cx=partner-pub-7376011894745790%3A9mkwd8fh9ub&ie=utf-8&q=301&sa=%D8%A8%D8%AD%D8%AB#gsc.tab=0&gsc.q=301&gsc.page=1

[نجم فلسطين]

الف مبروك اخي الكريم .
بالنسبه لضغط الاطارات انا املك بيجو 206 يوجد ملصق على جنب الباب الامامي جهة السائق يبين قياس الاطارات وضغط الهواء اللازم التي تنصح به شركة بيجو مثلا عندي اطارات 165 /85/r14 ضغط الهواء يكون 33 .
ايضا عندنا في فلسطين منتشر ما يسمى باطارات التيوبلس - اي يتم ازالة الكوشك الداخلي ويفضل الخارجي ويتم بعدها تعبئته بالهواء - ايجابياته اذا انخرم الكاتشوك تسير معك العربيه مسافه قبل ان ترتاح على الارض مو مثل الجواني يقعد على المطرح - سلبياته انك بحاجه دائما الى ظبطه كل يومين او ثالثه .
تحياتي

[K.Ossama]

بالنسبة لضغط الكاوتش مكتوب على القايم

لو مش محمل يبق نفخ على 2.2 بار يعني حوالي 32 psi
لو محمل يبقى قدام على 2.3 بار يعني حوالي 33.35 psi و الخلف يكون على 2.5 بار يعني حوالي 36.25 psi

تمام كده
هو ده الكلام....

[Toeima]

ياجماعه انا هقسط تبع التوكيل (صلاح سالم) تبع شركه تبعه ليهم اسمها رواج برجاء من عنده معلومات برجاء الافاده ضرورى لانى حيران بين رواج ولا بنك فيصل الاسلامى

[islamawe]

ياجماعه انا هقسط تبع التوكيل (صلاح سالم) تبع شركه تبعه ليهم اسمها رواج برجاء من عنده معلومات برجاء الافاده ضرورى لانى حيران بين رواج ولا بنك فيصل الاسلامى

بنك ناصر الاجتماعى اقل فائده و تقسيط اسلامى