تقييم كامل بيجو 301

[medo6310]

الف مبروك
انا سالت في التوكيل صلاح سالم علي الامبوليزر رد وقلي اه موجود كل العربيات الاوربي موجود فيها بس انا مش مقنتع بكلامه لان الموقع بتاع مصر مذكرش حاجه عن الموضوع ده وكمان هما قلولي قبل كده ان العربيها فيها esp و طلع مفيهاش

هل في طريقه نتاكد بيها موجود الخاصيه دي هل ورق العربيه مذكور فيه امكانيات وتفاصيل العربيه او في طريقه عمليه نقدر نكشف اذا كانت موجوده ولا لا ؟

[hossam_elwani]

عشان تبين الصوره فى المنتدى عندك فوق فى شريط المهام كلمة رقع الصور اضغط عليها وحينقلك على موقع رفع الصوره حتعمل ابلود للصوره وبعدين تاخد اللينك الى قصاده كود للمنتديات وتنسخه فى المشاركه

وحتعمل كده لصوره صوره وخلصت كده


تحياتى

[hatem_swaf]

الف مبروك
انا سالت في التوكيل صلاح سالم علي الامبوليزر رد وقلي اه موجود كل العربيات الاوربي موجود فيها بس انا مش مقنتع بكلامه لان الموقع بتاع مصر مذكرش حاجه عن الموضوع ده وكمان هما قلولي قبل كده ان العربيها فيها esp و طلع مفيهاش

هل في طريقه نتاكد بيها موجود الخاصيه دي هل ورق العربيه مذكور فيه امكانيات وتفاصيل العربيه او في طريقه عمليه نقدر نكشف اذا كانت موجوده ولا لا ؟

انا برضه كنت شاكك بس سالت ناس قالولى فيها والطريقه الوحيده هى انك تجرب بمفتاح عربيه تانيه او تخلع راس المفتاح وتجرب

وده كان رده عليا


" لا كلام غير مظبوط...
المفايتح الى بريموت يوجد بيها شريحة خضراء لعمل الريموت وملحوم فيها شفرة الدوارة.
اما المفتاح العادى من غير ريموت يوجد به فحمة سوداء صغيرة للادارة فقط..
واكبر دليل على ذلك هات حضرتك اى مفتاح عربية بيجو وشيل منه الراس السوداء هتلاقى ان العربية مش هدور "

[Mohab555]

ماشاء الله عربيه جميلة جدا جدا
وان شاء الله هتحقق مبيعات قوية ان شاء الله

[Formulator]

مبروك عـ العربية وربنا يديك خيرها ويكفيك شرها..

يبقى كل شركه تعرف حجمها ومتعشى فى دور الهبل والاوبشن واصل فى زرار بيهرشلى ضهرى مش موجود فى عربيه
تانيه وفى زرار بيزغزغنى لما اكون زعلان وزرار بيقولى بخ وبكام ياعم الزرايير دى - لأ مش غاليه مقربه على الربع مليون - طول ما الاسد الفرنسى لسه بيزأر - كل الخفافيش تتشعلق من رجليها

عشان تظبط الكاوتش على 30 يبقى تظبط المقاس على 32 عشان في 2بار بيكونوا في الخرطوم...

بس الكلام ده مش مضبوط؟!
لو الضغط فـ الكاوتش 32psi: يبقى المقياس (لو مضبوط/calibrated).. هيقرأ الـ32

طيب وعبيته نيتروجين ازاى فك العجل وشقط الهوا من جوه الكاوتش وبعدين عباه نيتروجين ورصص ولا ايه بالزبط ؟؟

النيتروجين بيتملى والكاوتش راكب عـ الجنط ياحسام! (من غير مايفك ويركب -ويحتاج يرصص)؟!!
- بيفك البلف ويفرغ ضغط الهواء كله.. ويركب البلف تانى::
- بينفخ الكاوتش نيتروجين مرة أو أكثر، ويفرغه (لضمان خروج كل الهواء).. ويملأ مرة أخيرة نيتروجين.

Rgds،

[3arbi4ever]

مبرووووك انا معايا نفس اللون بس الفئه الاولي . تقريرك جميل . ما شاء الله .

[3arbi4ever]

والله احنا بنفيد بعض جدااا بالتقارير ده يعني حضرتك مثلا جابتلي علي سؤال كنت هبتدي ادور علي وهو مواعيد الصيانه . وحضرتك مشكوراً اوضحت انه هيبقي من اول ٢٥٠٠ . شكرا ليك و ان شاء دايما ً كده نتابع مع بعض .

[Mzeid]

اولا مبروك العربية :) و ربنا يعطيك خيرها و يكفيك شرها

و بعد إذنك الصور اهي

[Mzeid]

[Mzeid]

بالنسبة لضغط الكاوتش مكتوب على القايم

لو مش محمل يبق نفخ على 2.2 بار يعني حوالي 32 psi
لو محمل يبقى قدام على 2.3 بار يعني حوالي 33.35 psi و الخلف يكون على 2.5 بار يعني حوالي 36.25 psi

[mohjarr]

الله يبارك فيك و يباركلك فى عربيتك

بس سؤال عرفت ازاى انها 32 مش مكتوب على القايم وانت الوحيد اللى قولت انها 32 مع انى سالت ناس كتير قالولى 30 ؟؟؟

الضغط اللى مكتوب على القايم 2.2 بار و ده بيتسجل على جهاز ضخ النيتروجين و العامل ذكر أن 2.2 بار بتساوى 32 و 2.1 بتساوى 30

[mohjarr]

الف مبرووك يا باشا ربنا يباركلك فيها ويكفيك شرها

ياريت بس تقولنا ايه اخبار العفشه بعد مظطت ضغط الكاوتش ... يا تري لسه بتخبط مع الحفر والطرق المكسره؟؟؟

ياريييت تتابعنا بتقريير مفصل عن نعومه العفشه والثبات

العفشة بعد ظبط الكاوتش نيتروجين على 32 أصبحت جيدة جداً و فارق شاسع بين البيجو 301 و السيراتوا التى كانت معى فى المطبات كما أن الثبات أكثر من ممتاز أيضاً

[mohjarr]

طيب وعبيته نيتروجين ازاى فك العجل وشقط الهوا من جوه الكاوتش وبعدين عباه نيتروجين ورصص ولا ايه بالزبط ؟؟

العامل يقوم برفع جانب السيارة ثم يفك البالف ليقوم بإخراج جزء من الهواء ثم يقوم بتركيب البالف مرة أخرى و يوصل خرطوم جهاز النيتروجين و يقوم بظبطة على 2.2 بار و عندما يبداً الجهاز يقوم بسحب المتبقى من الهواء ثم يبدأ فى ضخ النيتروجين .

[Moh.El Saady]

الف مبروك يا باشا عربية جميلة ربنا يديك خيهرا ويكفيك شرها ان شاء الله ومستنين تقرير عن الثبات لأنه مهم جدا والبنزين ان شاء الله

[hatem_swaf]

بالنسبة لضغط الكاوتش مكتوب على القايم

لو مش محمل يبق نفخ على 2.2 بار يعني حوالي 32 psi
لو محمل يبقى قدام على 2.3 بار يعني حوالي 33.35 psi و الخلف يكون على 2.5 بار يعني حوالي 36.25 psi

الف شكر على الصور و طبعا الف شكر على المعلومات ده كده انا ارتحت وحاروح ازود العجل 32

زى ما الصديق mohjarr نصحنى