رابطة ملاك ال301

[medori]

السلام عليكم جميعا
انا سعيد جدا بالمشاركة في هذا المنتدي الجميل و وسط هذه الروح الجميلة بين الجميع
انا عايز اقول ان من اكبر اسباب اقتناعي بالعربية هو المنتدي و خصوصا هذا الموضوع
بس انا كنت حابب اشاركوا تجربتي و اتمني افدكوا و تفدوني اكتر

اولا العربية جميلة جدا و كأساسيات من (موتور و عفشة و صاج) اكثر من رائعة
عربية فعلا من اريح ما ركبت
انا كان معايا النترا 2008 كنت مستريح بيها جدا بس حصل ظروف و بعتها و جبت دي و الحمد لله اختيار موفق

ثانيا انا مش عايز اشكر كتير عشان المعظم عارف العربية جميلة ازاي بس زي مابيقولوا الحلو مابيكملش
كان ليا بعض الملاحظات و الاسئلة و اتمني تقبلوا رأي و الطريقة العجيبة اللي بكتب بيها :)
1-انا لسه مجربتش التكيف في الحر اوي
بس هو التكيف بيضعف او حاجه لو انا مثلا في مطلع في عز الصيف ؟؟؟

طبعا بيأثر و بالذات فى الطلعة الاولانية من الواقف او الcold start، بس مدى احساسك بالتأثير دة بيعتمد على انت كنت راكب اية قبل كدة، لو كان معاك كورى او يابانى هتعلى التكييف عشان تحس زيهم و بالتالى هتحس العربية بطة بلدى، لو متعود على الاوروبى و طلعتة، مش هتحس بتغيير significant

2-هل حد جرب ركب ال cruise و ال speed limiter و اتكلف اد ايه و هل عمل اي مشاكل او حاجه ؟؟

فى كذا عضو ركبوة فى التوكيل و الحمد لله معملش مشاكل ولا حلجة، هو ب550 تقريبا و بالمصنعية و الضريبة و الحبشتكانات تخش فى 700 تقريبا

3-هو المفروض التوكيل بيعمل ايه في صيانة ال 1000 و ال 2500 ؟؟؟
و منين اعرف جدول الصيانات ؟؟؟

مفيش صيانة 1000، فى صيانة 2500 بيشيكوا فيها على السوائل و يربطوا عفشة و يبصوا بصة عامة كدا على العربية و لو فى سوفت وير جديد يحدثوة و دى صيانة مجانية، بعد كدة كل 10000. جدول الصيانات موجود فى الwebsite الجديد بتاع Peugeot

4-موضوع الكاوتش ده انا لقيت كذا حد اشتكي منه ؟؟؟ ايه الحل او ايه البديل ؟؟؟

لسة معرفلوش حل، بس هو سعر الكاوتش المبالغ فية بتاع 1050 دة نزل و بقى فى ارقام الفرد التانية فى ال700يات

5-الازاز اللي ورا بينزل لغاية جزء معين مش لأخره (انا عارف انه ده حمايه عشان الاطفال) بس هل يمكن عمل شئ بس بدون اي تخريب يخليه ينزل للاخر ؟؟؟

لأ

6-سؤال في حرارة العربية
هي العربية مافيهاش مؤشر و في لمبة بتنور
بس كنت عايز اعرف هل هي بتنور اول ماتبتدي الحرارة تزيد ولا لما الحرارة تبقي في اقصي حالاتها ؟؟؟

اعتقد لما الحرارة تعلى عن الطبيعى ب 5 او درجات هتبتدى تنور عشان لحد 95 تقريبا مفيش خطر على الموتور

7-انا قبل ماشتري العربية كنت سقتها مع شخص معرفة و كان عامل بيها حوالي 15000 كيلو و العفشة كانت ناعمة جدا لدرجة اني ذهلت انها انعم من عفشة الالنترا اللي انا كنت بعتبرها مايه
بس في عربيتي الجديدة حاسس انها ناشفه شويه
رايحت الكوتش ل 28 و حاستها اتحسنت بس لسه ناشفة نسبيا
مع العلم اني مشيت بها 250 كيلو بس :)
فا هل هتنعم بعدين ولا هتفضل كده ؟؟؟
و هل هتفرق اوي ولا حاجه بسيطة ؟؟؟
كذا حد كان قائل ان عافشتها ناعمة و بالنسبة لي ده اهم شئ نعومة العفشة
فارجو الافادة ؟؟؟

هى العفشة صعب تكون اطرى من الالنترا بصراحة هى ممكن تكون زيها

ولله انا عارف اني طولت و اسئلتي كتير بس من عشمي في اهل المنتدي الكرام
و ادعولي ربنا يبركلي فيها و يكفيني شرها و يسترها معايا و شكرا

ربنا يباركلك فيها و يديك خيرها و يكفيك شرها و يسترها معاك :) و تبعد عن قايمة المخبوطين يا رب

:)

[raad13]

انا مالك جداد معاكوا لسة طازة الأسوع ده, كنت عايز اسأل هو العربية بنستلمها بمفتاح واحد فقط؟ مفيش مفتاح احتياطي يعني؟

[medori]

انا مالك جداد معاكوا لسة طازة الأسوع ده, كنت عايز اسأل هو العربية بنستلمها بمفتاح واحد فقط؟ مفيش مفتاح احتياطي يعني؟

لأ طبعا، فى مفتاح احتياطى بس من غير ريموت

[mahmed0100]

انا مالك جداد معاكوا لسة طازة الأسوع ده, كنت عايز اسأل هو العربية بنستلمها بمفتاح واحد فقط؟ مفيش مفتاح احتياطي يعني؟

الف مبروك و اهلا بيك :)
العربيه معاها مفتاح ريموت و مفتاح عادي اسبير و معاهم ورقه فيها رقم خاص بالكود بتاع المفتاح لازم تحتفظ بيها علشان لاقدر الله لو ضاع مفتاح حيستخدموها علشان يعملوا ليك مفاتيح جديده

[Ashraf Fawzy]

الف مبروك و اهلا بيك :)
العربيه معاها مفتاح ريموت و مفتاح عادي اسبير و معاهم ورقه فيها رقم خاص بالكود بتاع المفتاح لازم تحتفظ بيها علشان لاقدر الله لو ضاع مفتاح حيستخدموها علشان يعملوا ليك مفاتيح جديده

أنا مش فاكر إنى إستلمت ورقة فيها كود خاص بالمفتاح, انا استلمت مفتاح الريموت و المفتاح الإسبير, الورقه دى شكلها إيه؟ عبارة عن ستيكر ولا شكلها إيه؟

[TryToB]

أنا مش فاكر إنى إستلمت ورقة فيها كود خاص بالمفتاح, انا استلمت مفتاح الريموت و المفتاح الإسبير, الورقه دى شكلها إيه؟ عبارة عن ستيكر ولا شكلها إيه؟

لو مافيش ورقة هتلاقى حضرتك استيكر على الريموت عليه رقم و باركود احتفظ بالرقم و لو عندك برنامج باركود صور الباركود ده

Sent from my ALCATEL ONE TOUCH 997D using Forum Runner

[raad13]

لأ طبعا، فى مفتاح احتياطى بس من غير ريموت

الف مبروك و اهلا بيك :)
العربيه معاها مفتاح ريموت و مفتاح عادي اسبير و معاهم ورقه فيها رقم خاص بالكود بتاع المفتاح لازم تحتفظ بيها علشان لاقدر الله لو ضاع مفتاح حيستخدموها علشان يعملوا ليك مفاتيح جديده

اه معلش اكتشفت اني كنت شايله في التابلوه و ناسي, اما موضوع الورقة فهشوف و اقولك

[محمد محمودحمزة]

استفسار بخصوص بيجو 301

السلام عليكم يا جماعة انا معايا 301 وعملت 2100 كليو ولاحظت فى اوقات وانا داخل على المطبات ودايس فرامل ولما اشيل رجلى من الفرامل ساعات صوت الموتور بيعلى والسؤال التانى وانا داخل واو خارج من الجراج هو عالى شوية وادوس على الفرامل بسمع تزيقة خفيفة ارجو الافادة ياجماعة

[mahmed0100]

اه معلش اكتشفت اني كنت شايله في التابلوه و ناسي, اما موضوع الورقة فهشوف و اقولك

تمام كده

[mohab_rashed]

انا متفق معاك في فكرة الرابطه 500% لأنها ممتازه لتبادل الخبرات والمنافع في السيارة حيث ان الجميع مشتركين في ملكية نفس السيارة ، اه انا اسف انا د/ مهاب راشد محمد ناصف أستاذ دكتور تحاليل ميمروبيولوجي اغذية (صلاحية أغذية) وانا حاجز بيجو 301 هاي لاين ولكن لم استلمها بعد

[TryToB]

السلام عليكم يا جماعة انا معايا 301 وعملت 2100 كليو ولاحظت فى اوقات وانا داخل على المطبات ودايس فرامل ولما اشيل رجلى من الفرامل ساعات صوت الموتور بيعلى والسؤال التانى وانا داخل واو خارج من الجراج هو عالى شوية وادوس على الفرامل بسمع تزيقة خفيفة ارجو الافادة ياجماعة

كده عربية حضرتك اوتوماتيك وواضح انك لسه ما حدثتش السوفتوير صوت الموتور بيعلى لان مع الفرامل السرعة بتقل و بينقل على نقلة اقل ممكن تكون السرعة اللى حضرتك ماشى عليها هى اخر سرعة النقلة دى و فى الحالة دى هتحس بان العربية بتنط لادام عشان قوة العزم بتكون كبيرة بالتبعيه لعدد اللفات الكبير اللى ممكن تكون عليه.

الحاجة التانية موضوع الفرامل ده برضه عادى فى الاوتوماتيك لان حضرتك بتعتمد على الفرامل فى تحديد سرعة العربية على المطبات او فى الاماكن الى محتاج تتحرك فيها بدون الضغط على البنزين. بس على اى حال ممكن يعملوا حاجة فى صيانه ال ٢٥٠٠ يضيعوا بيها الصوت.

Sent from my ALCATEL ONE TOUCH 997D using Forum Runner

[Mohamed_301]

يااااااااااااااه الحمد لله خلصت ال 59 صفحة اللى فى الموضوع دة ^_^ :d
بصراحه فكرة كويسة جدا واستفدت كتيير وبسبب الموضوع دة اطمنت من ناحيه ال 301 وان شاء الله ربنا يسهل وهحجزها اوفربرايس وربنا يحفظها ويبارك فيها ويبارك فيكوا وفى ال 301 ان شاء الله واللى ما استلمش ان شاء الله يستلم على خيير :))

[Mohamed_301]

بس انا تقريبا اكتشفت مصيبه فى ال 301 لما نزلت اتفرج عليها لاقيت ان الفتيس الاوتوماتيك مافيهوش الزرار اللى بيحركه من اى وضع (p : D : R ) الى ال n فى حاله لاقدر الله العربية عطلت فى نص الطريق يعنى هتبقى عايز تشيلها ومش هتعرف تزقها لاقرب مكان مناسب يارييت حد يفيدنى فى الموضوع دة
انا فكرت قولت يمكن لما الكونتاكت يبقى مفتوح الفتيس يتحرك عادى مجرد فكرة وان شاء الله يكون ليها حل

[amrelsaqqa]

مع انى مش معايا اوتوماتيك بس اللى اعرفه ان طول ما المفتاح في الكونتاكت تقدر تحرك الفتيس من اي وضع لـ n من غير زرار الـ Shift look لحد اول ما تشيل المفتاح ساعتها ما تقدرش تحرك العصاية
وهنا في ميزة ان المفتاح ممكن يطلع على n عادى ، مش زي بعض العربيات المفتاح ما يطلعش الا لو على الـ p وما تعرفش تركن صف تانى مثلا وتمور العربية

[Mohamed_301]

مع انى مش معايا اوتوماتيك بس اللى اعرفه ان طول ما المفتاح في الكونتاكت تقدر تحرك الفتيس من اي وضع لـ n من غير زرار الـ Shift look لحد اول ما تشيل المفتاح ساعتها ما تقدرش تحرك العصاية
وهنا في ميزة ان المفتاح ممكن يطلع على n عادى ، مش زي بعض العربيات المفتاح ما يطلعش الا لو على الـ p وما تعرفش تركن صف تانى مثلا وتمور العربية

والله يارييت تبقى كدة يا باشا تبقى عربية كاملة والكماال لله وحده :))
وشكراا على الرد السرييع ويارييت حد معاه اوتوماتيك يأكدلنا المعلومة دى ;))