ثبات بيجو 301 ؟

[محمد ابوعلى]

سلام عليكم
ياجماعة
انا شوفت الموضوع دة قلقت من الثبات

http://www.nilemotors.net/Nile/369210-301.html

الثبات عامل اية ياجماعة
على سرعات عالية ؟

[mohjarr]

لم أجد أية مشكلة فى ثبات العربية حتى اﻷن... و كنت أملك سيراتو هاى لاين قبلها مع جنوط 17 وكان ثبات السيارة جيد جدا حتى أقوم بالمرور على فوارق الكبارى بالإضافة طبعا لصوت الرزع إللى معاهم سيراتو بجنوط 17 يعرفوه... لم أجد مثل هذه المشاكل مع البيجو ال 301 كما أن لى تجربة سفر بالسيارة ﻷول مرة منذ إستلمتها و لم أواجه أية مشاكل
http://www.nilemotors.net/Nile/369153-301.html

[creative_art]

ثباتها جيد .. فئة الريو والسيراتو ...... بس مش زي الالمانى او الهوندا وال genii

[Unendlich]

ثباتها جيد .. فئة الريو والسيراتو ...... بس مش زي الالمانى او الهوندا وال genii

فئة الريو و السيراتو ؟؟
هو مبدئيا دي فئة و دي فئة
و الإثنين ثباتهم وحش
ثانيا هي ال Gen 2 بقت reference في الثبات وانا مش واخد بالي ؟
ثالثا أنت عندك ال 301 أو سقتها على الأقل ولا اللي يحب النبي يفتي ؟

[Haitham G]

العربية ثباتها كويس بس متتقارنش بال 308 خالص اقدر اقول زى الشارك بس بعفشة افضل بكتير

[medori]

فئة الريو و السيراتو ؟؟
هو مبدئيا دي فئة و دي فئة
و الإثنين ثباتهم وحش
ثانيا هي ال Gen 2 بقت reference في الثبات وانا مش واخد بالي ؟
ثالثا أنت عندك ال 301 أو سقتها على الأقل ولا اللي يحب النبي يفتي ؟

ههههههه واحدة واحدة يا حاج أحمد
هى فعلا افضل من السيراتو و الريو و الكلام الفاضى دة بكتير
الgen2 مش بطالة بس برضة مش reference للثبات و ان كانت قريبة فعلا من ال301
عامة ال301 كويسة جدا على الطريق و متخليكش تقلق و انت سايق بس برضة مش زى ال508 مثلا او زى الميجان اللى كانت معايا قبل كدة او زى العربيات الالمانى عامة، كلة بتمنة، شوف بقى ال301 بكام و اى عربية المانى او اوروبى محترم بكام، يا راجل دة انا شايف ال508 اللى ب245 الف دية رخيصة فى الفئة دية لما تيجى تقارنها بالباسات اللى بقت ب 320 الف، العربيات سعرها بقى جنان اصلا

[Haitham G]

بس ايه رأيكم فى الدريكسيون والتوجيه يا رجاله تقريبا دى الحاجة الوحيدة اللى مش عجبانى الباور بتاع العربية خفيف جدا

[medori]

بس ايه رأيكم فى الدريكسيون والتوجيه يا رجاله تقريبا دى الحاجة الوحيدة اللى مش عجبانى الباور بتاع العربية خفيف جدا

هم خفيف فعلا لو قارنتة بال307 مثلا عشان هى الباور بتاعها تقيل بزيادة انما الميجان الباور بتاعها كان اخف من كدة

[Haitham G]

تمام بس انا كنت سافرت بيها ولاحظت ان الدريكسيون خفيف بفرق عن ال 308 ودى حاجة مش بتريحنى انا بحب الدريكسيون يكون تقيل شوية

[Ahmed Amin]

في حاجة كمان أحب أضيفها لأستاذ "محمد ابوعلى" صاحب الموضوع, اللي مقلق من موضوع الثبات.!

لو سئلت أي حد مالك بيجو من معارفك أو صحابك هوا اللي هيحكيلك علي ثبات البيجو عموماًً أكتر مننا,,
بيجو معروفة بثباتها من أيام ال 504 واللي شافها بتاخد غرز قدام عينة علي الطريق وهيا ماشية 100 و 120 وهيا عربية موديل 33 سنة ورا علي الأقل هتعرف يعني أيه ثبات بيجو,,
مقارنة بالإيطالي والياباني القديم..

وممكن تقرأ الكلام اللي في الصورة دا, من بروشور ال 301 نفسه, وكلام كله حقيقي ومفهوش أي مبالغة زي ما باقي شركات العربيات ما بتعمل.


نرجع بقا للموضوع اللي حضرتك واخدة Reference ليك, وعملتة سبب عشان تقلق نفسك من العربية.!
أو نقول زيادة أطمئنان عال عربية, من ناحية حاجة (الثبات) واللي هيا مفيش نقاش عليها في البيجو,,

العربية الميجان اللي الأستاذ medori ذكرها في الموضوع وبيقارنها بالبيجو 301 عربية من فئة غير فئة ال 301,,
وأنا مش عارف هوا كان معاه الصالون ولا الهاتش باك, لأنو مذكرش في الموضوع.
بس مبدئياً الميجان الهاتش زي ال 307 هاتش كدا,, مينفعش تقارن ثباتها بعربية صالون زي ال 301,,

لأن قاعدة العجلات ال wheelbase في الرينو الهاتش أقل من البيجو 301 فهيكون الثبات لصالح الرينو مع إن الفرق مش كبير,, دي حاجة.

في الرينو 2625mm,
وفي البيجو 2652mm,,
في الميني كوبر 2467mm.!






والحاجة التانية والأهم عرض العجلات Tyre size
في الرينو ميجان, سواء صالون أو هاتش باك أبعاد الكاوتش فيها 205/55R16
زي البيجو 307 هاتش باك, وال SW بالظبط.
ودي اللي مخلي العربية زي ما بيقولو عليها رجل بطة في الثبات.

وطبعاً اللي ركب بيجو 307 هاتش أو SW أو رينو ميجان, هيحكي عن الثبات سواء في الجري أو الغرز.

و دلوقتي أبعاد كاوتش ال 301 اللي بنقارنها نمعاها 185/65R15
يعني جنط أصغر, كاوتش أنحف,, وأطول.

يبقي أزااااي بنقارن دي بــ دي..

اللي عايز يقارن ثبات البيجو 301, يقارنها بحاجة زيها,
تكون صالون, ونفس أبعاد قاعدة العجلات ال Wheelbase, ونفس حجم الجنط وأبعاد الكاوتش,
حاجة كدا زي الكيا سيراتو مثلاً..

أبعاد عجلات السيراتو 2650mm, وفيها منها جنط 15, يعني هتبقي ساعتها مقارنة عادلة ومظبوطة,,
وساعتها اللي بيقارن وجرب بنفسه الأتنين,, هوا اللي هيحكم ويقول الفرق..


البيجو 301 لو ينفع يركب لها جنط 16 عريض, 205/55R16
زي أي عربية في الدنيا بتركب لها جنط عريض وأسبور,, هيفرق معاها في الثبات عن الجنط الأقل منه في العرض.
وساعتها أبقا قارن ثباتهم ببعض,,

فا تاني اللي عايز يقارن ثبات البيجو 301, يقارنها بحاجة زيها,
لكن متقارنهاليش ببيجو 307 ولا رينو ميجان.

أتمني تكون الفكرة وصلت..

[medori]

في حاجة كمان أحب أضيفها لأستاذ "محمد ابوعلى" صاحب الموضوع, اللي مقلق من موضوع الثبات.!

لو سئلت أي حد مالك بيجو من معارفك أو صحابك هوا اللي هيحكيلك علي ثبات البيجو عموماًً أكتر مننا,,
بيجو معروفة بثباتها من أيام ال 504 واللي شافها بتاخد غرز قدام عينة علي الطريق وهيا ماشية 100 و 120 وهيا عربية موديل 33 سنة ورا علي الأقل هتعرف يعني أيه ثبات بيجو,,
مقارنة بالإيطالي والياباني القديم..

وممكن تقرأ الكلام اللي في الصورة دا, من بروشور ال 301 نفسه, وكلام كله حقيقي ومفهوش أي مبالغة زي ما باقي شركات العربيات ما بتعمل.


نرجع بقا للموضوع اللي حضرتك واخدة Reference ليك, وعملتة سبب عشان تقلق نفسك من العربية.!
أو نقول زيادة أطمئنان عال عربية, من ناحية حاجة (الثبات) واللي هيا مفيش نقاش عليها في البيجو,,

العربية الميجان اللي الأستاذ medori ذكرها في الموضوع وبيقارنها بالبيجو 301 عربية من فئة غير فئة ال 301,,
وأنا مش عارف هوا كان معاه الصالون ولا الهاتش باك, لأنو مذكرش في الموضوع.
بس مبدئياً الميجان الهاتش زي ال 307 هاتش كدا,, مينفعش تقارن ثباتها بعربية صالون زي ال 301,,

لأن قاعدة العجلات ال wheelbase في الرينو الهاتش أقل من البيجو 301 فهيكون الثبات لصالح الرينو مع إن الفرق مش كبير,, دي حاجة.

في الرينو 2625mm,
وفي البيجو 2652mm,,
في الميني كوبر 2467mm.!






والحاجة التانية والأهم عرض العجلات Tyre size
في الرينو ميجان, سواء صالون أو هاتش باك أبعاد الكاوتش فيها 205/55R16
زي البيجو 307 هاتش باك, وال SW بالظبط.
ودي اللي مخلي العربية زي ما بيقولو عليها رجل بطة في الثبات.

وطبعاً اللي ركب بيجو 307 هاتش أو SW أو رينو ميجان, هيحكي عن الثبات سواء في الجري أو الغرز.

و دلوقتي أبعاد كاوتش ال 301 اللي بنقارنها نمعاها 185/65R15
يعني جنط أصغر, كاوتش أنحف,, وأطول.

يبقي أزااااي بنقارن دي بــ دي..

اللي عايز يقارن ثبات البيجو 301, يقارنها بحاجة زيها,
تكون صالون, ونفس أبعاد قاعدة العجلات ال Wheelbase, ونفس حجم الجنط وأبعاد الكاوتش,
حاجة كدا زي الكيا سيراتو مثلاً..

أبعاد عجلات السيراتو 2650mm, وفيها منها جنط 15, يعني هتبقي ساعتها مقارنة عادلة ومظبوطة,,
وساعتها اللي بيقارن وجرب بنفسه الأتنين,, هوا اللي هيحكم ويقول الفرق..


البيجو 301 لو ينفع يركب لها جنط 16 عريض, 205/55R16
زي أي عربية في الدنيا بتركب لها جنط عريض وأسبور,, هيفرق معاها في الثبات عن الجنط الأقل منه في العرض.
وساعتها أبقا قارن ثباتهم ببعض,,

فا تاني اللي عايز يقارن ثبات البيجو 301, يقارنها بحاجة زيها,
لكن متقارنهاليش ببيجو 307 ولا رينو ميجان.

أتمني تكون الفكرة وصلت..

باشا عيد سعيد اولا ليك و لكل اعضاء المنتدى و ربنا يعيد علينا الايام بالخير
انا كان معايا الميجان السيدان، بجنط 15 195/65 حديد مش سبور، و دلوقتى معايا ال301 الهاى لاين اللى بجنط 16 205/55 سبور، و انا عارف ان دية فئة و دية فئة تانية خالص بس انا بقارن العربيات اللى كانت معايا و فى نفس الوقت ال2 سيدان و انا قلت ان فرق الجنط السبور و الاكبر لل301 ممكن يعوض فرق الفئة و الwheel base رغم ان الفرق مش كبير زى ما انت قلت، لو تفتكر مناقشتنا قبل كدة قبل ما اجيب العربية عن الsuspension system و ان هى دية النقطة اللى مقلقانى من العربية، المهم لو كان صاحب الموضوع كان كمل موضوعى للاّخر كان عرف ان انا كان عندى مشكلة فى الtyre pressure للفردتين اللى ورا و دة اللى كان عامل موضوع قلة الثبات دة، و دلوقتى بعد ما اتظبط بقى احسن كتير

بس Still انا عند رأى ان الميجان كsuspension احسن بكتير من ال301 و ان كانت ال301 تتقوق على الميجان فى المقارنة فى حاجات تانية، انا كان رأيى ان ال301 تنزل بsuspension semi-independent حتى بلاش multi-link كان هيفرق مع العربية كتير أوى و مكانش هيغلى سعر العربية كتير لدرجة انة يوقف سوقها مثلا بالعكس دة كان ممكن يدخلها فى مقارنات مع عربيات فى فئات اعلى منها زى الفلوينس مثلا و يخليها تكسبها بموضوع الStability دة بس

بس برضة انا بأكد كلامى ان مع دة كلة ثبات العربية مش وحش و تجيب بيها 170-180 و انت مش قلقان بس الواحد بيبقى نفسة العربية اللى سايقها تكون احسن عربية فى كل حاجة

[Ahmed Amin]

باشا عيد سعيد اولا ليك و لكل اعضاء المنتدى و ربنا يعيد علينا الايام بالخير
انا كان معايا الميجان السيدان، بجنط 15 195/65 حديد مش سبور، و دلوقتى معايا ال301 الهاى لاين اللى بجنط 16 205/55 سبور، و انا عارف ان دية فئة و دية فئة تانية خالص بس انا بقارن العربيات اللى كانت معايا و فى نفس الوقت ال2 سيدان و انا قلت ان فرق الجنط السبور و الاكبر لل301 ممكن يعوض فرق الفئة و الwheel base رغم ان الفرق مش كبير زى ما انت قلت، لو تفتكر مناقشتنا قبل كدة قبل ما اجيب العربية عن الsuspension system و ان هى دية النقطة اللى مقلقانى من العربية، المهم لو كان صاحب الموضوع كان كمل موضوعى للاّخر كان عرف ان انا كان عندى مشكلة فى الtyre pressure للفردتين اللى ورا و دة اللى كان عامل موضوع قلة الثبات دة، و دلوقتى بعد ما اتظبط بقى احسن كتير

بس Still انا عند رأى ان الميجان كsuspension احسن بكتير من ال301 و ان كانت ال301 تتقوق على الميجان فى المقارنة فى حاجات تانية، انا كان رأيى ان ال301 تنزل بsuspension semi-independent حتى بلاش multi-link كان هيفرق مع العربية كتير أوى و مكانش هيغلى سعر العربية كتير لدرجة انة يوقف سوقها مثلا بالعكس دة كان ممكن يدخلها فى مقارنات مع عربيات فى فئات اعلى منها زى الفلوينس مثلا و يخليها تكسبها بموضوع الStability دة بس

بس برضة انا بأكد كلامى ان مع دة كلة ثبات العربية مش وحش و تجيب بيها 170-180 و انت مش قلقان بس الواحد بيبقى نفسة العربية اللى سايقها تكون احسن عربية فى كل حاجة

وأنت بالصحة والسلامة, وعيد سعيد علينا وعليك إن شاء الله..

عندي تعليق علي نقطتين من اللي أنت قلتهم,,

"كان معايا الميجان السيدان، بجنط 15 195/65 حديد مش سبور، و دلوقتى معايا ال301 الهاى لاين اللى بجنط 16 205/55 سبور"

الجنط ال 16 في البيجو 301 Allure اللي هيا أعلي حاجة أبعاد الكاوتش بتاعه 195/55,
مش 205/55 العريض زي مانت قلت,
الكاوتش ال 205/55 كان بينزل في ال 307 هاتش و SW والرينو الميجان صالون وهاتش في الجنط ال R16 الألومنيوم.

وممكن تبقي تراجع المقاس من علي الفردة عندك عشان تتأكد تاني,
أو أستاذ مهاجر لو متابع معانا يقولنا عربيتة لو بالجنط ال 16 مقاس الكاوتش عنده كام زيادة تأكيد للمعلومة.

لأن علي حد علمي مفيش بيجو 301 من أول فئة لأعلي فئة نازلة بالكاوتش 205/55R16 العريض.
دي نقطة,,

"المهم لو كان صاحب الموضوع كان كمل موضوعى للاّخر كان عرف ان انا كان عندى مشكلة فى الtyre pressure للفردتين اللى ورا و دة اللى كان عامل موضوع قلة الثبات دة، و دلوقتى بعد ما اتظبط بقى احسن كتير"

وفعلاً هوا معظم الناس اللي كانت أشتكت من الثبات في الأول, وزي ما أستاذ مهاجر برضه وضح من تجربته,, هوا أن ضغط الهواء مكانش مظبوط, ولما أتظبط العربية بقت طبيعية وزي الفل.
وزي ما أستاذ مهاجر كان موضح في موضوعه ونبه علي الجزئية أكتر من مرة للي بيستلمو جديد.


نيجي بقي للنقطة التانية, اللي هتجيب لي النقطة.. و اللي أنت تاعبني فيها من أيام الموضوع القديم,,
دا لنك للموضوع للي مقرهوش,, وعايز يعرف أكتر عن العفشة, ونظام التعليق الخلفي,

http://www.nilemotors.net/Nile/363514-15-6-a-2.html#post3875060204

"بس Still انا عند رأى ان الميجان كsuspension احسن بكتير من ال301 و ان كانت ال301 تتقوق على الميجان فى المقارنة فى حاجات تانية، انا كان رأيى ان ال301 تنزل بsuspension semi-independent"

يا رااااجل يعني بعد الهري اللي أنا هريته في الموضوع التاني, وال Technical details اللي جبتهالك وفصصتهالك حتة حتة, وجبتهالك من كل حتة,,

لسه راجع تقولي كان رأيك إن ال 301 المفروض تنزل ب semi-independent. أومال هيا نازلة بأيه ؟؟ أشق هدومي يعني..


يا باشا رينو ميجان صالون, أو هاتش, بيجو 307 هاتش, أو SW, كله torsion-beam اللي هوا هوا semi-independent.
لكن بقي لو لسه مصمم إن عفشة الميجان الخلفية أحسن من البيجو, طبعاً دي ازواق أو أحساس بيختلف من حد لتاني وبرحاتك فيها دي مفهاش خلاف.

"حتى بلاش multi-link كان هيفرق مع العربية كتير أوى و مكانش هيغلى سعر العربية كتير لدرجة انة يوقف سوقها مثلا بالعكس دة كان ممكن يدخلها فى مقارنات مع عربيات فى فئات اعلى منها زى الفلوينس مثلا و يخليها تكسبها بموضوع الStability دة بس"

طيب خلينا نتكلم بالعقل كدا,, لو كان في عربية هينزل فيها عفشة multi-link زي مانت عايز ونفسك فيها,
هيبيق أولي ساعتها تنزل في ال 308 مثلاً أو ال 3008,, عشان عربيتين فئتهم السعرية أعلي, ومش متصممين في الأساس عشان تكون عربيات أقتصادية, ولا تنزل في عربية متصممة من الأساس عشان تكون أقتصادية ويرفعو سعرها وتدخل في رينج ال 150 و 160 ألف جنيه.؟!
وساعتها هتبقي رقصت عال سلم, لا حصلت أقتصادي ولا عربية مريحة زي ال 308 و ال 3008.


بدليل إن بيجو لما عملت ال 508 كان من بداية التصميم العربية انها هتبقي عربية فخمة عشان يرجع أسم الفئة الخامسة في بيجو بتاع زمان بتاع الراحة والأداء زي أيام ال 505 وال 504.
عشان كدا أهتمو بالموضوع دا وعملو نظام التعليق الخلفي multi-link وشوف سعرها وصل كام

الفلوانس زات نفسها الل انت بتقول لو بيجو عملت عفشة مالتي لنك عشان تنافسها الهاي لاين فيها دلوقتي بتتكلم في 195 ألف جنيه,
وعفشتها برضه torsion-beam semi-independent,
زي ال 301.

طيب بالعقل أزاي شركة زي بيجو هتنزل عربية المفروض أقتصادية وبسعر أقتصادي عشان تقدر تعمل مبيعات وتنجح في دول العالم التالت زي حالتنا, وأزاي تطلب منها أنها تحط عفشة multi-link من اللي بتنزل في 508 وال BMW المرسيدس C Class وانت طالع لأن ال A & B Class عفشتهم torsion beam برضه.!! وطبعاً أسعارهم حدث ولا حرج.

وأنا معرفش تكلفة نظام التعليق الخلفي multi-link بكام, بس اللي شايفة إن كل العربيات اللي فيها مالتي لنك غالية جداً, ولو طلبته في بيجو 301 سعرها هيزيد بشكل درامي وممكن تبقي رينج ال 150 و 160 ألف.!

يبقي هتعمل عربية أقتصادية أزاي,, بأغلي نظام تعليق خلفي في السوق ؟؟
مينفعش يا ميدو باشا.

تحياتي ليك.

[Haitham G]

مقاس الاطارات فعلا 195/55 r16

[medori]

وأنت بالصحة والسلامة, وعيد سعيد علينا وعليك إن شاء الله..

عندي تعليق علي نقطتين من اللي أنت قلتهم,,

"كان معايا الميجان السيدان، بجنط 15 195/65 حديد مش سبور، و دلوقتى معايا ال301 الهاى لاين اللى بجنط 16 205/55 سبور"

الجنط ال 16 في البيجو 301 Allure اللي هيا أعلي حاجة أبعاد الكاوتش بتاعه 195/55,
مش 205/55 العريض زي مانت قلت,
الكاوتش ال 205/55 كان بينزل في ال 307 هاتش و SW والرينو الميجان صالون وهاتش في الجنط ال R16 الألومنيوم.

وممكن تبقي تراجع المقاس من علي الفردة عندك عشان تتأكد تاني,
أو أستاذ مهاجر لو متابع معانا يقولنا عربيتة لو بالجنط ال 16 مقاس الكاوتش عنده كام زيادة تأكيد للمعلومة.

لأن علي حد علمي مفيش بيجو 301 من أول فئة لأعلي فئة نازلة بالكاوتش 205/55R16 العريض.
دي نقطة,,

"المهم لو كان صاحب الموضوع كان كمل موضوعى للاّخر كان عرف ان انا كان عندى مشكلة فى الtyre pressure للفردتين اللى ورا و دة اللى كان عامل موضوع قلة الثبات دة، و دلوقتى بعد ما اتظبط بقى احسن كتير"

وفعلاً هوا معظم الناس اللي كانت أشتكت من الثبات في الأول, وزي ما أستاذ مهاجر برضه وضح من تجربته,, هوا أن ضغط الهواء مكانش مظبوط, ولما أتظبط العربية بقت طبيعية وزي الفل.
وزي ما أستاذ مهاجر كان موضح في موضوعه ونبه علي الجزئية أكتر من مرة للي بيستلمو جديد.


نيجي بقي للنقطة التانية, اللي هتجيب لي النقطة.. و اللي أنت تاعبني فيها من أيام الموضوع القديم,,
دا لنك للموضوع للي مقرهوش,, وعايز يعرف أكتر عن العفشة, ونظام التعليق الخلفي,

http://www.nilemotors.net/Nile/363514-15-6-a-2.html#post3875060204

"بس Still انا عند رأى ان الميجان كsuspension احسن بكتير من ال301 و ان كانت ال301 تتقوق على الميجان فى المقارنة فى حاجات تانية، انا كان رأيى ان ال301 تنزل بsuspension semi-independent"

يا رااااجل يعني بعد الهري اللي أنا هريته في الموضوع التاني, وال Technical details اللي جبتهالك وفصصتهالك حتة حتة, وجبتهالك من كل حتة,,

لسه راجع تقولي كان رأيك إن ال 301 المفروض تنزل ب semi-independent. أومال هيا نازلة بأيه ؟؟ أشق هدومي يعني..


يا باشا رينو ميجان صالون, أو هاتش, بيجو 307 هاتش, أو SW, كله torsion-beam اللي هوا هوا semi-independent.
لكن بقي لو لسه مصمم إن عفشة الميجان الخلفية أحسن من البيجو, طبعاً دي ازواق أو أحساس بيختلف من حد لتاني وبرحاتك فيها دي مفهاش خلاف.

"حتى بلاش multi-link كان هيفرق مع العربية كتير أوى و مكانش هيغلى سعر العربية كتير لدرجة انة يوقف سوقها مثلا بالعكس دة كان ممكن يدخلها فى مقارنات مع عربيات فى فئات اعلى منها زى الفلوينس مثلا و يخليها تكسبها بموضوع الStability دة بس"

طيب خلينا نتكلم بالعقل كدا,, لو كان في عربية هينزل فيها عفشة multi-link زي مانت عايز ونفسك فيها,
هيبيق أولي ساعتها تنزل في ال 308 مثلاً أو ال 3008,, عشان عربيتين فئتهم السعرية أعلي, ومش متصممين في الأساس عشان تكون عربيات أقتصادية, ولا تنزل في عربية متصممة من الأساس عشان تكون أقتصادية ويرفعو سعرها وتدخل في رينج ال 150 و 160 ألف جنيه.؟!
وساعتها هتبقي رقصت عال سلم, لا حصلت أقتصادي ولا عربية مريحة زي ال 308 و ال 3008.


بدليل إن بيجو لما عملت ال 508 كان من بداية التصميم العربية انها هتبقي عربية فخمة عشان يرجع أسم الفئة الخامسة في بيجو بتاع زمان بتاع الراحة والأداء زي أيام ال 505 وال 504.
عشان كدا أهتمو بالموضوع دا وعملو نظام التعليق الخلفي multi-link وشوف سعرها وصل كام

الفلوانس زات نفسها الل انت بتقول لو بيجو عملت عفشة مالتي لنك عشان تنافسها الهاي لاين فيها دلوقتي بتتكلم في 195 ألف جنيه,
وعفشتها برضه torsion-beam semi-independent,
زي ال 301.

طيب بالعقل أزاي شركة زي بيجو هتنزل عربية المفروض أقتصادية وبسعر أقتصادي عشان تقدر تعمل مبيعات وتنجح في دول العالم التالت زي حالتنا, وأزاي تطلب منها أنها تحط عفشة multi-link من اللي بتنزل في 508 وال BMW المرسيدس C Class وانت طالع لأن ال A & B Class عفشتهم torsion beam برضه.!! وطبعاً أسعارهم حدث ولا حرج.

وأنا معرفش تكلفة نظام التعليق الخلفي multi-link بكام, بس اللي شايفة إن كل العربيات اللي فيها مالتي لنك غالية جداً, ولو طلبته في بيجو 301 سعرها هيزيد بشكل درامي وممكن تبقي رينج ال 150 و 160 ألف.!

يبقي هتعمل عربية أقتصادية أزاي,, بأغلي نظام تعليق خلفي في السوق ؟؟
مينفعش يا ميدو باشا.

تحياتي ليك.

نقطة المقاس دية غلطة مطبعية منى هو 195/55 فعلا

ضغط الهوا انا كنت ظبطتة يوم ما استلمت العريبة بس كان فى حاجة غلط فى المكنة بتاعت النيتروجين تقريبا خلت الضغط فى الكاوتش 37 بدل 32 و كان فيهم كاوتش 35 يعنى كانوا فى الضياع كلهم

الsuspension بقى، بعد مراجعة المصادر الكتير اللى دورت فيهم ساعتها، انا مش متفق مع حضرتك ان الdesign بتاع الrear suspension بتاع ال301 زى الميجان و دية اتأكدت منها لما سوقت العربية و لما شوفتها لما اترفعت فى bridgestone اول امبارح بس نسيت اصورها للاسف

ال307، 308،3008 كلهم wishbone fully independent مش semi-independent و ال508 multi-link

الfluence فعلا torsion beam عشان كدة كنت بقول لو كان الdesign بتاع ال301 مختلف كان ممكن يدخلها فى المقارنة مع الفلوينس و يخليها تكسب كمان لأن دة عيب الفلوينس الأشهر و اللى انا مش فاهمة، لية غيروا الsuspension فى الفلوينس عن الميجان رغم انها تعتبر الموديل الأحدث اللى حاولوا يتفادوا فية عيوب الميجان السيدان

انا مقولتش ينزلوها multi-link بس كان ممكن يخلوها sophisticated شوية عن كدة و دة كان هيزود تمن العربية فى حدود 5000 ل 7000 مش هيدخلها فى category تانى اعلى و ممكن ميغليهاش اصلا لان اختها الاليزية ارخص ب6000 already

[Ahmed Amin]

بصراحة يا أستاذ ميدو أنت صدمتني بردك وفقعتني بصراحة,
ودا نفس اللي حصل في الموضوع التاني,, وهتخليني ماليش نفس أرد علي مشاركاتك تاني وأبقي أسيبك تتكلم براحتك,,

عشان مش معقول أبداً أنو بعد ما نكون بتكلم في جزئية وبنتناقش فيها في الموضوع دا والموضوع اللي فات "وهيا نظام التعليق الخلفي للعربيتين", سواء torsion-beam أو multi-link.

الأقيك في الأخر جاي تقولي العربيات 307 و 308 دي wishbone fully independent
اللي هوا أصلاااااً نظام تعليق أمامي, مش خلفي.!!!



ممكن أعرف منك بس أنت جيبت كلمة wishbone fully independent منين ؟
لأن بجد, مع أحترامي ليك أنت فقعتني بالكلمة دي. إن نظام تعليق العربيات بقي wishbone بدل torsion-beam.! طيب فين دليلك علي كدا, ولا أنت بترمي كلمة وبتجري,,

دي حاجة تضايق بصراحة لأن الكلام كدا بقي ماشي شمال وأي تخبيط بيتقال, من غير أي مرجع,,
اللي قدام رجعته ورا, واللي ورا هيطلع قدام.!

طيب ليه كدا ؟؟

طيب أنت عارف هوا أيه ال wishbone أصلاً ؟؟ ولا عملت جوجل وعرفت هوا ايه بالظبط.؟؟
ولا لقيته قدامك فكتبته كدا وخلاص,,

طيب هقولك أنا هوا أيه, عشان تعرف ليه أنا أتفقعت لما قريت الكلمة دي,

ال307، 308،3008 كلهم wishbone fully independent مش semi-independent و ال508 multi-link

ال wishbone دا ياباشا اللي أنت خليته نظام تعليق.. دا الدراع اللي بيمسك في الشمعدان, اللي هوا المقص,, ودا شكله,,





قولي بقي, هوا كدا دا نظام التعليق الخلفي بالنسبة لك ؟؟ المقص دا جاي تقولي عليه إنو نظام التعليق بتاع ال 307 وال 308 وال 3008.!!

طيب فين بقي فين العمود الخلفي العريض "torsion-beam" اللي ماسك العجلتين ببعض, واللي راكب عليه المساعدين والسوست واللي الطنابير في الأخر واصلة بيه, وراكب عليها العجل عشان العربية تمشي. ؟؟

واللي "الكوكتيل" دا كله في الأخر أسمه torsion-beam في العربيات الأقتصادية و multi-link في العربيات العالية, والأتنين بالعربي أسمهم قنطرة.

ال307، 308،3008 كلهم wishbone fully independent مش semi-independent و ال508 multi-link

ثانياً أنت اللي كنت بتقول أنها Semi Semi, ومش Torsion
ودلوقتي بتقول أنها Full بس ويشبون !!
أنا اللي كنت قايلك من شهرين أنهم يعتبرو Full independent بس أنت بتنسي,




العربيات عموماً ليها نظامين تعليق مشهورين قدام 1- MacPherson
و 2- wishbone .!

ونظامين تعليق خلفي مشهورين, 1- torsion beam
2- multi-link.

وكل عربياتنا بنسبة 90% نظام التعليق الأمامي فيها MacPherson
بيجو 307, 308, 508, 3008, أسبورتاج, قشقاي, رينو.
ومع إن البيجو 508 مالتي لنك ورا, وماكفيرسون قدام.
كان في عربية صالون أفرس منها قبلها بس أتظلمت في مصر عشان كانت نازلة ديزل ال 407
دي كانت multi-link ورا, و double wishbone قدام.


فمفيش حاجة أسمها

ال307، 308،3008 كلهم wishbone fully independent مش semi-independent

الsuspension بقى، بعد مراجعة المصادر الكتير اللى دورت فيهم ساعتها، انا مش متفق مع حضرتك ان الdesign بتاع الrear suspension بتاع ال301 زى الميجان و دية اتأكدت منها لما سوقت العربية و لما شوفتها لما اترفعت فى bridgestone اول امبارح بس نسيت اصورها للاسف

طيب دي بقي صورة مني ليك,, من علي السيرفس بوكس بتاع بيجو,, للبيجو 301.
وجايب لك صورة واضحة لنظام التعليق الخلفي بتاعها أهو واضح فيها ال torsion beam بكل مشتملاته بسلاطاته ب بابا غنوجة, منتاش محتاج تصورة عشان تقولي أنو حاجة تانية.


وأدي بتاع الميجان اللي هوا torsion beam برضه, نفس التصميم وال layout ومنتاش محتاج تصورهولي عشان تقولي أنو حاجة تانية.





طلعو واحد ونفس الشكل وال layout ولا لأ ؟
وعندك دا كمان بتاع التويوتا كورولا,


ودي أخر ميجان كوبيه,

كدا أنت شفت صور ال torsion-beam كلها,