ثبات بيجو 301 ؟

[Ahmed Amin]

شوف شكل ال multi-link ورا مع ال double wishbone قدام


Rear Multi Link
طبعاً الفرق واضح وتقدر تميزه بسهولة عن ال torsion beam.


Front Double Wishbone

[Ahmed Amin]

الfluence فعلا torsion beam عشان كدة كنت بقول لو كان الdesign بتاع ال301 مختلف كان ممكن يدخلها فى المقارنة مع الفلوينس و يخليها تكسب كمان لأن دة عيب الفلوينس الأشهر و اللى انا مش فاهمة، لية غيروا الsuspension فى الفلوينس عن الميجان رغم انها تعتبر الموديل الأحدث اللى حاولوا يتفادوا فية عيوب الميجان السيدان

عفشة أيه اللي غيروها في الفلوانس عن الميجان ؟؟ الأتنين واحد torsion-beam

انا مقولتش ينزلوها multi-link بس كان ممكن يخلوها sophisticated شوية عن كدة و دة كان هيزود تمن العربية فى حدود 5000 ل 7000 مش هيدخلها فى category تانى اعلى و ممكن ميغليهاش اصلا لان اختها الاليزية ارخص ب6000 already

يعني ينقول عربية أقتصادية, ومعموله عشان يبقي سعرها في متناول الطبقة المتوسطة,,
وبنبسط الدنيا علي قد ما نقدر عشان نقلل تكاليف التصنيع, ونقدم حاجة بمواصفات أوروبي بسعر تنافسي,,
يعني متبقاش ناشفة لعربي أووي علي الناس في الكامليات زي الرينو اللوجان مثلا أو النيسان صني مثلاً وفي نفس الوقت متبقاش أوفر.
وأنت أنت تقولي بقي يخلوها sophisticated شوية ويعقدوها. يا رااااااااجل

بص هقولك علي حاجة مبدئياً قنطرة الفلوانس جديدة من التوكيل عاملة 12 ألف جنية, اللي هيا torsion-beam وفاضية
فمتفترضش إن ال multi-link هيزيد 5 ولا 7 ألاف لأن بالشكل دا أكيد ال Multi-link هتزيد أكتر و منعرفش هتبقي عاملة كام..

في نفس الوقت أنا شايف أنو منطقي أكتر زي ما عملت بيجو وكل الشركات بتعمل بما فيهم الرينو, إن كل العربيات الصالون الصغيرة small to medium family car
بتبقي torsion-beam

الحاجات العالية بس زي ال 508 وال 407 هيا اللي بتاخد Multi-link لأنها عربية بيتنزل فيها كل حاجة من رفاهية وراحة,, ونازلة في الأساس في كاتيجوري أعلي وسعرها وبتستهدف طبقة معينة من المشترين.
فال برايس تاج حتي لو كان عالي المشتري هيكون راضي بيه لأنه طالب كماليات مع راحة,,


لكن لما تيجي مع الراجل اللي بيفكر يشتري 301 في الوقت الحالي عشان هيا Best value for money بالنسبة للسوق وتقولي عقد لي العربية شوية عليه,
يبقي دا تفكير من رأيي مش منطقي.!

وسعر الأليزيه دا مينفعش يقارن بالبيجو, مع أنهم نفس الكتيجوري وأخوات بس تصميمهم الداخلي مختلف لصالح البيجو من رأيي,
دا غير أن إسم بيجو ليه سعره زي البي أم والمرسيدس في السوق عن السيتروين والرينو..

واللي أنا شفته في حياتي إن عربيات بيجو بتعيش ليومنها هذا أكتر من سيتروين ورينو مش عارف ليييييه.
كله بتمنه.

[battot90]

ثباتها حلو جدا في المستقيم لحد 180 190 ولا تقواك لا مهما كان حجم مطبات الهوا وعن تجربة لكن بروكن ارو اللي هي بتاخد غرزة من عربية تدخل غرزة عكس اتجاه الاوانية يعني غرزتين في مسافة ققل من اربع اضعاف عربيتك اخري كان 130 فيها اما الغرزة العدية دي بتبقي شطارت سواق في لمة العربية وطريقة اخدان الغرزة بس انا قيلل كده عمات غرزة ضيقة جدن كانت حوالي 140 اكتر من كده حاجة بسيطة يس حقولك علي حاجة في ناس كتير بتعملها يجي خلاص خارج من الغرزة بيقوم مشعر فرامل بيبقي في عجلتن غليهم وزن العربية تقيل وال اتنين التين خفاف فلما يقوم مجي مشعر فرامل الebd بيفتكر العربية بتتزحلق فبيقوم شغال يعدل مسار العربية بس اكيد مش ذي ال esp لان الesp بيشتل من غير فرامل لاكن ده لازم فرامل اللي قالي الموضوع ده مهندش في بي ام وجربتها كذة مرة بس كتير بعملعا غصب عني الني بلاقي واحد في وشي
wide rotation اللي هي زوية دوران الطريق لمسافة مثلا 2-3 كم وزاوية دوران الطريق بتبقي من 0ل 45انا دخلت ملف زويته من 40 ل 30 دخلتوا 140 خلصتوا 165 و كانت ستابل والطرد المركزي مكنش زي قوت الملف

[Ahmed Amin]

غورزة بروكن ارو؟؟
بص هيا طالما المسألة وصلت بيك لأنك تاخد الغرزة زي السهم كدا,

أنا قلت لك من شوية أأمن لو لسه مأمنتش صح, دلوقتي بقلك ركب roll cage كمان.!
ما يقع إلا الشاطر يا باشا, خليك علي مهلك, خليها حلقة في ودنك لو أنت شاطر, البهايم حواليك كتير..
ممكن تبقي طالع من غرزتك مظبوط وزي الفل, وتلاقي واحد جاي واخد غورزة من الحارة اللي عكسك ومش باصص ناحيتك زي مانت باصص عليه, ويحضن عربيتك. بعد الشر يعني لأن كل دا بيحصل في ثواني,,

[Ahmed Amin]

أنا نسيت أضيف لك أهم صورة أمبارح اللي بتتكم عن نظام التعليق الأمامي, وشرح مبسط ليهم عشان تعرف الفرق بين ال
1- MacPherson
2- double wishbone

الماكفيرسون بسيط تصميمة صورته زي اللي في الصورة دي,, واللي مستخدم في كل عربياتنا.
أما double wishbone تصميمة زي اللي في صورة ال 407 فوق, ومش بينزل غير في العربيات العالية أوي وعربيات السبق.

والشرح أهو,,


Reference: HowStuffWorks "Front Suspensions"

[medori]

LeitoSR باشا، ولا افقعك و لا حاجة مش مستاهلة

معلوماتى عن العربيات بجيبها من الموقع دة
Peugeot 308 Active 1.6 VTi, Automatic, 2011, 120 Hp, 5 doors Technical Specifications, CO2

شكرا لردود حضرتك

[أحمد زكريا]

أنا نسيت أضيف لك أهم صورة أمبارح اللي بتتكم عن نظام التعليق الأمامي, وشرح مبسط ليهم عشان تعرف الفرق بين ال
1- macpherson
2- double wishbone

الماكفيرسون بسيط تصميمة صورته زي اللي في الصورة دي,, واللي مستخدم في كل عربياتنا.
أما double wishbone تصميمة زي اللي في صورة ال 407 فوق, ومش بينزل غير في العربيات العالية أوي وعربيات السبق.

والشرح أهو,,


reference: howstuffworks "front suspensions"

مااقدرش أقول غير كلمة واحدة بس انت عبقري و حببتني في عربيتي اكتر ما أنا حاببها و كلامك منطقي جداً مش عشان أنا بملك العربية دي ..
بس بالراحة على أحمد السيد الراجل بيحاول يرد من الأماكن اللي قرأ منها و هو شكله بيعاني من موضوع الستابيلتي كل سنة و انتم طيبين .
مستني موضوعاتك الغزيرة يا عبقر :)

[lad]

لا نقاش محترم فعلا

[Ahmed Amin]

مااقدرش أقول غير كلمة واحدة بس انت عبقري و حببتني في عربيتي اكتر ما أنا حاببها و كلامك منطقي جداً مش عشان أنا بملك العربية دي ..
بس بالراحة على أحمد السيد الراجل بيحاول يرد من الأماكن اللي قرأ منها و هو شكله بيعاني من موضوع الستابيلتي كل سنة و انتم طيبين .
مستني موضوعاتك الغزيرة يا عبقر :)

ربنا يخليك يا أستاذ أحمد, دا من زوقك بس,,
وأنا لا عبقري ولا حاجة عادي يعني, أنا بس بحب أقرا في الحاجة وأفصصها علي قد ما أقدر عشان أفهمها كويس وأستفاد, وأفيد أي حد مكنش يعرف الحاجة دي زيي بعد كدا.

بالنسبة لأستاذ أحمد السيد, أنا أعزة وأحترمة كشخصية من غير حاجة لأنه واضح من أسلوبة أنو راجل محترم,
بس لما قلت له أنو فقعني, كنت بقوله اللي أنا حسيت بيه من أحباط من رده,, من غير ما أخبي ولا أكذب.

لأنه في الموضوع القديم لما أتكلم من غير دراية علي نظام التعليق الخلفي وأفتي فيه بأنهم حاجاتين مختلفتلين, بأن الرينو الميجان والبيجو 301 عفشتهم مختلفتين من غير ما يقرأ عنهم كويس الأول,
أنا كلمته براحة ساعتها عشان حسيت أن عنده لبس,
وكتبت له رد طويل وأخد مني وقت طبعاً عشان بس أشرحله الفرق وأتاكد إن المعلومة وصلت له ومكروتش الرد أو طنشت ومكنتش منتظر منه كلمة شكر كنت عايز بس أوضحه له الفرق..

فلما لاقيته هنا في الموضوع دا بيكرر نفس الكلام, يبقي معناها إن الرد اللي كتبتهوله قبل كدا والوقت اللي أخدته فيه راح في الهوا,

ومكنتش أتعب نفسي بقي, لأنه متقرأش ولا عمل جوجل عليه بعدها عشان يتأكد من صحتة صح ولا غلط.

في الأخر لما قالي بقي إن كل العربيات اللي أتكلمنا عليها أنهم wishbone من ورا
واللي معروف لأي حد بيفهم في العربيات أنهم MacPherson قدام torsion-beam ورا,

وقال كدا عشان قرأ كلمة في موقع مألف وكاتب علي كل العربيات البيجو أنهمwishbone ورا.!!! ومفيش حاجة أسمها نظام تعليق wishbone خلفي.
فيه torsion-beam و multi-link

طيب أعاتبك هنا يا أستاذ أحمد, كنت زيد تأكيد من موقع تاني, أعمل جوجل علي موقعين كمان,,!
بس مش أول تلاقي كلمة جديدة علي موقع مش مظبوط تيجي تقولي إن كل كلامي اللي قلته والشرح اللي أخدت فيه وقت وبحث أنو غلط.


بالمناسبة أنا لما بصيت علي الموقع اللي أنت ذكرته عشان معلوماته عاملة إزاي لأقتيه مش كاتب علي البيجو ال 407
اللي هيا multi-link ورا, و double wishbone قدام. وحاجة مميزة ونادرة.

الموقع كأتب أنها independent قدام, ومش كاتب أنها double wishbone.
Peugeot 407 Premium 2.0 HDiF 16V, Manual, 2006, 136 Hp, 4 doors Technical Specifications, CO2

والبيجو 508 اللي هيا Multi-link ورا,, و MacPherson قدام مش كاتب
الموقع كأتب أنها independent قدام برضه, ومش كاتب أنها MacPherson .
Peugeot 508 Active 1.6 THP, Sequential Automatic, 2010, 156 Hp, 4 doors Technical Specifications, CO2

أيه ظروف الموقع دا بقي,, ؟؟ مش تمام كدا,,



أخر حاجة أنا معنديش مشكلة أني أطلع غلطان في حاجة وحد يصلحهالي, بالعكس ببقي مبسوط جداً أني عرفت الصح بتاعها, وبستفاد من المناقشة,,
لكن الحال في أخر مشاركة مع أستاذ أحمد أنو كان عايز يغلط كلامي من غير ما يكون عارف معني اللي بيقوله أويعمل بحث كفاية,,
وأكتفي بنتيجة غلط من غير ما يتأكد منها تاني وأعتمد عليها في أنو يقول إن كلامي غلط.!


وأنا بطبعي مش بعرف أشوف حاجة مكتوبة غلط, ومعلقش عليها.
ولما بكون عارف حاجة برد فيها وبالتفصيل, لو مش عارف ببحث وأتاكد من أكتر من مصدر قبل ما أرد,

ولو مكنش يهمني أني أصلح لأستاذ أحمد معلومته بالصح,, وتكون المعلومة بالصور والمراجع التقنيه من المواقع اللي بتشرح مش مجردرمي كلمة في موضوع وخلاص,
مكنتش رديت عليه الردود الطويلة دي في الموضوع دا والتاني,,
وكنت تجاهلت رده وموضحتلوش الفرق, ليه ولغيرة من اللي هتقرا مشاركتنا وتستفيد من النقاش.


سامحوني لو طولت في الرد, بس انا حبيت أوصل وجهة نظري, وأتمني أستاذ أحمد ميكونش مضايق مني, ويكون أستفاد من مناقشتنا أنهارده وأتعلم أنا منه بكرة حاجة جديدة.

تحياتي ليك أستاذ أحمد زكريا, ولأستاذ أحمد السيد,
وأنا أخوكم التالت أحمد أمين.

[Ahmed Amin]

بالنسبة لل 407 التحفة اللي أتكلمنا عليها علي أنها double wishbone قدام, و multi-link ورا,,
دي شوية مواقع طلعت معايا في البحث بتاعتي حبيت أشاركها معاكم للي مهتم يقرأ عنها,
أو يتأكد من موضوع التعليق الخلفي بتاعها.

1- Peugeot 407





2- Peugeot 407 | evo Car Reviews | Car Reviews | evo



3- Peugeot 407 - CarMag.co.za



4- Peugeot - Showroom





بالنسبة للبيجو 308 و 3008
الأتنين MacPherson قدام,, و torsion-beam ورا.
مفيش حاجة قالت أنهم

ال307، 308،3008 كلهم wishbone fully independent مش semi-independent

1- Peugeot 308 Touring Review | Reviews | Prices | Australian specifications




2- Peugeot 308 Allure 2.0 HDi: review | carsguide.com.au



وأخر حاجة موقع autocar.co.uk لل 3008

3- Peugeot 3008 review - design | Autocar

[mahmoudmarei3]

السيارة حتى الان جميلة جدا اا جبت بيها 160 ومش حاسس

[medori]

اعتذار واجب منى يا جماعة لLeitoSR

انا كنت بمارس اقوى انواع الجهل على الإطلاق و هو المجادلة من غير ما اتأكد من كلامى نظرا لأنى كنت بتكلم عن تجربتى الشخصية مع عربيتين ال301 و الميجان و عشان مكنش عندى وقت كفاية انى اتأكد من الsuspension system بتاع الميجان فكنت مطمن للى انا بقولة عشان دية تجارب شخصية

بعد بحث مكثف اتأكدت فعلا انهم نفس الحاجة رغم اصرارى أنهم مختلفين فى السواقة و فى احساسى بالعربية و دة نتيجة اختلاف وزن العربية و الaerodynamics بتاعتها و الwheel base

btw, الsuspension دة هوا اللى نازل فى عربيات كتير برضة زى السيراتو مثلا و مع ذلك الstability بتاعتها اقل من ال301 نتيجة اختلاف الdesign بتاع العربية نفسها و مركز الثقل بتاعها

[Ahmed Amin]

اعتذار واجب منى يا جماعة لLeitoSR

انا كنت بمارس اقوى انواع الجهل على الإطلاق و هو المجادلة من غير ما اتأكد من كلامى نظرا لأنى كنت بتكلم عن تجربتى الشخصية مع عربيتين ال301 و الميجان و عشان مكنش عندى وقت كفاية انى اتأكد من الsuspension system بتاع الميجان فكنت مطمن للى انا بقولة عشان دية تجارب شخصية

بعد بحث مكثف اتأكدت فعلا انهم نفس الحاجة رغم اصرارى أنهم مختلفين فى السواقة و فى احساسى بالعربية و دة نتيجة اختلاف وزن العربية و الaerodynamics بتاعتها و الwheel base

btw, الsuspension دة هوا اللى نازل فى عربيات كتير برضة زى السيراتو مثلا و مع ذلك الstability بتاعتها اقل من ال301 نتيجة اختلاف الdesign بتاع العربية نفسها و مركز الثقل بتاعها

ياباشا أولاً أنا بحييك علي ردك دا, وعلي شجاعتك دي,,
ومفيش إعتذار واجب ولا حاجة متكبرش الموضوع,

كفاية عليا بس أنك عرفت الفرق ما بينهم, وإن تعبي في الردود عشان أوضح لك الفرق ما بينهم مراحش هدرر.

وأنا أتشرفت بمعرفة حد محترم زي حضرتك.


وفعلاً ال torsion-beam اللي في الأوروبي غير اللي بينزل في الكوري, لأن الأوربي ليه أساتندرد مختلف عن الكوري, والماتيريال اللي بيتعمل منها الأوروبي غير بتاعت الكوري والياباني وأنعم أكتر عن تجربة لأكتر من عربية أوروبي وياباني وكوري.

وأنا كنت موضح دا قبل كدا في مشاركة في شهر 6 اللي فات للناس اللي كانت قلقانة من الموضوع دا.

http://www.nilemotors.net/Nile/363514-15-6-a-2.html#post3875060778

بس أنت عندك الناس عندنا بتحب تخوف نفسها من أي حاجة حتي لو مفيش سبب للخوف,
اللي بيحصل مع البيجو 301 دلوقتي زي اللي حصل مع السيراتو أول ما نزلت كدا,,


كانت السيراتو وقتها سعرها ممتاز أوي علي الكماليات اللي فيها, بغض النظر عن بلد منشأها.
الناس علي المنتدي بقي سابت كل الكماليات والأوبشن اللي فيها وشكلها الحلو وسعرها اللي خلاها صفقة ممتازة وقتها كا مميزات مع سعر وقتها, ومحدش أتكلم عن الأمان حتي,,
سابو كل دا ومسكو في العفشة الخلفية, وقعدو يقولو ليه مش مالتي لنك ومش عارف أييه .!!

من غير ما يعرفو حتي ليه العربية منزلتش مالتي لنك,,
وإن المالتي لنك مش بينزل في أي عربية, ولازم يكون ليها عرض معين الأول عشان ينفع يركب فيها لأنه بياخد مساحة أكبر من تحت وبيأثر علي الكنبة الخلفية علي عكس الtorsion-beam.
وسبب في أختيار ال torsion-beam في العربيات الأقتصادية والهاتش باك أنو بيوفر مساحة أكبر للكنبة الخليفة وعرضها.
غير كدا هتبقي الكنبة الخلفية ضيقة ومش هتحقق نجاح في السوق,

غير أنه هيرفع ال Price tag للعربية لأن تكلفته أعلي, ودا مش هيبقي مناسب لعربية نازلة تبقي أقتصادية,

لأن أي شركة عربيات عايزة تنزل العربية عشان تنافس في السوق وتحقق مبيعات وتنجح وتنتشر زي ما حصل مع السيراتو,
وعشان حتي العربيات اللي مش أقتصادية زي ال 308 و ميجان وفلوينس في فئة متوسطة بتنزل torsion-beam مش مالتي لنك.

تحياتي ليك يا أستاذ أحمد.

[أحمد زكريا]

مبسوط جداً بيكم و بااعتبركم ضمن أهم ثلاثة في قسم البيجو مع مهاجر ..
بس طبعاً البرنس أحمد أمين رقم 1
مستمتع جداً

[piroo]

في حاجة كمان أحب أضيفها لأستاذ "محمد ابوعلى" صاحب الموضوع, اللي مقلق من موضوع الثبات.!

لو سئلت أي حد مالك بيجو من معارفك أو صحابك هوا اللي هيحكيلك علي ثبات البيجو عموماًً أكتر مننا,,
بيجو معروفة بثباتها من أيام ال 504 واللي شافها بتاخد غرز قدام عينة علي الطريق وهيا ماشية 100 و 120 وهيا عربية موديل 33 سنة ورا علي الأقل هتعرف يعني أيه ثبات بيجو,,
مقارنة بالإيطالي والياباني القديم..

وممكن تقرأ الكلام اللي في الصورة دا, من بروشور ال 301 نفسه, وكلام كله حقيقي ومفهوش أي مبالغة زي ما باقي شركات العربيات ما بتعمل.


نرجع بقا للموضوع اللي حضرتك واخدة reference ليك, وعملتة سبب عشان تقلق نفسك من العربية.!
أو نقول زيادة أطمئنان عال عربية, من ناحية حاجة (الثبات) واللي هيا مفيش نقاش عليها في البيجو,,

العربية الميجان اللي الأستاذ medori ذكرها في الموضوع وبيقارنها بالبيجو 301 عربية من فئة غير فئة ال 301,,
وأنا مش عارف هوا كان معاه الصالون ولا الهاتش باك, لأنو مذكرش في الموضوع.
بس مبدئياً الميجان الهاتش زي ال 307 هاتش كدا,, مينفعش تقارن ثباتها بعربية صالون زي ال 301,,

لأن قاعدة العجلات ال wheelbase في الرينو الهاتش أقل من البيجو 301 فهيكون الثبات لصالح الرينو مع إن الفرق مش كبير,, دي حاجة.

في الرينو 2625mm,
وفي البيجو 2652mm,,
في الميني كوبر 2467mm.!






والحاجة التانية والأهم عرض العجلات tyre size
في الرينو ميجان, سواء صالون أو هاتش باك أبعاد الكاوتش فيها 205/55r16
زي البيجو 307 هاتش باك, وال sw بالظبط.
ودي اللي مخلي العربية زي ما بيقولو عليها رجل بطة في الثبات.

وطبعاً اللي ركب بيجو 307 هاتش أو sw أو رينو ميجان, هيحكي عن الثبات سواء في الجري أو الغرز.

و دلوقتي أبعاد كاوتش ال 301 اللي بنقارنها نمعاها 185/65r15
يعني جنط أصغر, كاوتش أنحف,, وأطول.

يبقي أزااااي بنقارن دي بــ دي.. :n_no[1]:

اللي عايز يقارن ثبات البيجو 301, يقارنها بحاجة زيها,
تكون صالون, ونفس أبعاد قاعدة العجلات ال wheelbase, ونفس حجم الجنط وأبعاد الكاوتش,
حاجة كدا زي الكيا سيراتو مثلاً..

أبعاد عجلات السيراتو 2650mm, وفيها منها جنط 15, يعني هتبقي ساعتها مقارنة عادلة ومظبوطة,,
وساعتها اللي بيقارن وجرب بنفسه الأتنين,, هوا اللي هيحكم ويقول الفرق..


البيجو 301 لو ينفع يركب لها جنط 16 عريض, 205/55r16
زي أي عربية في الدنيا بتركب لها جنط عريض وأسبور,, هيفرق معاها في الثبات عن الجنط الأقل منه في العرض.
وساعتها أبقا قارن ثباتهم ببعض,,

فا تاني اللي عايز يقارن ثبات البيجو 301, يقارنها بحاجة زيها,
لكن متقارنهاليش ببيجو 307 ولا رينو ميجان.

أتمني تكون الفكرة وصلت..

معلش لية استفسار ما الجنط بتاع 301 هاىﻻين 16 هو دة اقصدك من كلامك على الجنط 16 الى المفروض يكون فيها