مساعدة في بيجو 307

[Mahmoudelgen]

نسيت ققولك انك ممكن تشيل فيشة الطلمبة و توصلها بالقديمة منغير متركبها و تفتح الكنتاكت و تحرك العمامة بايدك للاخر و شوف لو قراية المؤشر حتوصل معاك للاخر و لا لا .
لو وصلت للاخر يبقى اكيد وضع الطلمبة فى التانك او فى حاجة فى التانك مقصرة على القراية.

و اللهي الفكرة دي حتفدني جدا عشان ابقي اتاكدت العيب منها و لا اية
و صحيح هو وضع الطلمبة جوة التانك بيبقي ازاي ؟
و الفيش بتاعتها سهلت الفك و ليها طريقة معينة ؟ عشان مش عايز ابوظ حاجة

[Ahmed Amin]

فكرة بشمهندس محمد نبيل ممتازة كالعادة,
مش عارف كانت فايتانا ازاي دي, من هنا تيجي العبقرية بقي في التشخيص ;)


الطلمبة بتكون واقفة جوا التانك طبعاً, والبنزين لما بيملا التانك العوامة بترفع وبتعدي علي الريش ريشة ريشة عشان المؤشر يتحرك قدامك في الطابلوة وتعرف فاضل قد أيه في التانك.

أنت هتفك الكرسي الخلفي عادي جداً, وتشد الموكيت زي ما أتعمل أول مرة لما غيرتو الطلمبة.
هتلاقي قدامك فيشة راكبة فيها, هتفكها عادي براحة بس ممكن تحتاج مفك رفيع عشان تحرك الكلبس اللي بيشبكها جامد في الطلمبة,
وهتاخد الفيشة دي تركبها في الطلمبة التانية اللي معاك, وترفع العوامة بأيدك لفوق علي الأخر, وتتأكد من إن العوامة اللي انت بترفعها بأيديك لامسه الريش اللي علي البوردة اللي الدراع لامسها.

وتخلي حد يفتح الكونتاك من غير ما يدور طبعاً, وتشوف المؤشر هيتحرك أزاي وتبقي تقولنا عملت أيه.

[Mahmoudelgen]

اخر الاخبار اول حاجة بشكر بشمهندس محمد علي الفكرة و استاذ احمد علي مساعدتة لاني زهقتة اسئلة عشان افك الفيشة بتاعة الطرمبة و الغطا بتاعها الا ان محاولتي كانت فاشلة و مكتشفتش بردو العيب منين بعد ما شيلت الفيشة من الطرمبة اللي في العربية و ركبتها في الطرمبة التانية اللي في ايدي عشان ارفع العوامة بايدي و اشوف حيتحرك المؤشر لغاية الاخر ولا حيفضل بردو لغاية الشرطة اللي قبل الاخيرة المهم ركبت الفيشة و روحت فتحت الكونتاكت و رجعت ارفع العوامة بايدي المؤشر تحت علي ان مفيش بنزين و مش بيتعتع من مكانة و لا كاني بحرك حاجة روحت مرجع الفيشة في الطرمبة اللي في العربية و فتحت الكونتاكت و دورت المؤشر بيقري عادي مفيش مشاكل و مازالت المشكلة قائمة معرفتش العيب منين اعمل اية بقي اجرب تاني المحاولة دي طب لو اتكرر نفس الكلام اعمل اية ساعتها ؟

[Ahmed Amin]

الشكر لله, ومفيش زهق ولا حاجة وأنت ممكن تكون الشريحة اللي راكب عليها المؤشر بايظة,
بس عشان نتأكد عايزك لما تيجي تجرب تاني
(1)ترفع العوامة لفوق لحد الأخر قبل ما تفتح الكونتاكت,
عشان ممكن تكون العربية بعمل Check مرة واحدة بس علي مستوي البنزين في التانك لما اللمبات بتنور كلها والمؤشر بتاع البنزين والحرارة بيروحو لحد الأخر وبيعدين بيرجعو علي حسب البنزين في التانك ودرجة الحرارة,, لأن مش منطقي إن البنزين هيزيد ويقل قبل ما تدور العربية,,
وساعتها لو كنت لسه مرفعتنش العوامة ممكن أي حاجة تعملها متديش أشارة ومتظهرش في الطابلوة

(2) تتأكد أن العوامة متثبته كويس علي الريش ولامسة فيها ومش بعيدة عنهم,
(3) فيه فيشتين في قلب الطلمبة, واحدة داخلة للموتور,, وواحدة لمؤشر العوامة,
أتاكد إن الأتنين واصلين كويس, عشان ساعات بيكونو مهزوزين.

طبعاً الأيكونومي مود لما أنت بتفتح الكونتاك كذا مرة ومتدورش, أو تفتحة وتسيبه العربية بتدخل فيه عشان البطارية متنامش,

عشان تتغلب عليه وصل الفيشة في الطرمبة القديمة ودور عادي, وسيبها دقيقة وبطلها,
وأرجع كمل شغلك عادي,, بس قبل ما تكمل شغلك المرة دي, أرفع العوامة لحد فوق أووي وتتأكد أنها ملمسة الشريحة المخططة اللي العوامة متثبته عليها كويس وإن الفيشة متركبة كويس,

[Mahmoudelgen]

تمام يافندم تم عمل التجربة التانية و كانت ناجحة جدا ركبت الفيشة كويس بتاعة العوامة الظاهر مكانتش راكبة عدل و وصلت الفيشة بتاعة الطرمبة و مسكت العوامة و فتحت الكونتاكت و كان منظري و انا بحاول امسك العوامة عشان متوقعش و الايد التانية اوصل بيها للمفتاح مضحك و اول مفتحت الكونتاكت لاقيت المؤشر طلع لغاية الاخر كان ناقص يكسر العداد الصراحة فرحت جدا
بس برضة معرفتش اعمل اية بأة دلوقتي ؟ مع العلم ان العوامة اللي كنت ماسكها في ايدي دي كانت جوة التنك قبل كدة و مدتش القراية المظبوطة زي اللي راكبة دلوقتي فكدة العيب من التنك صح يا اما حاجة سادة التنك يا اما حاجة حايشة العوامة انها تطلع لحد الاخر و لا اية ؟؟
اة و فعلا المؤشر بيقري مرة واحدة بس اول ما تفتح الكونتاكت لاني سيبت العوامة لاقيتة لسي ثابت فوق

[Ahmed Amin]

تمام يافندم تم عمل التجربة التانية و كانت ناجحة جدا ركبت الفيشة كويس بتاعة العوامة الظاهر مكانتش راكبة عدل و وصلت الفيشة بتاعة الطرمبة و مسكت العوامة و فتحت الكونتاكت و كان منظري و انا بحاول امسك العوامة عشان متوقعش و الايد التانية اوصل بيها للمفتاح مضحك و اول مفتحت الكونتاكت لاقيت المؤشر طلع لغاية الاخر كان ناقص يكسر العداد الصراحة فرحت جدا
بس برضة معرفتش اعمل اية بأة دلوقتي ؟ مع العلم ان العوامة اللي كنت ماسكها في ايدي دي كانت جوة التنك قبل كدة و مدتش القراية المظبوطة زي اللي راكبة دلوقتي فكدة العيب من التنك صح يا اما حاجة سادة التنك يا اما حاجة حايشة العوامة انها تطلع لحد الاخر و لا اية ؟؟
اة و فعلا المؤشر بيقري مرة واحدة بس اول ما تفتح الكونتاكت لاني سيبت العوامة لاقيتة لسي ثابت فوق

دا اللي انا فكرت فيه,, عشان كدا قلت لك ترفع العوامة قبل ما تدور,,

ودلوقتي زي ماأحنا قلنا قبل كدا وأنت عيدت نفس الكلام دلوقتي,,
مع العلم ان العوامة اللي كنت ماسكها في ايدي دي كانت جوة التنك قبل كدة و مدتش القراية المظبوطة زي اللي راكبة دلوقتي فكدة العيب من التنك صح يا اما حاجة سادة التنك يا اما حاجة حايشة العوامة انها تطلع لحد الاخر و لا اية ؟؟

يعني أنك كدا فعلاً محتاج تشوف إذا كان فيه حاجة في التانك بتحوش أو بتعوق العوامة أنها تطلع لحد فوق للأخر,
ولا هيا راكبة مميلة, فبالتالي العوامة مش بتترفع للأخر و بتخبط في رأس التانك من فوق ومش بتتفرد لفوق علي الأخر عشان تديك Full في مؤشر البنزين.

لأن حتي لو التانك مخبوط من تحت, هيأثر علي المساحة الكلية للبنزين اللي هياخدة التانك, مبس مش هيأثر علي قراية العوامة,, والعداد قدامك هيقرأ كل حاجة صح, بس بدل ما هيحسب المؤشر علي 60 لتر هيبقي أقل فاهم قصدي ؟

وأخر حاجة بقي ممكن تكون الريش نفسها اللي في العوامة اللي راكبة وحشة, وساعتها أحسن لك تركب اللي معاك لو بتاعتها, وتضغط علي السلكين اللي فيها كويس قبل ما تركبها اللي قلت لك عليهم
وإن شاء الله ميكونش عندك مشاكل بعد كدا.

[daliag]

ممكن مساعدتكم يا جماعه انا محتاره بين بيجو 307 موديل 2007 او 2008 حسب ما الاقي واحده كويسه وبين البي واي دي f3 2011 و البريليانس fsv 2011 لان التلاته نفس الفئه السعريه في المستعمل وده الاشكال الوحيده اللي عاجباني بالنسبه للمبلغ اللي معايه واتوماتيك لان مش بسوق غيره ومن ناحية الراحه في سواقة العربيه لان كان معايه هوندا ياباني قبل كده وانهي احسن من حيث فخامة العربيه ورقيها وسط اللعربيات وده مهم جدا بالنسبه لي لان العربيه هتعد معايه مش اقل من 4 او 5 سنين وقرايبنا بيدققوا شويه فاننا محتاره انهي فيهم شكللها يفضل لادام اكتر ميبطلش او ميقدمش بسرعه انتوا شايفين موضة الفوانيس عموما اتغيرت معلش انتوا عارفين النساء بتفكر بطريقه مختلفه شويه وانا كنت عاوزه اركب سيدان لكن شكل البيجو الوحيده الهاتش باك اللي من فئتهم السعريه عاجباني انا عارفه اكيد في اعتبارات تانيه زي قطع الغيار بس انا اولياتي الشكل والراحه في السواقه والفخامه وطبعا قلة المشاكل في العربيه
ممكن مساعده في الاختيار مع ذكر اسباب الاختيار

[Ahmed Amin]

ممكن مساعدتكم يا جماعه انا محتاره بين بيجو 307 موديل 2007 او 2008 حسب ما الاقي واحده كويسه وبين البي واي دي f3 2011 و البريليانس fsv 2011 لان التلاته نفس الفئه السعريه في المستعمل وده الاشكال الوحيده اللي عاجباني بالنسبه للمبلغ اللي معايه واتوماتيك لان مش بسوق غيره ومن ناحية الراحه في سواقة العربيه لان كان معايه هوندا ياباني قبل كده وانهي احسن من حيث فخامة العربيه ورقيها وسط اللعربيات وده مهم جدا بالنسبه لي لان العربيه هتعد معايه مش اقل من 4 او 5 سنين وقرايبنا بيدققوا شويه فاننا محتاره انهي فيهم شكللها يفضل لادام اكتر ميبطلش او ميقدمش بسرعه انتوا شايفين موضة الفوانيس عموما اتغيرت معلش انتوا عارفين النساء بتفكر بطريقه مختلفه شويه وانا كنت عاوزه اركب سيدان لكن شكل البيجو الوحيده الهاتش باك اللي من فئتهم السعريه عاجباني انا عارفه اكيد في اعتبارات تانيه زي قطع الغيار

بس انا اولياتي الشكل والراحه في السواقه والفخامه وطبعا قلة المشاكل في العربية ممكن مساعده في الاختيار مع ذكر اسباب الاختيار

طيب هوا كدا فاضل أيه تاني ؟؟
الحاجات دي تخليني أقولك هاتي بيجو أو أي عربية أوروبي بس زيرو,
عشان تاخد الشكل والراحة والسواقة والفخامة.

أو هاتي بيجو أو أي عربية أوروبي أستعمال,
عشان تاخدي برضه نفس الحاجات بس هتصرفي عليها من وقت للتاني
لأن اي عربية في عمر البيجو موديل ٢٠٠٧ او ٢٠٠٨ يعني بقالها من ٦ ل ٧ سنين شغالة هتبدأ تطلب منك قطع غيار بجانب جدول الصيانة العادي.

جدول الصيانة العادي تغير زيت وفلتر زيت كل ١٠ الاف, وكل ٣٠ الف هتزودي فلاتر ومعاهم, وكل ٥٠ ل ٦٠ هتغيري سيور وبوجيهات.

أما قطع الغيار اللي ممكن تطلبها منك عربية موديل ٢٠٠٧ عموماً
أولاً شغل عفشة ودا ينطبق علي البيجو والكوري والياباني والصيني, وانا لسه عاملة قريب ومن غيرة العربية مكنتش مريحة ولسه عايز أغير حاجات لاني مغيرتش كل الحاجات اللي أتهلكت من طرقنا الحلوة,,
ممكن طلمبة بنزين وساعتها لو مش هتغيريها لي التوكيل ب ١٨٠٠ ل ٢٢٠٠ ودا متوسط الاسعار بالنسبة للبيجو والياباني والصيني,
ولو تعرفي ميكانيكي كويس هتغيري لها موتور بس هيبقي ب ٩٠ ل ٢٠٠ جنية.

آنتي محددتش عايزة تشتري ف رينج كام, بس من كلامك أنا أفضلك ال fsv لانها مش وحشة وموتورها تويوتا ياباني علي حد علمي وعفشتها حلوة مش زي باقي العربيات الصيني.
ممكن مش هتبقي مريحة ولا شكل زي البيجو, بس هيا المشكلة كلها إنك تلاقي بيجو نضيفة إنهارده ومش عاملة كيلومتر عالي.

لانك لو مجبتيهاش نضيفة وصاحبها كان مهمل في صيانتها او بيعملها صيانة عند ميكانيكي علي الرصيف.
هتكرهي نفسك واليوم اللي جبتيه فيها.
لو جبتيها نضيفة, ممكن تقعديها معاكي أكتر من ال ٥ سنين اللي بتتكلمي عنهم لان قطع غيارها بقت معقولة جداً وفي رينج العربيات الكوري والصيني.
بس البيجو قطع غيارها معمرة وأحسن في العفشة والثبات عموماً عن الصيني,

ولو عايزة تركبي سيدان وشكل ومتعطلش ولا تطلب قطع غيار ل ٣ أو ٤ سنين قدام,
ممكن تبصي عال بيجو ٣٠١ سعرها ممتاز جداً كعربية زيرو أوروبي ومواصفات مقابل سعر.

شوفي انتي معاكي كام وعندك إستعداد تتحملي مصاريف شوية لما تجيبي أي عربية موديل ٢٠٠٧ او ٢٠٠٨
ولا تدفعي ازيد وتجيبي حاجة ٢٠١١ او ٢٠١٢ وتصرف أقل لسنتين قدام.

[lilly]

السلام عليكم معلش يا جماعه انا لسه عضوه جديده معاكم اولا ربنا يكرم الاستاذ محمود و مشكله عربيته ان شاء الله تتحل
انا متابعه المنتدى و قريت كل كلمه اتكتبت عن البيجو301 و معجبه جدداااااااااااااا بيه من حيث الاسم-الشكل-عوامل الامان اللى فيها و من تعليقكم على الموتور و التكييف و الثبات -و الحاجات دى انا مفهمش فيها كويس بس انا واثقه فى كلامكم-
انا ان شاء الله نويت احجزها و غالبا هتكون مانيوال بس بابا و اخويا بيحاولو يقنعونى اجيب كورى ذى الريو او الاكسنت ار بى على اساس ان اى ميكانيكى بيفهم فيهم على عكس البيجو اللى غالبا لازم تروح التوكيل و لو لا قدر الله وقفت بيا فى الشارع-سواء دلوقتى او بعد كام سنه- محدش هيفهم فيها و مينفعش حد يجيلى بميكانيكى علشان تقوم يعنى لازم تتقطر لحد التوكيل او مركز خدمه
انا مش عارفه هل وجهه نظرهم صح و اشترى الكورى ولا اتوكل على الله و اشترى البيجو فياريت يا جماعه حد يساعدنى انا فى الحيره دى بقالى تلات شهور و عايزه اخلص
و اخيرا انا اسفه انى تطفلت على موضوع استاذ محمود ده لانى مش عارفه ازاى اكتب موضوع على المنتدى
و شكرا مقدما

[Ahmed Amin]

السلام عليكم معلش يا جماعه انا لسه عضوه جديده معاكم اولا ربنا يكرم الاستاذ محمود و مشكله عربيته ان شاء الله تتحل
انا متابعه المنتدى و قريت كل كلمه اتكتبت عن البيجو301 و معجبه جدداااااااااااااا بيه من حيث الاسم-الشكل-عوامل الامان اللى فيها و من تعليقكم على الموتور و التكييف و الثبات -و الحاجات دى انا مفهمش فيها كويس بس انا واثقه فى كلامكم-
انا ان شاء الله نويت احجزها و غالبا هتكون مانيوال بس بابا و اخويا بيحاولو يقنعونى اجيب كورى ذى الريو او الاكسنت ار بى على اساس ان اى ميكانيكى بيفهم فيهم على عكس البيجو اللى غالبا لازم تروح التوكيل و لو لا قدر الله وقفت بيا فى الشارع-سواء دلوقتى او بعد كام سنه- محدش هيفهم فيها و مينفعش حد يجيلى بميكانيكى علشان تقوم يعنى لازم تتقطر لحد التوكيل او مركز خدمه
انا مش عارفه هل وجهه نظرهم صح و اشترى الكورى ولا اتوكل على الله و اشترى البيجو فياريت يا جماعه حد يساعدنى انا فى الحيره دى بقالى تلات شهور و عايزه اخلص
و اخيرا انا اسفه انى تطفلت على موضوع استاذ محمود ده لانى مش عارفه ازاى اكتب موضوع على المنتدى
و شكرا مقدما

الكلام اللي انا حاكط لك تحتيه خط دا,, من الأسطاير اللي عملها الشعب المصري,
العربية مش بتقف في الشارع من غير سبب. وفيه ميكابسكية كتير بيفهمو في البيجو وشغالين في الجديد.

وأي عربية بتتعملها الصيانة الدورية مش هتقف بيكي في الشارع إلا في حالات شاذة.

مع العلم إن كل العربيات الجديدة سواء الكوري والياباني لو أوتوماتيك وكانت بعيدة عن البيت او مركز الخدمة لازم تتقطر لو المسافة أكبر من ٥٠ كيلو.
مركز الخدمة سواء توكيل او ميكانيكي (فاهم مش هيجرب علي العربية),

أي عربية جديدة بيكون ليها ضمان كا متوسط ٣ سنين او ١٠٠ ألف كيلو, وقطع غيار البيجو ٣٠١ الجديدة فيها حاجات أرخص من الريو كمثال علي دا الفوانيس الامامية وتيل الفرامل.
وعربية في العموم أمان أكتر من الكوري وبتنزل فيها كل عوامل الأمان أستاندرد مش أوبشن.

في عربيات كوري لحد إنهارده بتنزل من غير أيموبلايزر ولا abs ولا ٢ أيرباج.!

أخر حاجة انتي قلتي عايزة العربية مانيوال,, البيجو ٣٠١ مانيوال فيها إيموبلايزر و Abs+Ebd و ٢ أيرباج
الكيا الريو مفهاش ٢ ايرباج فيها واحدة بس,, ومفهاش Abs

البيجو ب ١٠٧.٩٠٠ جنية
والريو بكام عشا مش فاكر ب ١١٧ الف جنية تقريبا.؟!!

يبقي أيه ؟

[lilly]

استاذleitoSR
اولا شكرا على مساعدتك بس بجد دى حاجات مخوفانى جداااااا
انا اول عربيه ليه كانت فورد فيستا موديل 2000 هاتشباك قعدت معايا تلت شهور منهم شهرين تصليحات صرفت عليه 3000 جنيه و بعدين بعتها بخساره 5000 جنيه بعد حرقه دم و عكننه عليا و على اسرتى لانى من النوع اللى بحب كل حاجه تمام بنسبه 100% علشان كده مركبتش العربيه دى 5 مرات على بعض و كرهتها جدااااااااااااا فعلشان كده خايفه اجيب حاجه اوروبى محدش يكون فاهم فيا زى الامريكى معملت فيا و كرهتنى انا و اهلى فى عيشتنا و قطع الغيار برضه بس انتو طمنتونى من كلامكم فى المنتدى
معلش على الاطاله بس انا كنت عايزه اوصلك سبب قلقى انا و اهلى

[Ahmed Amin]

ماشي انتي بتتكلمي علي عربية أستعمال وعربية جديدة.
أي عربية ستعمال هتصرف في أول سنة من أمتلاكم ليها نفس رينچ المبلغ اللي دفعتيه في الفورد وأقري الرد اللي كتبته فوق ل داليا.
انا لسه مثلاً عامل شغل ف العفشة ومخلصتش كل الشغل اللي فيها ومكلفني لدلوقتي ٢٠٠٠ جنيه ولسه عايز أعمل شغل تاني.

لكن العرببة الجديدة عموماً زي ال ٣٠١ مش هتطلب منك أي حاجة غير بنزين وزيت كل ١٠ الاف كيلو والصيانات العادية لحد ٣ سنين علي الأقل.

[lilly]

استاذ leitoSR شكراااااااااااا على المساعده و انا هصلى استخاره و اتوكل على الله غالبا فى البيجو دعواتك و يارب ان شاء الله العربيه تكون وشها حلو و شكرا مره تانيه :)

[Ahmed Amin]

الشكر لله وربنا يكرمك ويوفقك في الأختبار,
وهبا ال ٣٠١ أفضل صفقة في السوق حالياً كعربية من ناحية السعر مع المواصفات اللي بتقدمهالك كعربية أوروبي.
وإن شاء الله يكون وشها حلو عليكي.

أبقي راجعي المشاركتين دول هيفيدوكي,

http://www.nilemotors.net/Nile/379551-301-2013-a.html#post3875192082

http://www.nilemotors.net/Nile/380284-301.html#post3875200422

[daliag]

طيب هوا كدا فاضل أيه تاني ؟؟
الحاجات دي تخليني أقولك هاتي بيجو أو أي عربية أوروبي بس زيرو,
عشان تاخد الشكل والراحة والسواقة والفخامة.

أو هاتي بيجو أو أي عربية أوروبي أستعمال,
عشان تاخدي برضه نفس الحاجات بس هتصرفي عليها من وقت للتاني
لأن اي عربية في عمر البيجو موديل ٢٠٠٧ او ٢٠٠٨ يعني بقالها من ٦ ل ٧ سنين شغالة هتبدأ تطلب منك قطع غيار بجانب جدول الصيانة العادي.

جدول الصيانة العادي تغير زيت وفلتر زيت كل ١٠ الاف, وكل ٣٠ الف هتزودي فلاتر ومعاهم, وكل ٥٠ ل ٦٠ هتغيري سيور وبوجيهات.

أما قطع الغيار اللي ممكن تطلبها منك عربية موديل ٢٠٠٧ عموماً
أولاً شغل عفشة ودا ينطبق علي البيجو والكوري والياباني والصيني, وانا لسه عاملة قريب ومن غيرة العربية مكنتش مريحة ولسه عايز أغير حاجات لاني مغيرتش كل الحاجات اللي أتهلكت من طرقنا الحلوة,,
ممكن طلمبة بنزين وساعتها لو مش هتغيريها لي التوكيل ب ١٨٠٠ ل ٢٢٠٠ ودا متوسط الاسعار بالنسبة للبيجو والياباني والصيني,
ولو تعرفي ميكانيكي كويس هتغيري لها موتور بس هيبقي ب ٩٠ ل ٢٠٠ جنية.

آنتي محددتش عايزة تشتري ف رينج كام, بس من كلامك أنا أفضلك ال fsv لانها مش وحشة وموتورها تويوتا ياباني علي حد علمي وعفشتها حلوة مش زي باقي العربيات الصيني.
ممكن مش هتبقي مريحة ولا شكل زي البيجو, بس هيا المشكلة كلها إنك تلاقي بيجو نضيفة إنهارده ومش عاملة كيلومتر عالي.

لانك لو مجبتيهاش نضيفة وصاحبها كان مهمل في صيانتها او بيعملها صيانة عند ميكانيكي علي الرصيف.
هتكرهي نفسك واليوم اللي جبتيه فيها.
لو جبتيها نضيفة, ممكن تقعديها معاكي أكتر من ال ٥ سنين اللي بتتكلمي عنهم لان قطع غيارها بقت معقولة جداً وفي رينج العربيات الكوري والصيني.
بس البيجو قطع غيارها معمرة وأحسن في العفشة والثبات عموماً عن الصيني,

ولو عايزة تركبي سيدان وشكل ومتعطلش ولا تطلب قطع غيار ل ٣ أو ٤ سنين قدام,
ممكن تبصي عال بيجو ٣٠١ سعرها ممتاز جداً كعربية زيرو أوروبي ومواصفات مقابل سعر.

شوفي انتي معاكي كام وعندك إستعداد تتحملي مصاريف شوية لما تجيبي أي عربية موديل ٢٠٠٧ او ٢٠٠٨
ولا تدفعي ازيد وتجيبي حاجة ٢٠١١ او ٢٠١٢ وتصرف أقل لسنتين قدام.

انا هفكر وهدس كلام حضرتك كويس و ان كان كلامك خلاني ملت اكتر للبيجو بجد ميرسي جدا افادتك ليه وعن الحاجات المهمه اللي ذكرتها هحطها كلها في الاعتبار اذا جبت 2008 مثلا وان شاء الله هدور على حاجه كويسه فيها واظبطها علشان تعيش لان صعب حاليا ازود واجيب ال 301 ممكن بعد سنتين او تلاته وانا مش هقدر اصبر فهجيب ده حاليا بعدين ربنا يسهل ان شاء الله وبجد بشكرك مره تانيه وان شاء الله تلاقي حل لمشكلتك يارب