صيانات سيارات بيجو

[mahmed0100]

كفيت و أوفيت
بس إستفسار بسيط
هو الصيانات الدورية بعد كده بتكون 10000 أو 6 شهور أيهما أقل برضه
و لا 10000 حتى لو عملتهم في سنة و نص

اه يا ريت حد يفيدنا فى الموضوع ده انا دلوقتى لو مسافر فتره و العربيه مركونه 6 شهور ( مرفوعه ) و معملتش و لا كيلو .. اروح الصيانه اقولهم ايه !! و لو العربيه مدخلتهاش التوكيل غير على صيانه ال 20000 هل فى مشكله ؟؟ إلغاء الضمان مثلا او كده ؟؟

[Akram.Gamal]

اه يا ريت حد يفيدنا فى الموضوع ده انا دلوقتى لو مسافر فتره و العربيه مركونه 6 شهور ( مرفوعه ) و معملتش و لا كيلو .. اروح الصيانه اقولهم ايه !! و لو العربيه مدخلتهاش التوكيل غير على صيانه ال 20000 هل فى مشكله ؟؟ إلغاء الضمان مثلا او كده ؟؟

انت كده بتتكلم فى موضوعين مختلفين
بالنسبه للتوكيل الصيانه كل 10000 كم او 6 شهور ايهما اقرب
بالنزبه للزيت صلاحيته جوه المحرك سنه فقط (12 شهر )

بالنسبه لمالك العربيه بقا هنعمله ايه احنا .. عايز يركنها لو حتى 10 سنين احنا مالنا

[Ahmed Amin]

أه عادي لو ال rpm وصل ل 5 و 6 وأنت بتجري وبتحرق علي غيار, وبتنقل علي اللي بعده,,
لكن مش عادي لو فضلت ماشي مثبت علي 5 أو 6 علي نفس الغيار لفترة,,


يعنى اانا لو ماشى و معدى ال 180 كم/س بيبقا ال rbm عدى 5
ده عادى ولا فيه حاجه ممكن تأثر على العربيه

و طبعا انا بتكلم عن طريق سفر يعنى همشى فتره كاسر rbm 5

لا دا عادي يا ريس في أي فتيس 4 سرعات,
التويوتا الكورولا الشكل القديم اللي هيا الدبة كانت علي 175 بتبقي علي rpm 6 تقريباً
وطبعاً دا كتير, بس هوا الفتيس الأربع سرعات كدا.



معلش اخوكم تاه فى النص .. احمد انت تقصد انى امشي على الغيار التانى او التالت و ال rpm على 5 او 6 .. مسافه طويله ده غلط
لكن لو فاتح على الرابع و ماشى 170 و 180 و عداد ال rpm ثابت شويه على 5 و 6 الاف ده مفيش مشكله زى مثال الكرولا ؟

انا كده فاهم صح و لا غلط ؟؟

كنت بقول عادي أنك تحرق علي الغيارات وانت بتجري أو عايز تجمع سرعة,,
لكن مش كويس أنك تفضل ماشي مصبت سرعة علي RPM عالي زي 5 أو 6 كتير
علي أي غيار سواء رابع أو تالت أو تاني.

يعني رينج سرعة ال 150 كيلو ل 160 كويس في أي عربية, وبرضه عشان طرقنا الجميلة تعرف تهدي.
أكتر من كدا ممكن تمشي علي 180 لفترة برضه, بس متفضلش ماشي عليها كتير زي نص ساعة أو ساعة متواصل,, دا اللي كنت أقصده,

ودا عمرة ما هيحصل أصلاً علي طرقنا المصرية,
وأبقي قابلني لو عرفت تثبت 180 لربع ساعة علي طريق.

[Ahmed Amin]

كفيت و أوفيت
بس إستفسار بسيط
هو الصيانات الدورية بعد كده بتكون 10000 أو 6 شهور أيهما أقل برضه
و لا 10000 حتى لو عملتهم في سنة و نص

أول صيانة اللي هيا بتاعت ال 2500 كيلو المجانية, لازم تتعمل في خلال 2500 كم أو 6 شهور أيهما أقرب.
عشان يتأكدو من حالة العربية ولو فيها مشكلة تتعالج علي طول,

بعد كدا الصيانة كل 10 الأف كيلو أو سنة,,
وممكن لو معملتش 10 الأف كيلو في سنة تروح لما تبقي تعملهم,
بس خلي في بالك إن صلاحية زيت الموتور بتبقي سنة واحدة, وبعد كدا بيتأكسد وبيبقي فيه ضرر علي الموتور,
فالو مش هتقدر تروح التوكيل ممكن تجيب الفلتر الأصلي وتغير الزيت في أي بنزينة لو تغير الزيت برة مش هيخرج العربية من الضمان.

[Ahmed Amin]

اه يا ريت حد يفيدنا فى الموضوع ده انا دلوقتى لو مسافر فتره و العربيه مركونه 6 شهور ( مرفوعه ) و معملتش و لا كيلو .. اروح الصيانه اقولهم ايه !! و لو العربيه مدخلتهاش التوكيل غير على صيانه ال 20000 هل فى مشكله ؟؟ إلغاء الضمان مثلا او كده ؟؟

أنت ممكن تعمل 10 الأف كيلو في تلات سنين لو بتتحرك بالعربية في الأجازة بس أو بترفعها وتسافر برة,
وفي الحالة دي يفضل أنك كل ما تنزل أجازتك تروح تغير الزيت في التوكيل عشان لازم يتغير كل سنة علي الأقل,
وعشان تبقي بتعمل صيانتك معاهم كل سنة أو كل 10 الأف كيلو, فانت كدا مواظب علي صيانة كل سنة.
ودا هيفيدك في الضمان عشان لو حصل مشكلة في العربية هتبقي مواظب علي الصيانة في التوكيل,
عن اللي بيغير زيت برة ومش بيروح التوكيل خالص.

[mahmed0100]

انت كده بتتكلم فى موضوعين مختلفين
بالنسبه للتوكيل الصيانه كل 10000 كم او 6 شهور ايهما اقرب
بالنزبه للزيت صلاحيته جوه المحرك سنه فقط (12 شهر )

بالنسبه لمالك العربيه بقا هنعمله ايه احنا .. عايز يركنها لو حتى 10 سنين احنا مالنا

انا كان قصدي لو انا غيرت زيت ال 10 بره التوكيل
و رحت اول صيانه و تعامل مع التوكيل في 20 الف
هل عندهم مشكله في كده ؟

[mahmed0100]

كنت بقول عادي أنك تحرق علي الغيارات وانت بتجري أو عايز تجمع سرعة,,
لكن مش كويس أنك تفضل ماشي مصبت سرعة علي rpm عالي زي 5 أو 6 كتير
علي أي غيار سواء رابع أو تالت أو تاني.

يعني رينج سرعة ال 150 كيلو ل 160 كويس في أي عربية, وبرضه عشان طرقنا الجميلة تعرف تهدي.
أكتر من كدا ممكن تمشي علي 180 لفترة برضه, بس متفضلش ماشي عليها كتير زي نص ساعة أو ساعة متواصل,, دا اللي كنت أقصده,

ودا عمرة ما هيحصل أصلاً علي طرقنا المصرية,
وأبقي قابلني لو عرفت تثبت 180 لربع ساعة علي طريق.

ههههههه وصلت المعلومه يا كبيرنا :)

[mahmed0100]

أنت ممكن تعمل 10 الأف كيلو في تلات سنين لو بتتحرك بالعربية في الأجازة بس أو بترفعها وتسافر برة,
وفي الحالة دي يفضل أنك كل ما تنزل أجازتك تروح تغير الزيت في التوكيل عشان لازم يتغير كل سنة علي الأقل,
وعشان تبقي بتعمل صيانتك معاهم كل سنة أو كل 10 الأف كيلو, فانت كدا مواظب علي صيانة كل سنة.
ودا هيفيدك في الضمان عشان لو حصل مشكلة في العربية هتبقي مواظب علي الصيانة في التوكيل,
عن اللي بيغير زيت برة ومش بيروح التوكيل خالص.

تمام .. لو علي الصيانات الدوريه سهله .. نروح التوكيل

[Ahmed Amin]

روح كل سنة وريح دماغك, لو مش بتعمل كيلومتر عالي ومعدتش ال 10 الأف كيلو في السنة.
وحتي خليك أول سنتين غير زيت معاهم, يعني هتغير علي ال 10 الأف مرة وعلي ال 20 مرة,
أو كل سنة لمدة سنتين, لحد ما الضمان يخلص بعد كدا خد راحتك لو موضوع تغير الزيت مش معقد.

بس خليك معاهم أول سنتين عشان الضمان وعشان لو حصل حاجة متبقاش مش بتروح
وفي أخر السنة التالتة غير الزيت في أي مكان مش حوار لما تكون خرجت من الضمان.

[mahmed0100]

روح كل سنة وريح دماغك, لو مش بتعمل كيلومتر عالي ومعدتش ال 10 الأف كيلو في السنة.
وحتي خليك أول سنتين غير زيت معاهم, يعني هتغير علي ال 10 الأف مرة وعلي ال 20 مرة,
أو كل سنة لمدة سنتين, لحد ما الضمان يخلص بعد كدا خد راحتك لو موضوع تغير الزيت مش معقد.

بس خليك معاهم أول سنتين عشان الضمان وعشان لو حصل حاجة متبقاش مش بتروح
وفي أخر السنة التالتة غير الزيت في أي مكان مش حوار لما تكون خرجت من الضمان.

مشكور على النصايح الغاليه يا كبيرنا :)

[Ahmed Amin]

مشكور على النصايح الغاليه يا كبيرنا :)

الشكر لله يا باشا.
يلا أجهز عشان الصلاة, جمعة مباركة.

[mahmed0100]

ممكن نرجع لموضوع الصيانات
الخاصه بال 301
و حد يفسر لينا ترتيب الصيانات الدوريه
مع توضيع الاعمال اللي حتتم في كل صيانه
و تكلفتها
و بتاخد وقت قد ايه في التوكيل تقديريا
يعني ... لو في تفاصيل ممله عند حد يا ريت يفيدنا بيها :)

[Mahmoud Mok]

ممكن نرجع لموضوع الصيانات
الخاصه بال 301
و حد يفسر لينا ترتيب الصيانات الدوريه
مع توضيع الاعمال اللي حتتم في كل صيانه
و تكلفتها
و بتاخد وقت قد ايه في التوكيل تقديريا
يعني ... لو في تفاصيل ممله عند حد يا ريت يفيدنا بيها :)

الصيانات زى ماقولت فى الموضوع اول صيانه 2500 او ثلاث شهور ايهما اقرب ,ودى بيتفعل فيها ضمان وبيتم فيها الكشف على جميع اجزاء السيارة والمصنيعه ومجانا
ثانى صيانه 10 الف كيلو او 6 شهور ايهما اقرب
_ باقى الصيانات كل 10 الف كيلو بتعمل صيانه

بالنسبه للأسعار دى ممكن نرجع للمراكز اللى موجوده ارقامها فى الموضوع وهيقدروا يوضحوا اسعار الصيانه لاى سيارة من سيارات بيجو


بالنسبه للصيانات وايه اللى هيتم فيها زى ماقولت ان الشغل هيبتدى من صيانه ال 10 الف كيلو :-
تغيير زيت الموتور تغيير فلتر زيت الموتور تغيير فلتر التكييف تغيير تيل الفرامل الخلفي على حسب الحاله
تغيير الطنابير الخلفيه على حسب الحاله


اما صيانه ال 20

- تغيير زيت الموتور تغيير فلتر زيت الموتور تغيير شمعات الإشعال (البوجيهات) على حسب الحاله

- تغيير تيل الفرامل الامامي على حسب الحاله
- تغيير تيل الفرامل الخلفي على حسب الحاله
- تغيير الطنابير الخلفيه على حسب الحاله
- تغيير فلتر التكييف تغيير فلتر الهواء


صيانه ال 30
- تغيير زيت الموتور
- تغيير فلتر زيت الموتور
- تغيير تيل الفرامل الخلفي على حسب الحاله
- تغيير الطنابير الخلفيه على حسب الحاله
- تغيير فلتر التكييف

صيانه ال 40
- تغيير زيت الموتور - تغيير فلتر زيت الموتور - تغيير شمعات الإشعال (البوجيهات) - تغيير تيل الفرامل الامامي على حسب الحاله
- تغيير الطنابير الاماميه على حسب الحاله - تغيير تيل الفرامل الخلفي على حسب الحاله - تغيير الطنابير الخلفيه
على حسب الحاله
- تغيير فلتر التكييف - تغيير فلتر الهواء

[Akram.Gamal]

انا كان قصدي لو انا غيرت زيت ال 10 بره التوكيل
و رحت اول صيانه و تعامل مع التوكيل في 20 الف
هل عندهم مشكله في كده ؟

روح كل سنة وريح دماغك, لو مش بتعمل كيلومتر عالي ومعدتش ال 10 الأف كيلو في السنة.
وحتي خليك أول سنتين غير زيت معاهم, يعني هتغير علي ال 10 الأف مرة وعلي ال 20 مرة,
أو كل سنة لمدة سنتين, لحد ما الضمان يخلص بعد كدا خد راحتك لو موضوع تغير الزيت مش معقد.

بس خليك معاهم أول سنتين عشان الضمان وعشان لو حصل حاجة متبقاش مش بتروح
وفي أخر السنة التالتة غير الزيت في أي مكان مش حوار لما تكون خرجت من الضمان.

مش عارف يا احمد انت ليه مصمم انها كل سنه و مش عارف برضو ليه التوكيل مصمم انها كل 6 شهور اقصى مده ايه الحيره دى

الصيانات زى ماقولت فى الموضوع اول صيانه 2500 او ثلاث شهور ايهما اقرب ,ودى بيتفعل فيها ضمان وبيتم فيها الكشف على جميع اجزاء السيارة والمصنيعه ومجانا
ثانى صيانه 10 الف كيلو او 6 شهور ايهما اقرب
_ باقى الصيانات كل 10 الف كيلو بتعمل صيانه

اهو شوفت شوفت التوكيل بذات نفسه بيقول 6 شهور
احنا نسال المرجع بقا ؟؟ افيدنا يا محمود بيه

[Mahmoud Mok]

مش عارف يا احمد انت ليه مصمم انها كل سنه و مش عارف برضو ليه التوكيل مصمم انها كل 6 شهور اقصى مده ايه الحيره دى :u_thin1[1]::u_thin1[1]:




اهو شوفت شوفت التوكيل بذات نفسه بيقول 6 شهور
احنا نسال المرجع بقا ؟؟ افيدنا يا محمود بيه

يا كبير التوكيل بيقول كده نفس اللى بقولهولك ده الكلام ده مش من دماغى
زى ماقلت وهقول عاشر مره
الصيانه الاولى 2500 او 3 شهور ايهما اقرب
الصيانه الثانيه 10 الف كيلو او 6 شهور ايهما اقرب
والصيانات فيما بعد كل 10 الف كيلو او 6 شهور ايهما اقرب مش سنه
المعلومه دى مش صح
لو مش بتمشى بالعربيه كتير هتستفيد من نقطه الشهور انك كل 6 شهور تقدر تعمل صيانه