صيانات سيارات بيجو

[Ahmed Amin]

يا كبير التوكيل بيقول كده نفس اللى بقولهولك ده الكلام ده مش من دماغى
زى ماقلت وهقول عاشر مره
الصيانه الاولى 2500 او 3 شهور ايهما اقرب
الصيانه الثانيه 10 الف كيلو او 6 شهور ايهما اقرب
والصيانات فيما بعد كل 10 الف كيلو او 6 شهور ايهما اقرب مش سنه
المعلومه دى مش صح
لو مش بتمشى بالعربيه كتير هتستفيد من نقطه الشهور انك كل 6 شهور تقدر تعمل صيانه

هما خلوها 6 شهور من أمتي ؟؟ أنا أعرف أنها سنة من زمان
ولأن كدا كدا الزيت صلاحيته سنة,, فأنا عمري ما هنزله قبل سنة وأعمل صيانة زيادة مالهاش لازمة طالما الزيت سليم وممشيتش عليه 10 الأف كيلو,,

والناس اللي أستملت في شهر 9 و 10 كان التوكيل قايلهم أول صيانة مجانية بعد 6 شهور كحد أقصي مش 3 شهور.!

[mahmed0100]

هما خلوها 6 شهور من أمتي ؟؟ أنا أعرف أنها سنة من زمان
ولأن كدا كدا الزيت صلاحيته سنة,, فأنا عمري ما هنزله قبل سنة وأعمل صيانة زيادة مالهاش لازمة طالما الزيت سليم وممشيتش عليه 10 الأف كيلو,,

والناس اللي أستملت في شهر 9 و 10 كان التوكيل قايلهم أول صيانة مجانية بعد 6 شهور كحد أقصي مش 3 شهور.!

اكيد في حد اقصي لل 10000 كيلو .. اللي هم السنه زي ما انت بتقول يا ا. احمد علي اساس صلاحيه الزيت
مش معقول اكون عملت 1000 كيلو بس في 6 شهور و اروح التوكيل يدفعني صيانه ملهاش لزمه و لا حتي يغير زيت !!

[Ramy Hazem]

فعلا يا جماعة موضوع الصيانة ده مهم اوي وياريت الي قرب علي الصيانة يسالنا علي موعيدها زياده في التاكيد
وفعلا مش منطقي لا انا مثلا مش بمشي بالسيارة كتير اروح اغير زيت وادفع تكاليفه كل 6 شهور
تبقي منطقية لو فعلا سنة وتتزامن مع صلاحيه الزيت
بس سؤال للاعضاء الي عندهم سيارات بالفعل , ممكن يبصو في الكتالوج لاني قرات قبل كده ان الصيانة كل سنة او 10000 كيلو , فياريت يفيدونا في الموضوع ده

تحياتي

[Ahmed Amin]

فعلا يا جماعة موضوع الصيانة ده مهم اوي وياريت الي قرب علي الصيانة يسالنا علي موعيدها زياده في التاكيد
وفعلا مش منطقي لا انا مثلا مش بمشي بالسيارة كتير اروح اغير زيت وادفع تكاليفه كل 6 شهور
تبقي منطقية لو فعلا سنة وتتزامن مع صلاحيه الزيت
بس سؤال للاعضاء الي عندهم سيارات بالفعل , ممكن يبصو في الكتالوج لاني قرات قبل كده ان الصيانة كل سنة او 10000 كيلو , فياريت يفيدونا في الموضوع ده

تحياتي

أنا راجعت الكتالوج دلوقتي ومكتوب في دفتر الصيانة بتاعي مكتوب كل 20 ألف كيلو أو سنتين
والكلام دا لل 206 و ال 307 وال 407 وال 607 وال 807 وعيلة ال 7 كلها,,

بس عشان أحنا في مصر ظروف التشغيل عندنا قاسية شوية ومسيمينها (ظروف خاصة),,
فا بيكون فيه حاجة أسمها زيارة متوسطة,, اللي هيا ما بين كل صيانتين 20 ألف كيلو,,

فالمتوسط بتاعنا كل 10 الأف كيلومتر زيارة للصيانة, ودا اللي بيتعمل من 2007.
وهوا دا في الغالب اللي هيمشي إن الصيانة تكون كل سنة أو 10 الأف كيلو متر,,
ولو دا محصلش هنخطف Mahmoud Mok من الكول سنتر بتاع بيجو,, وهنخليه رهينة عندنا لحد ما يعملو اللي أحنا عايزنه.

بكرة أرفع لكم صورة من دفتر الصيانة,,
واللي معاه دفتر صيانة ال 301 يرفع لنا صورة منه.

[Ramy Hazem]

أنا راجعت الكتالوج دلوقتي ومكتوب في دفتر الصيانة بتاعي مكتوب كل 20 ألف كيلو أو سنتين
والكلام دا لل 206 و ال 307 وال 407 وال 607 وال 807 وعيلة ال 7 كلها,,

بس عشان أحنا في مصر ظروف التشغيل عندنا قاسية شوية ومسيمينها (ظروف خاصة),,
فا بيكون فيه حاجة أسمها زيارة متوسطة,, اللي هيا ما بين كل صيانتين 20 ألف كيلو,,

فالمتوسط بتاعنا كل 10 الأف كيلومتر زيارة للصيانة, ودا اللي بيتعمل من 2007.
وهوا دا في الغالب اللي هيمشي إن الصيانة تكون كل سنة أو 10 الأف كيلو متر,,
ولو دا محصلش هنخطف Mahmoud Mok من الكول سنتر بتاع بيجو,, وهنخليه رهينة عندنا لحد ما يعملو اللي أحنا عايزنه.

بكرة أرفع لكم صورة من دفتر الصيانة,,
واللي معاه دفتر صيانة ال 301 يرفع لنا صورة منه.

انا قولت ان احمد امين هو الي هيقطع الشط في البسين في الموضوع ده , بس الي قراته وتضارب الاقاويل يخلي الواحد يتسائل , هل التوكيل بيقول كل 6 شهور علشان ياخد الفلوس علي الفاضي ولا فعلا الصيانة لازم تبقي كل 6 شهور ممكن تاثر
علي حسب كلامك الصلاحية للزيت سنة والصيانة المتوسطة بين كل 20 الف او ستنين , يعني 10 الاف او سنة
شئ محير ويحتاج مراجعة للتوكيل للتاكد , وخصوصا اننا كشعب بيحب الفتي ويبين انه افهم من المُصنع
اما موضوع الخطف فانا معاك فيه , او ممكن نجنده لحسابنا ويجبلنا المفيد من جوه المطبخ ... بس الي يقبل يتجند ممكن يبيع , لا احنا نخطفة احسن

تحياتي

[Mahmoud Mok]

انا قولت ان احمد امين هو الي هيقطع الشط في البسين في الموضوع ده , بس الي قراته وتضارب الاقاويل يخلي الواحد يتسائل , هل التوكيل بيقول كل 6 شهور علشان ياخد الفلوس علي الفاضي ولا فعلا الصيانة لازم تبقي كل 6 شهور ممكن تاثر
علي حسب كلامك الصلاحية للزيت سنة والصيانة المتوسطة بين كل 20 الف او ستنين , يعني 10 الاف او سنة
شئ محير ويحتاج مراجعة للتوكيل للتاكد , وخصوصا اننا كشعب بيحب الفتي ويبين انه افهم من المُصنع
اما موضوع الخطف فانا معاك فيه , او ممكن نجنده لحسابنا ويجبلنا المفيد من جوه المطبخ ... بس الي يقبل يتجند ممكن يبيع , لا احنا نخطفة احسن

تحياتي

ههههههههههههههههههه
انا مبدئيا فى سيستم كاخدمه عملاء بنكون ماشيين عليه والسسيتم ده بتكون حطاه الاداره
فمعنديش على نقطه ال سنه دى لان زى ماقولت قبل كده ان 10 الف او 6 شهور لكن سنه دى مسمعتش عنها خالص ولا شوفتها بعينى

وبعدين تخططفونى كمان اخص عليكم داناغلباااااااااااااااااااااااااااااااااااااااااان
ههههههه هههههههه ههههههههههه ضحكات شريرة متقعطعه

[eleanor]

لا يا استاذ احمد فعلا بقت كل 6 شهور او 10000 كيلو ايهما اقرب
وده مكتوب فى الكتالوج بتاع ال508 ودى مشكله بالنسبه ليا انا عملت الصيانه والعربيه ماشيه 6000 كيلو بسبب موضوع ال6 شهور ده ولما سالت قالولى شركه موبيل خلت الماده الحافظه للزيت 6 شهور وبعد كده جزيائته بتتفك حتى لو مامشيتش بيه يعنى طالما الجركن اتفتح يبقى 6 شهور بس
والغريبه واللى خلانى شديت معاهم ان فلتر الهواء والتكيف بيغيروه على 6 شهور او 10000 كيلو والمفروض مش قبل 20000 الف كيلو لان مالهومش تاريخ صلاحيه والمهندس يقولى لو ماتغيروش وحصلت مشكله للموتور او التكيف يبقى انت بره الضمان علشان ماغيرتهمش فى الميعاد
حاجه تشل

[mahmed0100]

لا يا استاذ احمد فعلا بقت كل 6 شهور او 10000 كيلو ايهما اقرب
وده مكتوب فى الكتالوج بتاع ال508 ودى مشكله بالنسبه ليا انا عملت الصيانه والعربيه ماشيه 6000 كيلو بسبب موضوع ال6 شهور ده ولما سالت قالولى شركه موبيل خلت الماده الحافظه للزيت 6 شهور وبعد كده جزيائته بتتفك حتى لو مامشيتش بيه يعنى طالما الجركن اتفتح يبقى 6 شهور بس
والغريبه واللى خلانى شديت معاهم ان فلتر الهواء والتكيف بيغيروه على 6 شهور او 10000 كيلو والمفروض مش قبل 20000 الف كيلو لان مالهومش تاريخ صلاحيه والمهندس يقولى لو ماتغيروش وحصلت مشكله للموتور او التكيف يبقى انت بره الضمان علشان ماغيرتهمش فى الميعاد
حاجه تشل

انا معاك انها حاجه سخيفه بس هم بيحاولوا ان العربيه تكون في منتهي الامان و علي جنب كده يطلعوا بشويه مكاسب مش حتضر يعني. :))

[Ahmed Amin]

لا يا استاذ احمد فعلا بقت كل 6 شهور او 10000 كيلو ايهما اقرب
وده مكتوب فى الكتالوج بتاع ال508 ودى مشكله بالنسبه ليا انا عملت الصيانه والعربيه ماشيه 6000 كيلو بسبب موضوع ال6 شهور ده ولما سالت قالولى شركه موبيل خلت الماده الحافظه للزيت 6 شهور وبعد كده جزيائته بتتفك حتى لو مامشيتش بيه يعنى طالما الجركن اتفتح يبقى 6 شهور بس
والغريبه واللى خلانى شديت معاهم ان فلتر الهواء والتكيف بيغيروه على 6 شهور او 10000 كيلو والمفروض مش قبل 20000 الف كيلو لان مالهومش تاريخ صلاحيه والمهندس يقولى لو ماتغيروش وحصلت مشكله للموتور او التكيف يبقى انت بره الضمان علشان ماغيرتهمش فى الميعاد
حاجه تشل

طيب لو همما حددوها 6 شهور أو 10 الأف كيلو دي حاجة,
لكن عشان يقولو شركت موبيل خلت المادة الحافظة للزيت 6 شهور دا كلام مش نازلي من زور مش عارف ليه,,

اللي أعرفة واللي بيتكتب في معظم كتالوجات العربيات إن الزيت صلاحيته سنة مش 6 شهور,,
كل الزيت التخليقية كدا, ومسمعتش عن شركة أنهم قللو صلاحيته.!
لو كان دا حصل وحد عنده لنك ياريت يعرفني,

والزيت فعلاً أول ما بتفتح العلبة سواء أستخدمته أو مستخدمتوش صلاحيته بتبدأ تقل لأن الأضافات اللي فيه بتبدأ تتأكسد وبعد سنة بتبدأ تبقي مضرة بالمحرك,

أمثله علي الكلام دا,, الزيت دا مش عندنا ومكتوب عليه:
Mobil 1 Oil 5W-30 Full Synthetic Motor Oil, 5 qt - Walmart.com

• Precise balance of performance additives helps to provide outstanding engine protection at oil change intervals of up to 15,000 miles or 1 year, whichever comes first

وطبعاً 15 ألف ميل يعني حوالي 25 ألف كيلو متر,!


دا بقي الزيت اللي عندنا, ومكتوب,
Mobil 1 High Mileage 5W-30 Full Synthetic Motor Oil, 5qt: Automotive : Walmart.com
Oil change intervals can be as short as 3,000 miles or as long as 15,000 miles on some new cars.

يعني برضه حوالي 25 ألف كيلو متر المفروض نمشهم علي الزيت,,
بس عشان ظروف التشغيل عندنا قاسية فالتوكيل قللها ل 10 ألأف ودا مناسب جداً لظروف الطرق في مصر,

وموقع موبيل نفسه بيقول نفس الكلام, ومش محدد المدة برضه وسايبها للشركة المصنعة,
Oil change intervals can be as short as 3,000 miles or as long 15,000 miles on some new cars. We recommend that you follow the oil and filter change frequencies shown in your owner's manual. With the high-performance reserves of Mobil 1 synthetic motor oil, you can have the confidence to go the full mileage or time frame recommended by the vehicle manufacturer

http://www.mobiloil.com/USA-English/MotorOil/Oils/Mobil_1_High_Mileage_5W-30.aspx

بالنسبة لفلتر الهواء لو مكتوب أنو المفروض يتغير كل 20 ألف في الكتالوج بتاع العربية أو دفتر الصيانة متغيروش,
ولما تروح أطلب تغير زيت بس ودا مش هيخرجك برة الضمان أنك متغيرش الفلتر طالما أنت مخالفتش شروط الكتالوج,
أنا عندي في مرة كانو عايزين يغيرو ليا فلتر التكيف في أبو رواش وكنت مغيرة قبلها ب 10 الأف كيلو, وكنا كمان في الشتاء ومش بستعمل التكيف,
فبقول للمهندس ليه أغير فلتر التكيف علي 10 الأف وانا لسه مغيرة وأحنا مش في الشتاء ومش بستخدمة,, قالي أصل بيجو بتحب تهتم بصحة ملاكها وضحك ضحكة صفرة كدا هههههههه
بصيت له بصة مش تمام, ومشيت ومغيرتش غير زيت بس,

بالنسبة لفلتر الهواء تاني مهم أنك تغير كل 20 ألف, وممكن تنضفة كل 10 ألأف كيلو عشان تحافظ علي كمية الهواء اللي داخل للموتور.