بيجو 301 لن تنتشر

[Mohamed.Ramah]

السبب أن نيسان صنى موجودة فى التوكيل قبل البيجو بفترة كبيرة .

سعر الصنى الاعتبرة الكثير مناسب وقت الشراء ولاكن دة أصبح واضح لما تشوفها على الحقيقة والخامات الداخلية المستخدمة (السيئة ) الاقرب لليروتون ساجا تعرف لية سعرها مزادش للدرجة زى ما حصل مع التيدا مثلا الموديل 2013 وموديل 2014 الوصل ل 160.000
.

التقييم الغير حيادى لمن قيم السيارة او قال ان انها جيدة جداً فى بداية نزولها ودة أثر فى قرار الشراء للكثير .

سمعة الصنى القديمة بالرغم من وجود بعض المشاكل لاكن اسعار قطع الغيار والصيانة كانت جيدة ووثوق الاشخاص فى توكيل نيسان بالرغم من التقصير فى بعض الاحيان بس الكمال لله وحدة.

كل دة أدى ان توكيل نيسان باع من الصنى 6.000 سيارة خلال 6 شهور الكلام دة بتاريخ 14/1 العام الجارى دة غير الحاجز واستلم حتى اليوم فالطبيعى انك تشوف الصنى منتشرة أكثر خاصة الفئة سوبر صالون .

[Mohamed.Ramah]

أخر تقرير للمبيعات ذكر أن بيجو 301 باعت خلال عام 2013
835 سيارة فقط التقرير كان بتاريخ 1 سبتمبر يعنى من شهرين قول وصل النهردة ل 1000 بالحيستلم قريب و قيس حجم المبيعات على مستوى الجمهورية مقابل النيسان صنى حتعرف لية انت شايف عدد محدود من بيجو مقابل الصنى :)

[shawke hamed]

يا جماعة سيبكم من كلمة ثقافة شعب دى الى عايز عربية بيجيبها مفيش اى مشاكل خالص سواء العربية صنى او 301 انتشرت فدى ازاق انت عايز دى اودى صباح الفل .........

[abohend]

السبب أن نيسان صنى موجودة فى التوكيل قبل البيجو بفترة كبيرة .

سعر الصنى الاعتبرة الكثير مناسب وقت الشراء ولاكن دة أصبح واضح لما تشوفها على الحقيقة والخامات الداخلية المستخدمة (السيئة ) الاقرب لليروتون ساجا تعرف لية سعرها مزادش للدرجة زى ما حصل مع التيدا مثلا الموديل 2013 وموديل 2014 الوصل ل 160.000
.

التقييم الغير حيادى لمن قيم السيارة او قال ان انها جيدة جداً فى بداية نزولها ودة أثر فى قرار الشراء للكثير .

سمعة الصنى القديمة بالرغم من وجود بعض المشاكل لاكن اسعار قطع الغيار والصيانة كانت جيدة ووثوق الاشخاص فى توكيل نيسان بالرغم من التقصير فى بعض الاحيان بس الكمال لله وحدة.

كل دة أدى ان توكيل نيسان باع من الصنى 6.000 سيارة خلال 6 شهور الكلام دة بتاريخ 14/1 العام الجارى دة غير الحاجز واستلم حتى اليوم فالطبيعى انك تشوف الصنى منتشرة أكثر خاصة الفئة سوبر صالون .

مممممممممم....
طب ايه رأيك فكلام بطوط
يعني هل تتوقع طفرة في مبيعات بيجو 301 مع حلول 2014 و زيادة حصة الوكيل
و لا الطلب أصلا لن يزيد بالصورة اللي تحول العربية للوجان جديدة (من حيث المبيعات طبعا مش اﻹمكانيات)
يعني من اﻵخر هل ستنجح بيجو في إستنساخ نجاح رينو؟؟؟؟؟؟؟؟

[abohend]

يا جماعة سيبكم من كلمة ثقافة شعب دى الى عايز عربية بيجيبها مفيش اى مشاكل خالص سواء العربية صنى او 301 انتشرت فدى ازاق انت عايز دى اودى صباح الفل .........

أكيد كل واحد بيجيب العربية اللي عجباه....
لكن كلمة ثقافة شعب يعني ايه المعايير اللي بيلجألها المشتري عشان ياخد قراره
جودة المنتج و لا إنتشاره و لا رخص قطع الغيار و لا أساليب الرفاهية و لا معايير السلامة و لا و لا و لا
هو ده المقصود بثقافة شعب
أنت شايف ايه أكبر المؤثرات في إختيارات الشعب المصري؟؟؟؟
مبدئيا إحذف معايير السلامة و عبور المنتج ﻹختبارات السلامة و الجودة....المعظم في مصر ميعرفش عنها حاجة

[Batman372]

الخامات فى الصنى القديمه ممتازه ... يمكن فى الجديده قلت الجوده بعض الشئ و لكنها ليست سيئه ...

مفيش حاجه اسمها تقييم غير حيادى !!! لو عشرات عملوا كده اكيد الالوف مش حيعملو كده !!
العربيه من 2006 و اثبتت كفائتها ... بدون اى مزايدات ...

سعرها المنافس ده لانها مجمعه محليا ... التيدا مازالت استيراد و عليها جمارك ...

اكيد طبعا فيه حاجه اسمها ثقافه شعب ... و الدليل المرسيدس حتى اليوم بتعمل مبيعات اضعاف كل المنافسين مجتمعين !! مع ان الفروقات بسيطه و الجوده متقاربه جدا .... و اسعار المرسيدس اعلى :)

استحاله ال 301 تعمل مبيعات اللوجان ...لان الفئه السعريه مختلفه تماما ... فرق 50 الف جم ..

اخيرا الناس الى بتقارن ال 301 بالصنى ... غير عملى لان الفئه السعريه مختلفه ...
لو ميزانيه حتى 115 الف يبقى صنى وش ... لو ممكن حتى 130 او اكتر يبقى 301 بدون تفكير ..

مبروك عليك 301 مقدما ... و ان شاء الله تستلم على خير ...

تحياتى ...

[amrelsaqqa]

العربيه من 2006 و اثبتت كفائتها ... بدون اى مزايدات ...

معلش ، اهو كلامك ده من ضمن التقييم الغير حيادى ، دى حمادة ودى حمادة تانى خالص

الصنى القديمة كنبة ضيقة واستهلاك بنزين عالى ، والباقى مميزات
الجديدة كنبة واسعة واستهلاك بنزين حلو والباقى عيوب

يعنى دى عكس دى خالص !

[neemmohamed]

اختلف مع صاحب الموضوع .... لان العربية بتتكلم عن نفسها اى حد ينزل يشوف العربية بخاماتها و اسمها بسعرها ده و يقارنها بالمنافسين ها يلاقى ان البيجو تكسب
و متوقع لها شعبية و انتشار فى شريحتها السعرية بلا جدال

[assaf]

كلامك مضبوط
و ده حصل في اللوجان
فعلا لما نزلت بسعر تنافسي إكتسحت الفيرنا و اللانوس
و ده اللي أنا بسأل عنه
ليه البيجو مش قادرة تحقق ده قدام الصني و هي المنافس ليها في نفس الفئة السعرية
عموما توكيل البيجو عليه عامل قوي في إنجاح العربية أو إفشالها
يعني الصني رغم عيوبها وكيلها قدر يثبت رجليها فالسوق
و بروتون رغم أنها عربية جيدة جدا وكيلها كره الناس فيها

خالي بالك من عنصر الوقت
يعني البيجو لسه نازله من 6 شهور و اسم بيجو كان بيخوف فدا عامل لكن مع الوقت العربيه حتنتشر
يعني اللوجان لما نزلت اول مره سنه 2009 مكانتش منتشره بدت تنتشر بجد اخر 2010 لما الناس بتدت تتعود عليها انا متوقع السنه الجايه البيجو حتعمل زي الرينو في ارتفاع المبيعات
مش حيكونوا زي هيونداي بس علي الاقل عربيات منتشره مشكله الخوف من الماركه دي بتقل مع الوقت و مع استخدام العربيه خاصه لو مبانش عيوب
الصني شغاله بسمعه النيسان القديمه + انها بقالها سنه ونصف في السوق يعني قبل البيجو بسنه

[Batman372]

معلش ، اهو كلامك ده من ضمن التقييم الغير حيادى ، دى حمادة ودى حمادة تانى خالص

الصنى القديمة كنبة ضيقة واستهلاك بنزين عالى ، والباقى مميزات
الجديدة كنبة واسعة واستهلاك بنزين حلو والباقى عيوب

يعنى دى عكس دى خالص !

مع احترامى لك ... ليس من حقك اتهامى بعدم الحياديه !!!
و الى كل الى بتقوله ده حاجه قديمه و معروف للجميع ... و ميعبش اى عربيه !!!
و رغم ذلك شئت او ابيت مبيعات الصنى سواء قديم او جديد مكتسحه ... تفتكر كل الناس (الى اغلبهم مش فى المنتدى ) ديه مش بتفهم و مضحوك عليها او متأثرين بالناس عديمى الحياديه ؟؟؟
كون العربيه مجملا مش عاجباك فانت طبعا حر ... و ده الى اسمه مش حيادى :)
تحياتى ...

[Akram.Gamal]

مع احترامى لك ... ليس من حقك اتهامى بعدم الحياديه !!!
و الى كل الى بتقوله ده حاجه قديمه و معروف للجميع ... و ميعبش اى عربيه !!!
و رغم ذلك شئت او ابيت مبيعات الصنى سواء قديم او جديد مكتسحه ... تفتكر كل الناس (الى اغلبهم مش فى المنتدى ) ديه مش بتفهم و مضحوك عليها او متأثرين بالناس عديمى الحياديه ؟؟؟
كون العربيه مجملا مش عاجباك فانت طبعا حر ... و ده الى اسمه مش حيادى :)
تحياتى ...

لا انا اعترض على كلام حضرتك
اي سياره فى العالم يمكن ان تحكم عليها على حسب اعتبارات معينه او معايير معينه
زي مثلا الامان و الثبات و الخ

الا مصر بتحسب اعتمادية العربيه بسعرها
و السوق المصرى و ان كان بيفرض ثقافه مغايره للاعتدال و لكن احنا مش بنتهكم على الناس
ولكن اي من كان يرى و بكل وضوح قصور الفكر التجددى و المتطور فى ثقافة الشراء فى مصر
و معروف ان الناس لما بتحب عربيه و تنتشر بتشتريها و خلاص حتى ولو ظهر سياره احسن ..

و ارجع و اقول برضو ان الموقف بدأ يتعدل بشكل طفيف و اكبر مثال على كده وجود فئات مختلفه و كلها منتشره فى الشارع زي استرا و 508 و ال301 و فلوينس برغم وجود كورولا 2014 و نيسان صنى و النترا 2014 و سيراتو 2014

يعنى من الاخر ال بيشترى لنفسه و لمزاجه موجود و ال بيشترى للناس و المجتمع برضو موجود

ارجو حضرتك تتقبل رأيى و تحياتى ليك

[Batman372]

لا انا اعترض على كلام حضرتك اي سياره فى العالم يمكن ان تحكم عليها على حسب اعتبارات معينه او معايير معينه زي مثلا الامان و الثبات و الخ
الا مصر بتحسب اعتمادية العربيه بسعرها
و السوق المصرى و ان كان بيفرض ثقافه مغايره للاعتدال و لكن احنا مش بنتهكم على الناس ولكن اي من كان يرى و بكل وضوح قصور الفكر التجددى و المتطور فى ثقافة الشراء فى مصر و معروف ان الناس لما بتحب عربيه و تنتشر بتشتريها و خلاص حتى ولو ظهر سياره احسن ..
و ارجع و اقول برضو ان الموقف بدأ يتعدل بشكل طفيف و اكبر مثال على كده وجود فئات مختلفه و كلها منتشره فى الشارع زي استرا و 508 و ال301 و فلوينس برغم وجود كورولا 2014 و نيسان صنى و النترا 2014 و سيراتو 2014 يعنى من الاخر ال بيشترى لنفسه و لمزاجه موجود و ال بيشترى للناس و المجتمع برضو موجود

ارجو حضرتك تتقبل رأيى و تحياتى ليك

اعترض براحتك :) و رايك على عينى ...

لكن برايك ده انت كد بتتهم الشعب المصرى انه مش بيفهم و لا عنده عقل يفكر به و عنده قصور فكرى على حد تعبيرك !!


بصراحه لا تعليق :) لاننا كده دخلنا فى مواضيع نفسيه ليس لها علاقه بعالم السيارات !!

تقبل تحياتى ...

[Akram.Gamal]

اعترض براحتك :) و رايك على عينى ...

لكن برايك ده انت كد بتتهم الشعب المصرى انه مش بيفهم و لا عنده عقل يفكر به و عنده قصور فكرى على حد تعبيرك !!


بصراحه لا تعليق :) لاننا كده دخلنا فى مواضيع نفسيه ليس لها علاقه بعالم السيارات !!

تقبل تحياتى ...

لا ياباشا و الله حضرتك واخدها على انها شتيمه و ده مش قصدى
انا بقولك بالمعنى الصريح اهو

انا مش بتعم حد انه مبيفهمش حشانه اشترى العربيه الفلانيه
لا هو فاهم و يقدر يحسبها صح لكن معظم الشعب المصرى ميال للعربيه
ال اصحابه و المجتمع ال هو عايش فيه هيقولوله عليها دى عربيه 10 /10
بغض النظر بقا هي تقييمها ايه ارجو تكون فهمتنى

[Mohamed.Ramah]

مممممممممم....

يعني هل تتوقع طفرة في مبيعات بيجو 301 مع حلول 2014 و زيادة حصة الوكيل
و لا الطلب أصلا لن يزيد بالصورة اللي تحول العربية للوجان جديدة (من حيث المبيعات طبعا مش اﻹمكانيات)
يعني من اﻵخر هل ستنجح بيجو في إستنساخ نجاح رينو؟؟؟؟؟؟؟؟

لأ صعب لان الانتشار الواسع بيرجع لاسباب كتير ومنها سبب رئيسى ثقافة وثقة الشعب فى ماركات بعينها ، الغلطة ان وكيل بيجو سوق السيارة بسعر مرتفع حتى اغلى من النسخة الستروين ب 5000 جنية + توكيل بيجو ملوش مبيعات غير قليلة ولا حتى ستروين فى مصر من فترة بسبب الناس بتتجة لهيونداى وكيا ونيسان من سنين .

نصيحة انت مقتنع بالعربية وحاجزها لان مواصفاتها عجباك ودة شىء بيرجعلك فى اختيارك سيبك من عدم انتشارها بشكل كبير المهم العربية نفسها مفيهاش مشاكل ومميزاتها وسعرها مقبولين ليك يبقى خلاص ومتقارنش ابداً فئة اقل بفئة اعلى فى الانتشار لان السعر بيلعب دور كبير .

[grumby78]

زي ماالاخ الكريم قال اللي عاوز عربيه ياباني - مهما كان تجميعها - ولها اعتماديه وسعرها كويس جدا في ظل سوق اتجنن في اسعاره بيجيب الصني . وتعقيبا العالم كله بيفكر في العربيات من ناحية متطلبات المستخدم والسعر ودي نقطه هامه جدا في قرار الشراء في العالم كله مش في مصر بس . يعني في امريكا بيفكروا ان العربيه المحليه - امريكية الصنع - مناسبه سعرا واعتماديه واسعار صيانه وده بيميزها عن العربيات الاوروبي هناك . يعني بيجو دي مش موجوده اصلا هناك ولا سيات ولا اوكتافيا ولا الفا روميووغيره ولكن نيسان هناك وتويوتا وسوبارو ولكزس وانفينيتي .. كل سوق له متطلباته وحساباته وفي مصر حيث المسافات مش كبيره بين المدن والسعر عامل حاسم تلاقي فكرة ان عربية المدينه هي الغالبه وكمان في ظل شبكة طرق سيئه مش محتاج تجري فيها ولا محتاج مواتير عاليه . انا مثلا من الناس اللي مش بقتنع اصلا بالعربيات الاوروبي ومقتنع تماما - وده رأي شخصي جدا - بانها غير اعتماديه وسعرها مبالغ فيه والاسيوي اجمالا برقبته . في ناس شايفه العربيات الاوروبي دي حكايه وتستاهل تقتنى باي سعر ودول موجودين . الشارع بيقول ان محبي الاسيوي والواثقين في جودته - كوري وياباني - اكتر .. الاختيار لك وانت ادرى الناس بظروفك واحتياجاتك .