إعـــــــلان

Collapse

.

,
See more
See less

بيجو 301 لن تنتشر

Collapse
X
Collapse
 
  • Page of 5
  • Filter
  • الوقت
  • Show
Clear All
new posts
السابق 1 2 3 4 5 template التالي
  • #46
    المشاركة الأصلية كتبت بواسطة batman372 مشاهدة المشاركة
    مع احترامى لك ... ليس من حقك اتهامى بعدم الحياديه !!!
    و الى كل الى بتقوله ده حاجه قديمه و معروف للجميع ... و ميعبش اى عربيه !!!
    و رغم ذلك شئت او ابيت مبيعات الصنى سواء قديم او جديد مكتسحه ... تفتكر كل الناس (الى اغلبهم مش فى المنتدى ) ديه مش بتفهم و مضحوك عليها او متأثرين بالناس عديمى الحياديه ؟؟؟
    كون العربيه مجملا مش عاجباك فانت طبعا حر ... و ده الى اسمه مش حيادى :)
    تحياتى ...
    معرفش ان الكلمة هتضايقك ، عموما انا ما اقصدش حاجة
    طبعا كل واحد يختار اللى يعجبه والاختلاف في الرأي لا يفسد للود قضية ولولا اختلاف الاذواق لبارت السلع
    الصنى عربية كويسة في فئئها السعرية ، ولكن ما زلت عند رأيي النيسان القديمة برقبتها وما ينفعش تتقارن بيها ولو العربية الجديدة حققت مبيعات عشان سمعة القديمة يبقى ده - في رأيي برضه - مجرد فخ كبير لكل اللى اشترى العربية وعلى فكرة انا اعرف واحد صاحبى معاه القديمة الـ n16 كان شاريها مجرد ما نزلت الجديدة ، وبعدين كان هيفكر في الجديدة وهو بيشتري او تقريبا كان هيبيع دى ويجيب دى ومهندس من جوة التوكيل نفسه نصحه وقال له خليك في القديمة القديمة احسن بمراحل

    Comment

    • #47
      المشاركة الأصلية كتبت بواسطة Batman372 مشاهدة المشاركة

      الخامات فى الصنى القديمه ممتازه ... يمكن فى الجديده قلت الجوده بعض الشئ و لكنها ليست سيئه ...

      مفيش حاجه اسمها تقييم غير حيادى !!! لو عشرات عملوا كده اكيد الالوف مش حيعملو كده !!
      العربيه من 2006 و اثبتت كفائتها ... بدون اى مزايدات ...

      سعرها المنافس ده لانها مجمعه محليا ... التيدا مازالت استيراد و عليها جمارك ...

      اكيد طبعا فيه حاجه اسمها ثقافه شعب ... و الدليل المرسيدس حتى اليوم بتعمل مبيعات اضعاف كل المنافسين مجتمعين !! مع ان الفروقات بسيطه و الجوده متقاربه جدا .... و اسعار المرسيدس اعلى :)

      استحاله ال 301 تعمل مبيعات اللوجان ...لان الفئه السعريه مختلفه تماما ... فرق 50 الف جم ..

      اخيرا الناس الى بتقارن ال 301 بالصنى ... غير عملى لان الفئه السعريه مختلفه ...
      لو ميزانيه حتى 115 الف يبقى صنى وش ... لو ممكن حتى 130 او اكتر يبقى 301 بدون تفكير ..

      مبروك عليك 301 مقدما ... و ان شاء الله تستلم على خير ...

      تحياتى ...
      لا يا صديقي ممكن ألوف يشتروا على السمعة و ده موجود بقوة في السوق المصري اللي غالبيته بيبني رأيه على الإعتمادية قبل الجودة
      سوق ثقافته منخفضة يعتمد على الإشاعات
      يا أخي معظم أصحاب العربيات ميعرفهوش إمكانيتها و مقروش المانيوال قبل كده
      طب و قف كده واحد في إشارة و قوله عربيتك فيها abs و لا لأ
      لو فرضنا و عرف يرد عليك أسأله طب يعني ايه abs يا حاج و فايدته ايه

      لو 115 برضه 301 أنا إخترت إني أركب مانيوال بيجو عن إني أركب أوتو صني

      يمكن موضوع أن 301 تحقق إنتشار اللوجان ده اللي أنا ممكن أيدك فيه و ده سبب الموضوع
      [SIGPIC][/SIGPIC]

      Comment

      • #48
        المشاركة الأصلية كتبت بواسطة abohend مشاهدة المشاركة
        لا يا صديقي ممكن ألوف يشتروا على السمعة و ده موجود بقوة في السوق المصري اللي غالبيته بيبني رأيه على الإعتمادية قبل الجودة
        سوق ثقافته منخفضة يعتمد على الإشاعات
        يا أخي معظم أصحاب العربيات ميعرفهوش إمكانيتها و مقروش المانيوال قبل كده
        طب و قف كده واحد في إشارة و قوله عربيتك فيها abs و لا لأ
        لو فرضنا و عرف يرد عليك أسأله طب يعني ايه abs يا حاج و فايدته ايه

        لو 115 برضه 301 أنا إخترت إني أركب مانيوال بيجو عن إني أركب أوتو صني

        يمكن موضوع أن 301 تحقق إنتشار اللوجان ده اللي أنا ممكن أيدك فيه و ده سبب الموضوع
        ال301 حتحقق انتشار اللوجان ولسبب بسيط جدا ان اللوجان اصبح سعرها مغالى فيه بشكل ملحوظ يعني عربية تقفيل مغربي تفتقد لمعظم و سائل الامان و سعرها 86.5 مانيول و 96 اوتو ففرق السعر 20 الف بس (مش 50 الف) و دي اكبر غلطة عملتها رينو . اللوجان عربية اخرها 70او 75 بالكتير و الشعب المصري اصبح من الوعي الى يخليه يقارن و يحسبها صح خاصة الي بيتجه لهذه الفئة من السيارات.

        Comment

        • #49
          ال 301 انتشرت بالفعل
          انا بشوفها يوميا و حوالين بيتي بس في بتاع 3-4 عربيات
          و بشوفها في الطريق كتيييير
          و هي اكيد مش بانتشار الصني لان الصني نزلت قبلها بكتير و سعرها كان مناسب جدا اول ما نزلت و مكانش قدامها منافسين تقريبا
          لكن دلوقتي انا متاكد ال 301 اثرت علي مبيعاتها زي ما اثرت علي الريو اللي انتشارها ضعف الصني كمان
          Sharief Mansy شريف منسي
          شكرا نايل موتورز
          [SIGPIC][/SIGPIC]
          Farewell my Cayenne, you were the best car i ever had and driven

          Comment

          • #50
            المشاركة الأصلية كتبت بواسطة horas3000 مشاهدة المشاركة
            ال 301 انتشرت بالفعل
            انا بشوفها يوميا و حوالين بيتي بس في بتاع 3-4 عربيات
            و بشوفها في الطريق كتيييير
            و هي اكيد مش بانتشار الصني لان الصني نزلت قبلها بكتير و سعرها كان مناسب جدا اول ما نزلت و مكانش قدامها منافسين تقريبا
            لكن دلوقتي انا متاكد ال 301 اثرت علي مبيعاتها زي ما اثرت علي الريو اللي انتشارها ضعف الصني كمان
            اؤيدك بشدة
            انا معايا 301 هاي لاين موكا وكل يوم وانا ماشي بشوفها جنبي (عربية او عربيتين عالاقل) 301
            والصني فعليا نازلة من نصف 2012 يعني سابقة ال 301 بسنة كاملة
            وفيه ناس بتكون مش معاها غير ال 110.000 بتوع الصني ونفسهم بس يركبو عربية اوتوماتيك فبيروح للصني عشان فرق ال 16.000 اللي بينه وبين البيجو 301 البيزلاين .... مش عشان الصني احسن

            Comment

            • #51
              -أكيد فيه سبب وجيه الناس بتبعد عن Peugeot مش كلهم بالسمع

              -برده عربيات البيجو القوية فعلا زي 308 و كده انا مش بشوفها في الشارع كتيير نفسي حد يقول الصراحة مالها ال Peugeot

              Comment

              • #52
                المشاركة الأصلية كتبت بواسطة gehadag05 مشاهدة المشاركة
                اؤيدك بشدة
                انا معايا 301 هاي لاين موكا وكل يوم وانا ماشي بشوفها جنبي (عربية او عربيتين عالاقل) 301
                والصني فعليا نازلة من نصف 2012 يعني سابقة ال 301 بسنة كاملة
                وفيه ناس بتكون مش معاها غير ال 110.000 بتوع الصني ونفسهم بس يركبو عربية اوتوماتيك فبيروح للصني عشان فرق ال 16.000 اللي بينه وبين البيجو 301 البيزلاين .... مش عشان الصني احسن
                معاك حق
                أنا مخلانيش أفكر فالصني غير الزحمة و عشان كده الواحد نفسه يركب أوتو
                لكن بعد مفكرت كويس مش هضحي بعربية كويسة و أركب عربية مش مقتنع بيها عشان أوتو
                و يا ريت توكيل بيجو يبرر الفرق المبالغ فيه بين المانيوال و الأوتو البيزلاين
                16 ألف عشان الفتيس ده إفترا
                [SIGPIC][/SIGPIC]

                Comment

                • #53
                  المشاركة الأصلية كتبت بواسطة abohend مشاهدة المشاركة
                  لا يا صديقي ممكن ألوف يشتروا على السمعة و ده موجود بقوة في السوق المصري اللي غالبيته بيبني رأيه على الإعتمادية قبل الجودة
                  سوق ثقافته منخفضة يعتمد على الإشاعات
                  يا أخي معظم أصحاب العربيات ميعرفهوش إمكانيتها و مقروش المانيوال قبل كده
                  طب و قف كده واحد في إشارة و قوله عربيتك فيها abs و لا لأ
                  لو فرضنا و عرف يرد عليك أسأله طب يعني ايه abs يا حاج و فايدته ايه

                  لو 115 برضه 301 أنا إخترت إني أركب مانيوال بيجو عن إني أركب أوتو صني

                  يمكن موضوع أن 301 تحقق إنتشار اللوجان ده اللي أنا ممكن أيدك فيه و ده سبب الموضوع
                  يعنى حضرتك عامل الموضوع ده كله علشان عايز تقول ان الصنى جوده منخفضه و عربيه سيئه ؟؟؟ و كل مبيعاتها مبنيه على اشاعات ؟؟؟

                  بالذمه ده كلام ؟؟؟

                  غير كده حضرتك اخترت ال 301 و مانيوال و فضلتها عن الصن الاوتو ..
                  ايه الى مضايقك ان الصنى منتشره ؟؟؟ ده امر واقع !!!
                  طيب ما السيراتو و الريو و الفيرنا و اللانسر بومه مبيعاتها اكتر !!!! ايه المشكله ؟؟؟

                  احنا بنقوا ان ال 301 عربيه ممتازه و مبشره من حيث المبيعات ...
                  لكن بقالها فقط 4/5 شهور فى السوق !!! ازاى عايز تفرضها على عربيات بقالها 6 سنوات و زياده ؟؟؟ و كمان ارخص اقله 20 الف جم ؟؟؟

                  على العموم بالتوفيق ... و تستلم على خير ...

                  تحياتى ...
                  [SIZE="4"][COLOR="Navy"]Eng. Safwat Saleh[/COLOR][/SIZE]
                  [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                  Comment

                  • #54
                    المشاركة الأصلية كتبت بواسطة gehadag05 مشاهدة المشاركة

                    وفيه ناس بتكون مش معاها غير ال 110.000 بتوع الصني ونفسهم بس يركبو عربية اوتوماتيك فبيروح للصني عشان فرق ال 16.000 اللي بينه وبين البيجو 301 البيزلاين .... مش عشان الصني احسن
                    حلوه نفسهم يركبو عربيه .... فيشتروا الصنى !!! معلشى بقى غلابه نعمل ايه ؟؟؟
                    [SIZE="4"][COLOR="Navy"]Eng. Safwat Saleh[/COLOR][/SIZE]
                    [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                    Comment

                    • #55
                      المشاركة الأصلية كتبت بواسطة horas3000 مشاهدة المشاركة
                      ال 301 انتشرت بالفعل
                      انا بشوفها يوميا و حوالين بيتي بس في بتاع 3-4 عربيات
                      و بشوفها في الطريق كتيييير
                      و هي اكيد مش بانتشار الصني لان الصني نزلت قبلها بكتير و سعرها كان مناسب جدا اول ما نزلت و مكانش قدامها منافسين تقريبا
                      لكن دلوقتي انا متاكد ال 301 اثرت علي مبيعاتها زي ما اثرت علي الريو اللي انتشارها ضعف الصني كمان
                      +++111
                      يا باشا محدش قال غير كده !!!

                      و مش عارف ليه كل الهجوم ده و التقطيع فى الصنى !!!
                      اكنها الحيطه المايله :)

                      تحياتى ...
                      [SIZE="4"][COLOR="Navy"]Eng. Safwat Saleh[/COLOR][/SIZE]
                      [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                      Comment

                      • #56
                        لا مش ده السبب

                        المشاركة الأصلية كتبت بواسطة batman372 مشاهدة المشاركة
                        يعنى حضرتك عامل الموضوع ده كله علشان عايز تقول ان الصنى جوده منخفضه و عربيه سيئه ؟؟؟ و كل مبيعاتها مبنيه على اشاعات ؟؟؟

                        بالذمه ده كلام ؟؟؟

                        غير كده حضرتك اخترت ال 301 و مانيوال و فضلتها عن الصن الاوتو ..
                        ايه الى مضايقك ان الصنى منتشره ؟؟؟ ده امر واقع !!!
                        طيب ما السيراتو و الريو و الفيرنا و اللانسر بومه مبيعاتها اكتر !!!! ايه المشكله ؟؟؟

                        احنا بنقوا ان ال 301 عربيه ممتازه و مبشره من حيث المبيعات ...
                        لكن بقالها فقط 4/5 شهور فى السوق !!! ازاى عايز تفرضها على عربيات بقالها 6 سنوات و زياده ؟؟؟ و كمان ارخص اقله 20 الف جم ؟؟؟

                        على العموم بالتوفيق ... و تستلم على خير ...

                        تحياتى ...
                        لا يا فندم
                        أكيد مش هعمل موضوع مخصوص عشان أقطع فالصني.....مفيش بيني و بينها مشاكل الحمد لله
                        أنا عملت الموضوع عشان أنا معايا بيجو 206 و رغم جودتها العالية جدا في فئتها لكن بتتعبني فالصيانة و قطع الغيار
                        يعني مثلا أنا دلوقت دايخ على لوحة عدادات مش لاقي و لا حتى فالتوكيل
                        و عشان كده حابب أطمن قبل مشتري بيجو 301 أن الموضوع ده ميتكررش
                        و فعلا في العالم اﻹفتراضي لقيت إقبال هايل من الناس على العربية لكن لما اﻹقبال ده متترجمش لعدد موجود في الشارع قلقت
                        و الحمد لله العضو بطوط بخبرته التسويقية فهمني النقط اللي غايبة عني
                        لكن معنى كلام حضرتك ده إني يا بشتغل تبع توكيل بيجو يأما في عداوة بيني و بين توكيل صني
                        و الحمد لله الحالتين مش موجودين
                        و أظن اللي عايز ياخد تقييم معبر عن الصني هيدخل على قسم نيسان مش بيجو.. يبقى خطتي الجهنمية ﻹفشال الصني هتبوظ
                        ربنا يوفق الجميع ﻹختيار اﻷنسب
                        تقبل تحياتي
                        [SIGPIC][/SIGPIC]

                        Comment

                        • #57
                          المشاركة الأصلية كتبت بواسطة abohend مشاهدة المشاركة
                          لا يا فندم
                          أكيد مش هعمل موضوع مخصوص عشان أقطع فالصني.....مفيش بيني و بينها مشاكل الحمد لله أنا عملت الموضوع عشان أنا معايا بيجو 206 و رغم جودتها العالية جدا في فئتها لكن بتتعبني فالصيانة و قطع الغيار
                          يعني مثلا أنا دلوقت دايخ على لوحة عدادات مش لاقي و لا حتى فالتوكيل
                          و عشان كده حابب أطمن قبل مشتري بيجو 301 أن الموضوع ده ميتكررش
                          و فعلا في العالم اﻹفتراضي لقيت إقبال هايل من الناس على العربية لكن لما اﻹقبال ده متترجمش لعدد موجود في الشارع قلقت
                          و الحمد لله العضو بطوط بخبرته التسويقية فهمني النقط اللي غايبة عني
                          لكن معنى كلام حضرتك ده إني يا بشتغل تبع توكيل بيجو يأما في عداوة بيني و بين توكيل صني
                          و الحمد لله الحالتين مش موجودين
                          و أظن اللي عايز ياخد تقييم معبر عن الصني هيدخل على قسم نيسان مش بيجو.. يبقى خطتي الجهنمية ﻹفشال الصني هتبوظ
                          ربنا يوفق الجميع ﻹختيار اﻷنسب
                          تقبل تحياتي
                          و الله يا باشا انا برد على كلامك ... مش اكتر :)
                          بالاضافه ان بعض الاعضاء الافاضل كارهى الصنى سابو موضوعك الاصلى المتعلق بالانتشار و المبيعات و كل العربيات الاخرى و مسكو فى الصنى :)

                          على العموم مشكله حضرتك تتلخص فى التوكيل السئ و ليس فى السياره ...
                          و ده ممكن يجاوب على سؤالك الرئيسى من تخوفك من عدم انتشارها ...

                          بالتوفيق ...
                          تقبل تحياتى ...
                          [SIZE="4"][COLOR="Navy"]Eng. Safwat Saleh[/COLOR][/SIZE]
                          [COLOR="Green"]افضل سياراتى السابقه : BMW e46/318/2001 - e39/520/2002 - e39/525/2003 - e60/523/2007 - Octavia A4/'98 - Renault 9 GTS/'86 ..... Sold but not forgotten :)[/COLOR]

                          Comment

                          • #58
                            المشاركة الأصلية كتبت بواسطة batman372 مشاهدة المشاركة
                            حلوه نفسهم يركبو عربيه .... فيشتروا الصنى !!! معلشى بقى غلابه نعمل ايه ؟؟؟



                            حضرتك مكملتش باقي كلامي...انا قولت (نفسهم يركبو عربية اوتوماتيك)...مش عربية وسكتت
                            وعلي فكرة انا واحد من الناس دي ... مش بقول كدة تريقة يعني
                            وانا كانت عاجباني شكل الصني جداا من برة وروحت فعلا المعرض عشان اخلص فيها ... ولكن للاسف قفلتني منها تماما لما ركبتها وشوفت تقفيلها الداخلي و سوء الخامات الداخلية وضعف الصاج بتاعها
                            ودة اللي خلاني اروح للبيجو

                            Comment

                            • #59
                              والله يا جماعة مش مستاهله كل ده خالص كل واحد فى دماغ و يقدر يحسبها صح و يشوف العربية اللى تناسبه و يبقى مرتحلها بغض النظر عن التقطيع فى اى عربية تانية انا لسه مستلم بيجو 301 بقالى يعنى 3 اسابيع وفى ناس معايا فى الشغل معاها الصنى و اتفرجت عليها كذا مرة و لقيت نفسى مرتاح للبيجو اكتر بعد الاستخارة مش معنى كده ان الصنى وحشة هى مسالة اذواق و ارتياح و ممكن االى يعجبنى ما يعجبشى غيرى و العكس صحيح يعنى لازم يبقى عندنا ثقافة الاختلاف فى الراى لا يفسد للود قضية المهم كلامى ده لان كل واحد اكيد بنفسه حايقرر ايه المناسب ليه بدون الدخول فى نقاشات حادة شويه و الله الموفق

                              Comment

                              • #60
                                بلاش مشاركات خارج الموضوع

                                المشاركة الأصلية كتبت بواسطة m.basha مشاهدة المشاركة
                                والله يا جماعة مش مستاهله كل ده خالص كل واحد فى دماغ و يقدر يحسبها صح و يشوف العربية اللى تناسبه و يبقى مرتحلها بغض النظر عن التقطيع فى اى عربية تانية انا لسه مستلم بيجو 301 بقالى يعنى 3 اسابيع وفى ناس معايا فى الشغل معاها الصنى و اتفرجت عليها كذا مرة و لقيت نفسى مرتاح للبيجو اكتر بعد الاستخارة مش معنى كده ان الصنى وحشة هى مسالة اذواق و ارتياح و ممكن االى يعجبنى ما يعجبشى غيرى و العكس صحيح يعنى لازم يبقى عندنا ثقافة الاختلاف فى الراى لا يفسد للود قضية المهم كلامى ده لان كل واحد اكيد بنفسه حايقرر ايه المناسب ليه بدون الدخول فى نقاشات حادة شويه و الله الموفق
                                بالضبط كده
                                الموضوع مش معمول لمدح البيجو أو ذم الصني أو أي عربية أخرى
                                الموضوع ببساطة لتقييم إنتشار البيجو الحالي
                                و أخذ اﻵراء في اﻹنتشار المتوقع و ايه العوامل اللي هتأثر فيه
                                اللي يقدر يفدنا بأي حاجة بخصوص الموضوعين دول يشاركنا برأيه
                                أما أي مشاركات تتطلع عن إطار الموضوعين دول يا ريت توجه للقسم الصحيح عشان يتم اﻹستفادة منها بصورة أكبر
                                الموضوع خاص باﻹنتشار لا علاقة له بالمقارنات أو التقييمات الفنية
                                [SIGPIC][/SIGPIC]

                                Comment

                                السابق 1 2 3 4 5 template التالي
                                Working...
                                X