بيجو 301 لن تنتشر

[koko the king]

مش منطقي انى اقارن عربيه بقالها سنتن و نص بعربيه بقالها ٥شهور في السوق وكمان انتا متعرفش تحدد دي مودلها كام لاكن انا راءي ان عدم انتشار البجو ان السوق نايم جدا انا معاك انها منتشرتش زى مانا كنت متخيل وده لطول فتره الحجز وجشع التجار ومحدش بيشتري اي عربيه مش بس البجو ويا عم متزعلش انا شغال فى شركه ادويه وحيسلمونا عربيات اقنعت الناس بال٣٠١ و مش ااقل من ١٣ عربيه حنحجزها في الفتره الجايه و حتشوفها في ااسكندريه كتير ان شاء الله.

بس في استفصار انا كونت في ورشه تصليح ولقيت عربيه ٣٠١ بتغير مقصات سالت الراجل قلي اخد مطب علي سرعه مع العلم انو راجل كبير و اكيد بيمشي علي مهلوه بس انا كونت عايز اتاكد من ملكها هل قبلتكوا مشكله فى مقصات العربيه او العفشه? وشكرا

[Ramy Hazem]

اعتقد ان البيجو 301 سوف تنتشر ان شاء الله في السوق المصري بشكل معقول للاسباب الاتيه :
اولا حسب ما قاله احد الاعضاء ان سعه المصنع الانتاجية مش كبيرة للدرجة الي تجاري الطلب عليها وده الي ماثر علي انتشارها
ثانيا الموضوع مش موضوع دعايا لان السيارة متباعة من قبل ما تنزل وده عن مشاهده لتجربة حية من احد زملائي بالعمل الي حجز السيارة قبل ما تنزل واستلمها مع اول دفعة اسلام في مصر
ثالثا فيه ناس كتير فعلا يمعرفوش ان البيجو 301 بالسعر ده وانا كنت واحد منهم لحد 4 اشهر سابقة لما زميلي بالعمل استلمها وجربها فكان استغرابي ان بيجو عملت سيارة اقتصادية بالسعر ده
رابعا مش عايز احمل ثقافة الشعب المسئولية الكاملة ولكنها احد الاسباب لان فيه حاجة اسمها تجارب شخصية يحكم برده وخصوصا في القترة السابة الي كانت بيجو مش علي مستوي المنافسة في السوق المصري
خامسا وده شئ مهم والكل بيغفله الا وهو ان اي سيارة جديدة مهما كانت قوتها لازم تاخد وقتها في الانتشار مش علشان الطلب عليها وانما علي قدر المخزون وانتاج المصنع , فلما نلاقي سيارة محجوزة من قبلها ب3 شهور معني كده ان عليها طلب وان المصنع هيفضل شغال لانتاجها 3 شهور كمان علي الاقل وبحساب نسبة السوق المصري من المصنع نقدر نعرف اد ايه هيكون عدد السيارات الموجوده في مصر
ببساطة شديدة لو حصل دعايا دلوقتي مع وجود الطلب المتزايد عليها تاكدو ان السعر هيزيد وهيضرب في العالي , زي السيراتو لما ضربت فاجئة ومبقاش حد ملاحق علي سعرها

نصيحتي اعطو فرصة للسيارة شوية علي الاقل سنة ولما نوصل مع التوكيل" مش المعارض " اننا نحجز ونشتري السيارة في نفس الوقت بدون انتظار يبقي نتكلم ساعتها علي انتشار السيارة لان كده السيارة اصبحت متوافرة وليها مخزون , وساعتها مش هيبقي فيه اوفر بريس في المعارض وهيبقي الفرق صغير ويمثل ربح المعرض فقط

[Ah_tharwat]

انا ممكن اختار....ثقافة شعب
للاسف بلدنا مش شرط الناجح فيها هو الافضل ودة في كل المجالات مش بس العربيات
ولكن انا متفائل خير ان شاء الله في البيجو 301

كلام مظبوط 100 % .

[moomen82]

السلام عليكم ورحمة الله وبركاته
اعتقد ان نقطة الدعاية للبيجو وسمعة صني السبب
وبرضو ممكن قطع الغيار للبيجو تكون غالية

[moomen82]

انا حاجز حاليا نيسان صني الشكل القديم وقبل ماحجزها سألت صاحب المعرض عن البيجو 301 قالي مفيش منها لا مانيوال ولا اوتوماتيك ومش عارف هينزل منها امتى ومش عارف سعرها الحالي وصل كام فقلت خليني في المضمون احسن النيسان عارفينها وعارفين بكام
العربية غامضة ومحدش عارف عنها حاجة واعتقد ان ده سبب عدم انتشارها

[Akram.Gamal]

انا حاجز حاليا نيسان صني الشكل القديم وقبل ماحجزها سألت صاحب المعرض عن البيجو 301 قالي مفيش منها لا مانيوال ولا اوتوماتيك ومش عارف هينزل منها امتى ومش عارف سعرها الحالي وصل كام فقلت خليني في المضمون احسن النيسان عارفينها وعارفين بكام
العربية غامضة ومحدش عارف عنها حاجة واعتقد ان ده سبب عدم انتشارها

مع كامل احترامى لسيادتك و لصاحب المعرض

لو انت بتشترى من معرض ميعرفش مواصفات العربيه المرسيدس s500 AMG
يبقا جاااااهل و مينفعش يشتغلها ,,, مابالك بيجو 301 ال عامله مبيعات 1500 سياره فى 2013 فى مصر فقط
لما المعرض مش عارف طب الناس تسأل مين ,, تطلب بيجو فرنسا مثلا
ربنا يرحم البلد من الجهلاء بقا

و اذا كنت سالت الناس عليها و معرفوش فهو ده بقا لب الموضوع ال بتكلم فيه ثقافة شعب >>( نظام اركب سيراتو )

تحياتى ,,

[Akram.Gamal]

السلام عليكم ورحمة الله وبركاته
اعتقد ان نقطة الدعاية للبيجو وسمعة صني السبب
وبرضو ممكن قطع الغيار للبيجو تكون غالية

اسعار قطع الغيار ارخص من الكورى و اليابانى

http://www.nilemotors.net/Nile/383097-301.html

http://www.nilemotors.net/Nile/378310-301.html

http://www.nilemotors.net/Nile/358950-peugeot-301-a.html

http://www.nilemotors.net/Nile/381727-301.html

[smsm2004w]

معاك حق
أنا مخلانيش أفكر فالصني غير الزحمة و عشان كده الواحد نفسه يركب أوتو
لكن بعد مفكرت كويس مش هضحي بعربية كويسة و أركب عربية مش مقتنع بيها عشان أوتو
و يا ريت توكيل بيجو يبرر الفرق المبالغ فيه بين المانيوال و الأوتو البيزلاين
16 ألف عشان الفتيس ده إفترا

والله ده نفس اللى حصل معايا انا رحت حجزت صنى سوبر صالون وفضلت احاول اقنع نفسى بيها لمدة شهر بس مقدرتش اول لما قرب ميعاد الأستلام رحت لاغيت الحجز وحجزت البيجو مانيوال ونفس التفكير انا ملقيتش الفرق يستاهل كل الفلوس دى بين المانيوال والأوتو او الهاى لاين لكن الفرق شاسع بين البيجو المانيوال والصنى سوبر صالون شكلآ وموضوعآ لصالح البيجو

[mohamedyounis]

البيجو بدأت تنتشر في الشوارع اكتر من قبل كده .. انا شوفتها في شارع واحد في مصر الجديدة 3 مرات راكنة وباشوفها دلوقتي بمعدلات كبيرة يعني كل ما اخرخ لازم اتكعبل فيها ... هي مش منتشرة زي النيسان بس منتشرة واللي نادرة شوية هي السي اليزيه فعلا

[hmada9009_99]

السلام عليكم و رحمة الله و بركاته
الواضح أن بيجو 301 هتنتشر فالعالم اﻹفتراضي فقط ﻷن معظم رواده من الشباب
لكن على أرض الواقع اﻹنتشار محدود
صني 2014 نزلت بعد البيجو و رغم كده تمشي تتكعبل فيها
لدرجة أنا شكيت في نفسي و قلت أكيد في حاجة أنا مش فاهمها صح
دخلت على قسم نيسان و قعدت أشوف رأي ملاكها فيها و تقارير المستلمين إستغربت
كلهم أجمعوا على قلة جودة التقفيل و ضعف الصاج
ده غير المشاكل الموجودة في بعض الدفعات من تيل و طنابير
صحيح كلهم أجمعوا على إهتمام الوكيل بالمشكلة لكن هل قوة الوكيل و سعر إعادة البيع يخلوني أفضل عربية موتورها أضعف تقفيلها سئ صاجها ضعيف على عربية أوروبي
حاسس أن في حلقة مفقودة...
ثقافة شعب...يمكن
ضعف دعاية للبيجو...ممكن
سمعة الصني القديمة...معتقدش
رهبة المصريين عامة من اﻷوروبي عشان قطع الغيار و إعادة البيع....مش عارف
أنا عارف أن بعضكم هيهاجمني و يقولي أن حجز البيجو بال3 شهور
يا سيدي عارف و أنا حاجز و مستني...لكن أنا فاﻷسكندرية مشوفتش العربية غير 5 مرات
و في القاهرة بقالي 5 أيام شفتها مرة واحدة
عايز تفسير مقنع

ثقافه شعب متخلفففففففففففف واسف اللي بقول كلام ده بس ديه حقيقه البيجو 301 تاخد 10/10 ومع ذالك ناس تروح تجيب هيونداي اكسنت وكلام كوري فارغ ثقافه شعب

[hmada9009_99]

Peugeot 301 1,6i acceleration 0-190 km/h - YouTube

بسم الله ما شاء الله تسارع عالي بالنسبه ل 1.6

[hmada9009_99]

Acceleration de Peugeot 301 0 190 kmh en 1 6L VTi, DVR.mp4 - YouTube

[hmada9009_99]

Peugeot 301 1,6i 2013 - acceleration 0-190 km/h - YouTube

That must be some kind of light, semi-racing car ;-) No, but 115 hp of this version works really good with its 1090 kilograms. The top speed is limited by electronics, but the car won't be much faster anyway.

[abohend]

إن شاء الله تتغير

ثقافه شعب متخلفففففففففففف واسف اللي بقول كلام ده بس ديه حقيقه البيجو 301 تاخد 10/10 ومع ذالك ناس تروح تجيب هيونداي اكسنت وكلام كوري فارغ ثقافه شعب

براحة يا عم حمادة
مانا و أنت فالآخر من الشعب ده
بس إن شاء الله الموضوع هيتغير بالتدريج و الناس هتبدأ تغير مفهوم سائقي التاكسي لما تيجي تشتري عربية...
قطع الغيار
الصيانة
إعادة البيع (و دي أكتر حاجة بتجنني.... واحد رايح يشتري عربية و بيسأل عن سعر إعادة البيع؟؟)