تجربتى مع فرع غمرة اليوم

[AUDAI]

السلام عليكم ورحمة الله وبركاتة
انا من مالكى ال 301
وروحت النهاردة فرع غمرة عشان اعمل صيانة ال 10000
وكان عندى بعض الشكاوى
ابرزها ان الفرامل فيها صوت وواضح جدا
المهم قعدت من 11.5 لحد 4.5 يعنى تقريبا لحد ما قفلو
واللى اشتغلو فى العربية 3 مرات يقولولى الفرامل مفيهاش مشكلة اطلع انا والفنى هناك نجرب الصوت مسموع وهو يقولى مش سامع حاجة
اقولة اكيد ال تيل فى مشكلة يقولى لا مفيش حاجة
المهم وانا طالع الساعة 4 سمعت برده نفس الصوت
رجعت وجبت المهندسين كلهم وقولتلهم جربو وشوفو هتسمعو ولا لآ
بعد نقاش طويل المدير امر بالكشف على التيل
وفعلا التيل لازم يتغير وهو سبب اصدار الصوت
قالولى لازم يتغير بس احنا خلصنا النهاردة
والضمان بتاع التيل 10000 غير كدة هيحاسبونى علية
انا العداد دلوقتى 9900 قالولى تعالى بكرة نغيرة بس لو عديت ال 10000 قبل ما اوصلهم يبقى مش فى الضمان
سالت مهندس هناك ازاى التيل يبوظ فى ال 10000 قالى المادة بتاعتة مش كويسة
الصراحة انا شايف ان الموقف دة مش كويس ومفروض ما يحصلش فى توكيل محترم
انا حبيت اشارككم فى تجربتى
ورجااااء اللى يروح يعمل صيانة يروح قبل ما يكمل الكيلوات عشان لو حصل حاجة زى كدة
اسف للاطالة

[amrelsaqqa]

يا اهلا يا اهلا ..

معلش مصر قدرنا

[Hema_Basha]

يا اهلا يا اهلا ..

معلش مصر قدرنا

علي فكرة انا رايح بكرة اعمل صيانة ودي من الحاجات اللي هقولها ليهم ان في صوت تصفيربسمعه لما اجي افرمل وواضح جدا وملحوظ

[amrelsaqqa]

علي فكرة انا رايح بكرة اعمل صيانة ودي من الحاجات اللي هقولها ليهم ان في صوت تصفيربسمعه لما اجي افرمل وواضح جدا وملحوظ

ظهر معاك عند كام كيلو ؟

كدة انت و عدي و بطوط ظهر معاهم نفس المشكلة يعنى مش مشكلة فردية

وانا لسة معنديش مشكلة لحد دلوقتى

[Ahmed Amin]

أنت لما دخلت تعمل صيانتك بيتعمل أمر بالشغل وكان عددادك علي كلامك علي 9900 كيلو,
وطالما المدير قالك لازم يتغير يبقي هيتغير لك علي كلامه لما كنت هناك,,
سواء كانو خلصو اليوم دا أو التيل مش موجود أنت ليك تيل يتغير لك طالما روحت قبل ما تعدي ال 10 الأف كيلو لو كان دا ضمان التيل.

أنت كنت حاجز بالتليفون قبل ما تروح ولا لأ ؟

شكراً علي مشاركتنا بتجربتك وعلي الأفادة.

[amrelsaqqa]

؟انا العداد دلوقتى 9900 قالولى تعالى بكرة نغيرة بس لو عديت ال 10000 قبل ما اوصلهم يبقى مش فى الضمان
سالت مهندس هناك ازاى التيل يبوظ فى ال 10000 قالى المادة بتاعتة مش كويسة

وفرضا انا رحت التوكيل والعربية عاملة 10050 كيلو مثلا ، البس انا التيل عشان ضمانه 10 الاف كيلو
كلامهم ده للاسف مالوش غير رد واحد واظنه مش هيخرج عن لفظ اسكندرانى يفيد الاعتراض

[Ahmed Amin]

وفرضا انا رحت التوكيل والعربية عاملة 10050 كيلو مثلا ، البس انا التيل عشان ضمانه 10 الاف كيلو
كلامهم ده للاسف مالوش غير رد واحد واظنه مش هيخرج عن لفظ اسكندرانى يفيد الاعتراض

مش كل العربيات زي بعض,
والأوتو بياكل تيل فرامل بشكل أسرع من المانيوال.

[Akram.Gamal]

والله ربنا يستر
على فكره ال فيه طبع مبيبطلهوش
واضح ان لازم الواحد يديهم على دماغهم

[Akram.Gamal]

ظهر معاك عند كام كيلو ؟

كدة انت و عدي و بطوط ظهر معاهم نفس المشكلة يعنى مش مشكلة فردية

وانا لسة معنديش مشكلة لحد دلوقتى

لا يا عمرو انا عندى فيه صوت صفاره على خفيف اوى ظهرت عندى من اول يوم جبت العربيه
يكن المانوال مش بيظهر فيها حاجه الله اعلم

وفرضا انا رحت التوكيل والعربية عاملة 10050 كيلو مثلا ، البس انا التيل عشان ضمانه 10 الاف كيلو
كلامهم ده للاسف مالوش غير رد واحد واظنه مش هيخرج عن لفظ اسكندرانى يفيد الاعتراض

مش كل العربيات زي بعض,
والأوتو بياكل تيل فرامل بشكل أسرع من المانيوال.

لا مع احترامى ليكوا فيه ناس كلامها مستفز بشكل غير عادى زي الناس ال عدي بيتكلم عليهم دول
لازم فعلا الواحد يعاملهم زي الجزم
لان انت مش بتكلم فراش محكمه حشان تقولوا 9900 و ضمان التيل 10000 ايه الهبل ده دى حاجه تحرق الدم

و بعدين مش بطوط كان عنده نفس المشكله و غير التيل ,, ولا هو كل مهندس و مزاج سيادته

[amrelsaqqa]

ماهو بطوط مانيوال يا رجالة !
انا معنديش صفارة لحد دلوقتى خالص الحمد لله ، وخايف تظهر بعد الـ 10 الاف ؟

[amrelsaqqa]

مش كل العربيات زي بعض,
والأوتو بياكل تيل فرامل بشكل أسرع من المانيوال.

يا احمد مش عند 10 الاف خالص !

[AUDAI]

أنت لما دخلت تعمل صيانتك بيتعمل أمر بالشغل وكان عددادك علي كلامك علي 9900 كيلو,
وطالما المدير قالك لازم يتغير يبقي هيتغير لك علي كلامه لما كنت هناك,,
سواء كانو خلصو اليوم دا أو التيل مش موجود أنت ليك تيل يتغير لك طالما روحت قبل ما تعدي ال 10 الأف كيلو لو كان دا ضمان التيل.

أنت كنت حاجز بالتليفون قبل ما تروح ولا لأ ؟

شكراً علي مشاركتنا بتجربتك وعلي الأفادة.

طبعا كنت حاجز من الاسبوع اللى فات
وان شاء الله هروح بكرة الصبح واطمنكم باذن الله على اللى حصل

[Ahmed Amin]

يا احمد مش عند 10 الاف خالص !

دا صحيح, يعني ممكن تكون مشكلة فردية,
عندك عربية 3rbiforever عدت ال 10 الأف من زمان ومعندوش مشاكل في التيل ولا أشتكي منه,,
وبطوط معاه مانيوال زيك ومعندوش مشاكل من التيل ولا أشتكي منه,,
ليه بقي بتقلق نفسك ؟

ماهو بطوط مانيوال يا رجالة !
انا معنديش صفارة لحد دلوقتى خالص الحمد لله ، وخايف تظهر بعد الـ 10 الاف ؟

اللي بيخاف من العفريت يطلع له,,
مش بنقول مش كل العربيات زي بعضها ؟؟
ليه لو لاقيت مشكلة في عربية تعد تقنع نفسك أنها هتجيلك حتي لو عربيتك مختلفة زي ما هوا أوتو وأنت مانيوال,,
Live out of the box.

وأما تحصل مشكلة نبقي نحلها,,
لو محصلش متبقاش حرقت جاز وأعصاب علي الفاضي.

[Ahmed Amin]

طبعا كنت حاجز من الاسبوع اللى فات
وان شاء الله هروح بكرة الصبح واطمنكم باذن الله على اللى حصل

أنا كنت بسألك عن الحجز عملته ولا لأ, لأنك قعدت هناك فترة طويلة نسبياً,
عموماً مستنين بكرة تطمنا عملت أيه,

بالتوفيق.

[AUDAI]

ممكن بقة فى استفسار منكم
انا بشتكى من صوت هواء من الباب الشمال بتاعى
يعنى زى مايكون مش محكم كويس
ودى بردة من ضمن الشكاوى النهاردة
وانا راجع البيت لقيت المشكلة لسه ما اتحلتش
طبعا زى ما انتو عارفين انه مش بيبان غير وانا ماشى على طريق وقافل الزجاج
ماتفسيركم لهذا الموضوع ايضا