تجربتى مع فرع غمرة اليوم

[battot90]

اذيكوا يا شباب انا بطوط اللي اشتكت من مشكلة قبل كده في التيل بتاع ال 301 مانيوال واتغيرلي مجانا بالنسبة لصاحب الشكوي متقلقش التيل حيتغيرلك في الضمان طبعا من غير كلام انت بالتليفون لو كلمت مدير الفرع حيقلك تعالي غيروا بدون نقاش بس هو الغلط علي المهندس اللي مش عايز يفهمك
هو بيقولك مينفعش تعدي بيه ال 10000 و الضمان بتاعوا والهزي اللي قالوا ده
مش عشان هو مش عايز يغيروا لا خالص لاكن عشان مش عايز يغيروا هو و الطنابير لان في واحد ممكن لو قالوا روح و ابقي تعالا يروح و ميجيش و يجي بعد 5000 تبوظ الطنابير و يقول التوكيل غيرولي الاتنين ببلاش و سعتها التوكيل حيبقي ملزم يغيرهم مش عشان هو خايف من حماية المستهلك لكن لان بيجو عالميا قررت في الفترة اللي فاتت ان اي وكيل فاي حتة في العالم اللي هي البلاد اللي ذينا لو العملاء اشتكوا من الوكيل الشركة حتقللوا حصتوا في البوانس ولو متعدلش تسحب منه التوكيل و عملوها في كذه بلد اانت عارف دلوقتي ان الوكيل من اول 2014 تارجتوا 1000 عربية في الشهر يعني البونص يفرق جامد معاه و ده كان سر التغير اللي حصل في التوكيل و البيع الصوري و الشريك اللي دخل مع اباظة و الهزي ده كلوا متقلقش طول ما انتا مع الاسد
فعلن صيع اجبروا الوكيل انوا يبقي كويس غصبا عن عين امه

[Akram.Gamal]

يا جماااااعه
انا كل ال بتكلم فيه اسلووووب و طريييقة المعامله مع العملاء
فقط لا غير ..
و اذا كان ع التيل بيصفر مايصفر ايه يعنى ,, المهم انك عارف انه تيل اصلى و خامته كويسه و الفرامل كويسه و بس
و البرنس ده كل الناس ال عرفته او معرفتوش بيشتكوا منه يعنى سبحان الله

[eleanor]

للاسف المهندس ده يا استاذ احمد بيشتغل شغل مشى حالك
ومش عارف يتعامل مع العربيه بيقولى يعنى الصوت والعربيه ماشيه ولا وهى واقفه يعنى الفرامل هاطلع صوت وهى واقفه
بصراحه انسان غريب
ومش عارف اعمل الصيانه والحاجات دى فى غمره ولا فى صلاح سالم المشكله ان صلاح سالم برده المهندسين اللى فيه صغيرين ومش عارف بقى ايه الدنيا

[Ahmed Amin]

أنا قريت اللينكات يا أحمد
بس عايز اسأل هل تغيير التيل حسب كل شركة و لا ده شئ ثابت فى كل العربيات
و هل فى البيجو على 10000 و لا مدة زى الرينو

علي حسب كل شركة, يعني في بيجو ورينو علي 10 الأف كيلو لو مظهرش مشاكل يبقي التيل جيد,,
ولو خلص بعد الرقم دا بفترة علي 15 ل 20 يبقي أستهلاك طبيعي للتيل لو معظم المشي جوا البلد وزحام ومطبات.
وطبعاً المعدل دا بيزيد وممكن يوصل ل 25 و 30 وأكتر لو كل أستخدامك للعربية سفر,

فيه شركات تانية مش بتعمل ضمان علي التيل زي موضوع شيفرولية اللي حطيت اللنك بتاعه دا,
ومش عارف بصراحة لو فيه شركات بتدي ضمان أكتر من 10 الأف كيلو علي التيل ولا لأ.

[eleanor]

انا دلوقتى مش عارف اعمل الصيانه فى انهى فرع
واقول على العيوب دى فى انهى فرع

[Ahmed Amin]

للاسف المهندس ده يا استاذ احمد بيشتغل شغل مشى حالك
ومش عارف يتعامل مع العربيه بيقولى يعنى الصوت والعربيه ماشيه ولا وهى واقفه يعنى الفرامل هاطلع صوت وهى واقفه
بصراحه انسان غريب
ومش عارف اعمل الصيانه والحاجات دى فى غمره ولا فى صلاح سالم المشكله ان صلاح سالم برده المهندسين اللى فيه صغيرين ومش عارف بقى ايه الدنيا

فعلاً هوا طريقته مشي حالك, وعلي كلامك دا المفروض أننا طالما كذا واحد مننا متضررين منه وبيقرف عملاء كتير نعمل شكوي لأن الساكت عن الحق شيطان أخرس.
ولأنه ممكن يأذي ناس كتير حتي لو بطريقة غير مباشرة, مثلاً أنت تيجي من سفر من الأقصر ويمعملكش الشغل المطلوب وترجع من غير ما تكون عملت صيانتك مظبوط.

بس أنا مش بحب أكون سبب في أذية حد أو قطع عيش حد مع أنه زهقني مرتين قبل كدا, بس مكنش فيه ضرر الحمدلله.
يعني مرة دبيت مشوار للتوكيل أونطة لما كان في أبو رواش,
ومرة تانية كان عندي مشكلة وسألته عليها وبدل ما يرد رد عليا أحترافي متوقع من مهندس في توكيل قالي تعامل مع المشكلة.
أه والله قالي كدا,,


المهم فيه مهندس أسمه محمد الشرقاوي دا اللي ماسك أكتر الشغل في بيجو غمرة,
هوا قديم وفاهم وصغير في السن مش كبير,
ممكن تبقي تكلم التوكيل الصبح في غمرة وتطلب منهم يحولك الورشة وتطلب رقم موبايلة هيدهولك عادي, وتكلمه تقوله علي كل اللي عندك عشان يبقي مستنيك قبل ما تيجي وعامل حسابة وأنت لما تكلمه هتلاقيه فاهم.
ولو عايز رقمه قولي وأبعتهولك في رسالة وإن شاء الله يعملك كل اللازم في العربية لما تروح له.

[eleanor]

معلش يا استاذ احمد هاتعبك معايا ممكن تعبتهولى على الخاص
وانا ان شاء الله هاكون خلال الاسبوع ده فى القاهره واعمل الصيانه
وربنا يسهل ويقدم اللى فيه الخير ان شاء الله

[Ahmed Amin]

معلش يا استاذ هاتعبك معايا ممكن تعبتهولى على الخاص
وانا ان شاء الله هاكون خلال الاسبوع ده فى القاهره واعمل الصيانه

مفيش تعب ولا حاجة,,
وهحط الرقم هنا عشان يفيد باقي الزملاء برضه لو حد تاني عنده مشكلة ورايح غمرة يبقي يكلمة سواء قبل ما يروح أو لما يروح.

ودا مش أعلان ولا دعاية,
دا مهندس في توكيل غمرة ورقمة ممكن يتاخد من الأستقبال.
01224275749
01143434240
بشمهندس محمد الشرقاوي.

بالتوفيق في صيانتك الجاية.

[eleanor]

مفيش تعب ولا حاجة,,
وهحط الرقم هنا عشان يفيد باقي الزملاء برضه لو حد تاني عنده مشكلة ورايح غمرة يبقي يكلمة سواء قبل ما يروح أو لما يروح.

ودا مش أعلان ولا دعاية,
دا مهندس في توكيل غمرة ورقمة ممكن يتاخد من الأستقبال.
01224275749
01143434240
بشمهندس محمد الشرقاوي.

بالتوفيق في صيانتك الجاية.

الف شكر ليك يا استاذ احمد وربنا يقويك على فعل الخير ومساعده الغير
وان شاء هابقى اقولكم على التفاصيل

[Ahmed Amin]

ربنا يخليك, والشكر لله.
ومستنين تبقي تطمنا عملت أيه,,

[eleanor]

ان شاء الله هاتابع معاكم

[wel781]

فعلاً هوا طريقته مشي حالك, وعلي كلامك دا المفروض أننا طالما كذا واحد مننا متضررين منه وبيقرف عملاء كتير نعمل شكوي لأن الساكت عن الحق شيطان أخرس.
ولأنه ممكن يأذي ناس كتير حتي لو بطريقة غير مباشرة, مثلاً أنت تيجي من سفر من الأقصر ويمعملكش الشغل المطلوب وترجع من غير ما تكون عملت صيانتك مظبوط.

طالما الراجل اللى كان عامل مشاكل فى أبورواش راح غمرة يبقى أروح أنا أبو رواش بقى

[Ahmed Amin]

طالما الراجل اللى كان عامل مشاكل فى أبورواش راح غمرة يبقى أروح أنا أبو رواش بقى

تصدق فكرة مجاتش علي بالي.

عموماً المشكلة مش هتكون في المهندس, قد ما هتكون علي الفنين,,
لأن المهندس بيستلم منك العربية بس ومش بيشتغل فيها بأيديه,,
الفنيين اللي في الورشة هما اللي بيشتغلو في العربية بأيديهم والعميل مالوش تعامل مباشر ما بينهم,

في غمرة ممكن أكلمهم وممكن أشوف العربية وهيا بتعمل فيها شغل في الجزء اللي برة قدام الحسابات والمكان اللي فيه قطع الغيار,

أما أبو رواش مش بشوف العربية خالص وأنا مش بحب كدا, ومهما كنت في أنضف توكيل مش بضمن إن يتركب لي قطع الغيار اللي أنا طالبها,
وأنو متنساش حاجة طالما أنا مش شايف العربية,
ومش هشوف لو حصل غلطة من الفني عشان أطالب التوكيل بأصلاحها قبل ما أمشي,

والكلام دا يسري علي كل التوكيلات مش بيجو بس.
أنا كعميل من حقي أشوف العربية وهيا بيتعمل فيها الشغل,
حتي لو فيه ما بيني وبينها حاجز زجاجي زي في صلاح سالم, أو غمرة.
لكن إني أقعد بيه في ومشوفش أي حاجة من اللي بتحصل مش بستريح لكدا.