مشاكل فى بيجو 301 ورد فعل التوكيل

[Hema_Basha]

الونة على كل السرعات و لا الونة اللى مش عارفنليها مصدر دى اللى بين ال90 و ال120؟ و طلع اية سببها؟
انا حاولت اخليهم يغيرولى البوجيهات بس غيرولى سوفت وير بس و قالولى البوجيهات سليمة و أنا مردتش اشد معاهم فى الموضوع بدل التتليتة دى حصلت مرة واحدة بس، قلت لو حصلت تانى هرجعلهم و مش همشى غير لما يغيروهم. انا بمون على طول من موبيل و ساعات قليلة من امارات مصر، غير كدة مبفكرش احط بنزين من أى حتة تانية

لا هي الونة اللي عندي كانت بتاعت شكمان وظبطهولي بس حكاية الاستهلاك دي قالي متبقاش تحط من موبيل لان اكترهم بيبقي بتزينهم مغشوش

[Hema_Basha]

الونة على كل السرعات و لا الونة اللى مش عارفنليها مصدر دى اللى بين ال90 و ال120؟ و طلع اية سببها؟
انا حاولت اخليهم يغيرولى البوجيهات بس غيرولى سوفت وير بس و قالولى البوجيهات سليمة و أنا مردتش اشد معاهم فى الموضوع بدل التتليتة دى حصلت مرة واحدة بس، قلت لو حصلت تانى هرجعلهم و مش همشى غير لما يغيروهم. انا بمون على طول من موبيل و ساعات قليلة من امارات مصر، غير كدة مبفكرش احط بنزين من أى حتة تانية

انا مستغربلهم بصراحة بيحطوا زيت موبيل وبينصحوك متفولش من عندهم

[S.Hasan]

الاسعار عادية للاسف يا جماعة وهتلاقوا الكلام ده واكتر في هيونداى وكيا .. .، لذلك لازم كل واحد يأمن على عربيته لو مش مقتنع ان التأمين حرام ، لحد ما الاستيراد يتوفر لان الحادثة بتيجى في ثانية ، وما تبصش تقول القطعة دى بـ 1000 و دى بـ 2000 ، سهلة ، لا اللى بيحصل ان كله بييجى مرة واحدة وتلاقي التوكيل بيقولك 50 الف جنيه مثلا !!!!!!


الاستيراد بيفرق جامد ، على سبيل المثال علبة الدركسيون في التوكيل بـ 20 الف ، موجودة استيراد عند رضا في الحرفيين بـ 2500 ( الفرق كبير )


ماحدش يقلق عليا ان الحمد لله كويس والعربية كويسة والعربية عملت اللى عليها وزيادة اوى ، باختصار واحد حيوان بتاع نص نقل زنق عليا جامد وجه نط قدامى وانا ع الشمال نازل نزلة قويسنا بتاعت الزراعى محدوف انا وكل اللى ورايا ، هو جاي من اليمين وفجأة كسر وبقى قدامى وفي نفس الوقت هو شبه واقف وانا ماشى اقل واجب 110 ، وانا مشفتوش من الاول لان الحارة الوسطى مش فاضية وده كمان خلانى معرفتش افاديه بالاضافة ان كل اللى ورايا محدوف يعنى الفرامل مش حل ، كان قدامى ثانيتين افكر ، لقيتنى لو كملت هدخل فيه واضيع العربية وحتى لو وقفت هتخبط من ورا اكيد ..، في نفس اللحظة لقيت الرصيف على شمالى صغير وبيكبر ، لقيت الحل الامثل ادخل في الرصيف واجيب الخبطة كلها في العفشة ، وقد كان ، العربية خبطت في الرصيف ودخلت بسرعة والعربية لسة بسرعتها عشان الحق الحتة اللى الرصيف بيكبر عندها ، بس الحمد لله ما طلعتش عليه ، ولا عدت ع الناحية التانية ولا اي كلام من ده ، وما شاء الله ما اتهزتش سنتى واحد من ورا لما خبطت

طبعا التوكيل كان بيهزر في مقايسة الاصلاح واتكلفت كتير مجرد تنقلات واوناش انقاذ ، الحمد لله ..

اانا بعملها دلوقتى برة : المقصات هى هى بالظبط بتاعت الـ 207 ، القنطرة وعلبة الدركسيون والمقصات لقيتهم بردو استيراد عند رضا في الحرفيين ودى حاجة طمنتنى بس الحمد لله الدركسيون عندى سليم والقنطرة ان شاء الله سليمة ، وهو بيقول جايله كمان عربية 301 استيراد هيروح يقطعها في بورسعيد يوم 15/1

المقص جبته استيراد بـ 350

الكوبلن دخت السبع دوخات عليه مفيش فايدة مش موجود خالص ، والاقى حاجات شبيهة جدااا ، بس في فرق .. المهم الحمد لله تم استعداله ع المخرطة ورجع مسطرة بدون اي عوجة بـ 150 جنيه في الحرفيين

لسة المساعد وظبط الزوايا هعملهم بكرة ان شاء الله ، دعواتكم ، المساعد بردو مش موجود بس ده سعره جديد سواء برة او في التوكيل حلو 640-660 جنيه

الشمعدان ان شاء الله سليم ويارب يكون سليم عشان ده بـ 2000 :(

دعواتكوا يا رجالة ، الحمد لله كان ممكن يحصللى اسوأ من كدة بكتير ، وطبعا كالعادة ده عشان واحد كان راكب معايا العربية وكان مستكترها عليا جدا وعمال يقوللى جبتها ازاى وكاش ولا تقسيط وبتدفع قد ايه .. وجت سيرة الشغل وحسيت انه بدأ يقر في الشغل كمان ، وفعلا بعد حادثتى بيومين في الشغل مديري عمل حادثة ع الدائري ( اللى هى بتاعت المقطورة اللى خبطت 5 عربيات في بعض ) بس هو عنده اكصدام ورفرف خلفى بس وحظه حلو انه كان اخر واحد والا كان خد من ورا وقدام

الحمد لله على كل حال دعواتكوا يا رجالة ، اللى مش مأمن يأمن طالما مش شايف التأمين حرام ، انا كل ما افكر اامن ناس تقنعنى انه حرام وارجع في كلامى

اسف لصاحب الموضوع انى بكتب في موضوعه بس معلش معنديش وقت حتى اعمل موضوع جديد

حمدالله علي سلامتك انت دي اهم حاجة وزي مانت قولت الحمد لله انها جات علي اد كده

[Ahmed Amin]

و لا الونة اللى مش عارفنليها مصدر دى اللى بين ال90 و ال120؟ و طلع اية سببها؟
انا حاولت اخليهم يغيرولى البوجيهات بس غيرولى سوفت وير بس و قالولى البوجيهات سليمة و أنا مردتش اشد معاهم فى الموضوع بدل التتليتة دى حصلت مرة واحدة بس، قلت لو حصلت تانى هرجعلهم و مش همشى غير لما يغيروهم. انا بمون على طول من موبيل و ساعات قليلة من امارات مصر، غير كدة مبفكرش احط بنزين من أى حتة تانية

جربت تغير أماكن الكاوتش ؟

انا حاولت اخليهم يغيرولى البوجيهات بس غيرولى سوفت وير بس و قالولى البوجيهات سليمة و أنا مردتش اشد معاهم فى الموضوع بدل التتليتة دى حصلت مرة واحدة بس

طالما محصلتش غير مرة واحدة ممكن تكون كانت من البنزين,
لو أتكررت تاني هيتسجل fault بإن فيه misfire في سلندر من الأربعة
وساعتها هيغيروهملك علي طول من غير مشاكل.

[medori]

انا مستغربلهم بصراحة بيحطوا زيت موبيل وبينصحوك متفولش من عندهم

انا بفول من محطات موبيل مشهورة اوي و عليها ضغط علي طول؛ اللي في جسر السويس قبل موقف العاشر او اللي علي الدائري اللي عند ميراج او اللي في صلاح سالم بعد كوبري الجلاء
موضوع الزيت دة بيبقي deals ما بين التوكيل و الشركة المصنعة للزيت و ملوش اي علاقة بالشركة الام زي موبيل مثلا؛ و كمان جوة موبيل دي divisions مختلفة ملهاش علاقة ببعض خالص سواء Mobil downstream marketing او Mobil engine oil و محدش فيهم بيعرف اي حاجة عن التاني غير لما تتحط الannual budget بتاعت موبيل جروب كلها
عامة برضة زيوت موبيل بتتعمل او بتتعبأ هنا في مصر و دة اللي مبوظها في الغالب؛ طبعا موبيل تلام علي الموضوع دة لان في الاخر الجركل ؛) بيتحط علية اللوجو بتاع موبيل و بيسوأ سمعتة موبيل كلها

[medori]

جربت تغير أماكن الكاوتش ؟

طالما محصلتش غير مرة واحدة ممكن تكون كانت من البنزين,
لو أتكررت تاني هيتسجل fault بإن فيه misfire في سلندر من الأربعة
وساعتها هيغيروهملك علي طول من غير مشاكل.

انا كنت غيرت مكان فردتين لما كاوتش اتقطع مني فحطيتة ورا. لما اعمل صيانة ال١٠٠٠٠ هبقي اعمل ال rotation و اشوف
هو اكيد الfault متسجل لأن هوا ظهر قدامي علي ال trip computer؛ فانا فعلا لو ظهر تاني هخليهم يغيروهم ان شاء الله

[Ahmed Amin]

حبيبى تسلم والله ربنا يخليك
الحمد لله العربية دلوقتى معايا عشان بكرة اجازة الحرفيين بس لسة فيها شغل طبعا هخلصه يوم الاتنين ان شاء الله ، فاضل تركيب الشمعدان عشان القديم اتعوج ومش راضى يظبط زوايا العربية
انا النهاردة جبت مساعد من التوكيل بـ 700 بالضريبة والجنط الحديد بـ 315 ( سعر كويس ) و شداد الميزان بـ 92 ( سعر ممتاز ) الاسعار شاملة الضريبة
وطبعا الشمعدان هو هو بتاع الـ 207 فجبته استيراد ، بس تخلى بالك من مقاس الكوبلن والشمعدان ده جبته 3 مرات بـ 3 اسعار اول مرة ب700 ! وده اغلى واحد واقل واحد ، لانه كان فيه بوش جامد في البلية ، بعد كدة جبت واحد تاني فيه بوش بس قليل ب 300 ، بعد كدة الحمد لله لقيت واحد مفيهوش الهوا زي الزيرو بالظبط بـ 450 بالطنبورة والكاليبرات والراجل مارضاش يديهولى لوحده ، هركبه واخلى الطنبورة والكاليبرات عندى ..

الشمعدان في التوكيل سعره 1900 وشوية بدون ضريبة ( غالى فحت :( )


الحمد لله القنطرة زي الفل ، الفتيس والموتور ما اتلمسوش بفضل الله ثم المصفحة ( شالت كتير فعلا ) ، المقص هو اكتر حاجة اتهرست وده يعتبر فدى العربية كلها وشال اغلب الليلة .. الحمد لله

مع ان لسة العربية ما خلصتش بس سقتها النهاردة من الحرفيين للمهندسين و مع ان الزوايا مش مظبوطة العربية ماسكة نفسها مش بتتلكك على تعويمة او حدفة ، الحمد لله ولسة فيها نعومة الزيرو بفضل الله ، بعد ما تخلص خالص بيتهيألى هترجع زي الاول بالظبط بدون مبالغة الحمد لله

بالنسبة لموضوع العين ، دى مفيهاش كلام كل ده بسبب انى جبت عربية زي دى وانا عندى 26 سنة ، فكل اللى حواليا باصين لي فيها ، يلا ربنا يعديها على خير

شوفت, مش فلت لك الموضوع هيتلم بسهولة ومش هيبقي مكلف أوي وهيبقي فيه شوية تعب بس في الأول بس هتاخد نتايج حلوة في الأخر بأرقام مرضية,
وأنو مكنش ليها لازمة مقايسة التوكيل.!

مبروك علي الحاجات اللي عملتها لحد دلوقتي, وعلي ما تخلص بقية الشغل يوم الأتنين إن شاء الله وترجع كل حاجة زي الأول

[mahmed0100]

خير خير يا عمرو
الحمد لله انها جت علي قد كده

[Hema_Basha]

انا بفول من محطات موبيل مشهورة اوي و عليها ضغط علي طول؛ اللي في جسر السويس قبل موقف العاشر او اللي علي الدائري اللي عند ميراج او اللي في صلاح سالم بعد كوبري الجلاء
موضوع الزيت دة بيبقي deals ما بين التوكيل و الشركة المصنعة للزيت و ملوش اي علاقة بالشركة الام زي موبيل مثلا؛ و كمان جوة موبيل دي divisions مختلفة ملهاش علاقة ببعض خالص سواء mobil downstream marketing او mobil engine oil و محدش فيهم بيعرف اي حاجة عن التاني غير لما تتحط الannual budget بتاعت موبيل جروب كلها
عامة برضة زيوت موبيل بتتعمل او بتتعبأ هنا في مصر و دة اللي مبوظها في الغالب؛ طبعا موبيل تلام علي الموضوع دة لان في الاخر الجركل ؛) بيتحط علية اللوجو بتاع موبيل و بيسوأ سمعتة موبيل كلها

والله بفول من موبيل وكل الناس بتفول منها والغريبة ان برضه وقفت واتكلمت مع واحد هناك عنده نفس المشكلة ان الاستهلاك عالي قالولوه برضوا مشكلة بوجيهات وفلتر عشان البنزين اللي بتحطوا ووسالتوا بتفول منين قالي من موبيل المشكلة بقي انه راحلهم فوق ال4 مرات مرة قالولوا مشكلة سوفت ويير ولما التحديث ينزل هتتح ومرة تانية البوجيهات والفلتر والمشكلة لسه موجودة ومرة تانية اللي كنت موجودساعتها قالوا حساس الشكمان فيه مشكلة وادولوا علبة محسن اوكتان ب 120 ج يحط منها كل 5000 ك قبل مايفول وده هيظبطلك الدنيا

[M.Emam]

لا هي الونة اللي عندي كانت بتاعت شكمان وظبطهولي بس حكاية الاستهلاك دي قالي متبقاش تحط من موبيل لان اكترهم بيبقي بتزينهم مغشوش

موبيل فعلا بنزينها وحش انا كنت بفول من موبيل بس وكنت بحس انه بيطير بسرعة لحد ما واحد من اصحابى قاللى انهم بيغشوه ومن ساعتها مبفولش غير من وطنية او امارات مصر بس ده بعيدة شويه

[Ramy Hazem]

اولا الف سلامه عليك يا استاذ amrelsaqqa وان شاء الله تكون كويس وترجع سيارتك زي الاول
ثانيا بالنسبة لاستاذ ebrahim mayalo انا فهمت من الكلام ان سيارتك فضي , كان ليا سؤال , ايه رايك في اللون الفضي في البيجو وهل انت كنت تفضل لون تاني ولا كان اختيارك الفضي
ثالثا انا بدات اقلق اوي يا جماعة , انا مش فاهم اي حاجة من المصطلحات الي انتو بتقولوها ولا مكانها فين ؟؟؟ ده ركوب المواصلات ( تاكسي او ميكروباص او اتوبيس ) ارحم , ده انا علي كده جاهل جهل بيين في السيارات
محدش يعمل فيا معروف ويديني كورس ببلاش في السيارات ويكسب فيا ثواب

تحياتي

[Hema_Basha]

[QUOTE=Ramy Hazem;3875355159]اولا الف سلامه عليك يا استاذ amrelsaqqa وان شاء الله تكون كويس وترجع سيارتك زي الاول
ثانيا بالنسبة لاستاذ ebrahim mayalo انا فهمت من الكلام ان سيارتك فضي , كان ليا سؤال , ايه رايك في اللون الفضي في البيجو وهل انت كنت تفضل لون تاني ولا كان اختيارك الفضي
ثالثا انا بدات اقلق اوي يا جماعة , انا مش فاهم اي حاجة من المصطلحات الي انتو بتقولوها ولا مكانها فين ؟؟؟ ده ركوب المواصلات ( تاكسي او ميكروباص او اتوبيس ) ارحم , ده انا علي كده جاهل جهل بيين في السيارات
محدش يعمل فيا معروف ويديني كورس ببلاش في السيارات ويكسب فيا ثواب

اللون الفضي جميل جدا ومكبر العربية وبيستحمل التراب بس انا كنت معجب جدت بالازرق وكنت حاجزه اول رغبة بس قالولي مفبش الا فضب قولت كويس برضه مش وحش
وبالمناسبة انا شوفت عربية في التوكيل واحد لازقها كل ها لبني والسقف اسوئ وبقوله ليه كده قالي لونها مكانش عاجبني تقريبا كان لونها موكا لس كانش عاجبه وقالي اتكلفت 2000ج

[damasry]

انا برضة زرت التوكيل مرة واحدة من يومين و متفق معاك في كل ملاحظاتك؛ انا في كل حاجة هقارنوا بتوكيل رينو eim عشان هوا اللي اتعاملت معاه فعربيتي الميجان
التوكيل فعلا محترم بدرجة كبيرة؛ المهندسين محترمين جدا في استقبالهم للناس و العربيات؛ في eim في مهندسين محترمين زي محمد سيد و في مهندسين من ازبل ما يكون زي عمرو. في بيجو انا اتعاملت يومها مع اسامة و مينا و محمد حسن؛ ووقفت اتكلمت شوية مع مصطفي و دة اكبر واحد فيهم تقريبا؛ كلهم ما شاء الله محترمين و بيتعاملوا مع الناس بادب حتي لما الدنيا اتزحمت علي الساعة ١١ كدة. الحق يقال برضة ان ضغط الشغل عندهم اقل من رينو بكتير؛ رينو المقطم بتقف في الطابور بال٣/٤ ساعة من ساعة ما تخش من البوابة لحد ما توصل الاستقبال؛ في ببجو لما بقي عندهم انتظار ٦ او ٧ عربيات الدنيا اتزحمت و الناس بقو مستنيين كتير.
المهندسين بيسمعوا منك فعلا بس مش باهتمام قوي؛ بيسمع لحد ما يسمع كلمة السر اللي مستنيها و يقفل علي كدة؛ انا من اول ما سرحتلها تتليتة العربية و هو قفش في السوفت وير رغم اني متاكد انها بوجيهات و قولتلة كذا مرة بوجيهات و هو عمال بيلف و يدور علي السوفت وير و قالي في الاخر هنبص علي البوجيهات بس كدة كدة في ابديت نازل جديد في ديسمبر. بصوا علي البوجيهات ولا لأ مش عارف طبعا لان كلة في الورشة وانا مش شايف حاجة.
طبعا مكان التوكيل وحش جدا و ميسمحش انك تجرب العربية علي سرعات او تاخد راحتك في السواقة؛ طبعا بعد اللي حصل مع عمرو و محمد تقريبا قولتلهم محدش يطلع بالعربية من غيري و فعلا لما جيهم يجربوا العربية نادوني اركب مع المجرب.
انا انطباعي عنهم انهم محترمين و انا استريحت لتعاملهم علي الاقل و ان كان اسعارهم غالية زي اي توكيل اوروبي؛ انا فاكر اني كنت قريت في موضوع قبل كدة ان مصنعية صيانة ال10000 اللي هي تغيير زيت بس ١٨٧ و دة كتير شوية
بمناسبة الصيانة؛ انا قولتلهم لما اجي اعمل الصيانة هجيب الزيت بتاعي معايا؛ محمد حسن قالي مينفعش خالص؛ اسامة و هو بيسلمني العربية قولتلة برصة قالي لأ في الاول و بعدين لما قولتلة انا مستحيل احط موبيل دة في اي عربية من عربياتي قالي خلاص بس علي مسؤليتك which is fair enough

العربية ال301 ها تبقى اختبار حقيقى للتوكيل لأنها عمل شغل ومبيعات كويسة للتوكيل وكفاية اوى ال2500 اللى الجيش حجزهم.

اعتقد بيجو مصر لازم تعمل مركز صيانة تانى كبير شوية عشان تقدر تخدم المبيعات المستقبلية لبيجو.

موضوع الزيت فعلا المهندس محمد تحس انه عشان لسه جاى جديد فبيقولك ممنوع وما اسمحش ووو لكن طبعا وقت الصيانة ها اصمم انى احط الزيت اللى انا عايزه طالما نفس المواصفات الموصى بيها للعربية.

حبيبى تسلم والله ربنا يخليك
الحمد لله العربية دلوقتى معايا عشان بكرة اجازة الحرفيين بس لسة فيها شغل طبعا هخلصه يوم الاتنين ان شاء الله ، فاضل تركيب الشمعدان عشان القديم اتعوج ومش راضى يظبط زوايا العربية
انا النهاردة جبت مساعد من التوكيل بـ 700 بالضريبة والجنط الحديد بـ 315 ( سعر كويس ) و شداد الميزان بـ 92 ( سعر ممتاز ) الاسعار شاملة الضريبة
وطبعا الشمعدان هو هو بتاع الـ 207 فجبته استيراد ، بس تخلى بالك من مقاس الكوبلن والشمعدان ده جبته 3 مرات بـ 3 اسعار اول مرة ب700 ! وده اغلى واحد واقل واحد ، لانه كان فيه بوش جامد في البلية ، بعد كدة جبت واحد تاني فيه بوش بس قليل ب 300 ، بعد كدة الحمد لله لقيت واحد مفيهوش الهوا زي الزيرو بالظبط بـ 450 بالطنبورة والكاليبرات والراجل مارضاش يديهولى لوحده ، هركبه واخلى الطنبورة والكاليبرات عندى ..

الشمعدان في التوكيل سعره 1900 وشوية بدون ضريبة ( غالى فحت :( )


الحمد لله القنطرة زي الفل ، الفتيس والموتور ما اتلمسوش بفضل الله ثم المصفحة ( شالت كتير فعلا ) ، المقص هو اكتر حاجة اتهرست وده يعتبر فدى العربية كلها وشال اغلب الليلة .. الحمد لله

مع ان لسة العربية ما خلصتش بس سقتها النهاردة من الحرفيين للمهندسين و مع ان الزوايا مش مظبوطة العربية ماسكة نفسها مش بتتلكك على تعويمة او حدفة ، الحمد لله ولسة فيها نعومة الزيرو بفضل الله ، بعد ما تخلص خالص بيتهيألى هترجع زي الاول بالظبط بدون مبالغة الحمد لله

بالنسبة لموضوع العين ، دى مفيهاش كلام كل ده بسبب انى جبت عربية زي دى وانا عندى 26 سنة ، فكل اللى حواليا باصين لي فيها ، يلا ربنا يعديها على خير

الحمد لله ان العربية خلصت على خير وبتكاليف قليلة والاهم ان الحادثة مقصرتش على احساسك انك راكب عربية زيرو.

ماشي ياعم احمد فداك والله المهم انا كان عندي خبطة من تحت في مطب ومن ساعتها بسمع ونة كده وكان عندي استهلاك البنزين عالي شوية وغيرولي البوجيهات والفلتر وقالولي البنزينة اللي بتمون منها وحشة

الاستهلاك عندك كام يا باشا فى العربية سواء جوه البلد وعلى طريق سفر؟

والله بفول من موبيل وكل الناس بتفول منها والغريبة ان برضه وقفت واتكلمت مع واحد هناك عنده نفس المشكلة ان الاستهلاك عالي قالولوه برضوا مشكلة بوجيهات وفلتر عشان البنزين اللي بتحطوا ووسالتوا بتفول منين قالي من موبيل المشكلة بقي انه راحلهم فوق ال4 مرات مرة قالولوا مشكلة سوفت ويير ولما التحديث ينزل هتتح ومرة تانية البوجيهات والفلتر والمشكلة لسه موجودة ومرة تانية اللي كنت موجودساعتها قالوا حساس الشكمان فيه مشكلة وادولوا علبة محسن اوكتان ب 120 ج يحط منها كل 5000 ك قبل مايفول وده هيظبطلك الدنيا

محسن الاوكتان بالضريبة ب130 والمهندس مينا قالى كل 10 الاف مش 5 الاف ويستحسن تستخدمه قبل تغيير الزيت بحاجة بسيطة عشان لو فى رواسب هو دوبها وشالها ها تنزل فى الموتور وتبقى تنزل مع تغيير الزيت.

[Hema_Basha]

انا الاستهلاك عندي كان التنك بيعمل 300 كم جوه البلد في حين ان ناس تانية بيعمل 400 كم و450 بس بعد ما غيرت البوجيهات والفلتر فولت من بنزينة شيل اللي جنب التوكيل ومشيت حوالي 240 كم اخدت 24 لتر يعني تقريبا 10 لتر لكل 100 كم

[Akram.Gamal]

انا الاستهلاك عندي كان التنك بيعمل 300 كم جوه البلد في حين ان ناس تانية بيعمل 400 كم و450 بس بعد ما غيرت البوجيهات والفلتر فولت من بنزينة شيل اللي جنب التوكيل ومشيت حوالي 240 كم اخدت 24 لتر يعني تقريبا 10 لتر لكل 100 كم

انا بقا ال الاستهلاك عندى بقا وحش
فولت التانك من موبيل العمده ب 79 جنيه و مشيت بيها 365كم بس و رجعت فولت تانى اخدت 44 لتر ب 82 جنيه و كان العداد صفر مرتين

مونت المره دى من موبيل القشاوى و هشوف بقا لو الاستهلاك اتغير .. يبقا البنزين بتاع موبيل ده مش تمام بيطير بسرعه لوحده