رابطة ملاك البيچو ٥٠٨

[sherifffff]

عزيزي أ . د. / إسلام جمال
تم الرد علي الخاص

[sherifffff]

استهلاك البنزين بيتحسن مع الوقت
في آخر ٥٤١٣ كيلو كان متوسط الإستهلاك ١٠.٣ ليتر لكل ١٠٠ كيلو
تقريباً نصهم في وسط البلد ونصهم علي الطريق
ولو ماشي مشوار طويل ومثبت علي ١١٨ علشان الرادار وعلشان الزمارة بيكون معدل الاستهلاك ٦.١ ليتر لكل ١٠٠ كيلو
وأثناء الشد السريع بيكتبلي المعدل ٢٣ ليتر وساعات مبتكتبش

بالنسبة للإنسنجنيا ،
الاوبل مش موجودة في السعودية علشان كدة دي مكنتش إختيار بالنسبالي
انا عارف ان تقييمها ممتاز وسابق ال ٥٠٨ في كل المواقع الانجليزية والامريكانية
بس ال٥٠٨ سابقاها في المواقع الفرنساوية والروسية
وطبعاً الفورد مونديو سابقاهم كلهم
بس انا بقرأ في التقريرات دي تجارب الادء اوالمواصفات وسيبك من التقييم النهائي
انطباعي انا ان صالون ال ٥٠٨ أفضلهم ومحركها أوثقهم وصاجها أمتنهم وهيه اكثرهم شعبية في بلادنا
وكمان ال٥٠٨ نازلة زي ما هية في بلادها بس الانسنجينيا اكيد الوكيل هيعلم عليها

[amr_basiony]

استهلاك البنزين بيتحسن مع الوقت
في آخر ٥٤١٣ كيلو كان متوسط الإستهلاك ١٠.٣ ليتر لكل ١٠٠ كيلو
تقريباً نصهم في وسط البلد ونصهم علي الطريق
ولو ماشي مشوار طويل ومثبت علي ١١٨ علشان الرادار وعلشان الزمارة بيكون معدل الاستهلاك ٦.١ ليتر لكل ١٠٠ كيلو
وأثناء الشد السريع بيكتبلي المعدل ٢٣ ليتر وساعات مبتكتبش

بالنسبة للإنسنجنيا ،
الاوبل مش موجودة في السعودية علشان كدة دي مكنتش إختيار بالنسبالي
انا عارف ان تقييمها ممتاز وسابق ال ٥٠٨ في كل المواقع الانجليزية والامريكانية
بس ال٥٠٨ سابقاها في المواقع الفرنساوية والروسية
وطبعاً الفورد مونديو سابقاهم كلهم
بس انا بقرأ في التقريرات دي تجارب الادء اوالمواصفات وسيبك من التقييم النهائي
انطباعي انا ان صالون ال ٥٠٨ أفضلهم ومحركها أوثقهم وصاجها أمتنهم وهيه اكثرهم شعبية في بلادنا
وكمان ال٥٠٨ نازلة زي ما هية في بلادها بس الانسنجينيا اكيد الوكيل هيعلم عليها

استاذ شريف
السلام عليكم ورحمة الله وبركاته
انا فى الرياض ويكون ليا الشرف لو اكلم حضرتك واتعرف عليك علشان انا عندي كذا تعليق على العربية اتمني اناقشهم معاك واعرف هل المشكلة دى فردية عندى بس ولا هلى العربية كدا


عمرو بسيونى
مهندس معماري

[sherifffff]

عزيزي مهندس/ عمرو بسيوني
تم الرد علي الخاص

[islam_gamal50]

عزيزي أ . د. / إسلام جمال
تم الرد علي الخاص

شكرا يا دكتور ... استفسار سريع هو حضرتك معاك اي فئة وايه الكماليات الزيادة عن مثيلتها في مصر؟

[ahmed sa3ed]

عن عربيه تحول العين وتخوف الواحد لما يشوفها بسبب حجمها وفخامتها وشكلها الجميل


عربيه فرنساوى
موتور bmw
فتيس شركه مارلى الايطاليه صنع اليابان


فرنسا - اليابان - المانيا

يعنى حاجة اخر منجهه




تقفيل جلد فى قماش ونيكل مع بعض المناطق الى فيها high gloss


عربيه ممتازة محدش اشتكى منها لحد دلوقتى


وان شاء الله قريب هكون معاكوا فى الرابطه دى وهشتريها ان شاء الله






وسؤال فى السريع بقى العربيه فيها 8 سماعات كل باب فى اتنين واحدة صب وتويترات وفى مكان لسماعتين كمان ورا الكراسى الخلفيه بس مش راكبين هل الصوت عالى ونقى ولا فى تعليق عليه

لان استاذ elanor قالى مرضيه بس مش ممتازة

[eleanor]

السلام عليكم
انا اسف انى اتاخرت عليكم بالمشاركه بس كنت بمر بظروف صحيه والحمد لله
انا روحت عملت صيانه ال6 شهور والعربيه عامله 6400 كيلو وكان في توكيل غمره اول ماروحت سجلت الشكوى بتاعت صوت فتحه السقف
واستقبلنى مهندس اسمه محمد حسن هو شاب بس متعاون جدا وعلى فكره مصطفى البرنس بقى هو كبير مهندسى غمره وكل استلام العربيات بيندرج تحت اسمه
الصيانه تمت تمام وراجعو على فتحه السقف والحمد لله والصيانه اتكلفت تقريبا 970 جنيه تغير زيت وفلتر وفلتر هواء وفلتر تكيف وتربيط عفشه وتزويد السوائل لو حاجه ناقصه
وتحت امركم

[eleanor]

احييك يا استاذ شريف على الموضوع ده وان شاء الله يكون مرجع لكل المهتمين بالبيجو ال508
يا جماعه في فرق بين الفئتين في ال508 ال allure بتبقى كلها جلد طبيعى مش نص جلد والابواب كلها جلد مافيهاش شمواه وفى فروق كتير بين التنين لو حضرتكم تحبوا ممكن اكتبلكم الفروق طبعا بين الفئتين اللى في مصر
وتحت امر حضراتكم في استفسار

[islam_gamal50]

ايه الفرق بين المواصفات الخليجى والمصري يعني ايه الكماليات الزيادة عن مثيلتها في مصر؟ عن بيجو 508 اتحدث

[sherifffff]

حمدً لله علي سلامتك يا استاذ elanor

سعيد بمشاركتك في هذا الموضوع
ويا ريت يكون مرجع زي ما قلت وتتجمع فية كل أخبار ال ٥٠٨

انت من اوائل الأعضاء اللي اقنعتني اشتري العربية وايضا الاستاذ احمد فهمي

سعيد بإنضمامك ومستنيين تعليقاتك

[sherifffff]

الفروق بين المصري والخليجي انا معرفهاش كلها
بس اهمها هية الملاحة والاي درايف

المواصفات المصرية فية أعضاء كتير كتبوا عنها بإحتراف وشوفوا المواضييع السابقة
ويا ريت اصحاب المواضييع دي يعيدوا كتابتها تاني علي الصفحة دي علشان تفضل محفوظة

بالنسبة للخليجي
العربية موجود منها فئتين بس في السعودية
ال Allura وسعرها١٠٠ ألف ريال
وال Active وسعرها٧٥ ألف ريال

ودي مقارنة بين ال Allura و ال Access ون حيث المواصفات الذيادة بس بينهم
( مش كل مواصفات العربية )

الجنوط ١٨الومونيوم (مقابل ١٦ حديد مع طاسات)
حساسات خلفية وامامية وجانبية لقياس مسافة الركن ( مقابل خلفية فقط )
إطار نيكل حول الزجاج من الخارج ( مفيش )
رشاشات لغسيل الأنوار ( مفيش )
الأنوار الرئيسية زينون وليدات وبتلف مع المنحنيات ( مقابل هالوجين بدون عدسة ومبتلفش )
دخول بدون مفتاح ( بمفتاح ريموت )
تشغيل بدون مفتاح ( عادي بمفتاح )
فرامل يد الكترونية ( مقابل يدوية )
شاشة ملاحة ( مقابل شاشة صغيرة وتحتها رف )
نظام آي درايف ( مفيش ومكانة درج تخزين )
تكييف إلكتروني رباعي المناطق ( مقابل أحادي يدوي)
الكراسي جلد بتحكم كهربائي ( مقابل قماش بتحكم يدوي )
نظام صوتي متطور Jpl مع ١٠ سماعات ( مقابل عادي مع ٨ سماعات )
شاشة لعرض السرعة وتعليمات الملاحة بنظام البروجيكتور تحت الزجاج الأمامي ( مفيش )
الزجاج عازل للحرارة غامق شوية ( مقابل عادي )
ستارة خلفية و جانبية خلفية ( مفيش )
قياس ضغط الإطارات ( مفيش )
جهاز إنذار ومانع سرقة ( مفيش )
٣ مداخل كهرباء ( مقابل ١ )

الفئتين طبعاً بالمحرك THP 1.6 156hp turbocharged مع جير تبترونيك مع بدالات خلف المقود
وفيهم ؛
تحكم بالسرعة
مثبت سرعة
ضمان مليون كيلومتر أو خمس سنوات
صيانة ال ٢٥٠٠ كيلو مجانية وبعدين كل ١٠٠٠٠ كيلو وتكلفتها ثابتة ٥٥٠ ريال

[islam_gamal50]

معلش هي ال allura هي اللي مكتوب عليها GT ؟

[Ahmed Amin]

معلش هي ال allura هي اللي مكتوب عليها GT ؟

البيجو ال 508 Allure هيا الهاي لاين,
والبيجو 508 Active هيا البيز لاين,

أما ال 508 GT دي حاجة تانية غيرهم,
بتنزل بموتور 2200 سي سي ديزل, بيطلع 201 حصان
والتسارع بتاعه من 0 إلي 100 في 8.2 ثانية

وبتنزل بنظام تعليق أمامي double-wishbone ودا أفضل نظام تعليق أمامي
بدل من ال macpherson strut اللي في ال Active وال Allure وكل عربياتنا تقريباً.

وكمان عشان تميزها من برة, بيكون مكتوب كلمة GT في الشبكة الأمامية في الجنب اليمين,




وبتكون بفتحتين شكمان خلفي.

[eleanor]

انا دايخ على حاجات للعربيه واكسسورات مش لاقى في مصر
ولاقيت بره على موقع بيجو انجلترا وباسعار حلوه جدا بس مش بيشحنو لمصر وهى دى المشكله
ماحدش يعرف حد في مصر ممكن يكون عنده اكسسورات ليها

[Ahmed Amin]

انا دايخ على حاجات للعربيه واكسسورات مش لاقى في مصر
ولاقيت بره على موقع بيجو انجلترا وباسعار حلوه جدا بس مش بيشحنو لمصر وهى دى المشكله
ماحدش يعرف حد في مصر ممكن يكون عنده اكسسورات ليها

في مصر معرفش حد, وصعب تلاقي بسهولة,,
لو عايز تشتري من علي النت والبايع مش بيشحن لمصر,
في شركات زي Aramex بيعملو لك رقم صندوق بريدي واحد في أمريكا وواحد في بريطانيا بأشتراك سنوي حوالي 60 جنيه,
Shop and Ship :: Home
ودلوقتي مكتوب علي الموقع بقت العضوية ب 320 بس مدي الحياة.!
Shop and Ship :: Who We Are

وبتشتري الحاجة عادي من أمريكا أ, أنجلتر وتشحنها علي العنوان البريدي الخاص بيك اللي بيدهولك,
والحاجة بتروح علي المستودع دا وبيبقي معروف أنها بتاعتك وبتتحشن لمصر بعدين بتيجي لك لحد باب بيتك,,

بس الخدمة مش عمليه للحاجات اللي وزنها كبير, ممكن تبقي تكلمهم وتشوف نظامهم,

وفيه موقع بيشتري الحاجات ويشحنها من علي المواقع, وبيوصلك لحد باب بيتك برضه.
The World is Just A Click Away! - Edfa3ly

أتمني الطرق دي تفيدك, لو كنت عايز تشتري حاجة عاجباك ومش موجودة في مصر ولا بتتشحن ليها.