نقلات جير بيجو 301

[carizma1]

السلام عليكم اخواني واخواتي الكرام

حبيت انقل ليكم تجربتي مع البيجو 301 هايلاين بالسعودية وهيه نفسها اللي فمصر مع وجود انارة خلفيه وعدم وجود حساسات خلفية.

الجير فعلا زي ما قريت هنا فالمنتدي من الاعضاء الكرام محتاج تسارع أعلي من الطبيعي ل 1600 سي سي

ومع توافر الضغط ويوصل الار بي ام الي 2000 لفه بتطلع العربيه وبعد الطلعه مابين ال10 والعشرين الله أعلم ينطر تاني الار بي ام لتحت ويعلي مع شدة في جر العربية وبعدين عند الاربعين ينقل وبنفس الطريقه عند حد ال 2000 لفه وكذلك للتالت مع 60 كيلو متر سرعه ويثبت مابين الستين والسبعين عند ال2000 لفه ويطلع مع زيادة السرعه وبما اني ففترة التللين ما بتعداش عن كدا.

اللي لاحظته

* النتشه او الرجفه اللي اتحكي عنها دي ما بحسهاش ابدا مع ضغط البنزين للي بحسه طبيعي وزي ما قولت فوق

وبحسها لما تيجي السيارة تفرمل وتكون سرعته زيادة وحدة الفرمله قوية شوية فبترجف السيارة وهيه بتنزل من التاني للأول

ودا كنت بحسه مع ابيكا 2008 2500 سي سي والجير بتاعها ما شاء الله ممتاز وعزم مكنتها مريحه الجير جدا بس بردة كان بيحصل الرجفه ما بين التني والاول بنفس الطريقه.

* الشيء التاني اللي لاحظته فالجير دا ودا ممكن عشان حجم المكنه صغير

لما ينقل علي التاني وانت بتهدي السرعه , وتقل عن الستين شويه وينقل الجير تاني فكل هدوء ولا تحسه عشان تلحقه!!!!

عشان ترجع علي تالت ,الار بي ام ينطر لغاية 2700 لفه عشان ينقل الجير وكمان اوقات مع الضغط الهادي عشان تلحق الموقف الار بي ام يتعدي 3000 لفه والعربيه زي ما هي وبتزيد قليل جدا ,وممكن ودا حصل معايا مرتين ترجف العربيه وبشيل رجلي من علي البنزين وتهدا واديها بهدوء تاني تستجيب بالراحه وتعمل اللي قولت عليه عند 2500 الي 2700 وتنقل تالت وتعدي الستين وترتحاح

انا مستلم الاسبوع اللي فات واكيد تحديث سوفت وير الجير موجود.

حقيقي استجابته تمام ومافيش أي بطئ بحسه لما بتاخد دي او أر بتستجيب تمام وتسارع معقول ولما بتشد بيبقي الجير والعربيه عاوزين يفتحوا وتعدي الميه عشان العربية ترتاح

بس للتلين ولعم ساهر اللي مالي الدنيا هنا وبيوجع بجد فبلاش, بس مش علي طول

السيارة ما شاء الله عليها فعلا زي ما الناس هنا وضحت وكان ليهم النصيحه الطيبة , ممتازة في كل شيء للسعر دا ما شاء الله

التيوتا يارس و النيسان صني و وحتي النيسان سنترا اللي الاستاندر بتاعها يتعدي 12 الف ريال

ونقول كمان كيا ريو وكيا سيراتوا العادي مش الأوفر اوبشن ,وعليها كمان كصاج وستايل

ما شاء الله تبارك الله ربنا يحفظها لينا ولكل وملاكها ولكل اللي هيستلموا ان شاء الله

Cute and fashionable car with Europian style and professional hands can establishing

أطيب الأمنيات للجمع

د. محمود شوقي

[Hema_Basha]

الف مبروك يا باشا وربنا يديك خيرها ويكفيك شرها

[Ahmed Amin]

فعلاً مش هتحس بأي نتشة في الفتيس لو فضلت دايس علي دواسة البنزين وقت ما بينقل من أول للتاني, وخليتها تنقل ما بين ٢٧٠٠ ل ٣٥٠٠ لفة موتور بالدقيقة.
ودا لأن عزم الفتيس عالي, ولما بينقل علي سرعة بطيئة أو ضغط علي دواسة البنزين خفيف بيظهر أحساس النتشة في نقلة الغيار ما بين الأول للتاني,

وفعلاً العربية سحبها ممتاز, وتعتبر صفقة رابحة جداً كمواصفات مع سعر.
ألف مبروك علي العربية الجديدة وربنا يبارك لك فيها.

منتظرين منك بقي أحلي تقرير بعد ١٠٠٠ كم كدا وبعد ما تخلص التليين وتاخد عليها أكتر.

وأبقي راجع الردود دي عشان تاخد أكتر علي الفتيس,

http://www.nilemotors.net/Nile/3875267061-post20.html

http://www.nilemotors.net/Nile/387106-301-2.html#post3875267061

http://www.nilemotors.net/Nile/392781-301.html#post3875312851

[carizma1]

الف مبروك يا باشا وربنا يديك خيرها ويكفيك شرها

اللهم امين جميعا وشكرا استاذ ابراهيم

[carizma1]

فعلاً مش هتحس بأي نتشة في الفتيس لو فضلت دايس علي دواسة البنزين وقت ما بينقل من أول للتاني, وخليتها تنقل ما بين ٢٧٠٠ ل ٣٥٠٠ لفة موتور بالدقيقة.
ودا لأن عزم الفتيس عالي, ولما بينقل علي سرعة بطيئة أو ضغط علي دواسة البنزين خفيف بيظهر أحساس النتشة في نقلة الغيار ما بين الأول للتاني,

وفعلاً العربية سحبها ممتاز, وتعتبر صفقة رابحة جداً كمواصفات مع سعر.
ألف مبروك علي العربية الجديدة وربنا يبارك لك فيها.

منتظرين منك بقي أحلي تقرير بعد ١٠٠٠ كم كدا وبعد ما تخلص التليين وتاخد عليها أكتر.

وأبقي راجع الردود دي عشان تاخد أكتر علي الفتيس,

http://www.nilemotors.net/nile/3875267061-post20.html

http://www.nilemotors.net/nile/387106-301-2.html#post3875267061

http://www.nilemotors.net/nile/39278...post3875312851

شكرا استاذ احمد
هيه بتنقل اول وتاني وتالت من تحت 2000 لفه وتمام وبتبقي عاوزه تزود عشان تغير رابع وترتاح فعزمها

وان شاء الله بوجود حضرتكوا معانا نتابع وربنا يكتب لينا الخير جميعا اخي العزيز

[hossamalsadik]

مبروك العربيه ربنا يباركلك فيها

[carizma1]

مبروك العربيه ربنا يباركلك فيها

الله يبارك فيك استاذ حسام ,الف شكر

[Akram.Gamal]

مبرووووك العربيه
و منتظرين تقريرك القادم ان شاء الله

[J A G U A R]

تقرير ممتاز .. وربنا يباركلك فيها

[carizma1]

مبرووووك العربيه
و منتظرين تقريرك القادم ان شاء الله

متشكر جدا أستاذ أكرم , وربنا يسهل اخلص شوية حاجات إن شاء الله فيها ونعرضها علي حضراتكم احواني الكرام.

[carizma1]

تقرير ممتاز .. وربنا يباركلك فيها

الله يبارك فحضرتك اخ جاجوار و تسلم علي التقييم

[ابو هنا]

الف مبروك على السيارة ، وياريت تدينا فكرة عن اسعار السيارة في السعودية ، وتقييمك لمدى قدرة السيارة على المنافسة بين باقي السيارات الاخرى مثل ( الياريس والاكسنت والريو والصني )

[carizma1]

الف مبروك على السيارة ، وياريت تدينا فكرة عن اسعار السيارة في السعودية ، وتقييمك لمدى قدرة السيارة على المنافسة بين باقي السيارات الاخرى مثل ( الياريس والاكسنت والريو والصني )

الله يبارك فيك يا ابو هنا

سعرها المانيوال 38 الف والبيزلاين 45 الف والهاي لاين 51 الف عند الوكيل الحالي الحاج حسين علي رضا.

بصراحه انا كنت كل ما اروح المعرض وانا بخلص الاجراءات اشوف اللي معروض منها شكله كتكوت اوي علي حجم السيارات هنا فالسعوديه وحقيقي كنت مقفول بنسبة من شكلها الكنز ( ولكن مرسوم بشكل جميل)

فكان اعتقداي انها علي الطريق مش هتبان اوي مع اللي حوليا ولكن ما شاء الله بلاقي حتي اصحاب الجيوب والدفع الرباعي عنيهم عليها

دا غير السيراتوا والالينترا بيبلطجوا ويرموا عليا كدا وطبعا انا بلين فولااااا الهوا وعااااادي وبلييين بس :)

اما بالنسبة للسياراات اللي حضرتك زكرتها , حقيقي بلاقي جنبي اللي معاه يارس لسه بورق الوكاله علي الكبوت والشنطه لاحظها وباين انه خد باله منها ( دي بيجو !)

حجما اكبر من اليارس والكسنت والريو والصني الجديدة بحس انها مالهاش شكل محدد بقت منبعجه من الخلف ومنحنية من الامام غير اني ركبت الاستاندر بتاعها عبارة عن بلاستك وفبر.

نجاح المنتج بيعتمد اول شيء علي التسويق ليه ولفت الانتباه

وانا شايف ان علي الاقل المانيوال الناس بتتصل كل مره وانا فالوكاله علي العرض بتاعها (733 ريال فالشهر مع دفعه تقريبا 7 الاف ) ودا بيناسب كتير من الشركات اللي عندها مندوبين وحتي الناس العاديه لانه سعر ارخص بكتير من الحاجات اللي حضرتك زكرت بعض انواعها فالسوق هنا.

ولكن ثقافة الخليج فالسيارات تختلف وربنا يهدي الجميع للصواب

عندهم هنا اللي يركب غير ياباني وكوري وبعض الامريكي زي الفورد والجي ام يبقي لو فكر يبيعها بعد الشراء ممكن يخسر 10 الاف فساعة الزمن دي

يعني انا شوفت علي موقع حراج واحد شاري بيجو 301 بيزلاين سعرها 45 الف بيبعها وهيه ماشية 2000 كيلو وعامل فيها شغل تنجيد وتجليد أرضيه علي 38 الف ريال!

ودا اكيد واحد اتزن علي ودانه انك هتخسر كتير لو فضلت معاك وان السوق هنا ما بيعترفشي بالماركات دي

ولكن بالتجربه نجاح الرينو فليونس ال3 سنين اللي فاتوا مع انها عربيه ناشفه وتقيله كان نجاح باين وسعرها من تلت سنين كان 60 الف دلوقتي وصل 72 الف ريال .

زميلي لسه مطلع نيسان سنترا وهيه ما شاء الله عربية جميلة وجايب البيزلين بتاعها ب 62 ألف ريال ودي أول سنه ينزل موديلها السعودية بعد احتكار امريكا لها 15 سنه اللي فاتوا

لما شاف البيجو ومع امكانيات الهاي لاين فالتابلو فرحلي جدا وباركلي علي إختياري ومننساش دي ب 51 الف مش 62 الف بيزلاين والهاي لاين عنده يعدي 73 الف.


فما شاء الله الوكيل نازل كدعاية ليها صح كضمان 5 سنين او مليون كيلو متر ايهما اقرب !
ولكن حال السوق اللي واقف من فترة تقنين الكفاله للمقيمين اللي فاتوا ورحلوا الاف الاف وقفت حال سوق العمل وبالتالي شراء السيارات نسبيا.

ومن تجارب الوكيل حسين علي رضا

المازدا والجلي الصينيه وعملهم اسم فالسوق

ولكن بعد مرحلة الدعاية لازم المنتج يخدم نفسه بنفسه والجلي اكيد عارفينها اما المازدا غنية عن التعريف وليها ناسها ولكن ماذدا 3 بتبتدي هنا من 50 الف وتوصل لحاجه وسبعين الف برده

فالمقارنه هنا بإذن الله لصالح البيجو وربنا يحفظها نعمه علينا جميعا بإذن الله.

[Ahmed Amin]

دا غير السيراتوا والالينترا بيبلطجوا ويرموا عليا كدا وطبعا انا بلين فولااااا الهوا وعااااادي وبلييين بس :)

اللي شوفته في السعودية, وعجبني عشان مخبيش علي حد.
إن إشارات المرور في السعودية عبارة عن حلبة سباق فورملا وان,
كله مستني النور الأخضر عشان يفلق ويشوف هيعدي اللي هيطلع جنبه ولا لأ.

أتقل علي العيال دي شوية, وأول ما تخلص تليين كل واحد هيعرف مستواه.

ربنا يبارك لك فيها, وفكك طبعاً من الناس المتهورة والطايشة دي.

[mahmed0100]

اللي شوفته في السعودية, وعجبني عشان مخبيش علي حد.
إن إشارات المرور في السعودية عبارة عن حلبة سباق فورملا وان, :b4_048:
كله مستني النور الأخضر عشان يفلق ويشوف هيعدي اللي هيطلع جنبه ولا لأ.

أتقل علي العيال دي شوية, وأول ما تخلص تليين كل واحد هيعرف مستواه.

ربنا يبارك لك فيها, وفكك طبعاً من الناس المتهورة والطايشة دي.

يا احمد .. يعني هو كل واحد حيعرف مستواه و لا هو يفكه من الناس دي
مش فاهمك
بابا قالي زمان اللي يضربك اضربه هههههه
خلص التللين يا باشا و اتفرج عليهم في المرايا براحتك :))