بيجو 301..نص الشكوى

[abohend]

كنت إتفقت مع الأعضاء في الموضوع ده

http://www.nilemotors.net/Nile/414445-a.html

على تقديم شكوى جماعية نظراً لأرتفاع أسعار الصيانات و تغيير قطع الغيار خارج الضمان

ده نص الشكوى


يا ريت تقولولي آرائكم و إقتراحتكم
بعد الإتفاق على النص إن شاء الله سيتم مخاطبة بيجو مصر
و إعطاء مهلة مناسبة (شهر مثلاً)

في حالة عدم إهتمام الوكيل و إستمرار إستنزاف العملاء سيتم مخاطبة الشركة الأم

في إنتظار إقتراحاتكم

تحياتي

[amrelsaqqa]

ايوة بقى عبيلوا واديلوا بالواحدة مش بالكيلو :d

عجبنى انك حاطط كل حاجة حتى موضوع اجبار العميل على زيت موبيل ده
دى المطالب الاساسية

بعد كدة ندخل في ارتفاع اسعار الكماليات زي السماعات ام الف جنيه دى ..
وسعر تركيب الفوجات برضه اللى وصل لـ 1600 جنيه في حين ان سعر الفوجات نفسها مش غالى اوى هم بـ 600 تقريبا ليه المصنعية والقواعد بتاعت الفوجات يوصلوا لـ 1000 جنيه في عربية المفروض انها نازلة عشان تبقى شعبية واقتصادية ؟
ده غير تكبير الدماغ من كماليات تانية مهمة زي وحدات الرفع مثلا اللى مش عايزين يتعبوا نفسهم ويركبوها للناس

[Ahmed_Ta21]

لا كده تمام اوي يابو هند
وإن شاء الله اول لما استلم هذكر بيانات عربيتي وهضمها لشكواكم في حالة التصعيد

[rock82egy]

100/100 ياباشا ...تسلم ايدك

[goldfinger2]

السلام عليكم
انا منضم معاكوا ياجماعة فى الشكوى دى ، لان حصل معايا موقف زفت فى صيانة ال 10000 موجودة فى الموضوع دة

http://www.nilemotors.net/Nile/414767-10000-301-a.html

[Hema_Basha]

ايه الخطوات اللي بعد كده يا ابو هند وعلي فكرة الله ينور بجد

[goldfinger2]

ممكن يابو هند تضيف تغيير فلاتر زى فلتر الهوا وفلتر البنزين المفروض انهم مش بيتغيروا على 10000 ، وهما بيقولوا على حسب الاستخدام ، (طبعا كدة اى كلام )

[Hema_Basha]

ممكن يابو هند تضيف تغيير فلاتر زى فلتر الهوا وفلتر البنزين المفروض انهم مش بيتغيروا على 10000 ، وهما بيقولوا على حسب الاستخدام ، (طبعا كدة اى كلام )

استخدام ايه وزفت ايه علي دماغهم ده مغير تيلين علي 8000 كم و17000 ده انت لو مشيك كله 180 كم ميخلصش بالسرعة دي وكذلك البوجيهات مغيرها علي 12000 كم وعلي 18000 كم مع ان ناس تانية بتقعد معاهالحد 60 و 70

[fady saher]

الله ينور انا معاكو في حالة التصعيد

[abohend]

كده فل

كده فل أوي
واضح إن الناس فعلاً متأثرة بالموضوع
و يا ريت الناس متستناش لحد متواجه المشكلة بعد كده تبقى تقول أنا عايز أبعت شكوى

كل الشكوى متكون بصورة جماعية أكتر..كل ما التوكيل هيهتم بيها أكتر

إن شاء الله إرسال الشكوى سيكون يوم الأتنين القادم لجمع عدد أكبر من الملاك
(14-04-2014) و إنتهاء الويك إند في مصر و فرنسا (مش عارف الأحد عندهم أجازة و لا لأ)

ملاحظة أخونا goldfinger سيتم إضافتها (الفلاتر)

برجاء أخذ الموضوع على محمل الجد و عدم الإتكال إن الغير هيجيب حق الكل
لو بعضنا طنش..حق الجميع هيضيع و هتعتبر شكوى فردية خاصة إن في ملاك كتير خارج المنتدى

و يا ريت اللي يعرف صفحة لبيجو أو 301 على الفيس ينشر فيها الموضوع لجمع أكبر عدد
و إرساله بشكل جماعي في نفس التاريخ
أنا هحط رابط للموضوع في رابطة الملاك لزيادة العدد

تحياتي

[abohend]

مبروك أولاً

لا كده تمام اوي يابو هند

وإن شاء الله اول لما استلم هذكر بيانات عربيتي وهضمها لشكواكم في حالة التصعيد

ألف مبروك أولاً
و متخليش الحاجات الصغيرة دي تأثر على إستمتاعك بعربيتك
دي مجرد تحركات لحفظ الحقوق
لكن الحمد لله حتى الآن تقييمي الشخصي للسيارة جيد جداً

مش هنطلب من حد بيانات عربيته
للحفاظ على الخصوصية و منع إستخدام المعلومات بشكل سئ
(مش عارف إزاي بس ما علينا )


الفورمة هيتم وضعها بصيغة (وورد) و كل واحد يملى بياناته و يبعت على الميل (مش عارف أوصل لميل حتى الآن!!)

في حالة التجاهل لأول أسبوع
أنا متبرع بالذهاب للوكيل بالأسكندرية بالفورم (بعد إرسالها على المنتدى)
و يا ريت لو حد يعمل الموضوع ده في القاهرة

بعد إنتهاء المهلة (شهر) سيتم مخاطبة الشركة المصنعة في فرنسا و إنتظار رد الفعل لمدة معينة يتم الإتفاق عليها

على أساس رد الشركة الأم سيتم تحديد التصعيد القادم

تحياتي

[abohend]

إقتراح

بقترح برضه نتفق على يوم معين قبل إرسال الشكوى و نكلم فيه الرقم المختصر 19207 و نعمل شكاوى بنفس المضمون

رأيكم ايه؟؟

[Hema_Basha]

https://m.facebook.com/PeugeotEgypt دي صفحة بيجو مصر علي الفيس

[Hema_Basha]

https://m.facebook.com/?_rdr#!/groups/244905185671644?ref=bookmark

وده الجروب بتاعنا علي الفيس بوك

[abohend]

proxy

https://m.facebook.com/PeugeotEgypt دي صفحة بيجو مصر علي الفيس

معلش يا hema
يا ريت ترفع أنت لينك الموضوع عشان مبقدرش أفتح فيس عشان البروكسي