بيجو 301..نص الشكوى

[Ahmed_Ta21]

هل يوجد داع للاتصال بجهاز حمايه المستهلك

ليس هناك داع في الوقت الحالي (راي شخصي)
في حالة عدم استجابة الوكيل لطلبات العملاء ، حينئذ يتم التصعيد لجهاز حماية المستهلك وذلك من منطلق التدرج في تصعيد الشكوي

[abohend]

كل شئ ممكن

هل يوجد داع للاتصال بجهاز حمايه المستهلك

حتى الآن الحمد لله مفيش في السيارة عيب صناعة يخلينا نعمل كده
لكن ممكن نلجأ للجهاز عشان الأجزاء الرديئة تتغير في الضمان
بس دي هتكون الخطوة الأخيرة
لأن إجرائتها طويلة و عايزة صبر و وقت
بس كل شئ وارد
يمكن الوكيل يستجيب قبل منوصل للمرحلة دي
و ممكن يتعظوا من اللي حصل لتوكيل نيسان (تم تحويل الوكيل للنيابة عشان مبلغش على عيب ماستر الفرامل خلال اسبوع من علمه بالمشكلة)

[Hema_Basha]

تمت الشكوي يا باشا

[wel781]

السلام عليكم

أولا يا ريت نوحد البوستات علشان لقيت أكتر من بوست بيتكلم على نفس المشكلة

ثانيا انا اكلمت عملت الشكوى وزودت إن عندى تسقيف فى الموتور

الراجل كلمنى بإحترام وقالى يا ريت تيجى توكيل غمرة علشان نفحص العربية
وده مالوش علاقة بالشكوى.

انا كنت رحت عملت صيانة 2500 فى أبو رواش وطلعت مستاء جدا جدا جدا

من بداية ما دخلت لغاية لما استلمت العربية

- تعامل سيىء جدا
- إستهتار بكلامى أكنى بتجنى عليهم
- محاولة مستميته بإقناعى إن المشكلة مش من عندهم.
- إستنكار شديد لما بقلهم إن الباب الشمال أكنه مفكوك و مش متربط كويس.
- تحجج بالبنزين فى مشكلة التسقيف مع إن بمون من إمارات أو وطنيه وفمرة حطيت اوكتان وهى هى برده.
- طلبوا تغيير فلتر البنزين على حسابى وعندما رفضت قالى غيرناه و رفض يديلى ما يثبت تغيير الفلتر بحجه ان إحنا مش عايزين التعامل مع بعض يبقى كده

فا انا معاكوا فى أى تصعيد

انا هاروح يوم السبت اللى جاى فرع غمرة علشان يفحصوا العربية

[abohend]

برافو للجميع

قالو حيردوا خلال 48 ساعه انا حسيت من المكالمه انهم قلقوا من ان ناس كتير بداات تتصل بخصوص نفس الشكاوي يا ريت تفاعل اكبر مع دعوه العضو ابو هند

الله ينور بجد
كده الوكيل هيبدأ يحس بالتنسيق الجماعي بين الملاك

انا اتصلت وعملت شكوي علي رقم خدمه العملاء .. بصراحه خدمه العملاء محتترمين جدااا كاتبوا كل كلمه قلتها
والرد هيبقي في خلا 48 ساعه
بالتوفيق ان شاء الله

شكرا للإستجابة
هما فعلا محترمين جدا و ذوق
بس الأهم مدى تفاعلهم مع شكاوى العملاء

[abohend]

السلام عليكم
و عليكم السلا و رحمة الله و بركاته
أولا يا ريت نوحد البوستات علشان لقيت أكتر من بوست بيتكلم على نفس المشكلة
مش فاهم قصدك يا wel
ثانيا انا اكلمت عملت الشكوى وزودت إن عندى تسقيف فى الموتور
الله ينور...
التسقيف ده من أول مستلمت و لا ظهر بعد كده
الراجل كلمنى بإحترام وقالى يا ريت تيجى توكيل غمرة علشان نفحص العربية
وده مالوش علاقة بالشكوى.
هما فعلا محترمين فالتليفون
بس للأسف محدش عمل صيانة و خرج مبسوط
في إنفصام عند بيجو بين خدمة العملاء و الورش
انا كنت رحت عملت صيانة 2500 فى أبو رواش وطلعت مستاء جدا جدا جدا

من بداية ما دخلت لغاية لما استلمت العربية

- تعامل سيىء جدا
- إستهتار بكلامى أكنى بتجنى عليهم
- محاولة مستميته بإقناعى إن المشكلة مش من عندهم.
- إستنكار شديد لما بقلهم إن الباب الشمال أكنه مفكوك و مش متربط كويس.
- تحجج بالبنزين فى مشكلة التسقيف مع إن بمون من إمارات أو وطنيه وفمرة حطيت اوكتان وهى هى برده.
- طلبوا تغيير فلتر البنزين على حسابى وعندما رفضت قالى غيرناه و رفض يديلى ما يثبت تغيير الفلتر بحجه ان إحنا مش عايزين التعامل مع بعض يبقى كده

فا انا معاكوا فى أى تصعيد
فعلا الخدمة سيئة جدا
و بيحاولوا يقلبوا العميل في أي مبلغ و السلام

انا هاروح يوم السبت اللى جاى فرع غمرة علشان يفحصوا العربية
بالتوفيق إن شاء الله و يا رب مشكلتك تتحل

[wel781]

أقصد فى كذا موضوع بيتكلموا إنهم يعملوا شكوى

فا نوحد جهودنا مع بعض يعنى :)

التسقيف ظهر على عند 2000 كيلو تقريبا

[goldfinger2]

تمت الشكوى ياكبير ،

[abohend]

خليك وراهم

أقصد فى كذا موضوع بيتكلموا إنهم يعملوا شكوى

فا نوحد جهودنا مع بعض يعنى :)

التسقيف ظهر على عند 2000 كيلو تقريبا

دي حاجة مهمة و ميتسكتش عليها
إستمرار الظاهرة دي ممكن ياثر على عمر الموتور
خليك وراهم
و حطها في خانة (العيب إن وجد) في فورمة الشكوى

[amrelsaqqa]

طبعا انا ما زلت معاكوا بس هأجل موضوع الشكوى حاجة بسيطة لحد ما اعمل صيانة الـ 10 عشان يبقى عدانى العيب معاهم
انا حاليا عامل 8500 كيلو

[heshammosaad]

تم الاتصال من بيجو حالا
وراجع معايا الشكوى وهما بيسجلوا الشكوى على اساس انك عملت الصيانة واللى بتشتكى منه حصل معاك
وضحتله انى لسة مش هستنى يحصل معايا ودى شكوى مقدمة لان كل اللى عمل صيانة حصل معاه الكلام ده
وانى نجاح اى عربية بيعتمد على 50% العربية و 50% الوكيل
وان سمعة الوكيل فى مصر سيئة وليها ماضى مرير ومش من مصلحة الوكيل ان يخسر عملاء 301
لان ده هيسئ لسمعته بالكامل
وقالى انه هيكتب كل ده ويوصله للادارة

[Mohamed GEMY]

الوكيل كلموني حالا ومكنش عنده رد ليه وواضح ان الي بيكلمني ده خدمه عملاء فقط ملوش دعوه بي الناحيه الفنيه لانه معرفش يرد عليه وكل ماذنوقه يسكت وميردش وكان في الاخر كاني بعمل شكوي قالي في الاخر انه هيبلغ الاداره

[Mohamed GEMY]

عاوزين نعرف بقه الخطوه القادمه ايه وامتي؟

[wel781]

انا برده كلمونى حالا

وقالى إن مشكلة التسقيف ديه بنزين وهما مالهومش دعوه بحاجه

وإن الفلتر ده قطعة إستهلاكيه و وتغييرها بيبقى على العميل تحت أى ظرف

فا طبعا أخد منى اللى فى النصيب من الزعيق وتهزيق شركة بيجو وهو ساكت خالص

وفى الاخر قالى ده رد الشركة النهائى..

وممكن حضرتك تستنى لغاية يوم السبت اللى جاى وشوف المهندس هايقلولك أيه بعد ما يفحص العربية.

[Hema_Basha]

واضح كده من كلامهم ان حماية المستهلك هي الخطوة اللي بعد كده