بيجو 301..نص الشكوى

[haithamdarwish]

انا معاكم فى اى تصرف يكون فيه مصلحه للملاك ....

[ghaith_peogeut]

بارك الله فيكم .. لا يضيع حق ورائه مطالب

[Ashraf Fawzy]

ده برده لينك مهم جداً لمعرفة جدول الصيانة لعربيات البيجو و إيه القطع اللى بتتغير فى مواعيد الصيانة (زى البوجيهات) و إيه القطع اللى بتتغير وفقاً لطبيعة الإستخدام (زى تيل الفرامل و الطنابير)

Service Plans

[heshammosaad]

هعمل الشكوى الجمعة على19207

[abohend]

تعليق

العربية ظهر فيها مشاكل الموتور صوته عالي و التكييف لما بيشتغل بيكلبش العربية تيل الفرامل بيصفر و العربية عاملة 3000 كيلو و ناس كتير غيرته بدري علي 7000 و التوكيل مابيرحمش

تعليقاً على كلام حضرتك

الموتور صوته عادي و اللي فالكابينة مش بيحس بيه
التكييف ليس له تأثير تماماً على سحب السيارة
التيل عندي صفر في الأول بعد كده طبع
التيل الأمامي فعلا التوكيل بيغيره بدري و ده ذكرناه في نص الشكوى

يا ريت حضرتك تشارك معانا مشاركة إيجابية و تعمل شكوى هاتفية على 19207
مجرد الشكوى على صفحات المنتدى غير كافي

تحياتي

[abohend]

رجاء

انا معاكم فى اى تصرف يكون فيه مصلحه للملاك ....

برجاء تقديم شكوى هاتفية على 19207 مع الإلتزام بنص الشكوى في أول الموضوع

و برجاء إعلامنا بتقديم الشكوى لتكوين تصور مبدئي عن عدد الشكاوى

تحياتي

[heshammosaad]

لسه قافل مع بيجو
كلمت الرقم المختصر 19207
إخترت الشكاوى و المقترحات

المندوب رد على طول بيتكلم بكل ذوق و أدب
رقم التليفون متسجل عندهم عشان كلمتهم قبل كده في فترة الحجز
بيطلب منك رقم الشاسيه و اللوحات (حضرهم قبل المكالمة)

نص المكالمة
المندوب: سبب الشكوى
أنا: صيانة ال10.000
المندوب:حضرتك عملت صيانة 10.000 وقابلك مشاكل؟؟
أنا: لأ..لكن زمايلي عملوها و قابلتهم بعض المشاكل...ممكن تعتبرها شكوى و ممكن تعتبرها إقتراح
المندوب: ايه المشاكل اللي قابلتهم؟؟
أنا: تغيير بوجيهات (رغم إنها في جدول الصيانة بيتبص عليها كل 20.000)
تغيير تيل أمامي (و ده مش عيب إستخدام لأن كل زمايلي غيروه)
إجبار العميل على زيت موبيل بخلاف الموصى به من المصنع

المندوب:في مشاكل تانية يا فندم؟؟
أنا: اه بس ملهاش علاقة بالصيانة
المندوب: ايه المشكلة؟؟
أنا: عدم وجود شبكة حماية على مروحة الرادياتير
قبل مكمل كلامي
رد المندوب:
و ده بيؤدي لقطع خرطوم الراجع من الرادياتير ساعة الترخيص..تمام يا فندم
أنا: يبقى الموضوع متكرر..بالضبط كده
المندوب: شكراً لإتصالك و أنا بعتذر عن أي مشكلة واجهتك
سيتم الرد خلال 48 ساعة على نفس الرقم اللي حضرتك طلبت منه

أنا:شكراً و أنا بكلمكم عشان المشكلة اللي واجهت زمايلي متتكررش معايا
المندوب:تحت أمرك
أنا: شكراً...سلام عليكم

إن شاء الله أي حد يكلمهم يبقى يقولنا عمل ايه
تحياتي

تمت الشكوى التليفونية حالا
على نفس النهج

[Amr Hussain]

انا اتصلت بالرقم المختصر و قدمت الشكوى و زودت من عندى الشبكتين الى بيتفكوا لوحدهم دول

[mostafa afifi]

ايوة بقى عبيلوا واديلوا بالواحدة مش بالكيلو :d

عجبنى انك حاطط كل حاجة حتى موضوع اجبار العميل على زيت موبيل ده
دى المطالب الاساسية

بعد كدة ندخل في ارتفاع اسعار الكماليات زي السماعات ام الف جنيه دى ..
وسعر تركيب الفوجات برضه اللى وصل لـ 1600 جنيه في حين ان سعر الفوجات نفسها مش غالى اوى هم بـ 600 تقريبا ليه المصنعية والقواعد بتاعت الفوجات يوصلوا لـ 1000 جنيه في عربية المفروض انها نازلة عشان تبقى شعبية واقتصادية ؟
ده غير تكبير الدماغ من كماليات تانية مهمة زي وحدات الرفع مثلا اللى مش عايزين يتعبوا نفسهم ويركبوها للناس

كشاف الضباب الصغير ده ب 600 ده انا عندي 406 كرستاله كشاف الضباب كبير جدا و ب 300 في التوكيل و 225 برا

[abohend]

الله ينور

تمت الشكوى التليفونية حالا
على نفس النهج

انا اتصلت بالرقم المختصر و قدمت الشكوى و زودت من عندى الشبكتين الى بيتفكوا لوحدهم دول

كده بقينا 3

الله ينور يا رجالة 301

عايزين 20 شكوى إن شاء الله قبل يوم الأتنين

[Ahmed_Ta21]

إن شاء الله يا ابو هند بعد لما استلم هتفاعل مع حضراتكم إن شاء الله
وتسلم ايدك علي الموضوع لضمان حفظ حقوقنا لدي الوكيل
خالص تحياتي وتقديري لك

[age]

لسه مكلمهم حالا وزودت الاستهلاك العالي واننا اشترانا بيجو علشان اسمها كده الوكيل حيضيع سمعخ بيجو

[age]

قالو حيردوا خلال 48 ساعه انا حسيت من المكالمه انهم قلقوا من ان ناس كتير بداات تتصل بخصوص نفس الشكاوي يا ريت تفاعل اكبر مع دعوه العضو ابو هند

[Mohamed GEMY]

انا اتصلت وعملت شكوي علي رقم خدمه العملاء .. بصراحه خدمه العملاء محتترمين جدااا كاتبوا كل كلمه قلتها
والرد هيبقي في خلا 48 ساعه
بالتوفيق ان شاء الله

[age]

هل يوجد داع للاتصال بجهاز حمايه المستهلك