العربية قلبت sport mode

[م أحمد]

رحت أعمل شوية صيانات لل 406 عند محمد زكى فى الزاوية و كانت كالتالى :
1- تغيير سير كاتينة و البليتين
2- تغيير زيت فتيس
3- تغيير بوجيهات
4--معالجة عطل تعطل مؤشر السرعة فجأة
5-معالجة عطل عدم بدء الدوارة (http://www.nilemotors.net/Nile/39637...post3875344566)

المهم بعد ما فك السير الكاتينة كشف على طلمبة الميه لقى فيها خشانة فأقترح تغييرها تحسبا لتلفها او انها تضرب فجأة

الراجل غير السير و البليتين و كانت المفاجأة كبرى و هى ترحيل السير القديم بمقدار سنتين ، الراجل قالى لى على الكلام دا و قال لى العربية هتفرق كليا و جزئيا فى السحب (ان شاء الله)

لما قال لى على موضوع الكاتينة تذكرت على الفور أحمد غلوش بالحرفيين وريته العربية اول ما جبتها قالى ترتيلة العربية دى مش عاجبانى (من غير ما يفك !!!) و سألنى غيرت سير الكاتينة و لا لأ

بعدها قام بتنظيف سير المجموعة (الخاص بالدينامو و الباور و التكييف) و قال لى مش لازم اغيره لانه لو اتقطع ممكن يتغير و خطورته محدودة اما الكاتينة فحتى لو العربية مرفوعة و عدى سنتين عليه او 60 الف كيلو يبقى لازم تغيره ، و دى ميزة فى الراجل دا ، على عكس العسكرى لما رحت له وواحد صنايعى عنده قال لى الاستبر محتاج تغيير لانه مش أصلى و كان قدامى واحد استيراد يا ريت كنت لحقته و غرمنى واحد جديد و لغاية دلوقتى القديم زى الفل (magneti marelli) و ما ركبتش الجديد بناء على توصية الراجل المحترم بتاع الزاوية

المهم الراجل غير السير و البليتين و طرمبة المياة و نظف سير المجموعة و البوابة و غير البوجيهات و ملينا مياه خضرا جديدة تااااااااانى

بعدها غير زيت الفتيس ، طبعا اللى نازل لونه بنى و قال لى دا تقريبا شايط ، صورته بس مش معايا كبل ارفع الصور على النت ، الجديد لونه زى زيت الذرة على برتقالى شوية و حطيت 4 لتر

بعدها كشف على مفتاح ال Multi Switch لقى مقاومته بعيدة و قال لى محتاج تغيير لان معدل مقاومته 4 و لما يبقى 14 يبقى ضعيف و بتاعك قارىء 47

و بالنسبة لحساس السرعة اللى ساعات بيتعطل .قرص على السلك بتاعه كويس

كشف برضه على تيل الفرامل "الأصلى" و ما عداش عليه 10 آلاف كيلو قرب ينتهى (فكرنى ببتوع ال301)

مصنعيته معقولة جدا

دورت بسم الله لقيت عربية تانية شغالة على السبورت موود لوحدها من غير ما تدوس زرار ال S

للاسف لسة عندى مشكلة دبة فى الفتيس عند وضع ال R (http://www.nilemotors.net/Nile/38893...post3875279705) غيرت زيت و قاعدة ، ناقص اشوف الضغوط بتاعة الفتيس لانه مش عنده جهاز قرايات أو تكون مشكلة تانية بعيدة عن الكلام دا

و التكييف كل فيوزاته سليمة بس مش بيلقط غير لما يتعمل restart للعربية و اكتر من كهربائى مش عارف ايه السبب

[mostafa afifi]

معلش ايه فكره. ترحيل السير عشان انا لما قولت لعلي الدهشوري قالي ده في المانوال.
و بالنسبه للتكيف هل العربيه بتسخن... و راجع علي الكتاوت
و مبروك الصيانه

[م أحمد]

الله يبارك فيك و متشكر على اهتمام حضرتك

اللى انا فاهمه ان سواء مانوال او اوتوماتيك وظيفة سير الكاتينة هى وصلة الربط او التزامن بين حركة الصبابات منأعلى الموتور و حركة عمود الكرنك اللى عليه البساتم من أسفل الموتور ، بحيث البساتم و الصبابات تبقى شغالة بتوقيت صحيح فى أشواط سحب الهوا و الانضغاط و القدرة و طرد العادم ، و الا هيبقى السحب ضايع او لا قدر الله لو السير انقطع البساتم و الصبابات هيتعجنو فى بعض و الموتور يتبهدل من جوة نتيجة فقد التزامن ، و طبعا بيبقى فى البيجو 406 السير لافف على طنبورة الكامات من فوق و طنبورة الكرنك من تحت مرورا بطلمبة المياه و كل دا على اسنان ترسية مش زى سير المجموعة الناعم ، ولازم الاسنان دى تكون مظبوطة على الواحدة مفيش فيها ترحيل

يعنى مانوال او اوتوماتيك متهيألى الموضوع مالوش علاقة بنظام نقل الحركة ، الحاج محمد زكى بالصنايعية اللى معاه كانو شغالين فى توكيل بيجو و هو راجل كبير و خبرة كبيرة ما شاء الله عليه

بالنسبة للتكييف العربية مش بتسخن و لا حاجة ، هو مش بيشتغل الا اذا بطلت العربية و دورت تانى و كبست بنزين و يمكن كمان ما يلقطش ، رحت لاكتر من كهربائى بصو على الفيوزات فى الكبوت و تحت الدركسيون لقوها سليمة ، وواحد عمل توصيل خارجى من برة لبرة من سلوك الكباس فى الكبوت التكييف لقط على طول ، قال لى اكشف كمبيوتر

الكتاوت اللى انت بتتكلم عليه دا فين ؟

[Misternour]

بالنسبه لمشكله التكيف كان عندي تقريبا نفس المشكله وكان العيب من الترموستات مكانها تحت درج التبالون عند مروحه التكيف فكها الراجل وصلحها والحمدلله بقت تمام

[NightmarE84]

ومبارك عليك الشغل وان شاء الله ربنا يكرمك وتلاقى حل لدبة الفتيس

أخد من حضرتك كام مصنعية

فى ما ذكرته من اصلاحات لو تكرمت و ياريت لو تقولنا جبت السير بكام هو والبليتين ومنين ؟؟

[mostafa afifi]

الله يبارك فيك و متشكر على اهتمام حضرتك

اللى انا فاهمه ان سواء مانوال او اوتوماتيك وظيفة سير الكاتينة هى وصلة الربط او التزامن بين حركة الصبابات منأعلى الموتور و حركة عمود الكرنك اللى عليه البساتم من أسفل الموتور ، بحيث البساتم و الصبابات تبقى شغالة بتوقيت صحيح فى أشواط سحب الهوا و الانضغاط و القدرة و طرد العادم ، و الا هيبقى السحب ضايع او لا قدر الله لو السير انقطع البساتم و الصبابات هيتعجنو فى بعض و الموتور يتبهدل من جوة نتيجة فقد التزامن ، و طبعا بيبقى فى البيجو 406 السير لافف على طنبورة الكامات من فوق و طنبورة الكرنك من تحت مرورا بطلمبة المياه و كل دا على اسنان ترسية مش زى سير المجموعة الناعم ، ولازم الاسنان دى تكون مظبوطة على الواحدة مفيش فيها ترحيل

يعنى مانوال او اوتوماتيك متهيألى الموضوع مالوش علاقة بنظام نقل الحركة ، الحاج محمد زكى بالصنايعية اللى معاه كانو شغالين فى توكيل بيجو و هو راجل كبير و خبرة كبيرة ما شاء الله عليه

بالنسبة للتكييف العربية مش بتسخن و لا حاجة ، هو مش بيشتغل الا اذا بطلت العربية و دورت تانى و كبست بنزين و يمكن كمان ما يلقطش ، رحت لاكتر من كهربائى بصو على الفيوزات فى الكبوت و تحت الدركسيون لقوها سليمة ، وواحد عمل توصيل خارجى من برة لبرة من سلوك الكباس فى الكبوت التكييف لقط على طول ، قال لى اكشف كمبيوتر

الكتاوت اللى انت بتتكلم عليه دا فين ؟

متشكر جدا علي الرد.... علي.الدهشوري قالي ان السير مظبوط
الكتاوت ده لما تفتح الكبوت هتلاقيها علي اليمين خالص جنب البطاريه
معلش هو سحب العربيه علي السرعات اخباره ايه.

[م أحمد]

بالنسبه لمشكله التكيف كان عندي تقريبا نفس المشكله وكان العيب من الترموستات مكانها تحت درج التبالون عند مروحه التكيف فكها الراجل وصلحها والحمدلله بقت تمام

هل الترموستات بيتصلح و لا بيتغير ؟ و هل لازم التوكيل او كهربائى بيجو اللى يصلحها و لا ممكن اى كهربائى عادى ، و تفتكر حضرتك سعر الترموستات جديد كان كام ؟

[م أحمد]

000

[م أحمد]

ومبارك عليك الشغل وان شاء الله ربنا يكرمك وتلاقى حل لدبة الفتيس

أخد من حضرتك كام مصنعية

فى ما ذكرته من اصلاحات لو تكرمت و ياريت لو تقولنا جبت السير بكام هو والبليتين ومنين ؟؟

1- تغيير سير كاتينة و البليتين و طلمبة المياه
2- تغيير زيت فتيس
3- تغيير بوجيهات
4-فك البوابة بالكامل و تنظيفها هى و الاستبر و فلتر الهواء
5--معالجة عطل تعطل مؤشر السرعة فجأة
6-الكشف على المالتى سوتش بالآفوميتر و تشخيص عطل عدم بدء الدوارة
و الكشف على التيل

200 جنيه ربنا يبارك له فيهم

الراجل بصراحة وفر عليا تغيير استبر قبل كدة اشتريته بناء على نصيحة صنايعى عند العسكرى و قال اللى عندك كويس
ووفر عليا تغيير سير المجموعة ، مش بتاع بعزئة

السير و البليتين أصلى من التوكيل فى دير الملاك فى شارع الخليج المصرى ب 585 جنيه
طلمبة المياه أصلى بس لحظة الصيانة من محل هو يعرفه علشان ما حبتش اشتريها على الفاضى و تبقى القديمة سليمة ب 575 (اغلى من التوكيل 25 جنيه حق الديلفرى)

[م أحمد]

متشكر جدا علي الرد.... علي.الدهشوري قالي ان السير مظبوط
الكتاوت ده لما تفتح الكبوت هتلاقيها علي اليمين خالص جنب البطاريه
معلش هو سحب العربيه علي السرعات اخباره ايه.

بص انا سقت العربية اول ما طلعت من عنده الشوارع ضيقة بس لما طلعنا فى الواسع شوية كل اللى كنت بعمله أشعر بنزين و ألحق ألجم العربية بالفرامل لان الطرق مش مفتوحة ، كانت حاجة بسم الله ما شاء الله

تانى يوم والدى سافر بيها قال لى العربية غول (ما شاء الله و لا قوة إلا بالله)

هو عم محمد نفسه قال لى قبل ما امشى على موضوع فرق السحب نتيجة ضبط الكاتينة بالمناسبة برضه البوجيهات كانت أوكيم فرنساوى مش بوش الألمانى

أنا عارف انك شكيت قبل كدة من بطء طلعة العربية اللى معاك بس متهيألى اى عربية تقيلة طلعتها كدة لحظة الStarting و بعد كدة تجمع بسهولة

[Misternour]

بتتصلح يهندسه او ممكن تجبها استيراد بحوالي 100 جنيه بالتوفيق :)

[Misternour]

يستحسن كهربائي متخصص هيا علي العموم وحده الكترونيه هيقيس مقوماتها ومكثفتها ويظبطها ان شاء الله

[ahmdghalwash]

[QUOTE=م أحمد;3875556261]رحت أعمل شوية صيانات لل 406 عند محمد زكى فى الزاوية و كانت كالتالى :
1- تغيير سير كاتينة و البليتين
2- تغيير زيت فتيس
3- تغيير بوجيهات
4--معالجة عطل تعطل مؤشر السرعة فجأة
5-معالجة عطل عدم بدء الدوارة (http://www.nilemotors.net/Nile/39637...post3875344566)

المهم بعد ما فك السير الكاتينة كشف على طلمبة الميه لقى فيها خشانة فأقترح تغييرها تحسبا لتلفها او انها تضرب فجأة

الراجل غير السير و البليتين و كانت المفاجأة كبرى و هى ترحيل السير القديم بمقدار سنتين ، الراجل قالى لى على الكلام دا و قال لى العربية هتفرق كليا و جزئيا فى السحب (ان شاء الله)

لما قال لى على موضوع الكاتينة تذكرت على الفور أحمد غلوش بالحرفيين وريته العربية اول ما جبتها قالى ترتيلة العربية دى مش عاجبانى (من غير ما يفك !!!) و سألنى غيرت سير الكاتينة و لا لأ

بعدها قام بتنظيف سير المجموعة (الخاص بالدينامو و الباور و التكييف) و قال لى مش لازم اغيره لانه لو اتقطع ممكن يتغير و خطورته محدودة اما الكاتينة فحتى لو العربية مرفوعة و عدى سنتين عليه او 60 الف كيلو يبقى لازم تغيره ، و دى ميزة فى الراجل دا ، على عكس العسكرى لما رحت له وواحد صنايعى عنده قال لى الاستبر محتاج تغيير لانه مش أصلى و كان قدامى واحد استيراد يا ريت كنت لحقته و غرمنى واحد جديد و لغاية دلوقتى القديم زى الفل (magneti marelli) و ما ركبتش الجديد بناء على توصية الراجل المحترم بتاع الزاوية

المهم الراجل غير السير و البليتين و طرمبة المياة و نظف سير المجموعة و البوابة و غير البوجيهات و ملينا مياه خضرا جديدة تااااااااانى

بعدها غير زيت الفتيس ، طبعا اللى نازل لونه بنى و قال لى دا تقريبا شايط ، صورته بس مش معايا كبل ارفع الصور على النت ، الجديد لونه زى زيت الذرة على برتقالى شوية و حطيت 4 لتر

بعدها كشف على مفتاح ال Multi Switch لقى مقاومته بعيدة و قال لى محتاج تغيير لان معدل مقاومته 4 و لما يبقى 14 يبقى ضعيف و بتاعك قارىء 47

و بالنسبة لحساس السرعة اللى ساعات بيتعطل .قرص على السلك بتاعه كويس

كشف برضه على تيل الفرامل "الأصلى" و ما عداش عليه 10 آلاف كيلو قرب ينتهى (فكرنى ببتوع ال301)

مصنعيته معقولة جدا

دورت بسم الله لقيت عربية تانية شغالة على السبورت موود لوحدها من غير ما تدوس زرار ال S

للاسف لسة عندى مشكلة دبة فى الفتيس عند وضع ال R (http://www.nilemotors.net/Nile/38893...post3875279705) غيرت زيت و قاعدة ، ناقص اشوف الضغوط بتاعة الفتيس لانه مش عنده جهاز قرايات أو تكون مشكلة تانية بعيدة عن الكلام دا

و التكييف كل فيوزاته سليمة بس مش بيلقط غير لما يتعمل restart للعربية و اكتر من كهربائى مش عارف ايه السبب[
الاخ العزيز..م احمد.....بخصوص التكييف اذا كانت الفيوزات سليمه ...فبرجاء الكشف علي حساس الحرارة الداخلي في الكابينة...وغالبا ميكون لونه بني فاتح وطوله في حدود 8سم وموجود خلف الكونصول تحت التابلوه...يعني خلف الكاسيت من اسفل.....وايضا الكشف علي حساس الضغط للتكييف والمتواجد بجوار البطارية.......اخر حاجه يوج فيوز في مجموعة الpsiالمتواجده اسفل التابلوه......لن يخرج العيب عنهم بالتدريج اذا سلمنا جدلا وجود شحنة134 مضبوطة الضغوط في الدائرة..............وان شالله التكييف يتصلح
....اذا اردتم يمكن شرح تفصيلي عن اهم اعطال التكييف ومعالجتها وعيوبها الشائعة
م-احمد غلوش

[م أحمد]

الاخ العزيز..م احمد.....بخصوص التكييف اذا كانت الفيوزات سليمه ...فبرجاء الكشف علي حساس الحرارة الداخلي في الكابينة...وغالبا ميكون لونه بني فاتح وطوله في حدود 8سم وموجود خلف الكونصول تحت التابلوه...يعني خلف الكاسيت من اسفل.....وايضا الكشف علي حساس الضغط للتكييف والمتواجد بجوار البطارية.......اخر حاجه يوج فيوز في مجموعة الpsiالمتواجده اسفل التابلوه......لن يخرج العيب عنهم بالتدريج اذا سلمنا جدلا وجود شحنة134 مضبوطة الضغوط في الدائرة..............وان شالله التكييف يتصلح
....اذا اردتم يمكن شرح تفصيلي عن اهم اعطال التكييف ومعالجتها وعيوبها الشائعة
م-احمد غلوش[/QUOTE]

باشمهندس أحمد .....متشكر جدا لرد حضرتك و سعيد بكتابتك ، ولو فيه فرصه هزوغ بالعربية من أبويا و أجيلك