تحذير بيجو 301...كارثة على الطريق

[Adnfalcon]

Ashraf Fawzy .. والله ما قصرت
كلامك درر

[MemO_KinG]

استاذ اشرف ممكن رقم حضرتك
و هل في ازعاج لو كلمت حضرتك دلوقتي بحيث اني ارتب كل الامور دي قبل ماروح التوكيل الساعة 8 الصبح؟

[omar101970]

والله انتا اكتر من رائع يا استاذ اشرف
تمنياتى لصاحب الموضوع بحل المشكله وما ضاع حق وراءه مطالب

[akmm]

والله الواحد مش عارف يقول ايه ................... توكيلات زباله ولاتتعامل مع الناس الا بكل قله ادب .

[mohamed elhawy]

بسم الله الرحمن الرحيم و السلام عليكم

بجد أنا بدعى ربنا ان ماحدش يتعرض للموقف اللى انا اتعرضتله

بإختصار ضغطت فرامل و العربية لم تستجيب إطلاقاً

الحكاية...:
انا كنت متردد ما بين شراء اكتر من نوع بالقسط و كنت ناوى اجيب عربية سواء كروز او مازدا 3 او النترا او شارك

بس لما حسبتها و لقيت ان القسط هايبقى عالى اوى قلت اجيب بيجو 301 امشى نفسى بيها سنة او اتنين لحد ماقدر اجيب حاجة عالية

المهم استلمت العربية من معرض الليثى بمدينة نصر و عشان قسط فا متأمن عليها تأمين شامل غير الضمان

و عما رخصت و كده عملت بالعربية حوالى 210 كيلو و كنت معجب جداً بأدائها و مناوراتها و استجابة الفرامل على الطريق

"ملحوظة العربية مانيوال"

المهم نيجى للقصة بقى....:
اخدت زوجتى و اخواتى البنات و رايح اتفسح فى مدينة الشيخ زايد و قضينا يوم جميل و العربية ماخذلتنيش ابدا و انا رايح
و خلصنا فسحتنا و ركبنا و راجع الجيزة و اخترت طريق اسكندرية الصحراوى المتجه للرماية

دخلت نفق حازم حسن و كنت ماشى على سرعة 70 كيلو و لقيت مطب من بعيد و قدامى عربية رينو لوجان

بدأت اضغط ببطء على الفرامل فحسيت ان العربية على سرعتها و مابتقلش
زودت الضغط لقيت نفسى قربت جداً من المطب و لقيت انى هالبس فى اللوجان

قمت كابس فرامل على الآخر لقيت العربية رعشت جامد زى الفايبريشن و لم تهدأ السرعة إطلاقاً قمت كاسر شمال جنب الرصيف و لسوء الحظ بتاع اللوجان اللى قدامى راح كاسر شمال معايا
قمت لابس فيه

اول حاجة نزلت ابص على عربيته لاقيته بسم الله ما شاء الله عربيته ماتخربشتش خربوش الا ان الاكصدام الخلفى بتاعه من الجانب اليمين الشفة بتاعته خرجت حوالى 4 سم من مكانها

بصيت على عربيتى و لقيت الآتى.....
الكبوت اتطبق من قدام لجوا حوالى 10 سم
الشبكة الامامية اتعوجت جامد
الفانوس الشمال اتكسر من الخلف انما من قدام سليم و الفانوس التانى سليم
الرفرفين اتعوجو عوجة بسيطة جداً من الاطراف و الاكصدام سليم
ده بالنسبة من بره
من جوه بقى ماعرفتش افتح الكبوت لانه اتحشر جامد بس مبدئيا مياه الريدياتير كلها وقعت عالأرض و معرفش ايه تانى هكتشفه فى التوكيل

المهم انا طبعا ماينفعش امشى بالعربية عشان كده الريدياتير فاضى فا كلمت ونش جالى و نقلنى على توكيل بيجو ابو رواش

و كلمت المعرض و مندوب البنك و بعض الاصدقاء و مخوفنى من جزئية انى اقدر اثبت ان الغلطة مش غلطتى عشان التأمين يتكفل بالموضوع

و لسه الصبح بإذن الله هروح الساعة 8 قبل ما المهندس يروح عشان مايحصلش اى تلاعب و عشان اشوف التقرير هيقول ايه

انا بصراحة مش عارف اعمل ايه و بغض النظر عن اى شئ بس انا بقيت خايف اركب العربية دى تانى عشان انا سفرى كتير عالزراعى و خايف يتكرر موقف زى ده ممكن يبقى مؤذى او مميت

لأن صعب جداً واحد يركب عربية و يتخيل انه ممكن يدوس على الفرامل و العربية ماتستجيبش خصوصا انها عربية زيرو

ياريت كل ملاك العربية دى يحذروا من الموقف ده جيداً و يكشفوا على عربياتهم عشان لا قدر الله مايحصلش لحد غيرى

و ياريت لو حد يتفهم موضوعى ده و ينصحنى لو عنده خبرة بالوكلاء و التأمين لانى لاول مرة بركب عربية زيرو و متأمن عليها و لاول مرة بصلح فى توكيل انما انا بسوق بقالى اكتر من 10 سنين بس كنت دايما بجيب عربيات مستعملة و بصلح عادى عند اى ميكانيكى و الحمد لله لم يقابلنى اى موقف صعب زى ده

بجد احذروا جيداً من العربية

و انا ان شاء الله بكره هوافيكم بالمعلومات الجديدة من التوكيل و هصورلكم العربية و هنزل الصور عشان الكل يعرف الموضوع كويس

و ان كانت بسيطة المرة دى ممكن تواجه شخص آخر و لكن بكارثة ممكن تسبب أذى قوى جداً

أسف على الإطالة و شكراً

حزاري يا استاذي انك تسيب حقك
اوعا يقنعووووووك ان فيه عيب فيك او عيب سواقه اوعا
العربيه لسه جديده يعني لو فيها الهوا يبقا عيب صناعه والمفروض محدش يشتغل فالعربيه خالص وكمان متسيبهاش فالتوكيل عندهم خالص
علشان ميغيروش من الوضع الحالي حاجه
وزي ما قالك اشرف كدا
اعمل محضر فالقسم وخد صوره منه واطلع علي جهاز حماية المستهلك واطلع كمان علي النيابه
اصرارك علي دا هو ال هيجيبلك حقك
ربنا يعينك ويقويك عليهم دول
ولازم تطمنا اكيد

[mohamed elhawy]

أولاً ألف حمد لله على سلامتك و سلامة الأسرة

طبعاً حاجه زى دى مافيش سكوت عليها لو فى أى مشكلة فى العربية ناتجه عن عيب صناعة - وده شئ وارد الحدوث فى أى سيارة أياً كان ماركتها - لكن المهم إنك تقدر تثبت كده عشان تاخد حقك, ياترى عملت محضر بالواقعة عشان التأمين و معاك بيانات صاحب الرينو اللى خبطت فيه.

طبعاً التوكيل هايحاول بكل طاقته يرمى المسؤلية عليك - دى طبيعة التوكيلات عموماً و فى مصر خصوصاً - فطالما إنك متأكد من كل اللى إنت قولته, يبقى تصر على موقفك و تعمل محضر بالواقعة و يوصل الأمر لجهاز حماية حقوق المستهلك و النيابة.

* حذارى إنهم يركبوك الغلط و يستفزوك و يخلوك تتطاول عليهم, و إلا حقك ممكن يضيع.


فى التوكيل هايتعامل معاك بكل ثقة إن الغلطة غلطتك بصورة أو بأخرى, و مش هايرضى يعملك تقرير فنى و يقولك عايز تقرير إنزل صلاح سالم و إتصل إشتكى بـ 19207 و هايسيبك تزعق و تنفعل لغاية ماتقبل بالأمر الواقع و يعملك تخفيض فى تكاليف الإصلاح, قال إيه حركة جدعنه منه.

إنزل بكره معاك حد معاه عربية, وإتصل بشركة بيجو على 19207 و قدم شكوى بالواقعة و قولهم إنك عايز تقرير فنى بحالة الفرامل و أجزاء الفرامل (ده بعد ما هايرفضوا فى المركز يعملولك تقرير), و تخليك معاهم فى الورشه و على إيديهم, يفضل يبقى معاك أكتر من واحد عشان حد يفضل فى التوكيل و عينه على عربيتك عشان لو الأمر إستدعى إنك تروح تعمل محضر فى القسم لرفض التوكيل عمل تقرير فنى.

حاول ماتنفعلش كتير, أطلب تقرير, قالك مافيش تقرير, قله عايز أقابل مدير المركز - المهندس ماهر - هايقابلك و يقولك مافيش تقرير و عليك و على 19207 و صلاح سالم, بكل هدوء قوله و أنا طالع أعمل محضر فى القسم, هايعملوا نفسهم كلهم ثقة, ولا يهمك و لا تضايق نفسك, أطلع إعمل محضر برفض تقديم تقرير فنى, ويفضل يبقى معاك رقم المحضر اللى عملته لما خبطت فى الرينو.

و أطلع على جهاز حماية حقوق المستهلك - فى القرية الذكية جنب أبو رواش على طول - و قدم شكوى فيهم.

خلاصة الكلام, لو إنت فعلاً على حق, ماتسيبش حقك, و ماتزهقش, ومايغركش الثقة الكدابة اللى على باطل.

طبعاً مستنين منك الصور و البيانات أول بأول, و خلى حد من اللى رايحين معاك يصور حديثك معاهم بالموبايل عشان يبقى دليل إثبات لو رفضوا يقدموا تقرير فنى بسبب المشكلة.

الحمد لله إن ربنا سترها عليك, و ربنا يوفقك فى مسعاك و إحنا معاك طالما إنت على حق.

الله ينور عليك يا شهاوي يا خويا

[pharonicking]

انا بسمع كلام لاول مرة اسمعه "" فرامل تهرب "" دى محصلتش فى ال128 بتاعت زمان""؟
هى البيجو دى مصنوعة فين "" تحت السلم"
اوعى تسيب حقك "" الوكلاء بيستوردوا اسوا سيارات عشان مفيش عندنا مواصفات " تضمن حقوق المستهلك"
ربنا معاك دى حاجة صعبة جدا""

[wella3330]

هقول ايه بس التوكيل سايب مشاكل العربيات و عامل مسابقة "Peugeot Egypt Selfie Campaign" في FB و حتي بطل الادمن يرد علي اسئلة و استفسارات اعضاء الصفحة بخصوص حلول للمشاكل !!

يعني تتصور جمب العلامة و تبعت صورك علشان تكسب ,لول

صاحب الموضوع : ربنا يصبرك و يعوض عليك وزي ما تكرم باقي الاعضاء اتمسك بحقك للنهاية.

تحياتي

[amr011111]

والغريب برضه ان ليه الايرباج مفتحش هل مكنتش لابس حزام الامان

[SYD]

الف حمدلله علي السلامة
وقدر الله وماشاء فعل

انا شغلي في أكتوبر وبيتي في الهرم
فأحياناً بروح من نفس الطريق دة

اولا خلينا نحلل الموقف ونقول مين غلطان ومين مش غلطان

الطريق دة منحدر جامد جامد جامد
مهما حملت علي الفرامل - العربية مش بتقف
احياناً (وبصراحة غالباً) بيكون في رمل علي جانبي الطريق وحضرتك بتقول انك روحت اخر الشمال
حضرتك علي حد قولك بتقول معاك المدام وأخواتك

وبناء علي ما سبق ذكره
العربية محملة علي الأقل 4 أشخاص بالغين
الطريق منحدر قوي جداً
رملة ناعمة علي الطريق

الabs اشتغل وانت حسيت بالvibreation

اعتقد الغلط عندك

انا شخصياً رغم مروري من هذا الطريق مئات المرات وعارف وحافظ ملفاته ومطباته الا ان احياناً الفرامل بتخوني وبلبس اول مطب (لأنهم سلسلة مطبات ورا بعض بالظبط 3 مطبات وبعدهم علي مسافة 500 متر كمان 3 مطبات اقل حدة منهم)

علي فكرة انا متعاطف معاك 100% ومش شغال في توكيل بيجو او في شركة التأمين
ولكن انا بقول تحليلي للموقف علشان محدش تاني يتغر في عربيته ويقول دة عيب فردي ويدخل نفس النفق بنفس السرعة ويعتمد علي فرامله

انت ممكن تشكك في الAbs انه ازاي يمسك وازاي العربية تزحف (الا لو علي حظك كان اشتغل علي اخر لحظة وبالتالي مش هيلحق يوقفك)

ربنا معاك ويعينك

تحياتي والف سلامة مرة تانية

[MemO_KinG]

الف حمدلله علي السلامة
وقدر الله وماشاء فعل

انا شغلي في أكتوبر وبيتي في الهرم
فأحياناً بروح من نفس الطريق دة

اولا خلينا نحلل الموقف ونقول مين غلطان ومين مش غلطان

الطريق دة منحدر جامد جامد جامد
مهما حملت علي الفرامل - العربية مش بتقف
احياناً (وبصراحة غالباً) بيكون في رمل علي جانبي الطريق وحضرتك بتقول انك روحت اخر الشمال
حضرتك علي حد قولك بتقول معاك المدام وأخواتك

وبناء علي ما سبق ذكره
العربية محملة علي الأقل 4 أشخاص بالغين
الطريق منحدر قوي جداً
رملة ناعمة علي الطريق

الabs اشتغل وانت حسيت بالvibreation

اعتقد الغلط عندك

انا شخصياً رغم مروري من هذا الطريق مئات المرات وعارف وحافظ ملفاته ومطباته الا ان احياناً الفرامل بتخوني وبلبس اول مطب (لأنهم سلسلة مطبات ورا بعض بالظبط 3 مطبات وبعدهم علي مسافة 500 متر كمان 3 مطبات اقل حدة منهم)

علي فكرة انا متعاطف معاك 100% ومش شغال في توكيل بيجو او في شركة التأمين
ولكن انا بقول تحليلي للموقف علشان محدش تاني يتغر في عربيته ويقول دة عيب فردي ويدخل نفس النفق بنفس السرعة ويعتمد علي فرامله

انت ممكن تشكك في الabs انه ازاي يمسك وازاي العربية تزحف (الا لو علي حظك كان اشتغل علي اخر لحظة وبالتالي مش هيلحق يوقفك)

ربنا معاك ويعينك

تحياتي والف سلامة مرة تانية

لا يا سعادة الباشا اللى حصل كالآتى

انى نزلت نفق حازم حسن و طالع من النفق و انا على سرعة لا تتجاوز ال90 و شايف المطب من على بعد و شلت رجلى من البنزين و العربية هديت لحد سرعة 60 كان المفروض لو الفرامل سليمة ان العربية تقف بكل سهولة و على فكرة لو مكانش فى مطب يجبر اللى قدامى على الوقوف انا ماكنتش هخبط فيه اطلاقا عشان المسافة بينى و بينه كبيرة و سرعتى مش عالية و اكبر دليل على ان السرعة مش عالية ان الخساير مش قوية اوى و اكبر دليل انى ضغطت فرامل هو رعشة الabs و بالرغم من كده العربية واخدة سرعتها تماما بدون اى وقوف برغم انى لما لقيت مصيرى انى هلبس قمت ضاغط عالآخر و اعتقد انك لو راكب عربية خنفسة و ضغطت عالاخر عالسرعة دى كنت هتقف

انما دى مشكلة فى العربية بل كارثة

و انا لا احمل نفسى اى لوم اطلاقا سوى انى مااحسنتش التصرف بانى استخدم هاندبريك او انقل سرعة اقل

غير كده انا كنت فى منتهى التركيز و قمة الانضباط و انا لو غلطان كنت هروح اى قسم و اقول حد خبطنى و جرى و ماكنتش هعمل قصة

و مايهمنيش اصلا العربية كلها فى داهية بس فى نظرى ان تسيب الفرامل ده كارثة و لو اتكرر عالطريق السريع او فى موقف اصعب هتبقى الخساير اكبر ممكن تودى بحياة انسان

الرد الجاى هيكون فيه موقفى مع الوكيل الصبح هرفعلكم صور

[dozo]

لله الامر من قبل و من بعد ...
معقوله فيه فرامل كده ... ده اهم حاجه فى الاروبى عامه وسائل الامان اللى بتيجى على حساب الكماليات كمان دى فيها مشكله ... ارجو من صاحب الموضوع موافاتنا باخر التطورات و ربنا معاك .

[MemO_KinG]

روحت الصبح التوكيل فى ابو رواش بما انى كنت راكن العربية قصاد الاستقبال امبارح و عما وصلت التوكيل الساعة 9 و ربع الصبح لاقيت المهندس ريموس بيتصل عليا بيقولى انت فين قلتله انا قصادك فا قابلته و حسيت ان العربية ملعوب فيها لانى لقيت العربية مش على وضعها و الازاز و المهندس واقف قصادها و كده

فا انا كنت مبلغ العيال بتوع الامن بالمشكلة لما وصلت بالليل و ماحدش يلومنى و يقولى قلتلهم ليه لانى كنت متوتر جداً و دماغى كانت مش فيا

المهم قالى خير قلتله حصل كذا كذا قالى لالا اكيد انت اللى كنت سرحان او ماشى بسرعة قلتله يا باشا لو انا سرحان او ماشى بسرعة كانت الصدمة هتبقى اكبر بكتير

قلتله و فى دليلين على انى كنت دايس فرامل اول حاجة انى حسيت برعشة جامدة و اكتشفت انه الايه بى اس و ده اكبر دليل انى كنت دايس فرامل

و انى لو كنت دوست بنزين ماكنتش هحس بالرعشة و كانت العربية هتجرى و العربية دى ما شاء الله بتشم البنزين فا كنت هلبس لبسة محترمة كان ممكن اجيب فيها موتور

قلتله و بعدين حضرتك لو طلعتلى تقرير بيقول ان الفرامل دى سليمة فا ده فى حد ذاته كارثة كبيرة هتخوفنى انى اركب العربية دى تانى

قالى بص احنا بنضمن سلامة عملائنا و العربية سليمة و العيب فيك و قالى حتى تعالا نجرب و خد العربية جربها و اشتغلت من غير مشاكل

المهم يمين شمال الراجل خلاص هو و اللى حواليه اتلموا و كلهم فى نفس واحد انت اللى غلطان لدرجة انى كنت هصدق

قلتله طب اكشفلى على العربية بالكامل و على كامل اجزاء الفرامل قالى مش هكشف الا لما تعمل محضر و تجيلى

طبعا بغض النظر عن الاسلوب المستفز و اللى مافيهوش ريحة الاحترام من معظم الموظفين

بس قلتله طيب غيرلى خرطوم الريدياتير عشان اقدر اروح بيها القسم

غيره و اتكلف 120 جنيه و اخدت منه غطاء الكنترول و روحت البيت و لسه بفكر اعمل ايه

لتانى مرة بقول و هقولها لنفسى قبلكم
لو طلعلى تقرير بإن الفرامل سليمة مش محتاجة اى صيانة تبقى كارثة لانى واثق بنسبة 100% من نفسى لحظة الحادث

ارجو التفاعل قبل ما حد يحصل معاه زيى و لا قدر الله يكون الضرر صعب مايتعوضش بالفلوس

[MemO_KinG]

دلوقتى بقى انا فى قمة الحيرة بسبب موضوع ان الفرامل مافهاش مشكلة دى

فى ناس بتقولى روح اعمل محضر بان حد فرمل عليك و انت خبطت فيه و جرى حتى المهندس موريس ده نفسه قالى كده قالى روح اعمل المحضر و قول كذا كذا

و بالرغم من ان لو ده حصل يبقى برضه الفرامل ماتصلحتش و هبقى متعرض فى اى لحظة ان يواجهنى الموقف ده تانى ممكن اخسر فيه اكتر من المرة دى

محتاج اراء الناس الخبرة اوى اوى فى المواضيع دى عشان انا محتار حيرة قذرة

لدرجة انى فكرت انى اروح اجيب كبوت استيراد و اكسر الضمان و اصلحها على حسابى و هوفر الآلاف اللى بتضيع فى التوكيل الحرامى

قولولى اعمل ايه

[a7m8n]

دلوقتى بقى انا فى قمة الحيرة بسبب موضوع ان الفرامل مافهاش مشكلة دى

فى ناس بتقولى روح اعمل محضر بان حد فرمل عليك و انت خبطت فيه و جرى حتى المهندس موريس ده نفسه قالى كده قالى روح اعمل المحضر و قول كذا كذا

و بالرغم من ان لو ده حصل يبقى برضه الفرامل ماتصلحتش و هبقى متعرض فى اى لحظة ان يواجهنى الموقف ده تانى ممكن اخسر فيه اكتر من المرة دى

محتاج اراء الناس الخبرة اوى اوى فى المواضيع دى عشان انا محتار حيرة قذرة

لدرجة انى فكرت انى اروح اجيب كبوت استيراد و اكسر الضمان و اصلحها على حسابى و هوفر الآلاف اللى بتضيع فى التوكيل الحرامى

قولولى اعمل ايه

والله ياباشا انت ربنا معاااك وانا من ساعه ماوعيت على العربيات وانا بسمع عن توكيل بيجو حاجات زى الزفت وانا مش متخيل ازاى واحد فى التوكيل يبقى مستفز كده فى ردوده ولا التوكيل يصدر سمعه زى الزفت لعربياته بالشكل ده بس انا انصحك بالاتى:
1- روح يافندم اعمل محضر فى الاسم ولو قدرت ترفع قضيه عليهم ارفع مادام حضرتك متأكد انك مش غلطان والعربيه فيها مشكله
2-حضرتك برده اطلع على جهاز حمايه المستهللك واشتكيهم
3- حضرتك برده ابعت ميل لبيجو الام واشرحلهم اللى حصل معاك والمعامله السيئه اللى انت شفتها
4- حضرتك متستلمش العربيه الا بورقه يقولو فيها ان الفرامل مضبوطه ومفيهاش مشاكل
متسكتش ياباشا على حقك للان للاسف هم مش حيتعدلو الا بالطريقه دى والا حيعملو القصه دى مع غيرك وغيرك ده فضلا على حكايات والله بسمعها عن توكيل بيجو زى الزفت
انا كنت ناوى اشترى بيجو 2008 الجديده انما زمايلى فى الشغل هنا نصحونى ابعد وربنا معااك ياباشا وتاخد حقك